Loading...
Атопийн дерматиттай насанд хүрэгчдийн стресс, кортизолын түвшин ба үрэвслийн үзүүлэлтүүд хоорондын хамаарал
Зохиогч
Он
2026 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
22
Issue
4
Start Page
28
End Page
31
ISSN
2959-6947
Хураангуй
Үндэслэл: Атопийн дерматит нь архаг, дахилтат явцтай арьсны үрэвсэлт өвчин бөгөөд дархлааны зохицуулга, арьсны хоригийн алдагдлаас гадна нейро-эндокриний хүчин зүйлс чухал үүрэгтэй. Сэтгэлзүйн стресс нь hypothalamus-pituitary-adrenal (HPA) тэнхлэгийн үйл ажиллагаанд нөлөөлж, кортизолын ялгаралт болон үрэвслийн хариу урвалыг өөрчилдөг. Гэсэн хэдий ч кортизол, нейтрофил/лимфоцитын харьцаа (NLR), сэтгэлзүйн үзүүлэлтүүд болон өвчний хүндийн зэрэг хоорондын уялдаа хангалттай судлагдаагүй байна. Зорилго: Атопийн дерматиттай хүмүүсийн кортизол, нейтрофил/лимфоцитын харьцаа болон сэтгэлзүйн үзүүлэлтүүдийг эрүүл хяналтын бүлэгтэй харьцуулан судлах. Арга, аргачлал: Судалгаанд атопийн дерматиттай 12 өвчтөн, эрүүл хяналтын 12 оролцогчид хамруулж тохиолдол хяналтын судалгааны загвараар хийж гүйцэтгэв. Кортизолын түвшин, цусны дэлгэрэнгүй шинжилгээ (NLR тооцоолох), сэтгэлзүйн үнэлгээ (PHQ-9, Patient Health Questionnaire-9; GAD-7, Generalized Anxiety Disorder-7) хийсэн. Атопийн дерматитийн хүндийн зэргийг SCORAD оноогоор үнэлж, статистикийн харьцуулалт болон хамаарлын шинжилгээ хийсэн. Үр дүн: Атопийн дерматиттай бүлгийн кортизолын түвшин хяналтын бүлгээс статистикийн ач холбогдолтой бага байсан (p<0.001). Кортизол нь SCORAD (r=-0.65, p=0.021) болон сэтгэл түгшилтийн асуумж (GAD-7) оноо (r=-0.56, p=0.036)-той сөрөг хамааралтай байв. Өвчний үргэлжилсэн хугацаа болон кортизолын түвшин хооронд сөрөг хамаарал ажиглагдсан (r=-0.53, p=0.075). Дүгнэлт: Атопийн дерматитийн үед HPA тэнхлэгийн зохицуулга алдагдаж, кортизол буурах нь өвчний хүндийн зэрэг болон сэтгэлзүйн стрессийн түвшинтэй холбоотой байж болзошгүй. Иймд өвчний менежментэд сэтгэлзүйн үнэлгээг хамтатган авч үзэх шаардлагатай.
Background: Atopic dermatitis is a chronic, relapsing inflammatory skin disorder in which immune dysregulation and skin barrier dysfunction play crucial roles, alongside neuroendocrine factors. Psychological stress influences the activity of the hypothalamic-pituitary-adrenal (HPA) axis, thereby altering cortisol secretion and inflammatory responses. However, the relationships among cortisol levels, neutrophil-to-lymphocyte ratio (NLR), psychological parameters, and disease severity remain insufficiently explored. Aim: To compare cortisol levels, neutrophil-to-lymphocyte ratio, and psychological parameters between adults with atopic dermatitis and healthy controls. Materials and Methods: A case-control study was conducted including 12 patients with atopic dermatitis and 12 healthy controls. Serum cortisol levels and complete blood counts (for NLR calculation) were assessed. Psychological status was evaluated using the Patient Health Questionnaire-9 (PHQ-9) and Generalized Anxiety Disorder-7 (GAD-7). Disease severity was measured using the SCORAD index. Statistical analyses included group comparisons and correlation analyses. Results: Cortisol levels in the atopic dermatitis group were significantly lower than those in the control group (p<0.001). Cortisol levels showed a significant negative correlation with SCORAD scores (r = -0.65, p = 0.021) and GAD-7 scores (r=-0.56, p=0.036). A negative correlation was also observed between disease duration and cortisol levels (r=-0.53, p=0.075), although this did not reach statistical significance. Conclusion: Dysregulation of the HPA axis in atopic dermatitis, reflected by reduced cortisol levels, may be associated with increased disease severity and psychological stress. These findings highlight the importance of incorporating psychological assessment into the comprehensive management of atopic dermatitis.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/10
Эшлэл
Ш.Мөнхчимэг, Э.Сувд, Б.Батдэлгэр, У.Хувьтөгөлдөр, Г.Анхцэцэг, Д.Бодьсанаа нар. Атопийн дерматиттай насанд хүрэгчдийн стресс, кортизолын түвшин ба үрэвслийн үзүүлэлтүүд хоорондын хамаарал. Эрүүл мэндийн шинжлэх ухаан. 2026;22(4):28-31.