Loading...
Төрөл ойртсон болон удам төрлийн хамааралгүй гэр бүлүүдэд дерматоглификийн А-В товгорын судлын тоог харьцуулан судалсан дүн
Зохиогч
Он
2024 оны арван хоёрдугаар сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
8
Start Page
93
End Page
96
ISSN
2959-6947
Хураангуй
Үндэслэл: Төрөл ойртсон гэрлэлт нь эцэг эхийн аль алинаас нь ижил аллелийг өвлөн авах улмаас удамшлын эмгэг үүсэх магадлалыг нэмэгдүүлдэг. Судлаачид дерматоглификийн аргыг удамшлын эмгэг, зарим хам шинж зэрэг хурууны хээтэй холбоотой эмгэгийг оношлох өргөн хүрээний аргын нэг хэсэг болгон ашигладаг. Мөн цусны даралт ихсэх, чихрийн шижин эсвэл бусад удамшлын бус эмгэгүүдийн судалгаанд ашигласан байна. Дерматоглификийн арга нь удамшлын эмгэгийг судлах нэмэлт хэрэгсэл байж болох ч төрөл ойртолттой холбоотой генетикийн ихэнх эмгэгийг оношлоход түгээмэл хэрэглэгддэггүй. Харин биохимийн шинжилгээ, генийн мутаци илрүүлэх шинжилгээ нь оношилгооны үндсэн хэрэгсэл хэвээр байгаа нь тухайн судалгааг хийх үндэслэл болсон. Зорилго: Төрөл ойртсон болон удам төрлийн хамааралгүй гэр бүлийн гишүүдийн A-B товгорын судлын тоо өвөрмөц онцлогтой эсэхийг судлах. Арга, аргачлал: Бид энэхүү судалгааг тохиолдол хяналтын судалгааны загварыг ашиглан, 2024 оны 6 дугаар сараас 10 дугаар сар хүртэл 176 оролцогчийг хамруулав. Генеалогийн аргаар төрөл ойртсон нь батлагдсан нийт 32 гэр бүлээс судалгааны шалгуурыг хангасан 47 оролцогчийг тохиолдлын бүлэгт хамруулсан ба хяналтын бүлэгт 129 оролцогчийг хамруулав. Үр дүн: Төрөл ойртсон бүлэг болон удам төрлийн хамааралгүй бүлгийн A-B товгорын судлын тоо мэдэгдэхүйц ялгаатай байв (p<0.05). Дүгнэлт: Судалгааны үр дүнгээс харвал төрөл ойртсон гэр бүлийн гишүүдийн дерматоглификийн арга нь төрөл ойртолтын шалтгаант удамшлын эмгэгийн оношилгоонд хэрэглэх арга хэрэгсэл байж болох тул эмнэлзүйн хэрэглээнд нэмэлтээр хоёр бүлгийн хурууны хээ, алганы хээний давтамж, ялгааг үнэлэх, хэв маягийн эрчим, Данкмейжерийн индекс, Фурухата индекс, “atd”, “dat” болон “tda” өнцгийн үнэлгээ гэх дерматоглификийн шинж чанаруудыг үнэлэх шаардлагатай байна.
Background: Consanguineous marriages increase the probability of inheriting identical alleles from both parents, which raises the likelihood of hereditary disorders. Researchers use dermatoglyphic techniques as part of a broad approach to diagnose genetic diseases and some syndromes related to finger patterns. This method has also been utilized in research on conditions such as high blood pressure, diabetes, or other non-hereditary disorders. Although dermatoglyphics can be an additional tool for studying genetic disorders, it is not commonly used to diagnose most genetic disorders associated with consanguinity. Biochemical analysis and genetic mutation tests remain the primary diagnostic tools, which is the basis for conducting this study. Aim: To investigate whether the number of A-B ridge counts on fingerprints is a distinctive characteristic among family members of consanguineous and unrelated families. Materials and Methods: This study was conducted using a case-control design, including 176 participants from June to October 2024. A total of 47 participants from 32 families with confirmed consanguinity, based on genealogical methods, were included in the case group, while 129 participants from unrelated families were included in the control group. Results: There was a significant difference in the A-B ridge counts between the consanguineous and unrelated groups (p<0.05). Conclusion: Based on the results, the dermatoglyphic method could be a useful tool for diagnosing genetic disorders caused by consanguinity in family members. For clinical application, additional evaluations of fingerprint and palm print frequency, pattern intensity, the Dankmeijer index, the Furuhata index, and dermatoglyphic characteristics such as “atd”, “dat”, and “tda” angles should be considered.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1189
Эшлэл
Д.Отгонбямба, Ч.Баттогтох, Ж.Сарантуяа, Ц.Алтансүх. Төрөл ойртсон болон удам төрлийн хамааралгүй гэр бүлүүдэд дерматоглификийн А-В товгорын судлын тоог харьцуулан судалсан дүн. Эрүүл мэндийн шинжлэх ухаан. 2024;20(8):93-96.