Даваа–Баасан 08:30–20:00 · Бямба 09:00–16:00
Now showing 1 - 10 of 13
  • Some of the metrics are blocked by your 
    Item type:Publication,
    Эпилепсийн мэс заслын өмнөх бэлтгэлд урт хугацааны видео-хяналтат тархины цахилгаан бичлэгийг нэвтрүүлсэн үр дүн
    (2025-01-01)
    О.Гансувд
    ;
    ;
    Ж.Будлхам
    ;
    ;
    Ц.Солонго
    Үндэслэл: Эпилепситэй хүмүүсийн гуравны нэг нь эмэнд тэсвэртэйн улмаас эпилепсийн мэс засал эмчилгээ хийгдэх шаардлагатай болдог. Эпилепсийн мэс засал эмчилгээнд зайлшгүй хийгдэх үнэлгээнд урт хугацааны видео хяналтат тархины цахилгаан бичлэг, тархины соронзон резонанст томографи (СРТ), сэтгэц танин мэдэхүйн сорил, багтдаг. АШУҮИС-ийн Монгол-Япон эмнэлгийн Эпилепсийн төвийн үйл ажиллагаа 2022 оны 09 сарын 01-ээс амбулаторийн үйл ажиллагаагаар эхэлж 2023 оны 05 сарын 18аас урт хугацааны видео-хяналтат тархины цахилгаан бичлэгийн тоног төхөөрмжийг хэвтэн эмчлүүлэх тасагт анх удаа суурьлуулж, нэвтрүүлснээр Монголд эпилепсийн мэс засал эмчилгээ олон улсын стандартын дагуу хийгдэх үндэс суурь тавигдсан. Зорилго: Эпилепсийн мэс засал эмчилгээний өмнөх бэлтгэлд урт хугацааны видео-хяналтат тархины цахилгаан бичлэгийн үр дүнг судлах Арга, аргачлал: Судалгааг проспектив когорт судалгааны загвараар хийж гүйцэтгэсэн. АШУҮИС-ийн МЯЭ-ийн Эпилепсийн төвөөр 2023 оны 05-р сараас 2025 оны 03-р сар хүртэлх хугацаанд үйлчлүүлж, урт хугацааны видео-хяналтат тархины цахилгаан бичлэгт орсон чамархайн орсон чамархайн эпилепситэй 96 үйлчлүүлэгчийг даган судалжээ. Эпилепсий мэс заслын өмнөх үнэлгээнд урт хугацааны видео-хяналтат тархины цахилгаан бичлэг, эпилепсийн протоколтой СРТ, танин мэдэхүй, ой тогтоолтын сорилыг ашигласан. Чамархайн эпилепситэй өвчтөнүүдийн уналтын хэлбэр, семиологийг урт хугацааны дүрс бичлэг, дуу хураагуур, эпилепситэй тэмцэх олон улсын нийгэмлэгийн ангилал (^АЕ-2017) шалгуурын дагуу тогтоосон. Үр дүн: Бидний судалгаанд нийт 297 (104 хүүхэд, 193 насанд хүрэгчид) үйлчлүүлэгч хамрагдаж үүнээс чамархайн эпилепситэй 96 (32%) үйлчлүүлэгч эпилепсийн мэс заслын өмнөх үнэлгээ хийлгэсэн. Чамархайн эпилепситэй хүмүүсийн дундаж нас 33±9.2 жил, хүйсийн харьцаа эрэгтэй:эмэгтэй=1:1, уналт эхэлсэн нас 20±10.9 жил, уналт үргэлжилсэн хугацаа 14.8±10.3 жил, шалтгааны хувьд мэнэнг 21.7%, халууралтын таталт 15.2%, бүтэлт 12.5%, тархины гэмтэл 12.5% тус, тус эзэлж байна. Дүгнэлт: Урт хугацааны видео хяналтат тархины цахилгаан бичлэг нь эпилепсийн голомтыг нарийвчлан тогтоох, уналтын шинж төрхийг илрүүлэх, ялган оношлох, хагалгааны заалтыг оновчтой гаргах, мэс засал эмчилгээний өмнөх бэлтгэлд зайлшгүй шаардлагатай үндсэн шинжилгээ болох нь батлагдлаа.
