Даваа–Баасан 08:30–20:00 · Бямба 09:00–16:00
Now showing 1 - 5 of 5
  • Some of the metrics are blocked by your 
    Item type:Publication,
    Эрүүл мэндийн байгууллагад ажиллагсдын коронавируст халдварын эсрэг дархлаажуулалтын үр дүн
    (2025-01-01)
    О.Дашпагам
    ;
    ; ;
    Б.Цэлхаасүрэн
    ;
    В.Байгал
    Үндэслэл: Манай улсад 2020 оны 11 дүгээр сарын 11-ний өдөр анхны зөөвөрлөгдсөн КОВИД-19-ийн халдвар бүртгэгдсэн бөгөөд 2023 оны байдлаар улсын хэмжээнд 869,385 тохиолдол бүртгэгдэж, 2128 хүн нас барсан байна. Дэлхийн эрүүл мэндийн байгууллагаас 11 үйлдвэрлэгчийн 15 нэр төрлийн вакциныг яаралтай горимоор хэрэглэх жагсаалтад бүртгэн улс орнуудад хэрэглэхийг зөвлөсөн байна. ДЭМБ-аас бага орлоготой гишүүн орнууддаа эрүүл мэндийн ажилтнууд ба КОВИД-19 өвчний хүнд хэлбэрээр өвдөж амь насаа алдах өндөр эрсдэлтэй хүн амын бүлгээ эхний ээлжинд дархлаажуулахыг зөвлөсөн байна. Зорилго: Коронавируст халдварын эсрэг дархлаажуулалтад хамрагдсан эрүүл мэндийн байгууллагын ажиллагсдын халдварт өртөх эрсдэл, эмнэлэгт хэвтэн эмчлүүлэх эрсдэл, аюулыг судлах. Арга, аргачлал: Судалгааг дагаж судлах (Ю11ош-ир зЮйу) судалгааны загвараар 2021 оны 2 дугаар сарын 23-наас 2022 оны 12 дугаар сарын 31-ний хооронд 80 (12,24,48 дахь 7 хоногт) долоо хоногт хийж гүйцэтгэв. Судалгаанд Улаанбаатар хот, Баянхонгор, Орхон, Булган, Дундговь, Дархан-Уул, Дорнод аймгийн эрүүл мэндийн байгууллагад ажиглагсадыг хамруулсан. Анхдагч дархлаажуулалт буюу вакцины эхний 2 тунг хийлгэснээс хойш 1.5 жил (80 долоо хоног)-ийн хугацаанд дагаж судалсан. Судалгаанд оролцогчдоос вакцинд хамрагдахын өмнө, вакцины хоёр дахь тунг хийлгэсний дараа, нэмэлт тунд хамрагдсаны дараа сорьц цуглуулах тухай бүрд 7 бүлэг 49 асуулттай асуумжаар мэдээллийг цуглуулж үр дүнг ЗРЗЗ-26.0 программд боловсруулсан. Үр дүн: Судалгаанд нийт хамрагдсадаас халдвартай хүмүүстэй шууд харьцан ажиллагсад буюу “Улаан бүс”-д ажиллагсад 574 (60%), халдвартай хүмүүстэй шууд харьцан ажиллахгүй буюу “Шар бүс”-д ажиллагсад 370 (40%), Улаанбаатар хотын эрүүл мэндийн ажиллагсад 250(27.1%), орон нутгийн эрүүл мэндийн ажиллагсад 674(72.9%) байв. Бидний дагаж ажигласан судалгаагаар ажиглалтын хугацаа нэмэгдэхэд ажиллагсдын шинэ халдварт өртөх эрсдэл нь 24(38.4%) дэх долоо хоногоос нэмэгдэж, 80 дах долоо хоногт 59.6% байна. Ажиглалтын хугацаанд эмнэлэгт хэвтэлт 12 долоо хоногт 24 (2.6%), 24 долоо хоногт 160 (17,3%), 48 долоо хоногт 202 (21,9%) 80 долоо хоногт 204 (22,1%) байв. Хөдөө орон нутагт тэргүүн шугаманд ажиллагсадаас Баянхонгор ба Орхон аймагт ажилласан хүмүүсийн халдварт өртөх эрсдэл бусад аймагт ажиллагсдынхаас илүү бага байв. Дүгнэлт: Бидний дагаж ажигласан судалгаагаар анхдагч дархлаажуулалиын дараа ажиглалтын хугацаа нэмэгдэхэд ажиллагсдын шинэ халдварт өртөх эрсдэл нь 24(38.4%) дэх долоо хоногоос нэмэгдэж, 80 дах долоо хоногт 59.6% байна. Нэмэлт дархлаажуулалтад хамрагдах нь шинэ халдвар авах эрсдлийг бууруулж байна. КОВИД-19 вакцин эмнэлэгт хэвтэх шаардлагатай хүндрэлийг бууруулж байна. Хөдөө орон нутагт, улаан бүсэд ажиллах нь шинэ халдварт өртөх, хэвтэн эмчлүүлэх, дахин халдварт өртөх эрсдэлт хүчин зүйл болж байв.
