Loading...
Харханд албадан сэлэлтээр өдөөсөн архаг сульдалд Иммунофлю (Мана-4) эмийн үзүүлсэн нөлөө
Зохиогч
Он
2026 оны гуравдугаар сарын 30
Төрөл
journal article
Journal
Эрүүл мэндийн шинжлэх ухаан
Volume
22
Issue
2
Start Page
129
End Page
133
ISSN
2959-6947
Хураангуй
Үндэслэл: Мана-4 танг уламжлалт анагаах ухааны эх сурвалжуудад халууныг боловсруулах, хижиг халуун, цайвар бор бадган, цусан хатгалгыг дарах үйлдэлтэй хэмээсэн байдаг. Ч.Чимэдрагчаа (2002) нар Мана-4 тангийн халуун боловсруулах, үрэвслийн эсрэг, дархлаа дэмжих үйлдэлтэй болохыг судлан тогтоожээ. Архаг сульдлын хам шинж нь эмнэлзүйд ядрах, халуурах, толгой өвдөх сэтгэл санаа хямрах, мартамхай болох, нойр сэргэг болох шинжээр ирдэг эмгэг юм. Сүүлийн үед нийгмийн хөгжлийг даган хүмүүсийн амьдралын хэмнэл, ажлын ачаалал нэмэгдэж бие, хэл, сэтгэлийн хямрал ихэссэнээс мэдрэл, дотоод шүүрлийн системийн үйл ажиллагаа алдагдах, хямрах, дархлааны чадамж доройтон улмаар архаг сульдлын хам шинжийн өвчлөл жилээс жилд нэмэгдсээр байгаа нь дэлхийн олон судлаачдын анхаарлыг их татаж байна. Гэвч тус эмгэгийн шалтгаан, өвчний хөгжлийн эмгэг жам бүрэн тодорхойгүй, эмчилгээний үр дүнтэй, тохиромжтой аргыг одоо хүртэл эрэлхийлсээр байна. Иймээс бид Мана-4 танд ордог найрлагуудаас бүрдсэн Иммунофлю уусдаг мөхлөгийг гаргаж авсан бөгөөд уг эмийн архаг сульдлын эсрэг үйлдлийн судалгаа хийгдээгүй байгаа нь уг судалгааг хийх үндэслэл боллоо. Зорилго: Уламжлалт анагаах ухаанд өргөн хэрэглэгддэг Мана-4 тангаас гарган авсан Иммунофлю эмийн архаг сульдлын эсрэг нөлөөг судлан тогтоох. Арга аргачлал: Бид Jia Wang (2013) нарын аргаар албадан сэлэлтээр өдөөсөн архаг сульдалын эмгэг загвар үүсгэн авир төрхийн үнэлгээ хийж хөдөлгөөний идэвх (open field test), айдас түгшүүр (elevated plus maze) зэрэг сорилуудаар Иммунофлю уламжлалт эмийн үзүүлэх нөлөөг судлан тогтоосон. Үр дүн: Бид архаг сульдлын эмгэг загварт Иммунофлю эмийг хэрхэн нөлөөлж буйг 100, 200, 400 мг/кг тунд авир төрхийн үнэлгээ хийж үнэлсэн. Задгай талбайн сорил (Open field test)-оор Иммунофлю бүлгийн амьтдыг эмгэг хяналтын бүлэгтэй харьцуулахад төвөөр дамжин гарсан тоонд аль ч тундаа статистик ялгаа илрээгүй (p>0.05). Харин босоо хөдөлгөөний идэвхийг Иммунал 50 мг/кг тунгаар өгсөн бүлгийг эмгэг хяналтын бүлэгтэй харьцуулахад 80.4%-иар (p=0.024), Иммунофлю 100 мг/кг тундаа 82.6%-иар (p=0.003), Иммунофлю 200 мг/кг тундаа 77.4%иар (p=0.035) статистик магадлалтай нэмэгдүүлсэн. Үүнээс харахад Иммунофлю эм 100, 200 мг/кг тундаа хөдөлгөөний идэвхийг нэмэгдүүлж байна. Амьтны сэтгэл түгшил, авир төрхийг үнэлдэг өргөгдсөн “Нэмэх” хэлбэрт замын сорилоор Иммунал 50 мг/кг тунгаар өгсөн бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд байсан хугацаа 53.3%-иар (p=0.021), нээлттэй талбайд байсан хугацаа 61.4%-иар (p=0.032) тус тус статистик магадлалтай нэмэгдсэн. Мөн Иммунофлю бүлгийн амьтдыг эмгэг хяналтын бүлгийн амьтадтай харьцуулахад голын 10х10 талбайд гарсан тоо, байсан хугацаа, нээлттэй талбайд гарсан тоонд статистик ялгаа илрээгүй (p>0.05). Харин нээлттэй талбайд байсан хугацаанд Иммунофлю 200 мг/кг тундаа 60.6%-иар (p=0.026) нэмэгдүүлсэн байгаа нь айдас түгшүүрийг бууруулж байна. Дүгнэлт: Албадан сэлэлтээр өдөөсөн архаг сульдалын эмгэг загварт Иммунофлю эм 100, 200 мг/кг тундаа хөдөлгөөний идэвхийг 77.4-82.6%-иар нэмэгдүүлсэн. Айдас түгшүүрийг 200 мг/кг тундаа 60.6%-иар бууруулж, 100 мг/кг тундаа 35.3%-иар амьтны цөхрөл, сульдлыг бууруулж байна.
