Даваа–Баасан 08:30–20:00 · Бямба 09:00–16:00
Now showing 1 - 4 of 4
  • Some of the metrics are blocked by your 
    Item type:Publication,
    CAD/CAM болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан дүн
    (2026-04-16)
    Б.Буянхишиг
    ;
    ; ;
    Б.Отгонбаяр
    Үндэслэл: Нүүр амны согог заслын салбарт имплант тулгууртай эсвэл шүд тулгууртай шүдэлбэр нь хэсгийн шүдгүйдэлтэй олон үйлчлүүлэгчдэд эерэг эмчилгээ болох нь батлагдсан ч бүрэн шүдгүйдлийн эмчилгээний цорын ганц сонголт бүрэн шүдэлбэр байсаар байна. CAD/CAM технологийг ашиглан бүрэн шүдэлбэр хийх ажил сүүлийн 10 жилд ихээхэн нэмэгдсэнээр уламжлалт аргаар хийсэн бүрэн шүдэлбэр болон CAD/CAM технологиор хийсэн бүрэн шүдэлбэрийг харьцуулсан судалгаа хийгдэх болсон. Манай орны хувьд CAD/CAM болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан судалгаа хомс байна. Зорилго: CAD/CAM болон уламжлалт аргаар хийсэн хоншоорын бүрэн шүдэлбэрийн тогтцыг харьцуулан судлах. Арга, аргачлал: Энэхүү судалгааг эмнэл зүйн туршилт судалгааны загвараар хийж гүйцэтгэсэн. Анагаахын Шинжлэх Ухааны Үндэсний Их Сургууль (АШУҮИС)-ийн Нүүр Ам Судлалын Сургууль (НАСС)-ийн Нүүр Амны Согог Засал (НАСЗ)-ын тасаг, дижитал технологийн лабораторийг түшиглэн CAD/CAM болон уламжлалт аргаар хийсэн хоншоорын 15 бүрэн шүдэлбэрийн тогтцын харьцуулалтыг (forcegauge AMF500) багаж ашиглан тодорхойлов. Статистик боловсруулалтыг SPSS26.0 программ дээр гүйцэтгэж магадлалын түвшин p<0.05 үед ач холбогдол бүхий ялгаатай гэж дүгнэсэн. Үр дүн: Уламжлалт аргаар хийсэн хоншоорын бүрэн шүдэлбэрийн тогтцын (8.85±9.10N) дундаж үзүүлэлт CAD/CAM аргаар хийсэн хоншоорын бүрэн шүдэлбэрийн тогтцын (4.95±2.57) дундаж үзүүлэлтээс их байв. CAD/CAM болон уламжлалт аргуудын ялгааг шалгах зорилгоор Wilcoxon Signed Ranks Test хийсэн. Үр дүнд Z=-2.045, p=0.041 (p<0.05) гарсан. Дүгнэлт: Уламжлалт аргаар хийсэн хоншоорын бүрэн шүдэлбэр CAD/CAM аргаар хийсэн хоншоорын бүрэн шүдэлбэрээс илүү тогтоцтой байгаа нь статистикийн тодорхойлогдлоо.
