Даваа–Баасан 08:30–20:00 · Бямба 09:00–16:00
Now showing 1 - 10 of 13
  • Some of the metrics are blocked by your 
    Item type:Publication,
    Дүүргийн эмнэлгийн ариутгагч нарын ур чадварыг үнэлсэн дүн
    (2025-01-01)
    Д.Маамуу
    ;
    Ч.Энхтуул
    ;
    ;
    Үндэслэл: Эмнэлгээс шалтгаалсан халдвар (ЭШХ) нь дэлхий нийтийн анхаарлын төвд байдаг ба эмнэлэгт хэвтэн эмчлүүлж буй өвчтөнүүдийн 8.7% нь эмнэлгээс шалтгаалсан халдварт өртдөг байна. Манай оронд ариутгалын процесс, ариутгагч нарын ур чадварыг үнэлсэн судалгаа ховор байгаа нь бидний судалгаа хийх үндэслэл боллоо. Зорилго: Дүүргийн эмнэлгийн ариутгагч нарын ур чадварыг үнэлэх. Арга, аргачлал: Бид судалгаагаа дескриптив судалгааны аргаар хийсэн ба Улаагбаатар хотын дүүргийн эмнэлгүүдийн ариутгагч нарын ур чадварыг аюулгүй мэс заслын талаарх ДЭМБ-ын гаргасан удирдамж, ЭМС-ын 2019 оны А537 дугаар тушаалд үндэслэн гаргасан шалгуур хуудсаар үнэлэв. Үр дүн: Судалгаанд хамрагдсан ариутгагч нарын дундаж нас нь 46.69±6.5 жил, хүйсийн хувьд 38(97.4%) нь эмэгтэйчүүд, 1(2.6%) нь эрэгтэйчүүд байв. Нийт ариутгагч нарын 6(15.3%) нь бакалаврын боловсролтой, 10(25.6%) нь дипломын боловсролтой, 23(59.1%) нь дунд боловсролтой байсан ба 87.5% нь ариутгагч мэргэжил эзэмшсэн байна. Ариутгагч нарын ур чадварыг 4 шалгуур хуудсаар тус бүр 4 удаа үнэлсэн ба 39 ариутгагч нарыг нийт 156 удаа ажигласан. 1-р шалгуур хуудас нь Хамгаалалтын хувцасны хэрэглэх ур чадварын талаар байсан бөгөөд 156 удаагийн ажиглалтад үсээ бүрэн далдалж өмссөн 71(45.5), битүү гутал өмссөн 99(63,6) үзүүлэлттэй байсан. Хими, биологийн индикаторын талаарх мэдээлэл, ариутгалын үзүүлэлтүүдийн тэмдэглээ, гарын үсэг зурах үзүүлэлтүүд 100% буюу халдваргүйжүүлэлтийн хяналт хийх ур чадвар хангалттай байгаа нь тус тус тодорхойлогдлоо. Дүгнэлт: Дүүргийн эмнэлгүүдийн ариутгагч нарын ур чадварыг үнэлж үзэхэд хамгаалах хувцах өмсөх хэрэглээ дутмаг байна. Харин уурын ариутгалд багаж хийх гүйцэтгэл дундаж түвшинд, цикл бүрийн дараа хийх хяналт болон халдваргүйжүүлэлтийн гүйцэтгэл хангалттай байна.