  • Some of the metrics are blocked by your 
    Item type:Publication,
    Чанаргүй нойр, түүнд нөлөөлөх зарим хүчин зүйлсийг судалсан дүн
    (2025-01-01)
    Б.Пүрэвдулам
    ;
    ; ;
    Г.Цагаанхүү
    ;
    Ц.Дэлгэрмаа
    Үндэслэл: Нойрны чанар нь хүний бие махбодийн физиологийн хэвийн үйл ажиллагааг хангахад гол нөлөөтэй төдийгүй хувь хүний эрүүл мэндийн үндсэн тодорхойлогч болохыг судлаачид цохон тэмдэглэжээ. Нойрны чанар хангалтгүй байх нь бие, сэтгэцийн эрүүл мэндэд ихээхэн сөрөг нөлөө үзүүлж улмаар амьдралын чанарыг муутган, хувь хүний эдийн засагт хор хохиролтой хийгээд олон төрлийн хүчин зүйлсээс хамаардаг хэдий ч энэ талаарх судалгаа Монголд нарийвлан хийгдээгүй байна. Зорилго: Нойрны төвөөр үйлчлүүлэгчдийн дунд нойрны чанарыг үнэлэн, түүнд нөлөөлөх эрсдэлийн хүчин зүйлсийг судлах. Арга, аргачлал: Эмнэлэгт суурилсан агшингийн загвараар ТТАХНЭ-ийн Нойрны төвд 2024 оны 1-5 дугаар сар хүртэлх хугацаанд үйлчлүүлсэн 18-65 насны нийт 200 оролцогчдыг судалгаанд хамруулав. Судалгааны өгөгдөлийг цуглуулахдаа тусгайлан боловсруулсан бүтэцлэгдсэн асуумжийн аргыг ашигласан. Нойрны чанарыг Питтсбургийн нойрны ------------------------------чанарын индексийн Монгол хувилбарыг (ПНЧИ-М) ашиглан нойрны чанар “Сайн” (п=95), “Муу” (п=105) гэсэн шалгуураар (ПНЧИ-М нийт оноо < 5 ^8 > 6 ) оролцогчдийг хоёр бүлэгт хуваан шинжлэв. Мөн нас, хүйс, боловсролын түвшин зэрэг нийгэм-хүн амзүйн болон эмнэлзүйн эрсдэлийн хүчин зүйлсийг бүртгэсэн. Сэтгэл гутрал, түгшил, ба цочирдолын түвшинг ^ А 8 8 21 ферге88юп Апх^е1у 8йе88 8са1е) шалгуураар үнэлэн тодорхойлов. 1-тест, Манн-Витней Ю, Хи-квадрат эсвэл Фишерийн сорилыг ашиглан нэг хүчин зүйлийн дүн шинжилгээг хийв. Олон хүчин зүйлийн ложистик регрессийн загварыг ашиглан нойрны чанар “Муу” үр дүнд нөлөөлөх бие даасан эрсдэлийн хүчин зүйлийг тогтоов. Р<0.05 үед үр дүнг статистик ач холбогдолтой гэж үзсэн. Үр дүн: Судалгаанд нийт оролцогчдын 52.5% -д ПНЧИ-М нийт оноо > 6 шалгуураар нойрны чанар “Муу” байв. Нэг хүчин зүйлийн дүн шинжилгээгээр нас, эмэгтэйчүүд, сэтгэл гутрал, түгшилтэй байх, БЖИ > 25, архидал, архаг өвчин, эмийн хэрэглэгээ зэрэг нь нойрны чанар “Муу”-тай статистик ач холбогдол бүхий холбоотой байлаа (бүгд р<0.05). Олон хүчин зүйлийн ложистик регрессийн дүн шинжилгээгээр 50 < нас (ОК 3.133, 95% С1, 1.245-7.884, р < 0.05), БЖИ > 25 (ОК 2.084, 1.0394.179, р<0.05), архидал (ОК 3.018, 95% С1, 1.495-6.093, р<0.01) сэтгэл гутрал (ОК 15.957, 95% С1, 1.592-159.922, р<0.05) нойрны чанар “Муу” үр дүнг таамаглах бие даасан хүчин зүйлс болох нь тодорхойлогдов. Сэтгэл гутрал, архидал нь нойрны латенци уртсах, өдрийн идэвхи алдагдахад хамааралтай байв (р<0.05). Дүгнэлт: 1. Чанаргүй нойрны давтамж 52.5%-аар тогтоогдож, эмэгтэйчүүдэд эрэгтэйчүүдээс давамгайлж, тавиас дээш насанд түгээмэл байна. 