  • Some of the metrics are blocked by your 
    Item type:Publication,
    Ковид-19-ийн эсрэг Синофарм (BBIBP-CorV) вакцины дараах хамгаалах эсрэгбиеийн судалгаа
    (2024-01-28) ;
    О.Дашпагма
    ;
    ;
    Б.Гантуяа
    ;
    Үндэслэл: Дэлхийн эрүүл мэндийн байгууллага (ДЭМБ)-аас шинэ коронавируст халдварыг цар тахал гэж зарласнаас хойш 2023 оны 3 сар хүртэл 183 өөр төрлийн вакцины эмнэлзүйн туршилт, үнэлгээ хийгдсэн байна. Монгол улсад 2021 оны 2 сарын 23-наас эхлэн Pfizer/ BioNTech (BNT162b2), AstraZeneca (ChAdOx1-S), Sinopharm (BBIBPCorV), Sputnik V (Gam-COVID-Vac) гэсэн Ковид-19-ын эсрэг 4 төрлийн вакциныг хэрэглэж эхэлсэн. 2022 оны 10 сарын 14-ний байдлаар дээрх вакцины 2 дахь тунд 2,183,894 хүн хамрагджээ. Эдгээр вакцины судалгаа одоо ч үргэлжилсээр байна. Зорилго: Ковид-19 халдварын эсрэг Sinopharm (BBIBP-CorV) вакцины дараах эсрэгбиеийн урвал, түүнтэй холбоотой хүчин зүйлсийг хүн амын бүлгүүдэд харьцуулан судлах. Арга, аргачлал: Судалгаанд Sinopharm (BBIBP-CorV) вакцины 1, 2 дахь тун тариулсан нийт 583 хүн хамрагдсан. Ковид-19 вакцины эхний тунг тарихаас өмнө ийлдсэнд SARS СoV-2 вирусийн S уургийн эсрэг үүссэн иммуноглобулин G-г (IgG) тодорхойлсон ба уг шинжилгээг вакцины 2 дахь тунг тарьсны дараа 21-28 дахь хоногт давтан тодорхойллоо. Үр дүн: Судалгаанд 19-86 насны 214 (36.5%) эрэгтэй, 373 (63.5%) эмэгтэй хамрагдсан бөгөөд дундаж нас 39.9±10.7 (37.0) жил байсан бөгөөд судалгаанд хамрагдсан хүмүүсийн 52.9%-ийг 30-49 насныхан тус тус эзэлж байв. Судалгаанд хамрагдагсдын 80.6% (470)–д эсрэгбиеийн титр хангалттай харин 19.4% (113) эсрэгбие илэрсэнгүй. Вакцин хийлгэхээс өмнө anti-SARS-СoV-2 RBD-IgG эсрэгбиеийн титр геометрийн дундаж титр (GMT) 0.7±0.9 ng/mL байсан бол 2 дахь тунгийн дараа 17.2±1.2 ng/ mL болж өссөн. Насны бүлгээр авч үзэхэд 40-өөс доош насны хүмүүст хамгаалах эсрэсбиеийн үүсэлт сайн, нас нэмэгдэх тусам эсрэгбиеийн үүсэлт буурч байгаа байдал ажиглагдлаа. Sinopharm (BBIBP-CorV) вакцины өвөрмөц эсрэгбиеийн урвал Улаанбаатар хотоос хөдөө, орон нутагт амьдардаг хүмүүст илүү байгаа нь тодорхойлогдлоо. Тийм боловч эсрэгбиеийн урвал илэрсэн хүмүүсийн эзлэх хувь Булган, Дорнод аймагт Дархан-Уул, Орхон аймгуудынхаас бага байв. Дүгнэлт: Ковид-19 халдварын эсрэг Sinopharm (BBIBP-CorV) вакцины 2 дахь тунгийн дараа 21-28 хоногт хамгаалах хэмжээний эсрэгбие бидний ажигласан хүмүүсийн 80.6%-д тодорхойлогдсон. Нас ахих тусам эсрэгбиеийн урвал илрэх нь буурч байв. Ковид-19 халдварын эсрэг Sinopharm (BBIBP-CorV) вакцины 2 дахь тунгийн дараа үүссэн эсрэгбиеийн титр хамрагдагсдын нас ба хүйс, мэргэжлийн эрсдлээс хамаарахгүй байна.
