Даваа–Баасан 08:30–20:00 · Бямба 09:00–16:00
Now showing 1 - 3 of 3
  • Some of the metrics are blocked by your 
    Item type:Publication,
    Баруун бүсийн хүн амд шүдний эгнээний согог, зажлах үйлийн алдагдал болон шүдэлбэр эмчилгээний хэрэгцээг судлах нь
    (2022-11-01)
    П.Маралгоо
    ;
    ;
    Н.Пүрэвжав
    Үндэслэл: Шүдни эгнээни хэсгийн шүдгүйдэл нь зажлах үйл, нүүр амны гоо сайхан алдагдах, хэл яриа болон сэтгэн бодох чадварт нөлөөлдөг. Манай оронд Баруун бүсийн хүн амын дунд шүдний эгнээний согогийн төлөв байдал, эмнэл зүйн шинж, зажлах үйлийн алдагдал, согог заслын эмчилгээний хэрэгцээг хамтатган судалсан судалгаа хийгдээгүй байгаа нь энэ судалгааг хийх үндэслэл болсон. Зорилго: Баруун бүсийн хүн амын дунд тохиолдож бу шүдни эгнээни согоги н төлөв байдал, зажлах үйлийн алдагдлыг тогтоох, согог заслын эмчилгээний хэрэгцээ шаардлагыг тодорхойлох. Арга, аргачлал: Баруун аймгуудаас нийт 475 хүнийг таниулсан зөвшөөрлийн дагуу судалгаанд хамруулж хүн амд суурилсан, дескриптив судалгааны нэг агшингийн загвараар хийж гүйцэтгэв. Үр дүнгийн статистик боловсруулалтыг SPSS-25 программ дээр хийж гүйцэтгэв. Үр дүн: Шүдний эгнээний согогтой 84.4%, бүрэн шүдгүй 0.4% эзэлж байв. Хоншоорын шүдний эгнээнд 64.3% бага, 20.8% дунд, 14.9% их, эрүүнд 61.9% бага, 27.8% дунд, 10.3% их хэмжээний согог тус тус эзэлж байлаа. Хоншоор болон эрүүний шүдний эгнээнд дунджаар 4 шүд байхгүй байв. ШЭСогогийг Кеннеди ангилалаар үзэхэд К3-р ангилал хоншоорт 40.53%, эрүүнд 38.83% байхад К4-р ангилал хоншоорт 3.65%, эрүүнд 0.28% бага хувийг эзэлж байна (p<0.01). Зажлах үйлийн алдагдлыг хэмжээгээр авч үзэхэд бага хэмжээний алдагдал 38.7% дунд 15.63% их 45.65% тус тус зажлах үйлийн алдагдалтай байв. 30-39 насанд хамгийн өндөр буюу 42.92% тохиолдож байлаа. Согог заслын эмчилгээний хэрэгцээ шаардлагыг тодорхойлоход 23.57% уян шүдэлбэр, 20.84% хатуу хуванцар, 2.23% цутгамал тагнайтай шүдэлбэр, 1.98% гүүрэлсэн болон 1.7% нь имплант шүдэлбэр хийлгэх хүсэлтэй байв. Дүгнэлт: 1. Судалгаанд хамрагдсан нийт хүмүүсийн 84.4% нь шүдний эгнээний согогтой байлаа. 2. Судалгаанд хамрагдагсдын 38.7% бага, 15.63% дунд, 45.65% их зажлах үйлийн алдагдалтай байв. 3. ШЭСогогийн төлөв байдал, зажлах үйлийн алдагдал зэргээс хамааран авагддаггүй шүдэлбэр эмчилгээ хийлгэх нь тохиромжтой байна.