2. Тавиас дээш нас, сэтгэл гутрал, БЖИ > 25, архидал нь нойрны хямралтай холбоотой бие даасан чухал эрсдэлийн хүчин зүйл болов. Нойрны латенцийн өөрчлөлт, нойр тасалдал болон өдрийн идэвхит үйл ажиллагааны алдагдал чанаргүй нойртой холбоотой байх магадтай. Нойрны хямрал Нойр тасалдал Сэтгэл гутрал Нойрны латенци
  • Some of the metrics are blocked by your 
    Item type:Publication,
    Эпилепситэй эмчлүүлэгчдийн ой тогтоолтын өөрчлөлтийг үнэлсэн дүнгээс
    Үндэслэл: Ой тогтоолт гэдэг нь мэдээллийг тогтоох, хадгалах, сэргээн санах үйл ажиллагааны цогц нэгдэл бөгөөд сэтгэцийн органик Үг цээжлэх шалтгааны улмаас тооны болон чанарын өөрчлөлтүүдээр илэрдэг. Санах ой Эпилепси нь мэдрэл, сэтгэцийн шинжүүд хавсран илэрдэг эмгэг Анхаарал бөгөөд өвчний явц, эмийн эмчилгээний дэглэм баримтлах байдал, Илүү үг уналт таталтын давтамжаас хамааран ой тогтоолт буурч, хагас, бүтэн Эмийн дэглэм тэнэгрэлийн байдалд ордог. Ой тогтоолтын тооны болон чанарын баримтлах байдал өөрчлөлтийг тодорхойлох олон арга байдаг боловч эпилепсийн үеийн ойн өөрчлөлтийг А.Я.Луриягийн сорилыг ашиглан тогтоосон судалгаа одоогоор хангалтгүй байгаа тул бид механик ой тогтоолтыг шалгах энэхүү сорилыг цаашид нутагшуулах зорилгоор судалгаанд ашиглав. Зорилго: Эпилепситэй эмчлүүлэгчдийн ой тогтоолтын өөрчлөлтийг стандарт асуумжаар илрүүлэхэд оршино. Арга, аргачлал: Судалгааг эмнэлэгт суурилсан, дискрептив судалгааны агшингийн загвараар, асуумж судалгааны арга, 10 үг цээжлэх стандарт (А.Я. Луриягийн сорил) сорилыг ашиглан хийв. Судалгааг СЭМҮТ-ийг түшиглэн 2023 оны 7-р сарын 1-нээс 8-р сарын 1 хүртэлх хугацаанд хийсэн ба судалгааны Ёс зүйн зөвшөөрлийг түшиц байгууллага болох СЭМҮТ (2023 оны 06.14ний өдрийн 3/603) авсан ба мөн АШУҮИС-ийн Судалгааны Ёс зүйн Хяналтын Хорооны хурлаар хэлэлцүүлж судалгаа хийх зөвшөөрөл (2023.06.16-ны 2023/3-08) тус тус авсан болно. Цуглуулсан мэдээлэлд Мшгөкой ЩэМ, Мшгөкой Ехсе1 программуудыг ашиглан график дүрслэл, хүснэгт хийж, үр дүнгийн тоон үзүүлэлтүүдийг боловсруулахдаа 8Р8821.0 программыг тус тус ашиглав. Үр дүн: Судалгаанд өвчин нь 4-59 жил үргэлжилсэн, 25-59 насны эрэгтэй 19 (62.5%), эмэгтэй 11(36.3%) нийт 30 эмчлүүлэгч хамрагдсан бөгөөд тэдгээрийн 60%-д өвчин нь тархины гэмтлийн улмаас үүссэн, 18 нь бүрэн дундаас доош боловсролтой, 26 буюу 86.6% нь хөдөлмөрийн чадвар алдалт тогтоогдсон байв. Судалгаанд хамрагдагсдын 73.2% нь 7 хоногт 2-3 удаа унадаг, 73.3% нь эмийг эмчийн заавраар хэрэглэдэггүй, харин 56.7% нь эмийн эмчилгээний дэглэм баримталдаггүй байна. 