Loading...
Сорвины орчин үеийн эмчилгээний үр нөлөө: системчилсэн тойм өгүүлэл
Зохиогч
Он
2026 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
22
Issue
4
Start Page
107
End Page
111
ISSN
2959-6947
Хураангуй
Үндэслэл: Орчин үед сорвины эмчилгээнд силикон гель, кортикостеройд, лазер, мэс заслын аргууд тодорхой үр дүнтэй боловч сорвины бүтцийг бүрэн сэргээх боломж хязгаарлагдмал хэвээр байна. Сүүлийн жилүүдэд сорвины эдийн нөхөн төлжилтийг дэмжих шинэ аргууд эрчимтэй судлагдаж байгаа бөгөөд үүний нэг нь аутолог өөх шилжүүлэн суулгалт (AFG) юм. Энэхүү арга нь өөхөн эдийн гаралтай үүдэл эс (ADSCs), стромын судасны фракц (SVF) болон өсөлтийн хүчин зүйлсийг агуулдаг тул ангиогенезийг дэмжих, үрэвслийг бууруулах, коллагены бүтцийг шинэчлэн зохицуулж сорвины эдийн бүтэц, чанарыг сайжруулах боломжтой. Зорилго: Монгол Улсад AFG, ADSCs болон SVF-д суурилсан сорвины эмчилгээний үр нөлөө, аюулгүй байдалд хийгдсэн судалгаа хомс байгаа тул олон улсын мэдээллийг нэгтгэн, эмчилгээний үр дүн, аюулгүй байдлыг үнэлэх. Арга, аргачлал: Энэхүү системчилсэн тойм судалгааг PRISMA удирдамжийн дагуу гүйцэтгэж, PubMed, Scopus, Web of Science мэдээллийн сангуудаас хайлт хийв. Нийт 902 судалгаанаас шалгуурын дагуу 27 судалгааг сонгон авч, чанарын үнэлгээ болон дүн шинжилгээ хийж, AFG, ADSCs болон SVF-ийн сорвины эмчилгээнд үзүүлэх үр нөлөөг үнэлэв. Үр дүн: Нийт хамрагдсан 27 судалгааны дүнгээс үзэхэд AFG, ADSCs болон SVF эмчилгээний аргууд нь сорвины морфологи, эдийн бүтэц, уян хатан чанар, өвдөлт болон үйл ажиллагааны сэргэлтэд нийтлэг эерэг нөлөө үзүүлсэн байна. Өөх боловсруулах олон төрлийн арга хэрэглэгдэж байгаа ч 15 судалгаанд Колеман техникээр боловсруулалт хийж, дерм-гиподермийн заагаар ретроград тарилга хийсэн байна. Нийт сонгогдсон судалгааны 23 нь сорвины бүтцийн өөрчлөлтийг үнэлсэн ба сорвины өнгө, зузаан, уян чанар болон контур сайжирсан, өвдөлт, загатнааг үнэлсэн 6 судалгаанд эдгээр шинж тэмдэг буурсан байсан бол 6 судалгаанд үйл ажиллагааны алдагдлыг сэргээсэн үр дүн гарчээ. Мөн гистологийн өөрчлөлтийг үнэлсэн 6 судалгаанд коллагены бүтэц, зохион байгуулалт сайжрах, ангиогенез идэвхижих, фиброзын хэмжээ буурсан зэрэг мэдэгдэхүйц үр дүн гарсан байлаа. Түүнчлэн AFG-ийг PRP, SVF, фракцийн лазер зэрэг эмчилгээний аргуудтай хослуулан хийсэн 3 судалгаанд илүү үр дүн ажиглагдсан хэдий ч сорвины төрөл, техник болон үнэлгээний аргаас хамаарч харилцан адилгүй үр дүнтэй байв. Дүгнэлт: AFG, ADSCs болон SVF-д суурилсан эмчилгээний аргууд нь сорвины эдийн нөхөн төлжилтийг дэмжин, ангиогенезийг идэвхжүүлж, коллаген ширхгийн бүтцийн шинэчлэлтийг түргэсгэснээр фиброзын хэмжээг бууруулан сорвины эдийн уян хатан чанар, үйл ажиллагааг сайжруулж улмаар өвчтний амьдралын чанарыг дээшлүүлэх үр нөлөөтэй болохыг батлан харуулж байна. Иймд эдгээр аргууд нь Монгол улсад сорвины шинэ эмчилгээний стратеги болох боломжтой бөгөөд эмнэлзүйн практикт стандартчилан нэвтрүүлэх шаардлагатай байна.
Background: Current scar treatment modalities, including silicone gel, corticosteroids, laser therapy, and surgical interventions, demonstrate certain clinical benefits; however, their ability to fully restore normal skin architecture remains limited. In recent years, novel regenerative approaches aimed at enhancing scar tissue repair have been increasingly investigated. Among these, autologous fat grafting (AFG) has emerged as a promising modality. AFG contains adiposederived stem cells (ADSCs), stromal vascular fraction (SVF), and various growth factors, which may improve scar quality by promoting angiogenesis, reducing inflammation, and regulating collagen remodeling. Aim: In Mongolia, there are few studies on the effectiveness and safety of AFG, ADSC, and SVF-based treatments for scars, so it is necessary to summarize international evidence. Materials and Methods: This systematic review was conducted in accordance with PRISMA guidelines. A comprehensive literature search was performed using PubMed, Scopus, and Web of Science databases. Of 902 identified studies, 27 met the inclusion criteria and were included for quality assessment and analysis to evaluate the therapeutic effects of AFG, ADSCs, and SVF in scar management. Results: Findings from the 27 included studies demonstrated that AFG, ADSC, and SVF-based therapies had overall beneficial effects on scar morphology, tissue structure, elasticity, pain, and functional outcomes. Various fat-processing techniques were utilized; however, in 15 studies, the Coleman technique was employed, with retrograde injection administered at the dermal-hypodermal junction. Of the included studies, 23 evaluated structural changes in scars and reported improvements in scar color, thickness, elasticity, and contour. Six studies assessing symptoms demonstrated reductions in pain and pruritus, while six studies reported improvements in functional impairment. Histological evaluation in 6 studies revealed improved collagen organization, increased angiogenesis, and reduced fibrosis. Additionally, 3 studies combining AFG with adjunctive therapies such as platelet-rich plasma (PRP), SVF, and fractional laser reported superior outcomes, although results varied depending on scar type, technique, and evaluation methods. Conclusion: AFG, ADSC, and SVF therapies promote scar tissue regeneration by enhancing angiogenesis, accelerating collagen remodeling, and reducing fibrosis. These effects contribute to improved elasticity, functional recovery, and overall quality of life in patients. Therefore, these approaches represent a promising novel strategy for scar management in Mongolia and warrant standardization and integration into clinical practice.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/26
Эшлэл
П.Билгүүн, Я.Энхтөр, Ө.Дугармаа. Сорвины орчин үеийн эмчилгээний үр нөлөө: системчилсэн тойм өгүүлэл. Эрүүл мэндийн шинжлэх ухаан. 2026;22(4):107-111.