Даваа–Баасан 08:30–20:00 · Бямба 09:00–16:00
Now showing 1 - 8 of 8
  • Some of the metrics are blocked by your 
    Item type:Publication,
  • Some of the metrics are blocked by your 
    Item type:Publication,
    Оюутнуудын эсээ бичилтэд өгсөн үнэлгээний дүн
    (2025-01-01)
    С.Оюунцэцэг
    ;
    ; ;
    С.Наранчимэг
    Үндэслэл: Эмч, эмнэлгийн мэргэжилтнүүдийн зайлшгүй эзэмших ур чадварын нэг бол бичгийн харилцааны чадвар юм. Бичгийн харилцаанд өдөр тутмын тэмдэглэл, захидал, албан бичиг, хувийн өргөдөл, тойм мэдээлэл, тайлан, зохион бичлэг, эсээ зэрэг ордог. Эсээ нь оюутнуудын аливаа асуудалд оюун дүгнэлт хийх, тухайн нөхцөл байдлыг үнэлэх, мэдлэгийн хүрээ, ойлголцлыг үнэлэхэд ашигладаг бичгийн үнэлгээний хэлбэр бөгөөд эсээ бичих нь сэтгэн бодох, шүүмжлэлтэй сэтгэх, дүн шинжилгээ хийх чадварыг хөгжүүлэх чухал арга хэрэгсэл болдог1. Зорилго: Суурь боловсролын I дамжааны оюутнуудын эсээг харьцуулан үнэлгээ өгөх Арга, аргачлал: Уг судалгаагаар 2022-2023, 2023-2024 оны хичээлийн жилд Харилцааны ур чадварын хичээлийг судалсан оюутнуудын “Миний бага нас” сэдвээр бичсэн эсээг Рубрикийн 6 шалгуураар үнэлж, бүлгийн ярилцлагаар эсээ бичихэд оюутнуудад тулгамдаж буй асуудлуудыг тодорхойлсон. Үр дүн: 2022-2023 оны хичээлийн жилд суралцсан суурь боловсролын I дамжааны 568 оюутны эсээний 32.6% нь үг үсгийн алдаатай, 25.5% нь өгүүлбэр зүй, найруулгын алдаатай, 20.4% нь агуулгын хувьд хангалтгүй бичигдсэн байсан бол 2023-2024 оны хичээлийн жилд суралцсан 525 оюутны эсээний 28.6% нь үг үсгийн алдаатай, 2 1 .8% нь найруулгын алдаатай, 18.6% нь агуулгын дутагдалтай эсээ бичсэн нь ажиглагдсан. Түүнчлэн 10.5% нь эсээ бичихэд шаарддаг эсээний бүтэцгүй байв. Дүгнэлт: Цаашид оюутнуудын бичгийн ур чадварыг сайжруулах сургалтын хөтөлбөрт агуулгын шинэчлэл хийх шаардлагатайг харуулж байна.
  • Some of the metrics are blocked by your 
    Item type:Publication,
    Ковид-19-ийн эсрэг UB-612 вакцины сэргээх тунгийн дараах дархлаа тогтоцыг харьцуулан судалсан дүн
    (2024-05-13) ;
    Ж.Байгалмаа
    ;
    Г.Сарангуа
    ;
    Э.Энхтөгөлдөр
    ;
    А.Зулцэцэг
    Үндэслэл: 2019 оны 12 дугаар сарын сүүлээр БНХАУ-ын Ухань хотод амьсгалын цочмог халтай хам шинжийн хэв шинж бүхийн SARSCoV-2 вирусээс үүдэлтэй Ковид-19 өвчний эхний кластер тохиолдол бүртгэгдсэн. Дэлхий дахинд маш олон төрлийн вакцин зохион бүтээсэн бөгөөд тэдгээрийн нэг N уургийн полипептид бүтэцтэй UB612 нь эсийн болон шингэний дархлааны хариу урвалыг аль алийг нь идэвхжүүлдэг болохыг тогтоосон.3 Зорилго: Монгол хүний дархлааны хариу урвалд вакцин хэрхэн нөлөөлж буйг