10 үг тогтоох сорилын үр дүнг тооцвол давталт бүрд 1-9 үг хэлсэн байх бөгөөд давталт бүрийн дундаж утга нь 3.2-3.9, илүү үг хэлсэн давтамж 0.8 байна. Үг тогтоох сорилын үзүүлэлт нь өвчний үргэлжлэх хугацаанаас хамаарч буй эсэхийг судлан үзвэл өвчин нь 59 хүртэлх жил үргэлжилсэн эмчлүүлэгчдийн эргэн санасан үгийн тоо 1-3 байгаа нь өвчин удаан хугацаагаар үргэлжлэх нь ой тогтоолтыг бууруулдаг болохыг харуулж байна. Дүгнэлт: Эмчлүүлэгчдийн 73.3% эмийг эмчийн заалтаар хэрэглэдэггүй (р=0.35), 56.7% нь эмийн эмчилгээний дэглэм баримталдаггүй, механик ой тогтоолтын сорилын дундаж утга 3.2-3.9, өвчин удаан хугацаагаар үргэлжлэх тутам ой тогтоолт буурч байгаа үр дүнгээс үзвэл эмчлүүлэгчдийн ой тогтоолт буурахад олон шалтгаан нөлөөлж байна.
  • Some of the metrics are blocked by your 
    Item type:Publication,
    Тархины буглааг үхжилт уйланхайт хавдраас ялган оношлох соронзон резонанст томографийншинжүүдийг тодорхойлох асуудалд
    (2026-05-22)
    А.Нарантунгалаг
    ;
    Ч.Тэргэл
    ;
    ;
    Үндэслэл: Тархины цагираг хэлбэрийн тодрол бүхий голомтот өөрчлөлтүүдийг ердийн соронзон резонанст томографийн (СРТ) суурь горимуудаар ялган оношлох боломж хязгаарлагдмал юм. Иймд СРТ-ийн диффузийн үзүүлэлт болон капсулын бүтцийг (Dual rim sign) нарийвчлан судалж, тархины буглааг үхжилтэт-уйланхайт хавдраас ялган оношлох, оношилгооны мэдрэг, өвөрмөц шалгуурыг тогтоох хэрэгцээ шаардлага байгаа нь энэхүү судалгааны үндэслэл боллоо. Зорилго: Тархины буглаа болон үхжилтэт-уйланхайт хавдрыг ялган оношлоход СРТийн DWI, ADC, SWI болон капсулын морфологийн шинжүүдийг тодорхойлох. Арга, аргачлал: Судалгаанд цагираг хэлбэрийн тодрол бүхий үүсгэвэртэй нийт 54 үйлчлүүлэгчийг хамруулсан. Үүсгэвэр тус бүрд СРТ-ийн Core ADC ratio min, капсулын зузаан, T2 болон SWI горим дахь dual rim sign зэрэг үзүүлэлтүүдийг хэмжиж, статистик ач холбогдлыг ROC муруйн шинжилгээ болон ложистик регрессийн загвараар үнэлэв. Үр дүн: Тархины буглааны Core ADC ratio min утга (0.812±0.228) нь хавдрын бүлгийн (глиобластома 1.902±0.535, метастаз 1.590±0.394) үзүүлэлтүүдээс статистик ач холбогдол бүхий бага байв (p<0.001). Энэхүү үзүүлэлтийн зааг утгыг 0.94 гэж тогтооход оношилгооны нарийвчлал