Loading...
Гэр бүл дэх ахмад болон залуу үе хоорондын харилцаанд нийгмийн сүлжээний үзүүлэх нөлөө
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
46
End Page
51
ISSN
2959-6947
Хураангуй
Үндэслэл: Хүмүүс хоорондын харилцааны нэг хэлбэр нь үе хоорондын харилцаа юм. Энэ дотроо эмээ, өвөө ач, зээгийн хоорондын эерэг харилцаа нь нийгмийн дэмжлэгийн нэг эх сурвалж гэж үздэг1. Хүүхдүүд бага насандаа өвөө, эмээтэйгээ ойр дотно байдаг ч том болохын хэрээр энэ харилцаа хөндийрдөг байна. Өвөө, эмээ болон ач, зээгийн харилцааг удаан хугацааны туршид тогтвортой хадгалахын тулд хэн хэнээс нь хүчин чармайлт шаарддаг2. Зорилго: Нийгмийн сүлжээгээр дамжуулан өвөө, эмээгийн дурсамжийг ач, зээ нартай хуваалцах нь тэдний ойр дотно байдал, одоогийн харилцааг сайжруулахад хэрхэн нөлөөлж буйг судлах. Арга, аргачлал: Судалгааг квази туршилтын загвараар 2018-2019 онд Улаанбаатар хотоос 60 залуучууд буюу ач, зээ нарыг хамруулсан. Ач, зээ нарыг интервенцийн болон хяналтын гэсэн 2 бүлэгт хуваасан. Интервенцийн бүлэгт 30 өвөө, эмээгээс зураг түүхийг цуглуулан авч фейсбүүк (secret) нууц группээр дамжуулан ач, зээд үзүүлэн интервенц явуулсны дараа өвөө, эмээ ач, зээгийн хоорондын харилцааны үзүүлэлтийн өөрчлөлтийг үнэлсэн. Харилцааг үнэлэхдээ харилцааны ойр дотно байдал, харилцааны чанар, хүчин чармайлт, сэтгэл зүйн нийцэл, харилцааны сэдэв гэсэн бүлэг асуумжуудыг ашигласан. Үр дүн: Фейсбүүкээр зураг хуваалцсан интервенцийн бүлэгт сэтгэл зүйн нийцлийн оноо 0.381-ээр нэмэгдсэн бөгөөд энэ зөрүү нь Кохений нөлөөллийн хэмжээнд их зөрүүтэй буюу хангалттай байна. Зөвхөн энэ үзүүлэлт дээр түүврийн чадал 0.77 буюу 77%-тай P утга=0.017 B=1-0.017=98% байна. Энэ нь өвөө, эмээгийнхээ талаар зураг түүхийг хуваалцсан ач, зээ нарын хувьд сэтгэл зүйн нийцэл буюу өвөө эмээдээ итгэх итгэл, амьдралын талаарх үзэл бодол, ёс суртахуун, хоорондын холбоо болон нээлттэй байдал нэмэгджээ. Дүгнэлт: Өвөө, эмээгийн зураг, түүхтэй танилцсан фейсбүүк интервенцийн үр дүнд ач, зээ нар хувьд өвөө, эмээтэй харилцах сэтгэл зүйн нийцэл статистик ач холбогдол бүхий сайжирсан бол бусад үзүүлэлтүүдийн нөлөө дунд болон бага хэмжээгээр нэмэгдсэн байна.
Background: Intergenerational relationship is a type of interpersonal relationship. A positive grandparent-grandchild relationship is considered as one of the sources of social support. Grandparents are a source of social support, family history and identity, and development. Children tend to have a close relationship with their grandparents, however, as they grow older this relationship becomes more distant. Maintaining long term stable communication between grandparents and grandchildren requires effort from both sides. Aim: The objective of this study is to investigate how sharing memories of grandparents with their grandchildren through social media effects their current relationship and closeness. Matherials and Methods: Quasi experimental study design was used and 60 grandchildren enrolled in this study between 2018-2019. The grandchildren were assigned to either a control or intervention group. We collected pictures and related stories from 30 grandparents and shared their stories with grandchildren assigned in the intervention group through a secret Facebook group. After the intervention, changes in the relationship between grandparents and grandchildren were analyzed. To analyze the relationship we used questionnaires of closeness, relationship investment, friendship chemistry, and conversational resources. Results: The friendship chemistry score is increased by 0.381 point and it demonstrates that Cohen’s d effect size is sufficient. In addition, sample power is 0.77 with P= 0.017 and B=1-0.017=98%. This finding shows that sharing stories and pictures of grandparents increases grandchildren’s trust, morality, closeness, and meaning of life. Conclusion: As a result of Facebook intervention to share grandparent’s pictures and stories, statistically significant improvement in friendship chemistry among the grandparent and grandchildren is observed. Slight or average improvement is identified with other measures.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/539
Эшлэл
У.Номин-Эрдэнэ, М.Еркебулан, Г.Золжаргалан, М.Сугармаа. Гэр бүл дэх ахмад болон залуу үе хоорондын харилцаанд нийгмийн сүлжээний үзүүлэх нөлөө. Эрүүл мэндийн шинжлэх ухаан. 2022;18(1):46-51.