судлах. Арга, аргачлал: Насанд хүрэгсдийн дунд Ковид-19-ийн эсрэг UB-612 вакцины гетеролог сэргээх тунгийн дараах N уургийг тодорхойлох, санамсаргүй түүвэрлэлт, идэвхтэй хяналт бүхий эмнэлзүйн туршилт судалгаа хийж гүйцэтгэсэн. Синофарм вакцины 2 тунд хамрагдсан ≥18 насны 68 оролцогчдыг санамсаргүй түүвэрлэлтийн аргаар сонгон авч UB-612 вакцины сэргээх тунг хийсэн. SARS-CoV-2-ийн N уургийн эсрэгбиеийг фермент холбох эсрэгбиеийн урвалаар тодорхойлсон. Судалгаанд оролцогчдын гетеролог вакцины сэргээх тунгийн өмнө болон дараах N уургийн агууламжийг тодорхойлсон. Үр дүн: Судалгаанд оролцогчдын N уургийн хэмжээ гетеролог вакцины сэргээх тунгийн өмнө саарал бүсд n=9 (13.2%), сөрөг n=38 (55.8%), эерэг n=21 (30.9%) болон гетеролог вакцины сэргээх тунгийн дараах (29 өдөр) сааарал бүс 9 (13.2%), сөрөг n=12 (17.6%), эерэг 47 (69.1%) байна. Гетеролог вакцины сэргээх тун хийлгэсний дараа N уургийн хэмжээ өссөн байна. Дүгнэлт: Синофарм вакцины 2 тунд хамрагдсан оролцогчдийн N уургийн агууламж нь гетеролог вакцины сэргээх тунд хамрагдсаны дараах N уургийн агууламж илүү өссөн байна.
  • Some of the metrics are blocked by your 
    Item type:Publication,
    Нийслэлийн өргөө амаржих газарт хепатит В вирүсийн дархлаажуулалтанд хамрагдсан эмч, эмнэлгийн ажилтны дархлаа тогтоцыг үнэлэх нь
    (2021-06-10)
    Д.Оюун-Эрдэнэ
    ;
    Д.Адъяасүрэн
    ;
    ;
    М.Мэндбаяр
    ;
    Д.Уламбаяр
    Эмч, эмнэлгийн ажилтан ажил үүргээ гүйцэтгэх үед бохирлогдсон зүү тариурт хатгагдсанаас цусаар дамжих халдварт өртөх өндөр эрсдэлтэй байдаг. ДЭМБ-ын мэдээгээр анхаарал болгоомжгүйгээс энэ төрлийн гэмтэлд өртөж жил бүр эмнэлгийн 66.000 ажилтнууд хепатит В вирүсийн халдвар, 200-5000 ажилтан ХДХВ-ийн халдвараар халдварлагддаг байна. Цусаар дамжих халдвар дундаас хамгийн түгээмэл тохиолддог нь хепатит В, С вирүсийн болон ХДХВ-ийн халдвар байдаг. Зорилго: НӨАГ-ын хепатит В вирүсийн дархлаажуулалтанд хамрагдсан эмч, эмнэлгийн ажилтны дархлаа тогтоцыг үнэлэх. Арга зүй: Судалгааг проспектив аргаар, нэг агшингийн судалгааны загвар хэрэглэн гүйцэтгэсэн. НӨАГ-ын 331 эмч, эмнэлгийн ажилтан хепатит В вирусын дархлаажуулалт хамрагдсан байв. Үр дүн: Хепатит В вирүсийн эсрэг дархлаа тогтоцыг тодорхойлох шинжилгээнд хамрагдсан ажилтны насны хувьд 1824 нас 6 % (n=9), 25-44 нас 67 % (n=98), 45-64 нас 27% (n=40) байна. Дүгнэлт: Хепатит В вирүсийн эсрэг дархлаажуулалтын үр дүнд ажилтнуудын 66 хувьд дархлаа тогтсон байна. Хепатитын В вирүсийн халдвараас сэргийлэхийн тулд бүрэн тунгаар дархлаажуулалт хийлгэх нь илүү үр дүнтэй байгааг бидний судалгаа харуулж байна.