хамгийн өндөр буюу AUC=0.977 (Мэдрэг чанар 92.3%, өвөрмөц чанар 92.7%) байлаа. Капсулын зузаан буглааны бүлэгт эрс нимгэн (2.24±0.68 мм) байсан ба зааг утгыг 3.3 мм-ээр тогтооход AUC=0.955 (Нийт нарийвчлал 88.9%) үзүүлэв. “Dual rim sign” нь буглааны бүлэгт 92.3% илэрсэн бол хавдрын бүлэгт ажиглагдаагүй (0%) нь статистик ач холбогдол бүхий ялгаатай байв (p<0.001). Дүгнэлт: СРТ-ийн Core ADC ratio min үзүүлэлтийг капсулын морфологи шинжүүд (зузаан, dual rim sign)-тэй хавсруулан үнэлэх нь тархины буглааг үхжилт болон уйланхайт хавдраас (глиобластома, метастаз) инвазив бус аргаар, өндөр нарийвчлалтай ялган оношлох боломжийг олгож байна.
  • Some of the metrics are blocked by your 
    Item type:Publication,
    Тархины эдийн цус харвалтын шалтгаан, эрсдэлт хүчин зүйлсийг судалсан дүн
    (2025-05-05)
    С.Дэмбэрэлдорж1.
    ;
    П.Баярмаа
    ;
    С.Жаргалсайхан
    ;
    ;
    Shin-Joe Yeh
    Үндэслэл: Тархины эдийн цус харвалт (ТЭЦХ) нь нас баралт өндөр, урт хугацааны хөдөлмөрийн чадвар алдалтад хүргэдэг тархины судасны эмгэг тул шалтгаан, эрсдэлт хүчин зүйлсийг нарийвчлан судлах шаардлагатай байгаа нь энэхүү судалгааны үндэслэл боллоо. Зорилго: ТЭЦХ-ын шалтгаан, эрсдэлт хүчин зүйлсийг нарийвчлан судлах. Арга, аргачлал: Судалгааг Улсын гуравдугаар төв эмнэлгийн Мэдрэл, мэдрэлийн мэс заслын төвийн харьяа тасгуудад 2022-2024 оны хооронд хэвтэн эмчлүүлсэн ТЭЦХ-тай тохиолдлуудад дескриптив судалгааны загвараар хийж гүйцэтгэсэн. Үр дүн: Судалгаанд хамрагдсан 718 тохиолдлыг SMASH-U ангилалаар 6 дэд бүлэгт ангилан үзэхэд 75.3%-ийг артерийн даралт ихсэлт, 12%-ийг амилоид ангиопати, 7%-ийг шалтгаан тодорхойгүй, 2.92%-ийг бүтцийн эмгэг, 2.37%-ийг тогтолцооны эмгэг, 0.48%-ийг эмийн шалтгаантай байв. Судалгаанд хамрагдагсдын дундаж нас 57.5 жил ба 50-59 насны бүлгийн эрэгтэйчүүдэд зонхилон хамрагдсан. Тархины эдийн цус харвалтанд хүргэж буй эрсдэлт зүйлсэд артерийн даралт ихсэх өвчин, зүрхний эмгэг, тосгуурын жирвэгнээ, антикоагулянт, тамхины хэрэглээ, таргалалт, БЖИ ≥25, элэгний цирроз, бөөрний архаг дутагдлын 5-р үе шат, АВМ бусад судасны эмгэг оров. Дүгнэлт: 1. Тархины эдийн цус харвалтын үндсэн шалтгаанд артерийн даралт ихсэх өвчин, амилоид ангиопати, тогтолцооны эмгэгүүд эзэлж байна. 2. Артерийн даралт ихсэлт, зүрхний эмгэг, уух хэлбэрийн антикоагулянтын хэрэглээ, тамхины хэрэглээ, таргалалт, БЖИ ≥25, элэгний цирроз/элэгний эсийн задрал, бөөрний архаг дутагдлын 5-р үе шат, АВМ болон бусад судасны эмгэг байх нь гол эрсдэлт хүчин зүйлс байна.
