Loading...
Монгол улсын өсвөр залуу насныхны хепатитийн С вирүсийн халдварын тархалтын судалгаа
Зохиогч
Он
2021 оны есдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
6
Start Page
66
End Page
69
ISSN
2959-6947
Хураангуй
Үндэслэл: Хепатитийн вирүсийн халдвар, тэдгээрийн алсын уршиг болох элэгний эст өмөнгийн өвчлөл, нас баралт нь Монгол Улсын төдийгүй дэлхий нийтийн нийгмийн эрүүл мэндийн тулгамдсан асуудал юм. Дэлхийн нийт хүн амын 71 сая орчим хүн буюу дэлхийн хүн амын 1% нь хепатитийн С вирүсийн (ХСВ) архаг халдвартай амьдарч байна. Манай улсын хувьд 2018 оны байдлаар С вирүст хепатитийн 93 тохиолдол бүртгэгдэж, 10 000 хүн амд 0.3 ногдож байгаа нь өмнөх оны түвшингөөс буураагүй байна. Иймээс бид өсвөр залуу насныхны ХСВийн халдварын тархалтыг судлахаар зорилоо. Зорилго: Монгол улсын Монгол улсын 10-40 насны хүн амын ХСВ-ийн халдварын тархалтыг тодорхойлох. Арга, аргачлал: Судалгааг аналитик судалгааны агшингийн загвараар хийж 6883 хүнийг хамрууллаа.Судалгааны мэдээ материалыг тоон аргаар асуумж болон лабораторийн шинжилгээний аргыг ашигласан. Япон Улсын SYSMEX компанийн HISCL-5000 иммунологийн бүрэн автомат анализатор ашиглан АШУҮИС-ийн лабораторид хийж гүйцэтгэсэн. Судалгааны statistic боловсруулалтыг SPSS-25 программ ашиглан хийлээ. Үр дүн: Судалгаанд Монгол Улсын эдийн засаг газар зүйн 4 бүсийн 8 аймаг, 26 сум, Улаанбаатар хотын 1040 насны нийт 6883 хүн хамрагдлаа. Монгол Улсын өсвөр насныхан, залуучуудын дунд ХСВ-ийн халдварын тархалт 4.2% байсан ба эрэгтэйчүүдэд 4.3%, эмэгтэйчүүдэд 4.1%(p=0.657) байна. ХСВ-ийн халдвартай хүмүүсийн эзлэх хувь нас нэмэгдэх тутам статистик үнэн магадлалтайгаар өсөх хандлагатай байна. ХСВ-ийн халдвартай хүмүүсийн эзлэх хувь Улаанбаатар хот, аймгийн төв, хөдөө суманд ойролцоо байгаа бөгөөд 4.1-5.6% нь ХСВ-ийн халдвартай (p=0.091) байлаа. Дүгнэлт: Монгол Улсын өсвөр насныхан, залуучуудад ХСВ-ийн халдвар 4.2% тодорхойлогдлоо. ХСВ-ийн халдвартай хүмүүсийн эзлэх хувь нас нэмэгдэх тутам статистик үнэн магадлалтайгаар өсч байна. ХСВ-ийн халдвартай хүмүүсийн эзлэх хувь Улаанбаатар хот, аймгийн төв, хөдөө суманд ойролцоо байв.
Background: Hepatitis virus infection and its long-term consequences, such as hepatocellular carcinoma and death, are public health issues global and in Mongolia. About 71 million people, or 1% of the world's population, are living with chronic HCV infection. In 2018, 93 cases of hepatitis C were registered in Mongolia, which is 0.3 per 10,000 population, which is not decreased the previous year. Therefore, we aimed to study the prevalence of HCV infection in adolescents and youth. Goal: To define prevalence hepatitis C virus infections among Mongolian adolescence and youth. Materials and methods: Population based cross-sectional study was conducted. We had a sample size of a total of 6883 people, who had been selected randomly. We used a questionnaire for data collection. Our laboratory analyses were done using the fully automatic HISCL-5000 from the Sysmex Corporation of Japan and tested Anti-HCV markerfor HCV. Statistical analysis was done using the IBM SPSS Statistics 25.0 package. Results: Among a total of 6883 participants, 4.2% Anti-HCV-positive. The prevalence of people living with HCV is likely to increase with age. The proportion of people with HCV is similar in Ulaanbaatar, aimag centers, and soums, with 4.1-5.6% with HCV (p=0.091). Conclusion: Prevalence of HCV infection was 4.2% among adolescents and youth in Mongolia. The prevalence of people with HCV infection is likely to increase with age. The prevalence of people living with HCV infection is similar in Ulaanbaatar, aimag centers, and soums.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/381
Эшлэл
Ш.Оюу-Эрдэнэ, М.Еркебулан, Х.Сэр-Од, Ц.Энх-Оюун, Н.Бира, Р.Отгонбаяр нар. Монгол улсын өсвөр залуу насныхны хепатитийн С вирүсийн халдварын тархалтын судалгаа. Эрүүл мэндийн шинжлэх ухаан. 2021;17(6):66-69.