Loading...
Завхан аймгийн зарим сумдын гэр хороололд амьдардаг эмэгтэйчүүдийн ундны усны талаарх мэдлэгийн судалгаа
Зохиогч
Он
2020 оны хоёрдугаар сарын 15
Төрөл
journal article
Journal
Эрүүл мэндийн шинжлэх ухаан
Volume
16
Issue
1
Start Page
13
End Page
15
ISSN
2959-6947
Хураангуй
Үндэслэл: Хүн амын эрүүл мэндийг хамгаалах асуудлын нэг нь хүний өдөр тутам хэрэглэдэг унд, ахуйн ус хангамж, хүрэлцээ, чанар, аюулгүй байдлын асуудал юм. АШУҮИС-ийн НЭМС-иас 2016 онд хийсэн Улаанбаатар хотын гэр хорооллын хүн амын “Ундны усны талаарх мэдлэг, хандлага, дадлын судалгаа”-нд хамрагдсан нийт өрхийн 86.7 хувь нь ус хадгалдаг, 30.6 хувь нь ус зөөх сав нь шаардлага хангаагүй буюу зориулалтын бус усны сав ашиглаж байсан. Мөн 10 өрх тутмын 7 нь өрхийн ундны ус болон усны савны эрүүл ахуйн байдал нь хангалтгүй байсан8. Бидний судалгааны үндсэн зорилго нь эмэгтэйчүүдийн дундах ундны усны талаарх мэдлэгийг үнэлэхэд оршино. Судалгааны арга: Судалгааг Завхан аймгийн зарим сумдын гэр хорооллын өрхийн хүн амын дунд агшингийн судалгаанд суурилж явуулсан. Судалгаанд нийтдээ Завхан аймгийн 5 сумын 1260 өрхийн 2520 хүн ам хамруулсан. Үр дүн: Оролцогчдоос хүний бие мах бодийн нийт усны хэмжээний агууламж гэсэн хариултанд эмэгтэйчүүдийн 34,7% нь зөв хариулсан бол, 58,6% нь буруу хариулсан бөгөөд 6.7% нь мэдэхгүй гэж хариулжээ. Судалгаанд оролцогчдын 50.7% нь усаа ундны усны зориулалтын бус саваар зөөдөг, 33.2% нь усны зориулалтын цэвэр саваар зөөдөг гэж хариулсан бол 16.1% нь энэ талаарх мэдээлэлгүй бөгөөд мэдэхгүй гэж хариулсан болно. Усны бохирдлоос сэргийлэх талаарх асуултанд таван хүн тутмын гурав нь усаа буцалгаж хэрэглэдэг гэж хариулсан бол, гурван хүн тутмын нэг нь усны саваа тагтай байлгах, гурван хүн тутмын хоёр нь усны саваа тогтмол угаадаг, 23.4% нь гараа тогтмол угаадаг гэсэн бол 9 оролцогч энэ талаар огт мэдлэггүй гэж хариулт өгсөн. Ус цэвэрхэн тунгалаг бол шууд ууж болох талаар асуултад 43% нь буцалгаж ууж болно, 15.5% нь болохгүй гэсэн хариулт өгч 41.5% нь буруу хариулт өгсөн байна. Усаа хадгалах тохиоромжтой хугацааны талаарх асуултанд нийт оролцогчдын 77.2% нь зөв мэдээлэлтэй байсан бол 22.8% нь хангалтгүй мэдээлэлтэй байсан. Дүгнэлт: Эмэгтэйчүүдийн ундны ус, ус хадгалах савны талаарх мэдлэг хангалтгүй байна гэж дүгнэгдсэн. Мөн усны бохирдох шалтгааны талаарх мэдлэг хангалгүй байсан.
Introduction: An arising public health concern of our daily lives is a drinking water and its coverage, quality and safety issues. Therefore, our study purpose is to identify knowledge of drinking water among women. Study methodology: This is a population based cross-sectional study design and included 2520 people of 1260 families in five soums. Study results: Knowledge assessment made with question of total percentage of body water, 34.7% answered correctly and 58.65% answered incorrectly. Rest of the respondents said 6.7% do not know. The fifty one percent of the study participants brought drinking water by inappropriate bottle and 33.2% of them said appropriate bottle was used. 16.1% of them do not know about. Among water pollution questions, 3 per 5 persons boiled drinking water whereas 1 per 3 persons left drinking water with bottle hat and 2 per 5 persons washed their drinking bottle. The 23.4% of the study participant wash their hand and nine study participants don not know. If water looks clear and pure, 43% of them, can drink. Conclusion: Among women knowledge of drinking water was not satisfactory. Additionally, lack of information causes of water pollution.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1352
Эшлэл
Л.Баярмагнай, Д.Ням-Осор, Ч.Өнөрцэцэг. Завхан аймгийн зарим сумдын гэр хороололд амьдардаг эмэгтэйчүүдийн ундны усны талаарх мэдлэгийн судалгаа. Эрүүл мэндийн шинжлэх ухаан. 2020;16(1):13-15.
Түлхүүр үг