  • Some of the metrics are blocked by your 
    Item type:Publication,
    Тархины эдийн цус харвалтыг хот болон орон нутгийн үйлчлүүлэгчдэд харьцуулсан дүн
    (2026-03-30)
    С.Дэмбэрэлдорж
    ;
    П.Баярмаа
    ;
    ;
    Shin-Joe Yeh
    ;
    Н.Лхамцоо
    Үндэслэл: Тархины эдийн цус харвалт (ТЭЦХ) нь нас баралт, урт хугацааны хөдөлмөрийн чадвар алдалтад хүргэдэг тул тусламж үйлчилгээг цаг алдалгүй авахыг шаарддаг эмгэг юм. Зорилго: ТЭЦХын улмаас хотын болон орон нутгаас тээвэрлэгдэн ирсэн хэвтэн эмчлүүлэгчдийн эмнэлзүйн шинжүүдийг харьцуулан судлах. Арга, аргачлал: Судалгааг Улсын гуравдугаар төв эмнэлэгт ТЭЦХ оношоор 2022-2024 оны хооронд хэвтэж эмчлүүлсэн тохиолдлуудад аналитик нэг агшингийн загвараар хийж, статистик боловсруулалтыг “SPSS27.0” программыг ашиглан гүйцэтгэв. Үр дүн: Судалгаанд УГТЭ-т 2022-2024 оны хооронд тархины компьютерт томографи (КТ)-иар ТЭЦХ батлагдсанаас хойш 10 хоногийн доторх нийт 373 тохиолдол, үүнээс Улаанбаатар хотын 313, орон нутгаас тээвэрлэгдэн ирсэн 60 тохиолдлыг хамруулсан. Хотын бүлэгтэй харьцуулахад орон нутгийн бүлгийн эрэгтэйчүүд цөөн (45.0% vs 59.7%, p=0.034) байж, артерийн гипертензийн өгүүлэмж давамгайлсан (98.3% vs 90.1%, p=0.041), эмнэлэгт хэвтэх үед артерийн даралт бага (систолын даралт 159.7±34.7 мм.муб vs 179.0±32.9 мм муб, p<0.001; диастолын даралт 99.7±21.4 мм.муб vs 106.5±21.8 мм муб, p=0.026) байсан. Орон нутгийн бүлгийн тохиолдлууд хотын бүлэгтэй харьцуулбал эмнэлзүйн шинж илэрч эхэлснээс тус эмнэлэгт хэвтсэн хугацаа урт (12.1±17.9 цаг vs. 4.2±4.3 цаг, p=0.001) байсан. Олон хүчин зүйлсийн регрессийн шинжилгээгээр тооцоолон үзэхэд цусан хурааны эзлэхүүн (adjusted odds ratio [aOR] 0.92, p=0.047) болон эмнэлэгт хэвтэх үеийн ҮЭМХХҮ оноо (aOR 0.67, p<0.001) бага байх тусам тавилан сайн байх нь тогтоогдсон бол 03 сарын дараах нас баралт multivariate regression загвараар тооцоолж үзэхэд эмнэлэгт хэвтэх үеийн зөвхөн ҮЭМХХҮ оноо нь нас баралттай шууд хамааралтай цор ганц эрсдэлт хүчин зүйл байсан (aOR 1.14, p=0.005). Эсрэгээр нас баралт нь эмнэлэгт хэвтэх хугацаа болон орон нутгийн харьяаллаас хамааралгүй байсан. Дүгнэлт: ТЭЦХ-тай орон нутгаас тээвэрлэгдэн ирсэн эмчлүүлэгчдийн эмнэлзүйн үзүүлэлтүүд хотын эмчлүүлэгсдийнхээс ялгаагүй байна (AOR≈1, 95% CI: 1-ийг агуулсан, p>0.05).
