Loading...
Туршилтын амьтанд өдөөсөн архаг сульдлын эмгэг загварт Иммунофлю эмийн үрэвслийн цитокинд үзүүлсэн зарим үр дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
186
End Page
191
ISSN
2959-6947
Хураангуй
Үндэслэл: Архаг сульдлын хам шинж (CFS) нь анагаах ухаанд одоогоор бүрэн тайлбарлагдаагүй эмгэг ба шалтгаан тодорхойгүй, эмнэлзүйд бие сульдаж ядрах, бага зэрэг халуурах, булчингаар өвдөх, толгой эргэх, сэтгэл санаа хямрах, мартамхай болох, нойр сэргэг болох зэрэг шинжээр илэрдэг эмгэг юм. Шинж тэмдгүүд нь бие махбод, оюун санааны ачааллын үед улам дорддог боловч амрах үед бүрэн сайжирдаггүй ба одоогоор анагаах ухаанд архаг сульдлыг эмчлэх үр дүнтэй батлагдсан эмчилгээ дутагдалтай байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Мана-4 тангаас технологийн шинэчлэл хийн гарган авсан Иммунофлю эмийн архаг сульдлын үед үзүүлэх нөлөөг судлан тогтоох. Арга, аргачлал: Бид Бид Jia Wang, Chengxin Sun (2013) нарын аргаар архаг сульдалын эмгэг загвар үүсгэн сийвэнгийн IL-1β, IL-2, IL-5, IL-10, IL-17a цитокины хэмжээг ELISA аргаар, цөхрөлийн төлөвийг “Албадан сэлэлтийн сорил” (Forced swim test) сорилоор үнэлэн Иммунофлю эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд сийвэнгийн интерлейкин (IL) IL-1β, IL-2, IL-5, IL-10, IL-17a цитокины хэмжээ, “Албадан сэлэлтийн сорил” (Forced swim test) сорилоор цөхрөлийн төлөвийг үнэлсэн. Харханд албадан сэлэлтээр өдөөсөн архаг сульдалын эмгэг загварт сийвэнгийн IL2 үзүүлэлтэд Иммунофлю эмийн бүлгийг эмгэг хяналтын бүлэгтэй харьцуулахад 100 мг/кг тундаа 23.8%иар, Иммунал 50 мг/кг тундаа 23.3%-иар тус тус статистик магадлалтай нэмэгдүүлсэн(p<0.05). Мөн IL17a цитокины хэмжээнд Иммунофлю эмийн бүлгийг эмгэг хяналтын бүлэгтэй харьцуулахад 200 мг/кг тундаа 23.7%-иар бууруулсан байна. Албадан сэлэлтийн сорил (Forced swim test) -оор амьтны хөвөх төлвийг үнэлэхэд Иммунал 50 мг/кг (52.03±9.3 сек) тунгаар өгсөн бүлгийг эмгэг хяналтын бүлэгтэй харьцуулахад 31.6%-иар (*p=0.038), Иммунофлю 100 мг/кг (49.19±8.54 сек) тунгаар өгсөн бүлэг 35.3%-иар (*p=0.01) тус тус бууруулсан бол бусад бүлэгт статистик магадлал бүхий ялгаа илрээгүй. Дүгнэлт: 1. Архаг сульдалын эмгэг загварын үеийн сийвэнгийн цитокины хөдлөл зүйд IL2 хэмжээнд Иммунофлю эм 100 мг/кг тундаа 23.8%-иар нэмэгдүүлж дархлааг дэмжиж байна. Мөн IL17a цитокины хэмжээнд Иммунофлю уламжлалт эмийн 200 мг/кг тундаа 23.7%-иар бууруулж үрэвслийн эсрэг нөлөөтэй байна. 2. Албадан сэлэлтээр өдөөсөн архаг сульдалын эмгэг загварт Иммунофлю уламжлалт эм 100 мг/кг тундаа 35.3%-иар амьтны цөхрөл, сульдлыг бууруулж байна.
Background: Chronic Fatigue Syndrome (CFS) is a poorly understood disorder of unknown etiology, characterized by clinical manifestations including physical exhaustion, low-grade fever, myalgia, dizziness, mood fluctuations, cognitive impairment, and sleep disturbances. CFS is highly prevalent and frequently comorbid with psychiatric conditions, particularly depression and anxiety. Symptoms exacerbate during physical or mental exertion and do not completely resolve with rest. Currently, there is a lack of proven, effective pharmacological treatments for CFS. Therefore, this study aimed to investigate the anti-fatigue effects of Immunoflu. Aim: To evaluate the anti-fatigue effects of Immunoflu, a technologically modernized formulation derived from the traditional Mana-4 decoction. Materials and Methods: A chronic fatigue rat model was established using the forced-swim protocol described by Jia Wang and Chengxin Sun (2013). The pharmacological effects of Immunoflu were evaluated by quantifying serum levels of cytokines (IL-1β, IL-2, IL-5, IL-10, and IL-17a) by ELISA and assessing behavioral despair using the forced swim test (FST). Results: We evaluated how Immunoflu affects the chronic fatigue model at doses of 100, 200, and 400 mg/kg by measuring serum levels of IL-1β, IL-2, IL-5, IL-10, and IL-17a and assessing despair using the “Forced swim test”. In the forced-swimming-induced chronic fatigue model in rats, Immunoflu at a dose of 100 mg/kg increased the serum IL-2 indicator by 23.8%, and Immunal at a dose of 50 mg/kg increased it by 23.3% compared to the model control group, a statistically significant difference (p < 0.05). Furthermore, Immunoflu at 200 mg/kg reduced IL-17a cytokine levels by 23.7% compared with the model control group. When evaluating the swimming state of the animals with the Forced swim test, the group given Immunal 50 mg/kg (52.03±9.3 sec) decreased by 31.6% (*p=0.038), and the group given Immunoflu 100 mg/kg (49.19±8.54 sec) decreased by 35.3% (*p=0.01) respectively compared to the model control group, while no statistically significant difference was observed in other groups. Conclusions: 1. Immunoflu at 100 mg/kg demonstrates immunostimulatory effects in a chronic fatigue model by increasing serum IL-2 levels by 23.8%. Additionally, at 200 mg/kg, it exhibits anti-inflammatory properties, reducing IL-17a levels by 23.7%. 2. In the forced-swimming model, Immunoflu at 100 mg/kg effectively reduced behavioral despair and physical fatigue by 35.3%.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1708
Эшлэл
Б.Анхбаяр, Б.Дэжидмаа, Ч.Эрдэнэчимэг, А.Ану, Ч.Чимэдрагчаа, П.Молор-Эрдэнэ. Туршилтын амьтанд өдөөсөн архаг сульдлын эмгэг загварт Иммунофлю эмийн үрэвслийн цитокинд үзүүлсэн зарим үр дүн. Эрүүл мэндийн шинжлэх ухаан. 2026;22(5):186-191.