  • Some of the metrics are blocked by your 
    Item type:Publication,
    Өвдөлтийн талаарх мэдлэг хандлагын үнэлгээний асуумжийн Монгол хувилбарын хүчин төгөлдөр болон найдвартай байдлыг тодорхойлсон дүн
    (2025-01-01)
    Т.Батцэцэг
    ;
    ;
    Ч.Энхтуул
    ;
    Х.Баяржаргал
    ;
    С.Энхтүвшин
    Үндэслэл: Эмнэлгийн тусламж үйлчилгээ үзүүлэхэд сувилагч нар эмчлүүлэгчтэй хамгийн их цагийг зарцуулдаг тул оновчтой зөв эмчилгээ хийхэд гол тулгуур нь болдог гэж судлаачид үздэг байна. Сувилагчийн үнэлгээний ур чадвар нь өвдөлт намдаахад чухал үүрэг гүйцэтгэдэг ба эмнэлэгт хэвтэх үеийн өвдөлтийг тодорхойлдог. Өвдөлтийн талаарх сувилагч нарын мэдлэг, хандлага нь дадлага туршлагыг нэмэгдүүлэх гол түлхүүр болж, өвдөлтийг аль болох үр дүнтэй зохицуулах, физиологийн сэтгэл зүйн хямралаас урьдчилан сэргийлэх боломжийг олгодог гэж судлаачид дурдсан байна. Сувилагч нарын өвдөлтийн талаарх мэдлэг хандлагыг үнэлэх асуумжын монгол хувилбарын хүчин төгөлдөр болон найдвартай байдлыг тодорхойлсон судалгааны ажил харьцангуй цөөн байгаа нь энэхүү судалгааг хийх үндэслэл боллоо. Зорилго: Өвдөлтийн талаарх мэдлэг хандлагийн үнэлгээний асуумжын монгол хувилбарын хүчин төгөлдөр болон найдвартай байдлыг тодорхойлох. Арга, аргачлал: Судалгааг агшингийн загвараар, тоон судалгааны аргаар Өвдөлтийн талаарх мэдлэг, хандлагыг үнэлэх асуумжын хуудсыг ашиглан хийв. Судалгаанд УНТЭ, УХТЭ, УГТЭ-ийн мэс засал, яаралтай тусламж, эрчимт эмчилгээний тасгийн 145 сувилагчийг хамруулав. Статистик боловсруулалтыг 8Р88-25.0 программ ашиглан хийсэн. Үр дүн: Бидний судалгаанд 115 эмэгтэй, 30 эрэгтэй сувилагч хамрагдсан ба дундаж нас нь 37.21±7.50 жил ажилласан хугацаа нь дунджаар 13.43±7.57 жил байв. Харагдах байдлын индекс асуумж тус бүрээр РУ1 0.81-1.00 байсан. Агуулгын хүчин төгөлдөр байдлын индекс асуулт тус бүрээр авч үзвэл СУГ 0.66-1.00 хооронд байсан. Асуумжын дотоод найдвартай байдал Кронбах альфа 0.88 байв. Дүгнэлт: Өвдөлтийн талаарх мэдлэг хандлагийн үнэлгээний асуумжын монгол хувилбар нь асуумжийн харагдах байдал, агуулга болон найдвартай байдал зэрэг нь хангалттай тодорхойлогдсон тул цаашид практикт ашиглах боломжтой гэж үзэж байна.
