Loading...
Монгол хүнд гүрээний булцууны байршлыг тодорхойлж, эмнэлзүйн зарим шинжтэй уялдуулан судалсан дүн
Зохиогч
Он
2021 оны есдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
6
Start Page
85
End Page
88
ISSN
2959-6947
Хураангуй
Гүрээний булцууны динамик бүтэц 2 наснаас хэлбэржиж эхэлдэг ба насанд хүрсэн хүнд хэлбэр, хэмжээ нь харьцангуй тогтмол байдаг. Дунд чихний мэс заслын үед гүрээний булцууны гэмтэл нь амь насанд аюултай хүндрэл үүсгэдэг учраас үүнээс урьдчилан сэргийлэхийн тулд түүний бүтэц, байршлыг зөв тодорхойлох шаардлагатай байдаг. Бид гүрээний булцууны байршлыг компьютер томографийн аргаар тодорхойлж, эмнэлзүйн зарим шинжтэй уялдуулан судлахыг зорив. Судалгаанд 100 хүний 200 нэгж чамархай ясны компьютер томографийн аксиаль болон корональ хавтгай дээрх зургуудыг харьцуулан гүрээний булцууны байршлыг тогтоон, бодит үзлэг, аудиометрийн шинжилгээгээр сонсголыг үнэлж, тусгайлан боловсруулсан судалгааны картаар эмнэл зүйн зарим шинжийг тодруулж, тэдгээрийн хамаарлыг тодорхойлов. Нийт судалгаанд хамрагдагсдын 54(27.27%) тохиолдолд гүрээний булцууны хэвийн бус байршил илэрснээс дээш байршилтай гүрээний булцуу 46(23%), гүрээний булцууны цүлхэн 6(3%), гүрээний булцууны цүлхийлт 2(1%) байв. Гүрээний булцууны хэвийн бус байршил нь чих шуугих шинж тэмдэгтэй статистик ач холбогдол бүхий хамааралтай (p=0.028, OR=2.36), сонсгол буурах болон толгой эргэх шинж тэмдэгтэй статистик ач холбогдол бүхий хамаарал ажиглагдсангүй.
The jugular bulb forms after 2 years of age and its size remain constant during adulthood. Identification and correct diagnosis of the jugular bulb are obligatory to prevent its traumatization and hemorrhage during middle ear surgical procedure. This study aimed to assess the normal and abnormal position and the dimension of the jugular bulb in Mongolian individuals older than 20 years who had temporal bone computed tomography, selected randomly Jugular bulb variations were evaluated in the axial coronal section of the temporal bone CT scan. All patients were evaluated patients complaints, using audiometry, otological examination. In 100 patients, 54 of 200(27%) temporal bones illustrated morphological anomalies of the jugular bulb. The frequency of high riding jugular bulb (HRJB) without dehiscence, HRJB with dehiscence, and HRJB with diverticulum 46(23%), 6(3%), and 2(1%), respectively. Tinnitus correlated with abnormal position of the jugular bulb significantly (p=0.028,OR=2.36).
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/385
Эшлэл
Э.Оюунжаргал, Л.Бямбасүрэн, Д.Шинэ-од. Монгол хүнд гүрээний булцууны байршлыг тодорхойлж, эмнэлзүйн зарим шинжтэй уялдуулан судалсан дүн. Эрүүл мэндийн шинжлэх ухаан. 2021;17(6):85-88.