  • Some of the metrics are blocked by your 
    Item type:Publication,
    Дан шаазан бүрээс хийх шүдний засалтыг дижитал аргаар судалсан нь
    (2023-04-24) ;
    Г.Мөнхжаргал
    ;
    Н.Пүрэвжав
    ;
    Б.Батбаяр
    ;
    Б.Бямбадорж
  • Some of the metrics are blocked by your 
    Item type:Publication,
    Дижитал болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан дүн
    (2026-03-30)
    Б.Буянхишиг
    ;
    ; ;
    Б.Отгонбаяр
    Үндэслэл: Сүүлийн 10 жилд бүрэн шүдгүйдлийн тархалт буурсан ч улс, бүс нутгаар харилцан адилгүй хэвээр байна. Жишээлбэл, АНУ-д 15 ба түүнээс дээш насны насанд хүрэгчдийн дунд бүрэн шүдгүйдлийн тархалт 4.9%, Хятадад ахмад настнуудын дөрөвний нэг нь бүрэн шүдгүйдэлтэй байна. Үүнийг эмчлэх гол арга нь бүрэн шүдэлбэр юм. Сүүлийн 10 жилд дижитал технологи ашиглан бүрэн шүдэлбэр хийх ажил ихээхэн нэмэгдсэнээр уламжлалт аргаар хийсэн бүрэн шүдэлбэр болон дижитал технологиор хийсэн бүрэн шүдэлбэрийг харьцуулсан судалгаа хийгдэх болсон. Манай орны хувьд дижитал болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан судалгаа хараахан хомс байгаа нь энэхүү судалгааг хийх үндэслэл болсон. Зорилго: Дижитал болон уламжлалт аргаар хийсэн хоншоорын бүрэн шүдэлбэрийн анхны тогтоц, шүдэлбэр хэвшсэний дараах тогтцод гарах өөрчлөлтийг харьцуулан судлах. Арга, аргачлал; Бид энэхүү судалгааг Анагаахын Шинжлэх Ухааны Үндэсний Их Сургууль (АШУҮИС)-ийн Судалгааны ёс зүйн хяналтын хорооны хурлын №2425/05-02 тоот дугаар шийдвэрээр Нүүр Ам Судлалын Сургууль (НАСС)ийн Нүүр Амны Согог Заслын Тасаг (НАСЗТ), Дижитал технологийн лабораторийг түшиглэн хоншоорын бүрэн шүдгүйдэлтэй 15 хүнд дижитал болон уламжлалт аргаар нийт 30 бүрэн шүдэлбэр хийв. Бүрэн шүдэлбэр бүрийг нэг сарын хугацаанд хэрэглэсний дараа шүдэлбэрийн тогтцыг (force gauge AMF500) багаж ашиглан дахин тодорхойлсон. Статистик боловсруулалтыг SPSS-26.0 программ дээр гүйцэтгэж магадлалын түвшин p<0.05 үед ач холбогдол бүхий ялгаатай гэж дүгнэв. Үр дүн: Анхны хэмжилтээр дижитал болон уламжлалт аргуудын ялгааг шалгах зорилгоор Wilcoxon Signed Ranks Test хийсэн. Үр дүнд Z=-2.045, p=0.041 (p<0.05) гарсан. 1 сарын дараах давтан хэмжилтэнд Friedman тестээр дөрвөн бүлгийн хооронд статистикийн ач холбогдолтой ялгаа илэрсэн (χ²(3)=11.40, p=0.01). Wilcoxon signed-rank тестээр харьцуулахад уламжлалт аргаар хийсэн хоншоорын бүрэн шүдэлбэрийн тогтцын 1 сарын дараах үр дүн ач холбогдол бүхий ялгаатай (Z=-2.803, p=0.005), CAD/CAM аргаар хийсэн хоншоорын бүрэн шүдэлбэрийн тогтцын 1 сарын дараах үр дүн ач холбогдол бүхий ялгаатай (Z=-2.497, p=0.013) байна. Харин CAD/CAM ба уламжлалт аргаар хийсэн хоншоорын бүрэн шүдэлбэрийн тогтцын анхны хэмжилт болон давтан хэмжилтийг хооронд нь харьцуулсан (p=0.059) статистикийн ач холбогдолгүй байв. Дүгнэлт: Анхны хэмжилтээр уламжлалт аргаар хийсэн хоншоорын бүрэн шүдэлбэрийн тогтоц дижитал аргыг бодвол статистикийн хувьд илүү тогтоцтой байсан. 1 сарын дараах давтан хэмжилтээр уламжлалт болон дижитал аргаар хийсэн шүдэлбэрийн тогтоц илүү сайжирсан байгаа нь тодорхойлогдлоо.