  • Some of the metrics are blocked by your 
    Item type:Publication,
    Оюуны хөгжлийн бэрхшээлтэй хүмүүсийн асран хамгаалагчийн амьдралын чанар, ачааллын хамаарлын судалгаа
    (2024-04-13)
    С.Дэлгэрмаа
    ;
    Г.Намуун
    ;
    ; ;
    Үндэслэл: Монгол Улсыг бусад улс оронтой харьцуулахад хөгжлийн бэрхшээлийн түвшин харьцангуй бага (1000 хүн амын дунд 8.4 -13.2%) боловч гэр бүлийн нэг гишүүн нь оюуны хөгжлийн бэрхшээлтэй байх нь асран халамжлагчийн бие бялдар, сэтгэл зүйн байдалд сөргөөр нөлөөлж, амьдралын ерөнхий түвшин буурахад хүргэдэг. Манай оронд өнөөгийн байдлаар оюуны хөгжлийн бэрхшээлтэй хүний асрахуй, сувилахуй, өөртөө үйлчлэх чадварын түвшин, асран хамгаалагчийн ачаалал, амьдралын чанарыг үнэлсэн судалгаа хомс байгаа нь энэхүү судалгааг хийх үндэслэл болсон. Зорилго: Оюуны хөгжлийн бэрхшээлтэй хүний асран хамгаалагчийн амьдралын чанар, ачаалал хоорондын хамаарлыг судлахад оршино. Арга, аргачлал: Судалгааг Улаанбаатар хотын 8 дүүргийн өрхийн эрүүл мэндийн төвийг түшиглэн 642 үйлчлүүлэгчийн асран хамгаалагчийг зорилтот түүврийн аргаар сонгон, асуумж судалгаа авсан. Асран хамгаалагчийн ачааллыг Буренс Заритын асуумж, амьдралын чанарыг WHOQOL-BREF асуумжаар үнэлэсэн. Судалгааны зөвшөөрөл авсны үндсэн дээр хэмжилтийг хийсэн. Статистик боловсруулалтыг SPSS 25.0 програм ашиглан хийлээ. Үр дүн: Асран хамгаалагчийн дундаж нас 52.6±13.2, 23.1% нь эрэгтэйчүүд байна. Асран хамгаалагчдын 36.3% нь тэтгэвэрт гарсан, 34.6% нь ажилгүй байлаа. Асран хамгаалагчдын амьдралын чанарын үнэлгээнд бие бялдрын үзүүлэлтийн дундаж утга 54.4±12.6, сэтгэл зүйн дундаж үзүүлэлт 58.5±12.2, нийгмийн харилцаа 65.0±16.8, хүрээлэн буй орчны хувьд 66.8±13.7 байна. Асран хамгаалагчдын сэтгэл санааны амьдралын чанар нь ачаалалтай урвуу хамааралтай байв (-0.21; 95% CI: -0.33, -0.09; p = 0.001). Асран хамгаалагчийн ачаалал нь амьдралын чанарын орчинтой эерэг хамааралтай байна (0.21; 95% CI: 0.10; 0.33; p<0.001). Харин амьдралын чанарын бие бялдрын болон нийгмийн харилцааны үзүүлэлтийн хувьд ачаалалтай статистик ач холбогдол бүхий хамааралгүй байна. Дүгнэлт: Асран хамгаалагчийн ачаалал нэмэгдэх тусам амьдралын чанарт сөргөөр нөлөөлж, асруулагчийн өдөр тутмын өөртөө үйлчлэх чадвар муу байх тусам асран хамгаалагчийн ачаалал нэмэгдэж байна.
  • Some of the metrics are blocked by your 
    Item type:Publication,
    Үе тэнгийн тусламжтай суралцах сургалтын арга: Мета-анализ судалгаа
    (2024-04-13)
    Б.Одгэрэл
    ;
    Б.Уянга
    ;
    Үндэслэл: Үе тэнгийн тусламжтай суралцах нь идэвхитэй сургалтын арга юм. Үе тэнгийнхний тусламжтай суралцсанаар оюутнууд өөрсдийн суралцах үйлд идэвхитэй оролцохын зэрэгцээ үе тэнгийнхнийхээ мэдлэг туршлагаас суралцах боломжтой. Зорилго: Бид анагаахын оюутнуудын эмнэл зүйн мэдлэг, ур чадварыг дээшлүүлэхэд үе тэнгийн тусламжтай суралцах сургалтын аргын үр дүнг судлах зорилго тавин судалгааны ажлаа хийлээ. Арга, аргачлал: Pubmed, HInary зэрэг мэдээллийн сангаас “peer assisted learning” OR “PAL” OR “peer learn” OR “peer tutor” OR “peer teach”) AND (“traditional teaching” OR “faculty” OR “expert” OR “instructor” OR “staf” OR “tutor“ mesh нэршил ашиглан хайлт хийв. 2023 оны 9-р сараас өмнө нийтлэгдсэн үе тэнгийн тусламжтай