Даваа–Баасан 08:30–20:00 · Бямба 09:00–16:00
Now showing 1 - 3 of 3
  • Some of the metrics are blocked by your 
    Item type:Publication,
    Хүн амын шим тэжээлийн мэдлэгийг нийгмийн сүлжээ ашиглан сайжруулах боломжийн судалгаа
    (2022-06-12) ;
    М.Пүрэвжав
    ;
    М.Мөнхзаяа
    Үндэслэл: Хоол, шим тэжээлийн мэдлэг, боловсролоор дамжуулан хооллолтоос шалтгаалах халдварт бус өвчлөлийн эрсдэлийг бууруулах боломжтой бөгөөд түүнд чиглэсэн хоолзүйн мэдлэгийг хүн амд түгээх, хүртээмжийг нэмэгдүүлснээр өвчлөлийг бууруулсан жишээг олон улсад хийгдсэн судалгаануудаас харж болно. Сүүлийн жилүүдэд олон улсад хүн амын эрүүл мэндийг дэмжихэд чиглэсэн үйл ажиллагаанд нийгмийн сүлжээг ашиглах нь нэмэгдэж байна. Зорилго: Нийгмийн сүлжээ ашиглан хүн амын шим тэжээлийн мэдлэгийг сайжруулах боломжийг судлах. Арга, аргачлал: Судалгааг санамсаргүй түүврийн аргаар хийж гүйцэтгэв. Судалгаанд оролцогсдын шим тэжээлийн ерөнхий мэдлэгийг тодорхойлохдоо Aнглийн эрдэмтэн Kate Parmenter, Jon Wardle (1999) нарын Шим тэжээлийн ерөнхий мэдлэгийн стандарт асуумжийг өөрийн улсын хооллолтын онцлогт тохируулж онлайнд суурилсан маягт хэлбэрээр боловсруулж ашиглав. Үр дүн: Хоол, шим тэжээлийн боловсрол олгох цуврал видео контент бүхий интервенцэд 133 нийгмийн сүлжээ хэрэглэгчид хамрагдсан. Үр дүнг SPSS 25 программаар боловсруулав. Судалгаанд хамрагдсан 133 оролцогчдын интервенцийн өмнөх дундаж оноо 20.4±4.5 байсан бол, интервенцийн дараа нь 23.3±3.8 болж өссөн байв (p<0.001). Дүгнэлт: Манай улсын хувьд нийгмийн сүлжээг ашиглан хоол, шим тэжээлийн боловсролыг цаг хугацаа, байршлаас үл хамааран, зардал бага, өргөн хүрээг хамруулан хэрэгжүүлснээр хүртээмжийг нэмэгдүүлэхийн сацуу эргэх холбоо үүсгэн, үр дүнтэй хэрэгжүүлэх бүрэн боломжтой байна.
  • Some of the metrics are blocked by your 
    Item type:Publication,
  • Some of the metrics are blocked by your 
    Item type:Publication,
    Ерөнхий боловсролын сургуулийн дунд ангийн сурагчдын шингэний хэрэглээнд шим тэжээлийн боловсролын интервенцийн үзүүлэх үр нөлөө
    (2024-04-13)
    Г.Хүслэн
    ;
    Н.Цэлмэг
    ;
    Б.Номин-Эрдэнэ
    ;
    О. Энхсаруул
    ;
    Үндэслэл: Өсвөр насанд шингэний дутагдал нь биеийн дотоод орчны гомеостаз үйл ажиллагааны тэнцвэр алдагдуулж, танин мэдэхүйн үйл ажиллагаанд сөргөөр нөлөөлдөг. Шингэн 2%-иар дутагдахад анхаарал төвлөрөлт, сэтгэн бодох чадвар буурдаг байна. Зорилго: Хичээлд суурилсан шим тэжээлийн боловсролын интервенцээр ерөнхий боловсролын сургуулийн дунд ангийн сурагчдын шингэний дутагдлыг бууруулах. Арга, аргачлал: Судалгааг интервенцийн судалгааны загварыг ашиглан гүйцэтгэв. Судалгаанд оролцсон сурагчдын шингэний хэрэглээний дадлыг тодорхойлохдоо BEVQ-15 стандарт асуумж, шингэний хэрэглээний талаарх мэдлэгийг үнэлэхдээ Английн эрдэмтэн Kate Parmenter, Jon Wardle (1999) нарын Шим тэжээлийн ерөнхий мэдлэгийн стандарт асуумжийг өөрийн улсын онцлогт тохируулж асуумж хэлбэрээр боловсруулж ашиглав. Шингэний дутагдлын түвшнийг тодорхойлохдоо LE Armtsrong (1994) -ийн шээсний өнгөний лавлахыг ашиглав. Шим тэжээлийн боловсролын интервенцийг долоо хоногт нэг удаа, нийт таван долоо хоногийн турш явуулсан. Үр дүн: Судалгаанд хамрагдсан нийт сурагчдын шингэний талаарх мэдлэгийг үнэлэхэд интервенцийн өмнө 90 сурагч (96%)-ийн мэдлэг хангалтгүй байсан бол интервенцийн дараа 46 сурагч (50%) болж буурсан байна. Сурагчдын шингэний дутагдлын түвшинг өлөн үеийн шээсний өнгөөр үнэлэхэд интервенцийн өмнө ба дараа үеийн шингэний дутагдлын түвшинд ач холбогдол бүхий (p<0.01) өөрчлөлт ажиглагдсан. Дүгнэлт: Ерөнхий боловсролын сургуулийн дунд ангийн сурагчдад хичээлд суурилсан шим тэжээлийн боловсролын интервенцийг хэрэгжүүлснээр мэдлэг сайжирч шингэний дутагдлыг бууруулах боломжтой байна.