  • Some of the metrics are blocked by your 
    Item type:Publication,
    Монголчуудын дунд тохиолдож буй шүдний эгнээний согогийн төлөв байдлыг судалсан дүн
    (2024-05-13)
    П.Маралгоо
    ;
    Б.Батбаяр
    ;
    ; ;
    Үндэслэл: 2022 онд ДЭМБ-аас амны хөндийн зарим өвчнөөс (шүдний Хэсгийн шүдгүйдэл цоорол, шүдгүйдэл, эрүү нүүрний хавдар, ШТЭҮӨвчин, эрүү нүүрний Кеннеди гэмтэл, уруул тагнайн сэтэрхий, нома буюу нүүр амны үхжилтэт өвчин)Авагддаг шүдэлбэр өөс урьдчилан сэргийлэх бодлогыг 2030 он хүртэл хэрэгжүүлэхээр Тархалт болсон байна. 1981, 1997, 2013 онуудад амны өвчлөлийг бууруулах зорилт бүхий зөвлөмжийг боловсруулсан байдаг. Шүдгүйдэл, шүдний тоо, хуучирсан хэрэгцээгүй шүдэлбэр, шүдний цоорол, гэмтэл хөдөлгөөн зэрэг нь шүдний зажлах чадварт нөлөөлж зажлах үйлийг бууруулдаг. Монгол улсад 2013 оноос хойш хот болон хөдөө орон нутгийн иргэдийг хамарсан шүдгүйдлийн цогц судалгаа хийгдээгүй байгаа бөгөөд энэхүү асуудлыг судалснаар асуудал дэвшүүлсэн нотолгоонд суурилан шүдгүйдлийн тархалтыг бууруулах, шүдгүйдлээс урьдчилан сэргийлэх арга хэмжээг боловсронгуй болгох нь энэхүү судалгааны үндэслэл боллоо. Зорилго: Монголчуудын дунд тохиолдож бу шүдни эгнээни согоги н төлөв байдал, тархалтыг газар зүйн бүсчлэлээр тогтоох. Арга, аргачлал: Монгол улсын Баруун, Хангай, Зүүн, Төв болон Улаанбаатар хотоос нийт 18-аас дээш насны 1638 хүнийг таниулсан зөвшөөрлийн дагуу судалгаанд хамруулж хэсгийн шүдний эгнээний согогийн төлөв байдлыг судлав. Хүн амд суурилсан, аналитик судалгааны агшингийн загвараар хийж гүйцэтгэв. Үр дүнгийн боловсруултыг SPSS-25 программ дээр хийв. Үр дүн: Судалгаанд хамрагдсан нийт хүмүүсийн 90.2% нь шүдний эгнээний согогтой. Төвийн бүсэд 85.9%, Зүүн бүсэд 87.7%, Улаанбаатар бүсэд 91.6%, Баруун бүсэд 92.1%, Хангайн бүсэд 92.4% тус тус шүдний эгнээний согогийн тархалттай байлаа. Судалгаанд хамрагдагсдын шүдний эгнээний согог хоншоор эрүүнд нийт тохиолдож буй байдлаар 1-3 шүд авхуулсан 54.9%, 4-6 шүд авхуулсан 27.8%, 7-13 шүд авхуулсан 17.4% байлаа. Согогийн байрлалаар нь 35.5% хоёр талын төгсгөлийн согог, 28.0% нэг талын төгсгөлийн согог, 34.9% хажуугийн завсрын согог, 1.8% үүдэн бүлэг шүдний согог тус тус байв. KIII согог 18-34 насны бүлэгт 50.1%, KI согог 65-аас дээш насанд 70.5% тус тус өндөр тохиолдож байв. Бүсчлэлээр авч үзвэл Улаанбаатар хотод KIII согог 43.5%, 1-3 шүд авхуулсан тохиолдол 71.2%, Төвийн бүсэд хосолмол согог 34.6% тус тус хамгийн өндөр байв. Дүгнэлт: 1. Монголчуудын дунд шүдний эгнээний согогийн тархалт 90.2% байсан бөгөөд нас ахихын хэрээр ихсэж байлаа. Бүс нутгаар шүдний эгнээний согогийн тархалтыг тодорхойлоход бүс нутаг хамаарахгүй өндөр тархалттай байна. 2. Судалгаанд хамрагдагсдын шүдний эгнээний согогийг хэмжээгээр нь тодорхойлоход 1-3 шүд авхуулсан тохиолдол өндөр байлаа. Залуу насныханд завсрын согог илүү тохиолдож байсан бол нас ахихын хэрээр хоёр талын төгсгөлийн согогууд илүү тохиолдож байв. Бүсчлэлээр авч үзвэл Улаанбаатар хотод 1-3 шүд авхуулсан тохиолдол 71.2% харьцангуй өндөр байгаа нь бусад бүс нутгийн хүмүүстэй харьцуулахад нүүр амны эмчилгээ үйлчилгээ илүү авч олон шүдээ алдахаас урьдчилан сэргийлж байна гэж үзэж байна.