сургалтын аргыг туршсан санамсаргүй хяналтат туршилт (RCTs) судалгаануудыг хайж гарчиг хураангуйг шалгасны дараа оруулах шалгуурын дагуу сонгогдсон өгүүллийг бүрэн эхээр уншиж мэдээллийг цуглуулав. Оруулах шалгуурт үе тэнгийн тусламжтай суралцах аргыг туршсан санамсаргүй хяналтат туршилт судалгааг оруулав. Үр дүн: Үр дүнгийн боловсруулалтыг RevMan 5.3 программ ашиглан хийв. Анагаахын мэдээллийн цахим хуудаснаас хайлт хийхэд 9000 гаруй илэрц гарч ирснээс оруулах шалгуурт үндэслэсэн 17 судалгаанд дүгнэлт хийв. Анагаахын чиглэлээр суралцаж буй 2512 оюутныг хамарсан 17 судалгаанд дүн шинжилгээ хийж эмнэл зүйн мэдлэг болон ур чадварын сайжралыг үнэлэв. Мета-анализ судалгаанаас харахад үе тэнгийн тусламжтай суралцах сургалтын арга ашигласан бүлгийн оюутнууд уламжлалт сургалтын арга ашигласан бүлгийн оюутнуудаас шалгалтын гүйцэтгэл илүү байсан (p=0.002). Дүгнэлт: Үе тэнгийн тусламжтай суралцах сургалтын аргыг анагаахын оюутны боловсролд нэвтрүүлэх нь үр дүнтэй сургалтын арга байж болно.
  • Some of the metrics are blocked by your 
    Item type:Publication,
    Архины хамааралтай эрэгтэйчүүдийн нойрны чанарыг судалсан дүн
    (2025-01-01)
    Т.Энхжаргал
    ;
    С.Дэлгэрмаа
    ;
    ;
    Ч.Энхтуул
    ;
    Үндэслэл: Нойр нь хүний өсөлт хөгжилт, суралцах үйл, ой санамжид чухал үүрэг гүйцэтгэдэг төдийгүй, энерги нөөцлөхөд шаардлагатай амрах хугацаагаар хангадаг байна.1 Архины хэрэглээ болон нойрны хямрал хоорондын хамаарал маш төвөгтэй асуудлуудын нэг. Архи нь бага тунгаар тайвшруулах үйлчилгээтэй хэдий ч цагт дунджаар 7 граас ихэсэхэд тайвшруулах нөлөө нь багасч эхэлдэг байна. Зорилго: Архи, согтууруулах ундааны хамааралтай хүмүүсийн нойрны чанарыг тодорхойлох. Арга, аргачлал: Судалгааг асуумж судалгааны тохиолдол хяналтын загвараар тоон судалгааны аргаар архины хамааралтай 60, архины хамааралгүй хяналтын 60 нийт 120 эрэгтэйчүүдийг хамруулан гүйцэтгэлээ. Бид судалгаандаа хүн амзүйн асуумж, нойрны чанарын индексын тодорхойлох Р8^1 асуумж, Архинд хамаарлын түвшинг тодорхойлохдоо А ^^1Т асуумжуудыг ашигласан. Үр дүн: Судалгаанд хамрагдсан архины хамааралтай эмчлүүлэгчдийн дундаж нас 45.3±42.4, хяналтын бүлгийн хүмүүсийн дундаж нас 42.4±5.1 байлаа. А^^1Т сорилын оноо архины хамааралтай бүлэгт 25.6±9.8 буюу өндөр түвшинд, хяналтын бүлэгт 7.2±3.2 буюу хэрэглээний түвшин бага байгаа нь статистик үнэн магад бүхий ялгаатай байлаа (1=3.98, р=0.001). Архины хамааралтай бүлэгт унтахад зарцуулах хугацаа урт (р=0.042), үр дүнтэй унталтын оноо бага (р=0.012), унтах эмгэг (р=0.039) тохиолдож байгаа нь хяналтын бүлэгтэй харьцуулахад ялгаатай гарсан. Нойрны чанарын индексийн ерөнхий оноо архины хамааралтай бүлэгт 9.82±2.8 байсан бол хяналтын бүлэгт 4.1±1.2 байсан. Нойрны чамар ба архины хамаарал хоорондоо хамаарал байгаа эсэхийг судлахад архины хамааралтай бүлэгт субьектив нойрны чанар муу (р=0.023), унтахад зарцуулж буй цаг 30 минутаас их (р=0.012), үр дүнтэй унталт 75%-иас бага (р=0.021), унтах эмгэгтэй хүмүүст (р=0.019) А ^^1Т оноо өндөр гарсан нь статистик үнэн магад бүхий хамааралтай байсан. Дүгнэлт: Архины хамаарал нь нойрны чанарт нөлөөлж байна. Ялангуяа субьектив нойр, унтахад зарцуулж буй цаг, үр дүнтэй унталтад нөлөөлж унтах эмгэг үүсгэж байна.
