Loading...
Элэгний хавдрын эсийн нүүн шилжилтэд флаваноны нөлөөг судалсан дүн
Зохиогч
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
267
End Page
269
ISSN
2959-6947
Хураангуй
Үндэслэл: Сүүлийн жилүүдэд байгалийн гаралтай зарим нэгдлүүд нь хавдраас урьдчилан сэргийлэх, хавдрын эхэн шатны эмчилгээнд ач холбогдол бүхий үр дүнтэй болохыг эрдэмтэд тогтоосон ба ургамал, хүнсний ногоо, үр, жимсний хальс зэрэгт агуулагдах полифенолт нэгдэл болох флаванонууд нь хавдрын эсрэг, хэт исэлдэлт, үрэвсэл болон бактерийн эсрэг био идэвхтэйг тодорхойлсон байна. Хавдар нь дэлхий дахинд эдийн засгийн болон нийгмийн эрүүл мэндийн тулгамдсан асуудал болоод байна. Дэлхийн Эрүүл Мэндийн Байгууллага (ДЭМБ)ын 2022 оны статистик мэдээллээс үзэхэд дөрвөн хүн тутмын нэг (22.8%) нь халдварт бус өвчний улмаас, зургаан хүн тутмын нэг (16.8%) нь хавдрын улмаас нас барж байгааг дурьдсан байна. Монгол улс дэлхийд элэгний хорт хавдрын өвчлөл, нийт хорт хавдрын нас баралтаараа тэргүүлж байна. Зорилго: Нарийн навчит цахилдгаас ялгасан флаваноны элэгний хавдрын эсийн нүүн шилжилтэд үзүүлэх нөлөөг судлах. Арга, аргачлал: Судалгааг АШУҮИС-ийн БиоАнагаахын Хүрээлэнг түшиглэн, флаванон (5,2’,3’-тригидрокси-6,7 метилендиоксифлаванон)-ы хавдрын эсийн нүүн шилжилтэнд үзүүлэх нөлөөг in vitro орчинд, эсгүй зурвас үүсгэх аргаар судлав. Судалгаанд элэгний хавдрын эс (HepG2)-ийг сэргээн, тогтворжуулан туршилтыг хийж гүйцэтгэв. Үр дүн: Бид элэгний хавдрын эсийг флаваноны 2.5 мкг/ мл концентрациар 24 цагийн турш үйлчлэн, эсгүй зурвас үүсгэх аргаар шинжлэв. Эсгүй зурвасыг 0.9 мм-ийн өргөнтэй үүсгэсэн бөгөөд HepG2 эс 24 цагийн дараа эсгүй зурваст тархан ургаж эсгүй зурвасын өргөн 0.65 мм байв. Флаваноны 2.5 мкг/мл концентрациар эсэд үйлчлэхэд эсийн нүүн шилжилтийг бүрэн саатуулсан байв. Дүгнэлт: Нарийн навчит цахилдгаас ялгасан флаванон нь хавдрын эсийн нүүн шилжилтийг саатуулж байна.
Background: In recent years, natural compounds have been shown to play an important role in cancer prevention and early-stage therapy. Flavanones, a class of polyphenolic compounds present in plants, vegetables, seeds, fruit peels, and flowers, have been identified to possess anticancer, antioxidant, anti-inflammatory, and antibacterial bioactivities. Cancer has become a major global economic and public health challenge. According to international statistics, one in four individuals (22.8%) die from non-communicable diseases, while one in six (16.8%) die from cancer. Aim: To investigate the effect of a flavanone (5,2’,3’-trihydroxy-6,7-methylenedioxyflavanone) isolated from Iris tenuifolia on the migration of liver cancer cells. Materials and Methods: The study was conducted at the Institute of Biomedicine, Mongolian National University of Medical Sciences. The effect of the flavanone (5,2’,3’-trihydroxy-6,7-methylenedioxyflavanone) on cancer cell migration was evaluated in vitro using the scratch assay. Human liver cancer cells (HepG2) were revived and stabilized before experiments were performed. Results: HepG2 cells were treated with a 2.5 μg/mL concentration of the flavanone for 24 hours. In the control group, an initial scratch width of 0.9 mm was reduced to 0.65 mm after 24 hours due to cell proliferation and migration into the denuded area. However, treatment with the 2.5 μg/mL flavanone concentration resulted in the complete inhibition of cell migration. Conclusion: The flavanone isolated from Iris tenuifolia effectively suppresses the migration of liver cancer cells.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1723
Эшлэл
Ч.Жадамба, О.Эрдэнэзаяа, С.Идэржавхлан, М.Бүрнээ, А.Гүрбадам, Д.Тэмүүлэн нар. Элэгний хавдрын эсийн нүүн шилжилтэд флаваноны нөлөөг судалсан дүн. Эрүүл мэндийн шинжлэх ухаан. 2026;22(5):267-269.