Loading...
Хлорфенирамины малеатын удаашруулсан үйлдэлтэй шахмал гарган авах технологи боловсруулах, чанарыг үнэлэх
Зохиогч
Он
2022 оны зургаадугаар сарын 12
Төрөл
journal article
Journal
Эрүүл мэндийн шинжлэх ухаан
Volume
18
Issue
3
Start Page
199
End Page
203
ISSN
2959-6947
Хураангуй
Үндэслэл: Хлорфенирамины малеат эмийг харшлын эсрэг эмчилгээний практикт өргөн ашиглаж байна. Хлорфенирамины малеат нь гистамины нөлөөгөөр үүсдэг харшлын урвал болох хамар битүүрэх, найтаах, нулимс гоожих, нүд загатнах, улайх зэрэг шинж тэмдэгүүдийг багасдаг. Уг эмийг ууж хэрэглэхэд хоол боловсруулах замаар сайн шимэгддэг бөгөөд хэрэглэснээс хойш 30-60 минутын дараа цусны плазм дахь концентраци дээд хэмжээндээ хүрдэг ба үүнээс үүдэлтэй нойрмоглох, нүд бүрэлзэх зэрэг гаж нөлөө илэрдэг. Иймд бид эмийн гаж нөлөөг бууруулж, эмчилгээний үр дүнг сайжруулах, өвчтөн хэрэглэхэд тохиромжтой удаашруулсан үйлдэлтэй матрикс шахмал гарган авах нь зүйтэй гэж үзэж байна. Зорилго: Хлорфенирамины малеатын удаашруулсан үйлдэлтэй шахмал эм гарган авах технологийг өөрийн орны нөхцөлд боловсруулах, шахмалын чанарыг үнэлэх. Арга, аргачлал: Нэг шахмалд хлорфенирамины малеат 12 мг агуулагдахаар тооцож тохирох дүүргэгч бодисоор микрокристалл целлюлоз болон натрийн дигидрофосфат (2 молекул устай)-ыг, холбогч бодисоор цэвэршүүлсэн усыг, гулсуулагч тослох бодисоор тальк, магнийн стеаратыг, (матрикс үүсгэгчээр гидроксипропил метилцеллюлоз К-4М, гидроксипропил метилцеллюлоз Е-5М)-ыг өөр өөр харьцаагаар авч, чийгтэй мөхлөгжүүлэх аргаар туршилтын 4 загвар шахмал гарган авсан. Шахмалын чанарыг гадна байдал, бат бөх чанар, эмийн бодисын агууламж, тунлалтын нэгэн төрлийн чанар, уусалт, микробиологийн үзүүлэлтээр Монгол Улсын Үндэсний Фармакопей (МУҮФ) болон Америкийн Нэгдсэн Улс (АНУ)-ын фармакопейн аргаар тодорхойлов. Үр дүн: Туршилтын С2, C4 загварын шахмал нь фармакопейн шаардлага хангаж байлаа. Эмийн бодисын чөлөөлөгдөлтийг in vitro нөхцөлд тодорхойлоход С4 загварын шахмал 3, 6,12 цагийн дараа 45.3%, 66.3%, 96.2% чөлөөлж байсан нь хамгийн тохиромжтой болохыг тогтоолоо. Хэлцэмж: Бид хлорфенирамины малеат агуулсан удаашруулсан үйлдэлтэй матрикс шахмал гарган авах судалгааны дүнд чийгтэй мөхлөгжүүлэх технологийн аргаар гарган авах нь тохиромжтой болохыг тогтоосон ба энэ нь Судлаач Д.Отгонсүрэн, Д.Жамбанинж, Д.Даваадагва нарын Чихэр өвсний үндэснээс матрикс шахмал эм гарган авах технологийн судалгаагаар матрикс шахмалыг чийгтэй мөхлөгжүүлэх аргаар гарган авсан технологийн аргатай адил байна. Бидний гарган авсан С4 загварын матрикс шахмалын эмийн бодисын чөлөөлөгдөлт нь 3 цагт 45.3%, 6 цагт 66.3%, 12 цагт 96.2% байгаа нь АНУ-ын фармакопейн шаардлагатай нийцэж байна. Дүгнэлт: Хлорфенирамины малеатын удаашруулсан үйлдэлтэй матрикс шахмалыг С4 загварын найрлагаар, чийгтэй мөхлөгжүүлэх аргаар гарган авах нь тохиромжтой болохыг тогтоолоо. Хлорфенирамин малеатын удаашруулсан үйлдэлтэй С4 загвар шахмал нь гадна байдал, дундаж жин, бат бөх чанар, үйлчлэгч бодисын агууламж болон эмийн бодисын чөлөөлөгдөлт, микробиологийн үзүүлэлтээр чанарын шаардлага хангаж байна.
Background: Chlorpheniramine maleate is widely used in the treatment of allergic diseases. Chlorpheniramine maleate reduces the symptoms of allergic reactions caused by histamine, such as nasal congestion, sneezing, tearing, itchy eyes, and redness. The drug is well absorbed from the gastrointestinal tract when taken orally, and after 30-60 minutes after use, the concentration in the blood plasma reaches a maximum, which leads to side effects such as drowsiness and blurred vision. We decided to develop matrix tablets with extended release to to improve the therapeutic effect and reduce the side effects of drugs and suitable for use. Aim: Development for the production of prolonged release chlorpheniramine maleate tablets in the country and quality evaluation. Materials and Methods: Four design tablets were obtained by wet granulation method and estimated each tablet contains 12 mg of chlorpheniramine maleate. Hydroxypropyl methylcellulose k4M, E5M were used as matrix former, microcrystalline cellulose and sodium dihydrogen phosphate (2 molecules of water) as diluents, purified water as a binder, talc and magnesium stearate as a lubricant in different ratios. The quality of the tablets was determined by criterias such as appearance the average weight, amount of active ingredient, hardness, disintegration, dissolution and bacterial contamination according to the National Pharmacopoeia of Mongolia (NPM) and the United States Pharmacopoeia (USP). Results: The design C2 and C4 tablets met the pharmacopoeial requirements. Drug release were determined in vitro and design C4 released 45.3%, 66.3%, and 96.2% after 3, 6 and 12 hours. Therefore, C4 tablets were the most suitable. Discussion: As a result of our research on the production of prolonged release matrix tablets containing chlorpheniramine maleate, we found that it is suitable to produce matrix tablets based on wet granulation technology, this is similar to the technology used by researchers D.Otgonsuren, D.Jambaninj and D.Davaadagva to produce matrix tablets from Glycyrrhiza uralensis fisch by wet granulation of matrix tablets. Our drug C4 matrix tablet drug release is 45.3% at 3 hours, 66.3% at 6 hours, and 96.2% at 12 hours, which is in line with US pharmacopoeia requirements. Conclusion: Matrix tablets with prolonged release of chlorpheniramine maleate were found to be suitable for C4 formulation and wet granulation. Design C4 with prolonged release of chlorpheniramine maleate meets the quality requirements in terms of appearance, average weight, hardness, assay, drug release and microbiological parameters.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/666
Эшлэл
Л.Алтанхишиг, Д.Даваадагва, Б.Энхзаяа, Д.Өлзийдулам, Л.Хүрэлбаатар, Д.Жамбанинж. Хлорфенирамины малеатын удаашруулсан үйлдэлтэй шахмал гарган авах технологи боловсруулах, чанарыг үнэлэх. Эрүүл мэндийн шинжлэх ухаан. 2022;18(3):199-203.