  • Some of the metrics are blocked by your 
    Item type:Publication,
    Чихрийн шижин хэв шинж 2-той насанд хүрэгчдийн тархины цагаан бодисын гиперинтенсив голомтын ачааллын харьцуулсан судалгаа
    (2026-05-22)
    А.Цэрэнсугир
    ;
    ; ;
    Д.Түвшинжаргал
    ;
    Үндэслэл: Чихрийн шижин хэв шинж 2 (ЧШХШ2) нь танин мэдэхүйн үйл ажиллагааны доройтол болон тархины бүтцийн өөрчлөлтөд нөлөөлдөг архаг бодисын солилцооны эмгэг юм. Соронзон резонанст томографийн (СРТ) шинжилгээгээр илрэх тархины цагаан бодисын гиперинтенсив голомт (ЦБГГ) нь тархины жижиг судасны эмгэгийг илтгэх дүрс оношилгооны чухал маркер болдог. Гэсэн хэдий ч манай улсын хүн амд ЧШХШ2-той өвчтөнүүдийн ЦБГГ-ын ачааллыг хиймэл оюунд суурилсан автомат тоон аргаар үнэлж, хяналтын бүлэгтэй харьцуулсан судалгаа хомс байгаа нь энэхүү судалгааг хийх үндэслэл боллоо. Зорилго: Чихрийн шижин хэв шинж 2-той насанд хүрэгчдийн тархины цагаан бодисын гиперинтенсив голомтын ачааллыг үнэлж, хяналтын бүлэгтэй харьцуулах. Арга, аргачлал: Энэхүү аналитик агшингийн, ретроспектив харьцуулсан судалгаанд АШУҮИС-ийн Монгол–Японы эмнэлэгт 2019-2025 онд тархины СРТ хийлгэсэн 40 ба түүнээс дээш насны оролцогчдыг хамруулсан. ЧШХШ2 бүлэгт онош батлагдсан, хяналтын бүлэгт чихрийн шижин болон предиабетгүй оролцогчдыг оруулсан. Томоохон бүтцийн эмгэгтэй, дүрсийн чанар хангалтгүй, автомат боловсруулалт амжилтгүй, эсвэл клиник мэдээлэл дутуу тохиолдлыг хассаны дараа анхан шатанд сонгосон 283 оролцогчоос 257-г эцсийн шинжилгээнд хамруулсан (ЧШХШ2: 71, хяналт: 186). СРТ-ийн 3D T1-weighted MPRAGE болон T2-FLAIR дүрсийг Neurophet AQUA программ (version 3.1)-аар боловсруулж, нийт, гүний, ховдол орчмын Фазекас оноог үнэлсэн. Нас, хүйсээр засварласан эрэмбэт логистик регрессийн шинжилгээг SPSS 25.0 программаар хийж, p<0.05-ийг статистик ач холбогдолтойд тооцсон. Үр дүн: Эцсийн шинжилгээнд 257 оролцогч (ЧШХШ2=71, хяналт=186) хамрагдсан. Бүлгүүдийн хооронд хүйсийн (p=0.046), насны ангиллын (p<0.001) тархалт ялгаатай байсан. ЧШХШ2 бүлэгт нийт ба гүний Фазекас оноо хяналтын бүлгээс өндөр байсан (нийт Фазекас aOR 10.81; 95% CI, 5.2022.49; гүний Фазекас aOR 8.21; 95% CI, 4.32-15.60; хоёуланд p<0.001). Нас ахих тусам нийт (aOR 1.07; 95% CI, 1.03-1.11; p=0.001) болон гүний (aOR 1.04; 95% CI, 1.00-1.08; p=0.037) Фазекас оноо нэмэгдэх хандлагатай байсан бөгөөд эмэгтэй хүйс нийт (aOR 1.95; 95% CI, 1.043.63; p=0.036) болон гүний (aOR 1.95; 95% CI, 1.08-3.51; p=0.026) Фазекасын өндөр ангилалтай холбоотой байв. Дүгнэлт: ЧШХШ2-той насанд хүрэгчдийн тархины ЦБГГ-ын ачааллыг хиймэл оюунд суурилсан автомат тоон СРТ боловсруулалтаар үнэлж, хяналтын бүлэгтэй харьцуулахад ЧШХШ2 нь тархины нийт болон гүний Фазекас оноо өндөр байхтай статистик ач холбогдол бүхий хамааралтай болох нь тогтоогдлоо. Энэхүү хамаарал нь нас, хүйсээр засварласны дараа ч хадгалагдсан. Судалгааны үр дүнгээс үзэхэд хиймэл оюунд суурилсан СРТ-ийн боловсруулалт нь ЧШХШ2-той холбоотой тархины ЦБГГ-ын ачааллыг объектив, тоон, стандартчилсан аргаар үнэлэхэд тохиромжтой арга зүй байж болохыг харуулж байна.
