Loading...
Талын бирааг (Thlaspi arvense L.) ургамлын аллоксанаар өдөөгдсөн чихрийн шижингийн эсрэг нөлөө
Зохиогч
Он
2021 оны арван нэгдүгээр сарын 1
Төрөл
journal article
Journal
Эрүүл мэндийн шинжлэх ухаан
Volume
17
Issue
8
Start Page
126
End Page
131
ISSN
2959-6947
Хураангуй
Үндэслэл: Уламжлалт анагаах ухаанд Талын бирааг (Thlaspi arvense L.) ургамлыг бөөрний өвчний эмчилгээнд голлон хэрэглэдэг. Мөн Талын бираагийг шижинг анагаах жорын бүрэлдэхүүнд оруулан хэрэглэж иржээ. Зорилго: Монгол оронд ургадаг Талын бирааг ургамлын үрийн аллоксанаар өдөөгдсөн чихрийн шижин хэв шинж 1 (ЧШХШ1)-ийн эсрэг нөлөөг судлах. Арга, аргачлал: Харханд аллоксан моногидратыг 160 мг/кг тунгаар сүүлний венээр тарьж ЧШХШ1 төст эмгэг загварыг үүсгэсэн. Талын бираагийг 140 мг/кг, метформинийг 30 мг/кг тунгаар 21 хоногийн турш амаар өгсөн. Эмийг өгснөөс хойш 7, 14, 21 хоногийн дараа өлөн үеийн глюкоз, биохимийн зарим үзүүлэлтүүд (глюкоз, аланин аминотрансфераз, шүлтлэг фосфатаз, билирубин, амилаз) болон цусны бүлэгнэлтийн үзүүлэлтүүдийг (тромбиний хугацаа, зориуд идэвхжүүлсэн тромбопластиний хугацаа, фибриноген) тодорхойлсон. Үр дүн: Талын бираагийн үрийн идээшмэл аллоксан тариулсан хархны өлөн үеийн глюкоз, ийлдсийн амилаз, шүлтлэг фосфатазын хэмжээг эмчилгээний бүх хоногуудад статистикийн үнэн магадлалтайгаар бууруулсан (p<0.05). Мөн эмчилгээний 7 дахь хоногт аланин аминотрансферазын хэмжээг илэрхий бууруулж, нийт билирубиний хэмжээг 34.7%-иар бууруулсан (p˃0.05). Талын бираагийн үр тромбиний хугацааг эмчилгээний хоногуудад 10.1-10.9%-иар (p˃0.05), зориуд идэвхжүүлсэн тромбопластиний хугацааг 14 болон 21 хоногуудад статистикийн үнэн магадлалтайгаар уртасгаж, фибриногений хэмжээг илэрхий бууруулсан (p<0.05). Дүгнэлт: Монгол оронд ургадаг Талын бираагийн үрийн идээшмэл аллоксан тариулсан хархны цусан дахь глюкозын хэмжээг бууруулснаар ЧШХШ1-ийн эсрэг нөлөөлж, элэг, нойр булчирхай хамгаалах, цусны бүлэгнэлтийн алдагдлыг бууруулах нөлөө үзүүлэх боломжтой байна.
Background: Thlaspi arvense L. (pennycress) is mainly used for the treatment of kidney diseases in traditional medicine. It is included in certain multicomponent herbal medicines prescribed for diabetes. In the present study, the antidiabetic effect of Thlaspi arvense was examined in alloxan-induced type 1 diabetes model. Materials and Methods: Alloxan monohydrate at a dose of 160 mg/kg was injected via tail vein to induce type 1 diabetes. Thlaspi arvense and metformin was given at doses of 140 mg/kg and 30 mg/kg respectively for 21 days. Fasting blood levels of glucose levels ans serum levels of alanine aminotransferase, alkaline phosphatase, bilirubin and amylase were determined. Moreover, thrombin time, activated partial thrombin time and fibrinogen levels were measured. Results: Thlaspi arvense seed decoction significantly reduced fasting blood glucose levels, serum amylase and alkaline phosphatase after 7, 14 and 21 days of treatment (p<0.05). Morever, after 7 days of treatment, Thlaspi arvense seed decoction significantly reduced serum levels of alanine aminotransferase (p<0.01) and slightly reduced bilirubin levels (34.7 %, p˃0.05). Thrombin time was prolonged by 10.1-10.9% (p˃0.05) and activated partial thrombin time were significantly prolonged after 14 and 21 days of treatment (p<0.05). Thlaspi arvense seed decoction significantly reduced fibrinogen levels 14 (p<0.05) and 21 (p<0.01) days after treatment. Conclusion: Thlaspi arvense seeds exhibits antiglycemic effects in type 1 diabetes model, suggesting that it possesses antidiabetic potential. Moreover, it might protect against liver and pancreatic injury and have anticoagulant effects in alloxan-induced diabetes type 1 model.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/499
Эшлэл
Б.Болормаа, Г.Гиймаа, С.Солонго, Ж.Байгалмаа, П.Молор-Эрдэнэ. Талын бирааг (Thlaspi arvense L.) ургамлын аллоксанаар өдөөгдсөн чихрийн шижингийн эсрэг нөлөө. Эрүүл мэндийн шинжлэх ухаан. 2021;17(8):126-131.