  • Some of the metrics are blocked by your 
    Item type:Publication,
    КОВИД-19-ийн эсрэг вакцины дараах эсрэгбиеийн урвалыг хувь хүний зан төрхтэй уялдуулан судалсан дүн
    (2025-05-05) ;
    О.Дашпагам
    ;
    ;
    Т.Хонгорзул
    ;
    Б.Ариунзаяа
    Үндэслэл: Монгол Улсад 2020 оны 11 дүгээр сарын 11-нд КОВИД-19 халдварын анхны тохиолдол бүртгэгдэж, хатуу хөл хорио тогтоосон нь хүн амын сэтгэцийн эрүүл мэндэд зарим сөрөг нөлөө үзүүлсэн болохыг судалаачид дурьдсан байна. Цар тахлын үеийн стресс, түгшүүр, ганцаардал, сэтгэл гутрал зэрэг сэтгэл зүйн өөрчлөлт нь хувь хүний сэтгэл зүйн тогтвортой байдалд нөлөөлж, улмаар дархлааны тогтолцооны хариу үйлдэлд сөргөөр нөлөөлөх эрсдэлийг бий болгосон. Хувь хүний зан төрхийн хэв шинж нь сэтгэл хөдлөл, стрессийн хариу үйлдэлд нөлөөлдөг бөгөөд энэ нь вакцины дараах дархлааны хариу урвалд ч нөлөөлж болзошгүй тухай олон улсын судалгаанд тэмдэглэсэн байдаг. Зорилго: КОВИД-19-ийн эсрэг вакцины хоёр тунгийн дараах эсрэгбиеийн урвалыг хувь хүний зан төрхийн хэв шинжтэй харьцуулан үнэлэх. Арга, аргачлал: Судалгаанд AstraZeneca, Pfizer, Sinopharm вакцины хоёр тунгаар дархлаажуулсан, өмнө нь халдвар аваагүй 738 хүн хамрагдсан. Вакцины хоёр дахь тунгийн дараах 21–28 хоногт цуглуулсан ийлдэс дэх SARS-CoV-2 RBD (S) IgG эсрэгбиеийг ELISA аргаар тодорхойлж, зан төрхийн хэв шинжийг А.Беловын темпераментийн сорилоор үнэлэв. Статистик боловсруулалтыг логистик регресс, ROC шинжилгээгээр хийв. Үр дүн: Дархлаажуулалтын дараах эсрэгбиеийн урвал меланхолик хэв шинжтэй хүмүүст хамгийн өндөр, флегматик хэв шинжтэй хүмүүст хамгийн бага илэрсэн. Мөн эсрэгбиеийн титр меланхолик ба сангвиник хэв шинжтэй хүмүүст өндөр, флегматик хэв шинжтэй хүмүүст бага байв. Дүгнэлт: 1. КОВИД-19-ийн эсрэг дархлаажуулалтын үед хоёр тун вакцины дараах эрт үед үүсэх эсрэгбиеийн урвалын илрэл зан төрхийн дан меланхолик хэв шинжтэй хүмүүст өндөр, флегматик хэв шинжтэй хүмүүст бага байна. 2. КОВИД19-ийн эсрэг Sinopharm BBIBP вакцины хоёр дах тунгийн дараа үүссэн эсрэгбиеийн титр зан төрхийн дан меланхолик, сангвиник хэв шинжтэй хүмүүст их, флегматик хэв шинжтэй хүмүүст бага байна.