  • Some of the metrics are blocked by your 
    Item type:Publication,
    Авагддаггүй шүдэлбэр хийхээр авагдсан хэвийг дижитал аргаар үнэлсэн дүн
    (2026-09-15)
    С.Мандухай
    ;
    ;
    Б.Сүлд-Эрдэнэ
    ;
    ;
    Ш.Батсүх
    Үндэслэл: Орчин үед шүдэлбэрийн ажлын хэвийг уламжлалт ба дижитал аргаар авдаг. Олон улсад авагддаггүй шүдэлбэрийн уламжлалт аргаар авсан ажлын хэвийг эмнэл зүйд болон in vitro үнэлсэн судалгааны ажлууд хийгдсэн байдаг.1-3 Дийлэнх судалгаанд хэвийг авах үед гарах алдаанд нөлөөлөх хүчин зүйлүүдээр үр дүнгүүдийг танилцуулсан4-6 бол хэвний материалын төрлөөр нь гарах алдааны талаар судласан судалгаа бага байдаг. Иймээс мэргэжилтнүүд ажлын хэвийг чанартай үнэлж байгаа эсэх, юунаас болж алдаа гарж байгаа болон нөлөөлөх хүчин зүйлүүдийн хоорондын хамаарлыг судлах нь согогыг зөв сэргээх үндэс болно гэж үздэг.7-16 Шүдэлбэрийг хийхэд тухайн материалын шинж чанар, хэрэглэх технологи, аргачлал нь ажлын үр дүнд шууд нөлөөтэй байдаг.17-19 Хэвийг авч буй арга техник, согогын хэмжээ болон бусад нөлөөлж болох хүчин зүйлүүдийг холбож судлаагүй байгаа нь уг судалгааг хийх үндэслэл болсон. Зорилго: Авагддаггүй шүдэлбэрийн ажлын хэвний эмнэл зүйн алдаанд нөлөөлөх хүчин зүйлүүдийг судлах. Арга, аргачлал: Судалгааг агшингийн загвараар 2025 оны 5-сараас 2025 оны 11 сард АШУҮИС-ийн НАСТЭ-ийн лаборатори болон Улаанбаатар хотын Changed Goods, Сүлд шүдний лабораторуудыг түшиглэн авагддагүй шүдэлбэр хийгдэхээр захиалгын дагуу ирсэн ажлын нийт 80 хэвийг халдваргүйжүүлж хуурайшуулсны дараа хэвний алдаанд нөлөөлж болох хүчин зүйлүүдийг Model: MD-ID0400 Dijital 3D Scanner төхөөрөмж ашиглаж шинжилсэн. Үр дүн: Нийт судалгаанд хамрагдсан 18-52 насны хэв авагдсан хүний 65% (54) нь эрэгтэй, 35% (26) нь эмэгтэй байсан бөгөөд дундаж нас нь 35.2±3.5 жил байв. Шүдний эмнэлэгүүдээс авагддагүй шүдэлбэр хийгдэхээр ирсэн хэвийг дижитал аргыг ашиглан мэдээлэлийг цуглуулан дүн шинжилгээ хийхэд материалийн төрлөөр бүх хэв 100% нэмэлт силиконоор авагдсан ажил байв. Захиалгаар ирсэн шүдэлбэр хийгдэх ажлын хэвнүүдийн 8.00±3.53 нь алдаатай хэв байсан. Дүгнэлт: 1. Согог заслын практикт материалын шинж чанар алдааны нөлөөлөлөөс хамааран эмнэлэгүүд нэмэлт силиконыг авагддагүй шүдэлбэрийн хэвийг авахад илүүтэйгээр ашиглаж байна. Нийт ажлын хэвний 8.00±3.53 алдаатайгаар авагдсан байна. 2. Хэв авсан арга аргачлалаар гарсан алдаа нэг үе шатаар 7.78±3.9, хоёр үе шатаар 8.03±3.51 (p<0.843).