  • Some of the metrics are blocked by your 
    Item type:Publication,
    Оюутнуудын “Эрүүл Мэндийн Цагаан Толгойн” мэдлэгийн үнэлгээ
    (2021-11-01)
    Г.Ганцэцэг
    ;
    С.Наранчимэг
    ;
    ;
    Д.Солонго
    Үндэслэл: Одоо үед хүмүүс эрүүл мэнддээ анхаарал хандуулах нь ихэссэн, хэрхэн анхаарал хандуулах, яаж энэ талаарх мэдлээгээ дээшлүүлэхээ талаарх мэдлэг дутуугаас, төр засаг, нийгмийн эрүүл мэндийн бодлого учир дутагдалтай байгаа нь эрүүл мэндийн боловсрол олж авах хүртээмжийг багасгаж байна. Зорилго: Анагаахын чиглэлээр суралцаж буй оюутнуудын эрүүл мэндийн цагаан толгойн мэдлэгийг үнэлэхэд оршино. Арга, аргчлал: Судалгаанд АШУҮИС-ийн анагаах ухаан, уламжлалт анагаах, шим судлал, био-анагаах, эдийн засгийн эрүүл мэнд, эрүүл мэндийн нийгмийн ажилтны ангийн 18-24 насны 532 оюутныг хамруулсан. Үр дүн: Анагаахын сургуулийн оюутнуудын эрүүл мэндийн цагаан толгойн мэдлэгийг үнэлэхэд хангалттай хэмжээнд байв. Дүгнэлт: Судалгаанд хамрагдсан оюутнууд эрүүл мэндийн цагаан толгойн мэдлэгийг цахим сүлжээгээр авахад хялбар байдаг, дийлэнх нь өвдсөн үедээ хаана хандахаа мэддэг, өөрийн эрүүл мэндийн асуудалд эмчээс зөвлөгөө авдаг, сэтгэл санаа, ухамсраа эрүүл байлгахад ямар зүйл хийхээ сайн мэддэг байна.
  • Some of the metrics are blocked by your 
    Item type:Publication,
    Суурь боловсролын II дамжааны танилцах дадлагын зарим үр дүн
    (2024-03-20) ; ; ;
    О.Болормаа
    ;
    С.Оюунцэцэг
    Үндэслэл: Мэдлэгийг шинжлэх ухаанд үндэслэн хэрэглээ болгох Сэтгэл ханамж замаар эмнэлгийн орчинд оюутны мэдлэг, чадвар, хандлагыг цогцоор Сургалтын орчин нь дадлагажуулах, эмнэлэгт ажиллах анхны алхам сэтгэдэл төрүүлэх, Чадамж гардан ажилбар хийж гүйцэтгэх ур чадварын талаарх цогц чадамжийг Хэрэгцээ анагаахын суурь сургалтын түвшинд үзүүлэх, үйлчлүүлэгчдэд тусламж үйлчилгээ үзүүлэх бүрт харилцаа тогтоож, үйлдэл бүрийг чин сэтгэлээсээ хариуцлагатай гүйцэтгэж чаддаг, мэдлэг, чадвар, хандлагыг эзэмшүүлэн төлөвшүүлэх нь чухал байна1. Танилцах дадлага нь тэнхимийн дадлага удирдах гэрээт багш нартай нягт уялдаа холбоотой хийгддэг тул тэдний санал, тулгамдсан асуудал, зөвлөмжийг сонсох, сэтгэл ханамжийг судлах, хөтөлбөрийн агуулга, арга зүйд өөрчлөлт хийх хэрэгцээ нэмэгдсээр байна. Цаашид мэргэжлийн хөтөлбөрт тусгагдсан танилцах дадлагыг (АСБД 96 цаг) болон (ЭМСБД 48 цаг)-аар хийж буй оюутнуудын хувьд хэрхэн үр дүнтэй, сэтгэл ханамжтай байгааг судлаж, танилцах дадлагыг улам боловсронгуй болгох зайлшгүй шаардлагатай