Loading...
Угаарын хийн хордлогын өнөөгийн байдал, хордлогын талаар иргэдийн мэдлэг, дадал, хандлагыг судалсан дүнгээс
Зохиогч
Он
2024 оны тавдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
6
Start Page
177
End Page
182
ISSN
2959-6947
Хураангуй
Үндэслэл: Хөгжиж буй улс орны иргэд гэр сууцаа халаах, хоол хийх зорилгоор уламжлалт галлагаа хийж байгаа нь дотоод орчны агаарын бохирдол, угаарын хийн хордлогод өртөхөд нөлөөлөх хүчин зүйл болж байна. Монгол Улсын Засгийн Газраас явуулж буй агаарын бохирдлыг бууруулах арга хэмжээний хүрээнд 2019 оны 62 дугаар тогтоолоор нийслэлд түүхий нүүрс хэрэглэхийг хориглож сайжруулсан түлш хэрэглэж эхэлсэн. Сайжруулсан түлш хэрэглэснээс хойш иргэдийн дунд угаарын хийн хордлогод өртөх, эмнэлэгийн тусламж авах тохиолдол нэмэгдэх хандлагатай байгаа нь судалгаа хийх хэрэгцээ буйг илтгэж байна. Зорилго: Нийслэлийн иргэдийн угаарын хийн хордлогын өнөөгийн байдал, угаарын хийн хордлогын талаар мэдлэг, дадал, хандлагыг судлах. Арга, аргачлал: Судалгааг аналитик судалгааны агшингийн загвар ашиглан гүйцэтгэв. Нийслэлд 2017-2022 онд бүртгэгдсэн угаарын хийн хордлогын тохиолдолд дескриптив шинжилгээ хийв. Нийслэлийн төвийн 6 дүүргээс галлагаа хийдэг 395 өрхийн иргэдийг сайн дураар хамруулж угаарын хийн талаарх мэдлэг, дадал, хандлагыг 52 асуулт бүхий 4 бүлэг асуумжийн хуудсаар асууж судлав. Үр дүн: Нийслэлд 2017-2022 онд угаарын хийн хордлогын нийт 5799 (эрэгтэй 55.9%, эмэгтэй 42.7%, тодорхойгүй 1.4%) тохиолдол бүртгэгджээ. Хүүхэд, залуучууд 78.4% (0-17 нас 36.1%, 18-30 нас 21.8%, 31-45 нас 20.5%)-ийг эзэлж байна. Асуумж судалгаанд нийт 395 иргэдийг (эрэгтэй 37.7%, эмэгтэй 62.3%) хамруулсан. Угаарын хийн хордлогоос урьдчилан сэргийлэх талаар мэдээлэл авдаг иргэдийн мэдлэг (p=0.0345), дадал (p=0.0002), хандлагa (p=0.0029) мэдээлэл огт авдаггүй иргэдээс ялгаатай байна. Гэр бүлийн гишүүдээр харьцуулахад дадал (p=0.0255) нь ялгаатай, боловсрол (p=0.0007), орлогын түвшин (p=0.0005), ажил эрхлэлтээр (p=0.0007) харьцуулхад мэдлэг нь тус тус ялгаатай байна. Иргэдийн мэдлэг тэдний дадал (p=0.0003; r=0.18) хандлага (p=0.0000; r=0.26) хооронд шууд, сул хамааралтай байна. Дүгнэлт: Чингэлтэй, Сонгинохайрхан дүүрэгт 10000 хүн амд ногдох хордлогын тохиолдол бусад дүүргээс өндөр байна. Дутуу шаталтын дүнд үүсэх угаарын хийнд өртөхөд хордлогын шинж тэмдэг, анхны тусламж, урьдчилан сэргийлэх талаар иргэдийн мэдлэг хангалтгүй байна. Цаашид мэдээлэл, сурталчилгааг сайн явуулах, мөн бага, дунд боловсролтой иргэдийн мэдлэгийг сайжруулах шаардлагатай байна.
Background: In many developing countries, the use of biomass for heating and cooking exposes populations to indoor air pollutants, including carbon monoxide (CO). In response, the Mongolian government introduced the use of improved coal as per Resolution No. 62 of 2019, subsequently banning raw coal. However, post-implementation in Ulaanbaatar, there was an unexpected rise in CO poisoning cases, hospitalizations, and mortality rates, necessitating this study. Aim: This study aims to assess the current state of carbon monoxide poisoning among Ulaanbaatar residents and to evaluate the knowledge, practices, and attitudes of residents in the Ger districts concerning CO poisoning. Materials and Methods: Employing a cross-sectional study design, we analyzed the total cases of carbon monoxide poisoning recorded in the capital from 2017 to 2022. We surveyed 395 households across six districts using four sets of questionnaires comprising 52 questions to evaluate their knowledge, habits, and attitudes regarding CO poisoning. Results: Between 2017 and 2022, 5,799 CO poisoning incidents were registered in Ulaanbaatar, with 55.9% male and 42.7% female victims (1.4% unknown). The majority of cases (78.4%) involved children and youth (0-17 years: 36.1%, 18-30 years: 21.8%, 31-45 years: 20.5%). Out of the surveyed 395 citizens (37.7% male, 62.3% female), significant differences were found in the knowledge (p=0.0345), practices (p=0.0002), and attitudes (p=0.0029) towards CO poisoning prevention between those who had received informational interventions and those who had not. Practice varied significantly with family member type (p=0.0255), and there were significant differences in knowledge scores based on education (p=0.0007), income level (p=0.0005), and employment status (p=0.0007). There was a direct, albeit weak, correlation between citizens’ knowledge and their habits (p=0.0003; r=0.18) and attitudes (p=0.0000; r=0.26). Conclusion: The districts of Chingeltei and Songinohairkhan exhibited higher incidences of poisoning per 10,000 population compared to other areas. The knowledge of Ger area residents about the symptoms, first aid, and prevention of CO poisoning from incomplete combustion remains inadequate. Future initiatives must enhance the dissemination of information and focus on targeted educational campaigns.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1109
Эшлэл
Б.Майцэцэг, Б.Буянтүшиг, Г.Энхжаргал. Угаарын хийн хордлогын өнөөгийн байдал, хордлогын талаар иргэдийн мэдлэг, дадал, хандлагыг судалсан дүнгээс. Эрүүл мэндийн шинжлэх ухаан. 2024;20(6):177-182.