  • Some of the metrics are blocked by your 
    Item type:Publication,
    Коронавируст (КОВИД-19) халдварын эсрэг дархлаажуулалтын үр дүнгийн судалгаа
    (2024-12-21)
    О.Дашпагам
    ;
    ; ;
    Б.Цэлхаасүрэн
    ;
    В.Байгал
    Үндэслэл: 2020 онд коронавирусийн халдварыг цар тахал хэмээн зарласанаас хойш 2023 оны байдлаар нийт 772 сая гаруй хүн халдварлаж, 6.9 сая гаруй нас баралт бүртгэгдсэн байна. Монголд улсад 2020 оны 11 дүгээр сарын 10-ны өдөр анхны зөөвөрлөгдсөн КОВИД-19 халдвар бүртгэгдсэн бөгөөд 2023 оны байдлаар улсын хэмжээнд 869,385 тохиолдол бүртгэгдэж, 2128 хүн нас барсан байна. Дэлхий дахинд 2023 оны 3 дугаар сарын 30-ны өдрийн байдлаар SARS-CoV-2 вирусийн эсрэг 380 гаруй вакциныг хөгжүүлж, Дэлхийн эрүүл мэндийн байгууллагаас 11 үйлдвэрлэгчийн 15 нэр төрлийн вакциныг яаралтай горимоор хэрэглэх жагсаалтад бүртгэн улс орнуудад хэрэглэхийг зөвлөсөн. Коронавируст халдварын эсрэг дархлаажуулалт нь зорилтот бүлгийн хүн амыг халдварын хүндрэл, нас баралтаас урьдчилан сэргийлэлт болохыг судлаачид нотолсон. Тиймээс дархлаажуулалтын үр дүнг халдварын хүнд хэлбэрийн өвчлөл, нас барах эрсдлийг хэрхэн бууруулж байгаагаар үнэлдэг. Монгол улс хүн амаа коронавируст халдварын эсрэг 4 төрлийн вакцинаар өндөр хамралттай дархлаажуулан цөөнгүй судалгаа хийгдсэн хэдий ч дархлаажуулалтын үр нөлөө, үр дүнг үнэлэх, судлах шаардлага тавигдсан хэвээр байна. Зорилго: Mонгол улсад хийгдсэн коронавируст халдварын эсрэг дархлаажуулалтын үр дүнг судлах. Арга, аргачлал: Судалгааг дагаж судлах (follow-up study) судалгааны загвараар 2021 оны 2 сарын 23-аас 2022 оны 12 дугаар сарын 31-ний хооронд 80 (12,24,48 дахь 7 хоногт) долоо хоног даган ажигласан өгөгдлийг ашигласан. Вакцины эхний тунг хийлгэснээс хойш нийт 1.5 жил(80 долоо хоног)ийн өвчлөл ба нас баралтын мэдээг Эрүүл мэндийн хөгжлийн үндэсний төв (ЭМХҮТ)-өөс, дархлаажуулалт, нэмэлт дархлаажуулалтын мэдээг ХӨСҮТ-ийн Дархлаажуулалтын албанаас, полимеразын гинжин урвалын шинжилгээ(polymerase chain raction, PCR)-гээр халдварын тохиолдол бүртгэгдсэн мэдээг ХӨСҮТ-ийн Талбарын тархвар судлалын албанаас тус тус мэдээллийг цуглуулж, үр дүнг SPSS-26.0 программд боловсруулсан. Судалгаанд 5 аймгийн болон Улаанбаатар хотын коронавируст дархлаажуулалтад хамрагдсан зорилтот бүлгийн насанд хүрсэн хүн ам хамрагдсан. Үр дүн: Бидний судалгаанд хамрагдсан, өмнөх ба үргэлжилж буй коронавируст халдвар үгүйсгэгдсэн 1833 хүнээс оруулах шалгуур хангасан 1709 хүнээс 839 хүнд буюу 49.1%-д нь вакцины эхний тун хийснээс хойш полимеразын гинжин урвалын шинжилгээгээр батлагдсан SARS-CoV-2-ын халдвар, 107 хүн буюу 12.7%д нь (нийт хамрагдагсадын 