байна. Зорилго: Суурь боловсролын II дамжааны танилцах дадлага хичээлийн үр дүнг судлах. Арга, аргачлал: Судалгааг тоон болон чанарын судалгааны арга, эмнэлэгт суурилсан ажиглалтын загварыг ашиглан гүйцэтгэв. Судалгаанд төгсөлтийн өмнөх сургалтын бодлого зохицуулалтын газрын тушаалаар баталгаажсан танилцах дадлага удирдах 16 эмнэлгийн дадлага удирдах 21 гэрээт багш нараас 8 гэрээт багшаас судалгаанд оролцох зөвшөөрлийг авч, цахим (google form) ашиглан хаалттай 5, нээлттэй 2 асуумжаар, эмнэлэгт дадлага хийсэн анагаахын суурь болон эрүүл мэндийн суурь боловсролын II дамжааны 162 оюутнуудаас цахим (google form) хаалттай 7, нээлттэй 2 асуумжаар тус тус судалгаа авлаа. Судалгаанд оролцогч нараас сэтгэл ханамжийг тодорхойлох зорилгоор Ликертийн таван онооны хэмжүүрийг ашиглан сэтгэл ханамжийн үзүүлэлт буюу өгөгдөл бүрийг 1-5 оноогоор (1сэтгэл ханамж маш муу, 5 - сэтгэл ханамж маш сайн) үнэлсэн. Мөн дадлага удирдсан гэрээт багш нарын төлөөлөл 8 гэрээт багштай ярилцлагын чиг асуулттай хуудас ашиглан, ганцаарчилсан ярилцлага хийлээ. Үр дүн: Тэнхимийн гэрээт багш нарын 37.5%-д нь эмнэлэгт хариуцсан ажлын зэрэгцээ оюутан удирдан дадлагажуулах нь дунд зэргийн хүндрэлтэй, 25%-д нь хүндрэл бага, харин 37,5% нь хүндрэл маш бага гэж хариулсан байна. Дадлага хийсэн оюутнуудын анхны мэдлэг, чадварыг гэрээт багш нарын 60% нь дунд зэрэг, 40% нь сайн гэж үнэлсэн байна. Оюутнуудын хувьд тухайн эмнэлгийн эмч, сувилагчийн харилцаа хандлагад хамгийн их сэтгэл ханамжтай байсан буюу 82.4% нь сайн болон маш сайн гэж үнэлсэн байна. Тухайн эмнэлгээр үйлчлүүлж буй үйлчлүүлэгчдийн харилцаа хандлагад оюутнуудын 75.5% нь сайн болон маш сайн гэж хариулсан байна. Мөн тухайн эмнэлгийн бусад эмнэлгийн мэргэжилтний харилцаа, хандлагад 75.5% нь сайн болон маш сайн гэж хариулсан байна. Оюутнуудын маань 81.7% нь танилцах дадлагыг үр дүнтэй байсан гэж дүгнэжээ. Дүгнэлт: 1. Танилцах дадлага нь анагаахын болон эрүүл мэндийн чиглэлээр суралцаж буй оюутнуудын эмнэлэгт хийх дадлагын анхны гараа буюу оюутнууд хичээлийн агуулыг өөрөөр хэлбэл мэдлэгийг хэрэглэх, ашиглах, өөрийн болгох боломж олгодог чухал дадлага юм. Гэвч эмнэлгүүдэд оюутанд зориулсан сургалтын өрөө, хувцас солих өрөө, локерны асуудал шийдэгдээгүй байна. 2. Оюутны тоо хэт их, зарим оюутнуудыг хол эмнэлгүүдэд дадлагад гаргаж байгаа нь оюутнуудад хүндрэлтэй, дадлага удирдах гэрээт багш нар авч байгаа урамшуулалдаа сэтгэл дундуур, оюутны тоо их, ачаалал их зэрэг асуудлуудтай тулгарч байна.
