Loading...
Шүдний эмч нарын дунд ажлын байрны сэтгэл ханамжийг судалсан дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
263
End Page
266
ISSN
2959-6947
Хураангуй
Үндэслэл: Шүдний эмчийн ажлын байрны стресс нь хувь хүний сэтгэцийн эрүүл мэнд болон ажлын бүтээмжид шууд болон шууд бусаар нөлөөлдөг. Энэ нь цаашлаад үйлчлүүлэгчийн сэтгэл ханамж, үйлчилгээний чанар, байгууллагын хүний нөөц, тогтвортой хөгжилд нөлөөлөх чухал хүчин зүйл болдог. Монгол улсад хийгдсэн зарим судалгаанаас харахад эрүүл мэндийн салбарт ажиллаж буй эмч нарын ажлын ачаалал, цалин хөлсний түвшин, орон нутгийн хүний нөөцийн дутагдал нь тухайн байгууллагад тогтвортой ажиллахад нөлөөлж буйг дурдсан боловч шүдний эмч нарыг тусгайлан оролцуулсан судалгаа дутагдалтай байгаа нь энэхүү судалгааг хийх үндэслэл болсон. Зорилго: Шүдний эмч нарын дунд ажлын байрны сэтгэл ханамжийг үнэлэх, түүнд нөлөөлж буй зарим хүчин зүйлсийг судлах. Арга, аргачлал: Энэхүү судалгааг аналитик судалгааны агшингийн загвараар Монгол улсын төрийн болон хувийн хэвшлийн шүдний эмнэлэгт нүүр амны мэргэжлийн тусламж үйлчилгээ үзүүлж буй нийт 98 шүдний их эмчийг хамруулан цахим хэлбэрээр асуумжийг цуглуулав. Ерөнхий мэдээлэл болон ажлын байрны нөхцөл, сэтгэл ханамжийг үнэлэх 3 бүлэг 30 асуулт бүхий асуумжийг ашиглан үр дүнг Microsoft Excel, SPSS-31.0 программаар боловсруулан гаргав. Үр дүн: Судалгаанд оролцсон нийт эмч нарын сэтгэл ханамж 3.68±0.77 дунджаас дээш үнэлэгдсэн. Судалгааны үр дүнгээс харахад ажлын байрны тав тух (r=0.570), хамт олны харилцаа (r=0.560), цалин (r=0.501), удирдах ажилтны мэргэжлийн ур чадвар (r=0.484), мэргэжлээрээ өсөж дэвших боломж (r=0.482) зэрэг хүчин зүйлүүд нь сэтгэл ханамжийн байдалтай статистикийн ач холбогдол бүхий эерэг хамааралтай байв (p<0.001). Ажлын ачаалал нь сэтгэл ханамжтай статистикийн ач холбогдол бүхий хамаарал үзүүлээгүй (p>0.05). Мөн судалгааны дүнгээс харахад мэргэжлийн ур чадвараа дээшлүүлэхэд үзүүлэх байгууллагын дэмжлэгийн үнэлгээ харьцангуй бага байна (1.87±0.86). Дүгнэлт: 1. Ажлын байрны тав тух, хамт олны харилцаа, цалин хөлс, удирдах ажилтны ур чадвар болон мэргэжлээрээ өсөж дэвших боломж зэрэг хүчин зүйлс нь шүдний эмч нарын ажлын байрны сэтгэл ханамжтай статистикийн ач холбогдол бүхий эерэг хамааралтай байсан (p<0.001). 2. Шүдний эмч нарын дунд ажлын байрны сэтгэл ханамжийн түвшин дунджаас дээш (3.68±0.77) үнэлэгдсэн.
Background: Occupational stress among dentists has both direct and indirect effects on individual mental health and work productivity. Furthermore, it is a critical factor influencing patient satisfaction, quality of care, human resource stability, and the sustainable development of healthcare organizations. Aim: To assess job satisfaction among dentists and to identify selected factors associated with it. Materials and Methods: This analytical cross-sectional study included a total of 98 dentists providing oral healthcare services in both public and private dental clinics in Mongolia. Data were collected using a structured questionnaire administered via Google Forms. The questionnaire consisted of 30 items across three sections, covering general information, working conditions, and job satisfaction. Data were analyzed using Microsoft Excel and SPSS version 31.0. Results: The overall job satisfaction score among participating dentists was above average (3.68±0.77). The findings revealed that workplace comfort (r=0.570), colleague relationships (r=0.560), salary (r=0.501), managerial professional competence (r=0.484), and opportunities for professional advancement (r=0.482) were significantly and positively correlated with job satisfaction (p<0.001). Workload did not show a statistically significant association with job satisfaction (p>0.05). Notably, the level of satisfaction regarding institutional support for professional skill development was relatively low (1.87±0.86). Conclusions: 1. Factors such as workplace comfort, colleague relationships, salary, managerial competence and opportunities for professional advancement showed a statistically significant positive correlation with job satisfaction among dentists (p < 0.001). 2. The level of job satisfaction among dentists was assessed as above average (3.68±0.77).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1722
Эшлэл
С.Батцэцэг, Ц.Хонгорзул, Н.Бямбасоёл, М.Энхжаргал, Ж.Үржинлхам. Шүдний эмч нарын дунд ажлын байрны сэтгэл ханамжийг судалсан дүн. Эрүүл мэндийн шинжлэх ухаан. 2026;22(5):263-266.