6.3%) шинжилгээгээр батлагдсан SARS-CoV-2-ын хоёр дахь халдвар бүртгэгдсэн. Ажиглалтын хугацаанд 281(33.5%) хүн (нийт хамрагдагсадын 16.4%) эмнэлэгт хэвтэн эмчлүүлж тэдний 2(0.71%) нь (нийт хамрагдагсадын 0.12%) КОВИД-19-ийн хүндрэлээр нас барсан байна. КОВИД-19-ийн эсрэг вакцины 2 дах тунг хийлгэсний дараах 12 долоо хоногт тэргүүн шугаманд ажиллагсад бусад хүн амаас, Баянхонгор аймгийн тэргүүн шугаманд ажиллагсад бусад аймгийнхнаас, жирэмсэн эмэгтэйчүүд хүндрэх эрсдэлтэй бусад хүн амаас өндөр эрсдэлтэй байсан. Улаанбаатар хотын тэргүүн шугаманд ажиллагсад бусад хүн амаас, Баянхонгор аймгийн тэргүүн шугамны ажиллагсад бусад аймгийн ажиллагсадаас, жирэмсэн эмэгтэйчүүд бусад хүндрэх эрсдэлтэй хүмүүсээс, эмэгтэйчүүд эрэгтэйчүүдээс илүү халдварт өртөж байсан байна. Дүгнэлт: Цар тахлын тэргүүн шугаманд, тэр дундаа улаан бүсэд ажиллах нь дахин халдварт өртөх эрсдэлт хүчин зүйл болж байв. Судалгаанд хамрагдагсдын 39 хүртэлх насны эмэгтэйчүүдийн дахин халдварт өртөх харьцангуй эрсдэл бусад хүн амаас даруй 1.1 дахин өндөр байв.
  • Some of the metrics are blocked by your 
    Item type:Publication,
    COVID-19-ийн Pfizer/BioNTech вакцины дараах эсрэгбиеийн түвшинг дархлааны суурь эмгэгтэй хүмүүст судалсан дүн
    (2024-01-21)
    Ц.Номин-Эрдэнэ
    ;
    ; ;
    Ж.Даваалхам
    ;
    С.Цогтсайхан
    Үндэслэл: Халдварт өвчнийг, тухайлбал Coronavirus Disease 2019 S-RBD IgG эсрэгбие (СOVID-19) цар тахлын тархалтыг зогсоох, хяналтанд оруулах хамгийн Фермент холбоот үр дүнтэй арга нь өвөрмөц дархлаажуулалт юм.1 Монгол улс 2021 эсрэгбиеийн урвал оны 08 дугаар сарын 16-ны байдлаар насанд хүрсэн хүн амын 62.7%Дархлаа дутмагшил ийг COVID-19-ийн эсрэг вакцины хоёр тунгаар дархлаажуулсан тухай баримт байна.2,3 Мөн 2023 оны 03 дугаар сарын 16-ны байдлаар 5,688,144 тун вакцин хийгдсэн талаар тэмдэглэсэн байна.4 СOVID-19ийн эсрэг нийтийг хамарсан вакцинжуулалтын дараах дархлаа тогтсон байдлыг үнэлэхэд хамгийн өргөн хэрэглэдэг арга нь ийлдсийн өвөрмөц эсрэгбиеийн агууламжийг тодорхойлох юм. COVID-19-ийн өвчлөлөөр хүндрэх эрсдэл нь дагалдах суурь өвчтэй хүмүүст илүү их байгаа нь судалгаагаар батлагдсан.5 Энэ эрсдлийг харгалзан аутоиммуны өвчин (АИӨ)-ий улмаас дархлаа дарангуйлах эмчилгээ хийлгэсэн, хорт хавдрын улмаас хими, туяа эмчилгээ хийлгэсэн хүмүүс, хүний дархлал хомсдолын вирус (ХДХВ)-ийн халдвартай бүлэг хүн амыг COVID-19 Pfizer-BioNTech вакцинаар дархлаажуулсан. Зорилго: COVID-19-ийн Pfizer-BioNTech вакцины бүрэн тунд хамрагдсан, суурь өвчлөлийн байдлаараа ялгаатай бүлгийн S-RBD өвөрмөц эсрэгбиеийн түвшинг харьцуулан судлах. Зорилт: 1. Дархлаа дарангуйлагдсан ба дархлаа дутмагшилтай бүлэг хүн амд вакцины дараах S-RBD IgG эсрэгбие үүсэлтийг харьцуулан шинжлэх. 