  • Some of the metrics are blocked by your 
    Item type:Publication,
    Анагаахын суурь боловсролын I дамжааны оюутнуудын суралцах хэв маягийг тодорхойлох
    (2021-04-06) ;
    С.Оюунцэцэг
    ;
    Ц.Уянга
    ;
    ;
    Д.Баярмаа
    Үндэслэл: Аливаа сургалтыг зохион байгуулахад багш хүний суралцагчийн хувийн онцлог, суралцах хэв маягийг харгалзан үзэх асуудал чухал байна. Оюутны хүсэл эрмэлзлэл, гүйцэтгэлийг сайжруулахын тулд заахарга барилыг оюутнуудынхаа суралцах хэв маягт нийцүүлэх явдал юм. Зорилго: Анагаахын оюутнууд, тэдний суралцах хэв маягийн харилцаа хамаарлыг судлах. Арга аргачлал: Оюутнуудын суралцах хэв маягийг тодорхойлох зорилгоор (Victoria chislett) нарын боловсруулсан өөрийгөө үнэлэх VAK стандарт асуулгаар мэдээлэл цуглуулж судалгааны ажлын үр дүнгийн статистик боловсруулалтыг SPSS 21 програмаар хийж гүйцэтгэсэн. Үр дүн: Оюутнуудын суралцах хэв маягийг тодорхойлоход хамгийн өндөр хувийг харааны (38.5%) суралцах хэв маяг эзэлж байна. Харин сонсгол, үйлдэл хослосон суралцах хэв маяг хамгийн бага буюу (3.1%) хувийг эзэлж байна. Суралцах хэв маягийг хүйсээр авч үзэхэд эмэгтэй, эрэгтэй аль аль хүйсэнд онцын ялгаа ажиглагдаагүй, харааны суралцах хэв маяг давамгайлж байна. Харин хараа, үйлдэлхосолсон болон сонсгол үйлдэл хослосон суралцах хэв маягууд бага хувьтай байв. Суралцах хэв маягийг нас, хүйс төгссөн сургуультай харьцуулж үзэхэд статистик ач холбогдол бүхий ялгаа ажиглагдсангүй.
  • Some of the metrics are blocked by your 
    Item type:Publication,
    Туршилтын амьтанд өргөн хэрэглэдэг түлшнээс ялгарах угаарын хэмжээг тодорхойлох нь
    (2020-02-15) ;
    Ө.Мөнх-эрдэнэ
    ;
    Б.Халиун
    ;
    Б.Энхмандах
    ;
    Үндэслэл: Нүүрстөрөгчийн дутуу исэл нь үнэргүй, өнгөгүй хий бөгөөд ихэвчлэн түлш, шатахууны дутуу шаталт мөн ой хээрийн түймрийн шаталт, үйлдвэрийн үйл ажиллагааны дүнд үүснэ. Нүүрстөрөгчийн дутуу исэл (СО) нь хүчилтөрөгчтэй (О2) харьцуулахад гемоглобинтой холбогдох чадвар 250 дахин их байдаг. Хүний эрүүл мэндэд карбоксигемоглобины түвшин 2% -иас бага бол нөлөө үзүүлдэггүй, 40% -иас дээш түвшинд хүрвэл үхэлд хүргэж болно. Нүүрстөрөгчийн дутуу ислийн хордогын шинж тэмдэг нь толгой эргэх, дотор муухайрах, бөөлжих, ядрах, цээжээр өвдөх, амьсгаадах, ухаан алдах зэргээр илэрдэг. Материал, арга зүй: Судалгаанд C57BL/6J шугаман инбрид үүлдрийн эр, эм хулганад туршилт явуулсан. Туршилтын амьтанд өргөн хэрэглэдэг түлшний утаагаар утаж хордсон хугацаа, цуснаас нь нүүрстөрөгчийн дутуу исэл (СО) хэмжээг тодорхойлсон. Цусанд нүүрстөрөгчийн дутуу ислийн хэмжээг спектрофотометрийн аргаар тодорхойлсон. Үр дүн: Туршилтын амьтны хордсон хугацаа нь түлшнээс хамаараад түүхий нүүрсэнд 270 секунд, шахмал түлшэнд 260 секунд, хар модонд 210 секунд, аргалд 235 секундэнд хордсон байна. Туршилтын амьтны цусан дахь карбоксигемоглобины эзлэх хувь нь түүхий нүүрс 84.3±4%, шахмал түлш 81.3±5%, хар мод 88.5±0.5%, аргал 86.7±5% байсан. Дүгнэлт: Өргөн хэрэглэх дэхь дөрвөн төрлийн түлш нь туршилтын амьтанг хордуулах хугацаа, карбоксигемоглобины цусанд эзлэх хувь ойролцоо байгаа нь түлшний химийн найрлага хамаарахгүйгээр зөвхөн түлшний дутуу шаталтаас туршилтын амьтан хордсон байна.