  • Some of the metrics are blocked by your 
    Item type:Publication,
    Тархины эдийн цус харвалтын үеийн цусан хурааны байршил, эзлэхүүнийг эмнэлзүйтэй уялдуулан тавиланг тодорхойлсон дүн
    (2025-10-20)
    С.Дэмбэрэлдорж
    ;
    ;
    Shin-Joe Yeh
    ;
    Н.Лхамцоо
    Үндэслэл: Тархины эдийн цус харвалт (ТЭЦХ) нь гэнэтийн нас баралт, урт хугацааны хөдөлмөрийн чадвар алдалтад хүргэдэг эмгэг ба тавиланд эмнэлэгт хэвтэх үеийн артерийн даралтын түвшин, ухаан санааны байдлаас гадна цусан хурааны хэмжээ, байршил, ховдолд цөмөрсөн байдал нь нөлөөлнө гэж үздэг. Зорилго: ТЭЦХ-ын үеийн тавиланд цусан хурааны эзлэхүүн, байршил хэрхэн нөлөөлдөг болохыг эмнэлзүйтэй уялдуулан судлах. Арга, аргачлал: Судалгааг Улсын гуравдугаар төв эмнэлэгт ТЭЦХ оношоор 2022-2024 оны хооронд хэвтэж эмийн эмчилгээ хийлгэсэн тохиолдлуудад аналитик нэг агшингийн загвараар хийж, статистик боловсруулалтыг “SPSS-25.0” программыг ашиглан гүйцэтгэв. Үр дүн: Судалгаанд ТЭЦХ оноштой 385 тохиолдлыг хамруулан эмнэлзүйг тавилантай уялдуулан судлахад цусан хурааны байршил, эзлэхүүнээс статистик ач холбогдол бүхий хамааралтай байсан (р<0.001). Дэлбэнд байршсан тохиолдолд тавилан хамгийн сайн (OR, 0.458 [95% CI, 0.21-0.99]), ховдолд цөмөрсөн тохиолдолд хамгийн муу (OR, 2.03 [95% CI, 1.07-3.85]) байсан. 03 сарын дараах нас барах эрсдэл тархины баганад байршсан (OR, 3.36 [95% CI, 1.68-6.69]), ховдолд цөмөрсөн цусан хурааны үед хамгийн өндөр (OR, 4.91 [95% CI, 3.16-7.63]) байсан бол цусан хураа нь тенториумаас доор байрласан тохиолдолд нас барах эрсдэл хамгийн бага (OR, 0.42 [95% CI, 0.23-0.76]) байв. Цусан хурааны байршил хамааралт эзлэхүүнийг эмнэлзүйн сайн, муу тавилан, болон нас баралтаар үнэлэхэд бага тархи, таламуст үүссэн цусан хурааны эзлэхүүн бага (<10.2 мл ба <6.7 мл) байх тусам 03 сарын дараах тавилан сайн (AUC, 0.724 ба 0.725). Дүгнэлт: ТЭЦХ-ын үед тавилан нь эмнэлзүйтэй уялдан цусан хурааны байршил болон эзлэхүүнээс хамааралтай байна.