Loading...
Улаанбаатар хотын хүн амын цусан дахь мөнгөн усны агууламжийг дотоод орчны агаарын бохирдолтой харьцуулан судалсан дүн
Зохиогч
Он
2022 оны дөрөвдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
18
Issue
1
Start Page
171
End Page
173
ISSN
2959-6947
Хураангуй
Дэлхийн хүн ам бараг бүхэлдээ (99%) ДЭМБ-аас тогтоосон нарийн ширхэгтэй тоосонцор (PM 2.5)-аас давсан бохирдолд өртөж байгаа ба бага, дунд орлоготой орнууд агаарын бохирдлын хамгийн өндөр түвшинд өртөж байна. Агаарын бохирдлын нөлөөнөөс зүрх судасны өвчин, уушгины архаг бөглөрөлт өвчин, уушигны хавдар, амьсгалын замын хурц өвчлөл гарч жил бүр 4.2 сая хүн нас барж байна. Орчны бохирдлын гол үзүүлэлтүүдийн нэг болох металл мөнгөн ус (Hg) нь хүн амьтанд үзүүлэх нөлөөллийн хувьд маш хортойд тооцогддог. Бид Улаанбаатар хотын насанд хүрсэн зарим хүн амын цусанд агуулагдах мөнгөн усны агууламжийг агаарын бохирдолтой харьцуулан судлах зорилго тавьж ажилласан. Судалгааг аналитик судалгааны агшингийн загвараар явуулсан. Судалгааны түүврийг зорилтот түүврийн аргаар Улаанбаатар хотын насанд хүрсэн 215 хүнийг хамруулсан. Судалгааг 2019 оны 1 ба 5 сард цуглуулж, цусны дээжийг антикоагулянт агуулсан хуруу шилэнд цуглуулж, цусанд мөнгөн ус (Hg) тодорхойлох шинжилгээг хүйтэн уурын атом шингээлтийн спектрофотометрийн аргаар хийсэн. Үр дүн: Хүйтний улиралд цусан дахь мөнгөн усны агууламж дунджаар 0.462 мкг/л, дулааны улиралд 0.450 мкг/л байсан. Цусан дахь мөнгөн усны агууламж гэрийн дотоод орчны агаар дахь нарийн ширхэгт тоосонцортой сул хамааралтай (ρ=0.13) байсан ба энэ статистик ач холбогдол бүхий ялгаагүй (p=0.306) байв. Дүгнэлт: Судалгаанд хамрагдсан хүн амын цусан дахь мөнгөн усны агууламж дунджаар 0,456 мкг/л буюу лавламж утгаас хэтрээгүй байна. Цусан дахь мөнгөн усны агууламж судалгаанд оролцогчдын гэрийн дотоод орчин дахь PM2.5 түвшинтэй хамааралгүй байсан.
Background: Almost all of the global population (99%) are exposed to air pollution levels levels that exceed the safe WHO guideline level for fine particulate matter (PM 2.5µg/m3), with lowand middle-income countries suffering from the highest levels of exposure. An estimated 4.2 million deaths globally are linked to ambient air pollution, mainly from heart disease, stroke, chronic obstructive pulmonary disease, lung cancer and acute respiratory infections. We aimed to compare the blood mercury levels of Adults in Ulaanbaatar with air pollution (PM 2.5) Materials and Methods: Study was conducted through cross-sectional design of analytic study. Here we investigated the blood mercury levels in 215 adults residing in Ulaanbaatar. Data collection was performed on January and on May period. Blood specimen was collected in anticoagulant (EDTA) containing tubes and levels of mercury were measured by cold steam Atomic Absorption Spectroscopy (AAS). Results: In January, mean blood mercury level was 0.462 μg/l and in May, mean was 0.450 μg/l. Mean blood mercury level was weakly correlated with the PM 2.5 in the indoor air (ρ = 0.13) and no statistically significant differences (p=0.306). Conclusion: Our study results indicate that mean of blood mercury levels was 0.456 μg/l not exceeded reference value. Mean blood mercury level was not related to the PM2.5 in the participants’ indoor environment.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/569
Эшлэл
М.Мөнх-Эрдэнэ, С.Мягмарчулуун, Ц.Оюу, Г.Жаргалсайхан, Э.Золжаргал, М.Еркебулан нар. Улаанбаатар хотын хүн амын цусан дахь мөнгөн усны агууламжийг дотоод орчны агаарын бохирдолтой харьцуулан судалсан дүн. Эрүүл мэндийн шинжлэх ухаан. 2022;18(1):171-173.