  • Some of the metrics are blocked by your 
    Item type:Publication,
    Z үеийн оюутнуудын суралцах сонирхол ба оролцооны түвшинг судалсан дүн
    (2025-12-05) ;
    Б.Ганбаатар
    ;
    Б.Одгэрэл
    ;
    Ж.Ариунаа
    ;
    Д.Энхболд
    Үндэслэл: Судлаачдийн тэмдэглэснээр Z үеийн оюутнууд 1995 оноос хойш төрсөн хүмүүс ба онцлог шинж чанар нь нэг зэрэг олон ажил амжуулах чадвартай, уламжлалт суралцах арга барилыг таашаадаггүй, тэвчээр муутай, анхаарал төвлөрөл сул, багаар ажиллахаасаа илүү бие дааж ажиллахыг илүүд чухалчилдаг, уламжлалт суралцах арга барилыг таашаадаггүй, тэвчээр муутай, сэтгэцийн эмгэгт амархан өртдөг шинэ үеийн нэг хэсэг гэж тодорхойлсон байна. Зорилго: Сувилахуйн сургуульд суралцаж буй Z үеийн оюутнуудын хичээлд оролцох оролцооны түвшинг судлах. Арга, аргачлал: Судалгааг аналитик судалгааны агшингийн загвар, тоон судалгааны асуумжийн аргаар хийж гүйцэтгсэн. ба 2025 оны 2-р сарын 1-нээс 4-р сарын 1-ний хооронд гүйцэтгэсэн. Судалгаанд АШУҮИС-ийн Сувилахуйн сургуулийн сувилахуй, эх барихуй, хөдөлгөөн засал, хөдөлмөр засал, уламжлалт анагаахын сувилахуйн 420 оюутнуудыг хамруулав. Z үеийн оюутнуудын хичээлд оролцох оролцоог үнэлэхийн тулд Student Course Engagement Questionnaire (Handelsman, 2005)-хувилбарыг ашигласан. Асуумжийн найдвартай байдлыг үнэлэхэд Cronbach’s α=0.955 байв. Судалгааг статистик боловсруулалтын SPSS-25.0 программыг ашигласан ба P утга 0.05-аас бага тохиолдолд статистикийн үнэн магадлалтай гэж тооцов. Үр дүн: Судалгаанд нийт 420 оюутан оролцсон ба тэдний 91.9% нь эмэгтэй, 8.1% нь эрэгтэй оюутан байв. Мэргэжлээр нь авч үзвэл 57.1% нь сувилахуй, 22.6% нь эх барихуй, 8.8% нь хөдөлгөөн засалч, 11.5% нь бусад мэргэжлийн оюутнууд байв. Оюутнуудын хичээлийн идэвх оролцоо, хувийн хариуцлага ба хичээл зүтгэл, суралцах хандлага ба сонирхол гэсэн бүлгүүдэд хуваан, судалгаанд оролцогчдын нас, суралцаж буй мэргэжил, дамжаа зэрэг үзүүлэлтийн хоорондын хамаарлыг Пеарсоны корреляцийн шинжилгээгээр тооцоолоход суралцагчийн идэвх оролцоо нь хувийн хариуцлага хичээл зүтгэлтэй (r=0.828), суралцах хандлага ба сонирхолтой (r=0.825), хувийн хариуцлага, хичээл зүтгэл болон суралцах хандлага, сонирхол хооронд (r=0.903) шууд эерэг хамааралтай (p<0.01) байв. Харин судалгаанд оролцогчдын