Loading...
Дижитал болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан дүн
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
45
End Page
48
ISSN
2959-6947
Хураангуй
Үндэслэл: Сүүлийн 10 жилд бүрэн шүдгүйдлийн тархалт буурсан ч улс, бүс нутгаар харилцан адилгүй хэвээр байна. Жишээлбэл, АНУ-д 15 ба түүнээс дээш насны насанд хүрэгчдийн дунд бүрэн шүдгүйдлийн тархалт 4.9%, Хятадад ахмад настнуудын дөрөвний нэг нь бүрэн шүдгүйдэлтэй байна. Үүнийг эмчлэх гол арга нь бүрэн шүдэлбэр юм. Сүүлийн 10 жилд дижитал технологи ашиглан бүрэн шүдэлбэр хийх ажил ихээхэн нэмэгдсэнээр уламжлалт аргаар хийсэн бүрэн шүдэлбэр болон дижитал технологиор хийсэн бүрэн шүдэлбэрийг харьцуулсан судалгаа хийгдэх болсон. Манай орны хувьд дижитал болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан судалгаа хараахан хомс байгаа нь энэхүү судалгааг хийх үндэслэл болсон. Зорилго: Дижитал болон уламжлалт аргаар хийсэн хоншоорын бүрэн шүдэлбэрийн анхны тогтоц, шүдэлбэр хэвшсэний дараах тогтцод гарах өөрчлөлтийг харьцуулан судлах. Арга, аргачлал; Бид энэхүү судалгааг Анагаахын Шинжлэх Ухааны Үндэсний Их Сургууль (АШУҮИС)-ийн Судалгааны ёс зүйн хяналтын хорооны хурлын №2425/05-02 тоот дугаар шийдвэрээр Нүүр Ам Судлалын Сургууль (НАСС)ийн Нүүр Амны Согог Заслын Тасаг (НАСЗТ), Дижитал технологийн лабораторийг түшиглэн хоншоорын бүрэн шүдгүйдэлтэй 15 хүнд дижитал болон уламжлалт аргаар нийт 30 бүрэн шүдэлбэр хийв. Бүрэн шүдэлбэр бүрийг нэг сарын хугацаанд хэрэглэсний дараа шүдэлбэрийн тогтцыг (force gauge AMF500) багаж ашиглан дахин тодорхойлсон. Статистик боловсруулалтыг SPSS-26.0 программ дээр гүйцэтгэж магадлалын түвшин p<0.05 үед ач холбогдол бүхий ялгаатай гэж дүгнэв. Үр дүн: Анхны хэмжилтээр дижитал болон уламжлалт аргуудын ялгааг шалгах зорилгоор Wilcoxon Signed Ranks Test хийсэн. Үр дүнд Z=-2.045, p=0.041 (p<0.05) гарсан. 1 сарын дараах давтан хэмжилтэнд Friedman тестээр дөрвөн бүлгийн хооронд статистикийн ач холбогдолтой ялгаа илэрсэн (χ²(3)=11.40, p=0.01). Wilcoxon signed-rank тестээр харьцуулахад уламжлалт аргаар хийсэн хоншоорын бүрэн шүдэлбэрийн тогтцын 1 сарын дараах үр дүн ач холбогдол бүхий ялгаатай (Z=-2.803, p=0.005), CAD/CAM аргаар хийсэн хоншоорын бүрэн шүдэлбэрийн тогтцын 1 сарын дараах үр дүн ач холбогдол бүхий ялгаатай (Z=-2.497, p=0.013) байна. Харин CAD/CAM ба уламжлалт аргаар хийсэн хоншоорын бүрэн шүдэлбэрийн тогтцын анхны хэмжилт болон давтан хэмжилтийг хооронд нь харьцуулсан (p=0.059) статистикийн ач холбогдолгүй байв. Дүгнэлт: Анхны хэмжилтээр уламжлалт аргаар хийсэн хоншоорын бүрэн шүдэлбэрийн тогтоц дижитал аргыг бодвол статистикийн хувьд илүү тогтоцтой байсан. 1 сарын дараах давтан хэмжилтээр уламжлалт болон дижитал аргаар хийсэн шүдэлбэрийн тогтоц илүү сайжирсан байгаа нь тодорхойлогдлоо.
Background: Although the prevalence of complete edentulism has decreased over the past decade, there are significant regional differences. For example, among adults aged 15 and older in the United States, the prevalence of complete edentulism is 4.9%, while in China, approximately one in four elderly individuals is completely edentulous. The primary treatment for this condition is complete dentures. Over the past ten years, the use of digital technology for fabricating complete dentures has increased substantially, prompting comparative studies between conventionally fabricated and digitally fabricated complete dentures. Aim: To compare the initial fit of complete maxillary dentures fabricated using digital and conventional methods, and to evaluate the dimensional changes after one month of denture use. Materials and Methods: This study was conducted based on the decision No. 24-25/05-02 of the Research Ethics Committee of the Mongolian National University of Medical Sciences. The study was carried out at the School of Dentistry, specifically in the Department of Prosthodontics and the Digital Technology Laboratory. A total of 30 complete dentures-15 fabricated digitally and 15 fabricated using conventional methods-were made for 15 patients with complete edentulism. Each denture was used for a period of one month, after which denture retention was re-evaluated using a force gauge (AMF500). Statistical analysis was performed using SPSS version 26.0, and differences were considered significant at p<0.05. Results: To compare the differences between digital and conventional methods at baseline, the Wilcoxon Signed-Rank Test was performed. The results showed a statistically significant difference (Z=-2.045, p=0.041, p<0.05). At the onemonth follow-up, the Friedman test revealed a significant difference among the four groups (χ²(3)=11.40, p=0.01). Pairwise comparisons using the Wilcoxon Signed-Rank Test indicated that retention of conventional complete dentures at one month was significantly different (Z=-2.803, p=0.005), and retention of CAD/CAM-fabricated complete dentures at one month was also significantly different (Z=-2.497, p=0.013). However, comparison of baseline and one-month retention between CAD/CAM and conventional dentures showed no statistically significant difference (p=0.059). Conclusion: At baseline, retention of conventional complete dentures was statistically higher compared to CAD/ CAM-fabricated dentures. At the one-month follow-up, retention improved for both conventional and digital dentures.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1619
Эшлэл
Б.Буянхишиг, П.Жавхлан, Б.Баатархүү, Б.Отгонбаяр. Дижитал болон уламжлалт аргаар хийсэн хоншоорын бүрэн шүдэлбэрийн тогтцыг харьцуулсан дүн. Эрүүл мэндийн шинжлэх ухаан. 2026;22(2):45-48.