Background: According to classical sources of Traditional Mongolian Medicine, the Mana-4 decoction clears internal heat and fever, alleviates febrile and infectious diseases, resolves pale-brown Badgan disorders, and alleviates severe pneumonia. Chimedragchaa.Ch. et al. (2002) demonstrated that Mana-4 possesses heat-clearing, anti-inflammatory, and immunomodulatory effects. Chronic Fatigue Syndrome (CFS) is a disorder characterized by clinical manifestations including physical exhaustion, low-grade fever, headache, mood fluctuations, cognitive impairment, and sleep disturbances. In recent years, as the pace of modern life and workload have increased, physical, psychological, and mental stress have intensified, leading to dysregulation of the nervous and endocrine systems, impaired immune function, and a rising global prevalence of CFS—a trend that has attracted increasing attention from researchers worldwide. However, the etiology and pathogenesis of CFS remain incompletely understood, and effective, evidence-based treatments continue to be sought. Therefore, we developed Immunoflu soluble granules, derived from the constituents of Mana-4, and this study aimed to investigate its anti-fatigue effects, as no such investigation had previously been conducted. Aim: To evaluate the anti-fatigue effect of Immunoflu, a formulation derived from the traditional Mana-4 decoction widely used in Traditional Mongolian Medicine. Materials and Methods: A chronic-fatigue rat model was established by forced-swimming induction, following the method of Jia Wang et al. (2013). The behavioral effects of Immunoflu were assessed using the open-field test (locomotor activity) and the elevated plus-maze test (anxiety-related behavior). Results: Immunoflu was administered at 100, 200, and 400 mg/kg to evaluate its effects in a chronic-fatigue model. In the open-field test, no significant difference (p>0.05) in central-zone entries was observed between Immunoflu and the model control. However, vertical locomotor activity increased significantly: Immunal 50 mg/kg +80.4% (p=0.024), Immunoflu 100 mg/kg +82.6% (p=0.003), and 200 mg/kg +77.4% (p=0.035). From these findings, Immunoflu at 100 and 200 mg/ kg clearly enhanced locomotor activity in rats with chronic fatigue. In the elevated plus-maze test, Immunal 50 mg/kg increased the time spent in the central zone (10×10cm) by 53.3% (p=0.021) and in open arms by 61.4% (p=0.032) compared with the model control. Although Immunoflu produced no significant changes (p>0.05) in central-zone entries or time spent in the central zone, the time spent in the open arms increased by 60.6% at 200 mg/kg (p=0.026), indicating a reduction in anxiety and improved behavioral response to stress. Conclusion: In a forced-swimming–induced chronic-fatigue model, Immunoflu increased locomotor activity by 77.482.6% at 100 and 200 mg/kg, reduced anxiety by 60.6% at 200 mg/kg, and reduced behavioral despair and fatigue by 35.3% at 100 mg/kg.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1635
Эшлэл
Б.Анхбаяр, Б.Дэжидмаа, Ч.Эрдэнэчимэг, А.Ану, Ч.Чимэдрагчаа, П.Молор-Эрдэнэ. Харханд албадан сэлэлтээр өдөөсөн архаг сульдалд Иммунофлю (Мана-4) эмийн үзүүлсэн нөлөө. Эрүүл мэндийн шинжлэх ухаан. 2026;22(2):129-133.