нас нь суралцаж буй дамжаатай (r=0.381) сул эерэг хамааралтай байсан бол суралцаж буй мэргэжил болон дамжаа хооронд (r=-0.146) сул урвуу хамааралтай (p<0.01) байна. Суралцаж буй дамжаа, суралцах хандлага ба сонирхол хооронд (r=-0.107, p<0.05) сул урвуу хамааралтай байна. Дүгнэлт: Судалгаанд хамрагдсан Z үеийн оюутнуудын суралцах сонирхол, хичээлд оролцох байдал нь тэдний хувийн хариуцлага, хичээл зүтгэл, суралцах хандлагатай өндөр хамааралтай (r=0.82–0.90, p<0.01) байна. Оюутнуудын ихэнх нь суралцах хүсэлтэй, хичээлдээ тогтмол оролцдог, уламжлалт арга барилд дургүй, дадлага сургалтад илүү сонирхолтой байна.
  • Some of the metrics are blocked by your 
    Item type:Publication,
    Цусны хавдартай хүүхдүүдийн асран хамгаалагчдын сэтгэлзүйн дарамтыг судалсан дүн
    (2024-11-07)
    О.Одонтуяа
    ;
    С.Дэлгэрмаа
    ;
    ;
    Ч.Энхтуул
    ;
    Үндэслэл: Цусны хорт хавдар нь хүүхдийн хамгийн түгээмэл тохиолдох хавдар юм. Энэ нь хүүхдүүдийн эцэг эх, гэр бүл, асран хамгаалагч нарын бие бялдар болон сэтгэлзүйн эрүүл мэндэд ноцтой үр дагавар, хүндрэлийг үүсгэдэг. Зорилго: Бид цусны хавдартай хүүхдүүдийн асран хамгаалагчийн сэтгэл зүйн байдлыг үнэлэх зорилгын хүрээнд энэхүү судалгааг хийлээ. Арга, аргачлал: Судалгааг Өвөр Монголын Ардын хорооны цусны хавдарын салаанд хэвтэн эмчлүүлсэн 66 хүүхдийн асран хамгаалагчыг хамруулан хийсэн бөгөөд сэтгэлзүйн дарамтыг үнэлэх зорилгоор DASS 21 асуумжийг ашиглан хийсэн. Үр дүн: Судалгаанд хамрагдсан асран хамгаалагчдын дундаж нас 38.5±4.86 жил байсан ба 81.8%(54) нь эмэгтэй, 18.2(12) эрэгтэй байлаа. Асран хамгаалагчийн сэтгэл гутрал, сэтгэл түгшилт, стрессийн түвшинг DASS сорилоор дүгнэн үзвэл 50% нь сэтгэл гутралын маш хүнд, хүнд зэрэгтэй, 50% нь дунд зэргийн сэтгэл гутралтай. 84,7% нь маш хүнд хэлбэрийн сэтгэл түгшилттэй, 10.6% нь маш хүнд зэргийн стресстэй байсан. Стрессийн түвшин эрэгтэй, эмэгтэй хүйсийн хувьд стрессийн түвшин статистик үнэн магад бүхий ялгаатай байв (р=0.04). Сэтгэл түгшилтэд боловсролын байдал (р=0.041) нөлөөлж байсан бол сэтгэл гутралд хүйс (р=0.027), боловсрол (р=0.004), жилийн орлого (0.035) нөлөөлж байна. Дүгнэлт: Хорт хавдартай хүүхдүүдийн асран хамгаалагчид сэтгэл зүйн өндөр дарамттай байгаа тул ихээхэн бэрхшээлтэй тулгарч байна.
