Loading...
Төрөлт дэмжих зарим эмийн хэрэглээнд хүйн цусны хийн үзүүлэлтүүдийг харьцуулсан дүн
Зохиогч
Он
2024 оны тавдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
6
Start Page
165
End Page
170
ISSN
2959-6947
Хураангуй
Үндэслэл: Төрөлт сэдээлт нь эхийн болон перинаталь үеийн өвчлөл, эндэгдлээс урьдчилан сэргийлэх зорилгоор хийгддэг үйл явц юм. Төрөлт сэдээх арга нь аюулгүй, өвдөлтгүй, тохиромжтой, үр нөлөөтэй ба өртөг багатай байх ёстой. Окситоцин нь төрөлтийг найдвартай, үр дүнтэй сэдээх нийтлэг хэрэглэгддэг эмийн бэлдмэл хэдий ч умайн хүзүү бэлтгэгдээгүй үед төрөлт амжилтгүй сэдээгдэж болзошгүй. Хэрэв, умайн хүзүү бэлтгэгдээгүй үед простогландины аналогийг умайн хүзүүг бэлтгэх, төрөлт сэдээх зорилгоор өргөнөөр хэрэглэдэг. Төрөлт сэдээх эмийн бэлдмэлийн нярайд үзүүлэх нөлөө нь одоог хүртэл маргаантай хэвээр байна. Зарим судлаачид нярайд ямар нэг сөрөг нөлөөгүй гэж үздэг бол зарим нь нярай бүтэлттэй төрөх эрсдэлт хүчин зүйлсийн нэг хэмээн тодорхойлсон байдаг. Тиймээс бид окситоцин ба мизопростолын ургийн цусан дах хийн үзүүлэлтэд үзүүлэх нөлөөг харьцуулан судлах шаардлагатай байгаа нь энэхүү судалгааг хийх үндэслэл боллоо. Зорилго: Ургийн хүйн цусны хийн үзүүлэлтүүдэд төрөлтийг өдөөх зорилгоор хэрэглэх мизопростол ба окситоцины нөлөөг харьцуулан судлах. Арга, аргачлал: ЭХЭМҮТ-д 2024 оны 2 сарын 26-аас 3 сарын 26 хүртэлх 1 сарын хугацаанд төрсөн эмэгтэйчүүдээс, хамруулах шалгуур үзүүлэлтийн дагуу, хяналтын бүлэг (n=10) төрөлт сэдээхээр дан мизопростол үтрээнд (n=10) ба окситоцин судсанд дуслаар (n=10) хэрэглэсэн эхчүүдийг тус тус сонгосон. Хүйн лугшилт зогсохоос өмнө хүйн артерийн цуснаас дээж авч, хүйн артерийн цусны pH, pCO2, pO2, HCO3, ВЕ (цусны илүүдэл суурь) зэрэг үзүүлэлтүүдийг лабораторид хэмжсэн. Нярайг төрмөгц нярайн эмч амьдралын 1 ба 5 дах минутанд апгарын оноог үнэлсэн. Үр дүн: Ургийн хүйн артерийн дундаж рН утга нь хяналтын бүлэгт 7.34±0.04, окситоцины бүлэгт 7.25±0.07, мизопростолын бүлэгт 7.27±0.04 байна. Хяналтын бүлэгтэй харьцуулахад окситоцин (p=0.006) ба мизопростолын (p=0.044) бүлгийн дундаж рН мэдэгдэхүйц ялгаатай байна. Төрөлт сэдээх 2 эмийн бүлгийн хооронд (p=0.694) мэдэгдэхүйц ялгаагүй байна. Ургийн хүйн цусны хийн бусад үзүүлэлтүүд (pCO2, pO2, HCO3, ВЕ) судалгааны бүлгүүдийн хооронд ач холбогдол бүхий ялгаа ажиглагдаагүй (p>0.05). Дүгнэлт: 1. Хяналтын бүлэгтэй харьцуулахад төрөлт сэдээх эмийн бүлгүүдийн дундаж рН нь ихэссэн буюу мэдэгдэхүйц ялгаатай байна. 2. Төрөлт сэдээх эмүүд нь хүйн цусны рН-д нөлөөлж байна.
Background: Induction of labor is a procedure performed to prevent maternal and perinatal morbidity and mortality. Induction methods should be safe, painless, convenient, effective and inexpensive. Although oxytocin is a commonly used drug for safe and effective induction of labor, labor may fail if the cervix is not prepared. If the cervix is not prepared, prostaglandin analogs are widely used to prepare the cervix and induce labor. The effects of birth control pills on babies are still controversial. Some researchers believe that it does not have any negative effects on the newborn, while others have identified it as one of the risk factors for the birth of a newborn. Therefore, we conducted this study to compare the effects of oxytocin and misoprostol on fetal blood gas parameters. Aim: To compare the effects of misoprostol and oxytocin for labor induction on umbilical cord blood gas parameters Materials and Methods: We conducted this study among mothers who gave birth in the NICU between February 26th and March 5th, according to the inclusion criteria, a control group (n=10), misoprostol alone vaginally (n=10) and oxytocin drip alone (n= 10) used mothers were selected respectively. Before umbilical cord pulsation was stopped, umbilical artery blood was sampled and umbilical artery blood pH, pCO2, pO2, HCO3, and VE (blood base excess) parameters were measured in the laboratory. Ethical permission to start this study was discussed and approved by the “Research Ethics Control Committee” of MNUMS on November 24, 2023 (2023-03-09). Also, written consent was obtained from the guardians of the research participants using a “Consent Form”. Results: The mean cord umbilical artery pH was 7.34±0.04 in the control group, 7.25±0.07 in the oxytocin group, and 7.27±0.04 in the misoprostol group. There was a significant difference in the mean pH of the oxytocin (p=0.006) and misoprostol (p=0.044) groups compared to the control group. There was no significant difference between the 2 groups of labor induction drug (p=0.694). Other cord umbilical artery gas parameters (pCO2, pO2, HCO3, VE) were not significantly different (p>0.05) between study groups. Conclusions: 1. Compared to the control group, the mean pH was increased or significantly different in the labor induction drug groups 2. Suggesting that induction drugs may affect cord blood pH.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1107
Эшлэл
Б.Ойгончимэг, С.Сарнай, Т.Маралмаа, Ж.Отгонбаатар, А.Солонго, Д.Нарантунгалаг. Төрөлт дэмжих зарим эмийн хэрэглээнд хүйн цусны хийн үзүүлэлтүүдийг харьцуулсан дүн. Эрүүл мэндийн шинжлэх ухаан. 2024;20(6):165-170.