2. Вакцины дараах S-RBD IgG эсрэгбиеийн түвшинг нэмэлт тунтай холбон судлах. Арга, аргачлал: Бид энэхүү судалгаандаа хавдрын хими эмчилгээ хийлгэсэн, АИӨ-ий улмаас дархлаа дарангуйлах эмчилгээ хийлгэсэн, ХДХВ-ийн халдвартай гэсэн гурван бүлэг хүн амыг хамруулж вакцины 2 тунгийн дараах 21-28 хоног, 12-18 сарын дараа цуглуулсан цусны шинжлэгдэхүүнд Anti-SARS-CoV-2 S-RBD (receptor binding domain-RBD) IgG өвөрмөц эсрэгбиеийн түвшинг харьцуулан судлав. S-RBD IgG эсрэгбиеийг 3 бүлгийн нийт 168 хүнд Anti-SARS-CoV-2 S-RBD protein Human IgG (Proteintech®, USA) оношлуурыг ашиглан фермент холбоот эсрэгбиеийн урвалын аргаар шинжлэв. Нийт 168 хүнээс 75 нь Pfizer/BioNTech вакцины нэмэлт тунг хийлгэсэн, 93 нь нэмэлт тун хийлгээгүй байв. Үр дүн: Судалгаанд оролцогчдын S-RBD IgG эсрэгбиеийн концентраци вакцины өмнө 0.12±0.08 ng/mL (CI95:0.02-0.21) байсан бол 2 тунгийн дараах 21-28 хоногт 176.9±58.9 ng/mL (CI95:167.9-185.8), 12-18 сарын дараа 201.6±61.1 ng/mL (CI95: 192.3-210.9) тус тус тодорхойлогдов. S-RBD IgG эсрэгбиеийн концентраци хүйс ба дархлаа хямралт бүлэг хооронд статистикийн үнэн магадтай ялгаатай (р<0.0001), харин насны бүлгээс хамаарах ялгаа ажиглагдсангүй (р>0.05). Вакцинжуулалтын дараа 21-28 хоногт үүссэн IgG эсрэгбиеийн концентраци хавдартай бүлэгт хамгийн өндөр тодорхойлогдож, энэ байдал нь 12-18 дах сард мөн адил ажиглагдав (р<0.0001). Харин ХДХВ-ийн халдвартай буюу дархлаа дутмагшилтай бүлэгт S-RBD IgG эсрэгбиеийн концентраци хамгийн бага тодорхойлогдов (р<0.0001). Вакцины дараах S-RBD IgG эсрэгбиеийн түвшинг сэргээгч тунтай холбон судлах зорилтын хүрээнд АИӨ-тэй 37, хавдартай 8, ХДХВ-ийн халдвартай 30 нийт 75 хүнийг хамруулав. Вакцины 2 тунгийн дараах 21-28 хоногт үүссэн S-RBD IgG эсрэгбиеийн концентраци хавдартай бүлэгт хамгийн өндөр байсан нь 3 тунгийн дараа 12-18 сард мөн адил ажиглагдав (р<0.009). Вакцины 3 тунгийн дараа 12-18 сард ХДХВ-ийн халдвартай буюу дархлаа дутмагшилтай бүлэгт S-RBD IgG эсрэгбиеийн концентраци хамгийн бага тодорхойлогдов (р<0.009). Эсрэгбиеийн агууламж 12-18 сарын дараа гурван бүлэгт аль алинд нь 21-28 хоногт хэмжсэнээс өндөр (р<0.009) тодорхойлогдсоныг вакцины нэмэлт тунгийн нөлөөгөөр үүссэн эсрэгбие удаан хугацаанд хадгалагдаж байна гэж үзэж байна. Дүгнэлт: 1. Вакцины нөлөөгөөр үүссэн эсрэгбиеийн хэмжээ нь хүйс ба дархлаа хямралт эмгэгийн байдлаас хамаарч статистикийн үнэн магадтай хэлбэлзэж байна. 2. Дархлаа дарангуйлагдсан ба дархлаа дутмагшилтай бүлэг хүн амд эсрэгбиеийн агууламж нэмэлт тунгийн нөлөөгөөр жигд нэмэгдэж, өндөр концентрацитай хадгалагдаж байна.