  • Some of the metrics are blocked by your 
    Item type:Publication,
    Их сургуулийн багш нарын стресс
    (2026-05-22)
    Д.Солонго
    ;
    Б.Одгэрэл
    ;
    ;
    Ж.Ариунаа
    ;
    С.Дэлгэрмаа
    Үндэслэл: Багшийн мэргэжил нь стресс ихтэй ажил бөгөөд судалгаагаар ажлын шаардлага өндөр, харин байгууллагын дэмжлэг хангалтгүй үед стресс болон ажлаас халшрах байдал нэмэгддэг болохыг тогтоосон байна. Зорилго: Бид их дээд сургуулийн багш нарын стрессийн түвшинг тодорхойлох зорилго тавин судалгаа хийх өмнө тойм судалгаа хийлээ. Арга, аргачлал: Бид Pubmed Embase мэдээллийн сангаас англи хэл дээр бичигдсэн судалгааны материалыг оны шалгуур тавилгүй 2025 оны 9 сар хүртэл бичигдсэн судалгааны материалыг “Stress,” “Researchers,” “University professors,” “Academic researchers,” “College,” “Academics,” “Scholars,” “Teachers,” “Professors,” гэсэн нэршлээр хайлаа. Үр дүн: Pubmed Embase мэдээллийн сангаас англи хэл дээр бичигдсэн судалгааны материалыг оны шалгуур тавилгүй 2025 оны 9 сар хүртэл бичигдсэн судалгааны материалыг “Stress,” “Researchers,” “University professors,” “Academic researchers,” “College,” “Academics,” “Scholars,” “Teachers,” “Professors,” гэсэн нэршлээр хайсан ба мэдээллийн сангаас хайлтын дүнд 3961 өгүүлэл гарч ирсэн ба гарчигийн хүрээнд уншилт хийж 2944 өгүүлэл хасагдаж 58 өгүүллийг абстрактын хүрээнд уншин бидний судалгааны асуумжинд тохирсон 12 судалгаан анализ хийв. Дүгнэлт: Их, дээд сургуулийн багш нарын стресс нь өндөр түвшинд байгааг энэхүү тойм судалгаа харууллаа. Стресс нь ажлын ачаалал, байгууллагын дэмжлэг, гүйцэтгэлийн шаардлага зэрэг олон хүчин зүйлтэй холбоотой бөгөөд энэ нь бие махбодын болон сэтгэлзүйн сөрөг үр дагаварт хүргэж байна. Иймд байгууллагын түвшинд системтэй арга хэмжээ авч, багшийн сайн сайхан байдлыг дэмжих шаардлагатай байна.
  • Some of the metrics are blocked by your 
    Item type:Publication,
    Яаралтай тусламжийн тасгаар үйлчлүүлсэн үйлчлүүлэгчдийн эрэмбийн хуудаст хийсэн дүн шинжилгээ
    (2024-03-20)
    А.Энхжаргал
    ;
    ;
    Г.Ганхуяг
    ;
    Үндэслэл: Яаралтай тусламжийн тасгийн сувилагч нарын эрэмбэлэн ангилах үйл ажиллагаатай холбоотой асуудлуудын дотроос ногоон эрэмбээр эрэмбэлэгдсэн үйлчлүүлэгчдийн тоон үзүүлэлт жил тутамд өссөн үзүүлэлттэй байна. Энэ нь тусламж үйлчилгээний ихэнх хувийг эзэлж, яаралтай тусламж үйлчилгээний ачааллыг нэмэгдүүлэх, цаашлаад нэн шаардлагатай тусламж үйлчилгээ авах үйлчлүүлэгчдэд чанартай тусламж үйлчилгээ үзүүлэхэд сөргөөр нөлөөлж байна. Мөн манай улсын хувьд шар эрэмбэд эрэмбэлэгдсэн үйлчлүүлэгчдийн зардал нийт зардлын томоохон хувийг эзэлсээр байна. Иймээс яаралтай тусламжийн тасгийн үйлчлүүлэгч нарын эрэмбэд нөлөөлж буй хүчин зүйлийг судлах зайлшгүй хэрэгцээ байгаа нь энэхүү судалгааг хийх үндэслэл боллоо. Зорилго: Яаралтай тусламжийн тасгийн үйлчлүүлэгчдийн эрэмбийн хуудаст үндэслэн үйлчлүүлэгчдийг эрэмбэлсэн өнгө, тусламж үйлчилгээ үзүүлсэн хугацаа, эмчилгээний өртөг зардлыг тооцоолох, түүнд нөлөөлж буй хүчин зүйлсийг тодорхойлох. Арга, аргачлал: Судалгааг эргэмж судалгааны загвараар хийж гүйцэтгэв. Судалгааны мэдээллийг Сүхбаатар Нэгдсэн Эмнэлэг болон Чингэлтэй Дүүргийн Нэгдсэн Эмнэлгийг түшиглэн, яаралтай тусламжийн тасгийн үйлчлүүлэгчдийн 269 эрэмбийн хуудаснаас түүвэрлэв. Судалгааны мэдээллийг дескриптив статистик, Pearson корреляци болон олон регресс (multiple regression) дүн шинжилгээг ашиглан үр дүнг тооцоолов. Үр дүн: Судалгаанд оролцогсдын насны дундаж 44.8±14.81 жил, хүйсийн хувьд 52.4% (141) нь эмэгтэйчүүд байв. Яаралтай тусламжийн тасгаар үйлчлүүлсэн үйлчлүүлэгчдийн эмчилгээний хуудаст үндэслэн үйлчлүүлэгчдийг эрэмбэлсэн өнгийг тодорхойлоход 56.1% (151) үйлчлүүлэгч шар эрэмбээр, 40.1% (108) үйлчлүүлэгч ногоон эрэмбээр эрэмбэлэгдсэн байв. Үйлчлүүлэгчдийн эрэмбэ болон нас сөрөг, сул хамааралтай (r=-0.180, p=0.027), харин үйлчлүүлэгчийн эрэмбэ нь судалгаанд оролцогсдын хүйстэй (r=0.135, p=0.02) эерэг, сул хамааралтай; боловсролын түвшинтэй эерэг, дунд зэргийн хамааралтай байв (r=0.352, p=0.001). Үйлчлүүлэгчдийн эрэмбэнд нас (R2=.029, P=0.003), хүйс (R2=.014, P=0.02), боловсрол (R2=.364, P=0.0001) нөлөөлж байна. Дүгнэлт: Нийт үйлчлүүлэгчдийн 96.2% (259) нь ногоон, шар эрэмбээр эрэмбэлэгдсэн ба нийт яаралтай тусламжийн зардлын 97%ийг эзэлж байв. Үйлчлүүлэгчийн эрэмбэд тэдний нас, хүйс, боловсрол зэрэг хүн ам зүйн хувьсагч нөлөөлж байна. Иймд цаашид хүн амд эрүүл мэндийн боловсрол олгох нэн шаардлагатай ба энэ нь яаралтай тусламж үйлчилгээний ачаалал, эмчилгээний өртөг зардлыг бууруулах, цаашлаад нэн яаралтай тусламж үйлчилгээ авах шаардлагатай үйлчлүүлэгчдэд чанартай тусламж үйлчилгээ үзүүлэхэд чухал нөлөөтэй байна.