Loading...
АШУҮИС-ийн нэгдүгээр дамжааны суралцагчдын Анатомийн хичээлийн сургалтын сэтгэл ханамжийн судалгаа
Зохиогч
Д.Анужин
Х.Пүрэвсүрэн
А.Долгорсүрэн
Д.Уранчимэг
А.Авирмэд
Он
2026 оны тавдугаар сарын 22
Төрөл
journal article
Journal
Эрүүл мэндийн шинжлэх ухаан
Volume
22
Issue
5
Start Page
6
End Page
11
ISSN
2959-6947
Хураангуй
Үндэслэл: Эмч мэргэжилтнийг бэлтгэх анагаах ухааны боловсролын тулгуур нь суурь шинжлэх ухааны мэдлэг бөгөөд энэ нь эмнэлзүйн сэтгэлгээ, оношилгоо-эмчилгээний шийдвэр гаргалтын үндсийг бүрдүүлдэг. Анатомийн хичээл нь их эмч бэлтгэх хөтөлбөрийн үндсэн суурь хичээлийн нэг болдог ба суралцагчдын суурь мэдлэг, эмнэлзүйн сэтгэлгээ үүсэж төлөвшихөд шууд нөлөө үзүүлдэг. Анагаахын суурь боловсролын нэгдүгээр дамжааны суралцагчдаар анатомийн хичээлийг үнэлүүлэх замаар сургалтын чанарыг дээшлүүлэх, сургалтын бүтэц, зохион байгуулалтыг сайжруулахад нотолгоонд суурилсан үндэслэл хэрэгтэй байсан нь энэхүү судалгааны үндэслэл боллоо. Зорилго: Анагаахын суурь боловсролын нэгдүгээр дамжааны суралцагчдын Анатоми-1 хичээлийн сэтгэл ханамжийг судлах. Арга, аргачлал: Судалгааг аналитик судалгааны агшингийн загвараар 2025-2026 оны хичээлийн жилийн 1-р улиралд хийж гүйцэтгэв. АШУҮИС-ийн БиоАС-ийн Анагаахын суурь боловсролын нэгдүгээр дамжааны нийт 289 суралцагчдаас хүн ам зүйн 3, ерөнхий сэтгэл ханамжийн 20, нээлттэй 1 нийт 24 асуулт (асуулт бүр 5 онооны Ликертийн хэмжүүртэй) бүхий асуумжийн хуудсаар мэдээлэл цуглуулсан. Мэдээллийг SPSS-23.0 програмаар дескриптив статистик, хоёр түүврийн t-тест, ANOVA, Пирсоны корреляци, хүчин зүйн шинжилгээ (factor analysis) ашиглан боловсруулав. Үр дүн: Судалгаанд оролцогчдын 14.2% нь эрэгтэй, 85.8% нь эмэгтэй байсан бөгөөд TAM 10.38%, TMS 17.30%, MDS 44.29%, PDS 13.15%, DSS 14.88%-ийг эзэлж байв. Ерөнхий сэтгэл ханамжийн түвшин 4.59±0.66 буюу сайн түвшинд байв. Эдгээрээс “Багш нарын мэргэжлийн мэдлэг, ур чадвар сайн” хамгийн өндөр үнэлгээ (DSS, 4.91±0.37), харин хамгийн бага үнэлгээ нь “Оюутны мэдлэг, ур чадварыг бодитой, шударга үнэлдэг” (PDS, 4.16±0.75) үзүүлэлтэд ноогдов. Асуумжийн дотоод нийцлийн коэффициент α=0.909 гарч, найдвартай байдал маш сайн түвшинд байв. Пирсоны корреляцийн шинжилгээгээр багш оюутны үзэл бодлыг хүндэтгэх (Q4), багшийн харилцаа хандлага (Q5), мэргэжлийн ёс зүй (Q6) хооронд хүчтэй эерэг хамаарал (r=0.787; r=0.755; p<0.01) ажиглагдсан. Хүчин зүйн шинжилгээгээр KMO=0.865, Bartlett’s test p=0.000 байсан тул нийт 20 асуултыг “Багшийн мэргэжлийн ур чадвар” болон “Сургалтын орчин, зохион байгуулалт” гэсэн 2 хүчин зүйлд хувааж, нийт вариацийн 58.74%-ийг тайлбарлав. Дүгнэлт: Судалгаанд оролцсон Анагаахын суурь боловсролын нэгдүгээр дамжааны суралцагчдын ерөнхий сэтгэл ханамж сайн түвшинд байгаа нь тодорхойлогдлоо. Багшийн мэргэжлийн ур чадвар, сургалтын орчин, зохион байгуулалт суралцагчдын сэтгэл ханамжид нөлөөлж байсан ба нийт үр дүнгийн 58.74%-ийг тайлбарлаж байв. Мэргэжлийн ёс зүйг баримталж, оюутнуудын үзэл бодлыг хүндэтгэж, адил, тэгш хандах нь багшийн мэдлэг, мэргэжлийн ур чадвараас хамаарч байгаа нь тогтоогдлоо.
Background: The cornerstone of medical education in training qualified physicians lies in foundational scientific knowledge, which forms the basis for clinical reasoning and diagnostic-therapeutic decision-making. Anatomy constitutes one of the core foundational subjects within the medical doctor training curriculum and exerts a direct influence on the development of students’ baseline knowledge and the formation of their clinical thinking. This study was conducted to evaluate the anatomy curriculum through assessments by first-year students enrolled in the basic medical education program, with the aim of enhancing instructional quality and improving the structure and organization of the course. Aim: To investigate the satisfaction ratings of first-year students in the basic medical education program regarding the Anatomy-1 course. Material and Methods: The study was carried out using an analytical cross-sectional design during the first semester of the 2025–2026 academic year. Data were collected from a total of 289 first-year students of the basic medical education program at the School of Bio-Medicine of MNUMS (Mongolian National University of Medical Sciences) using a questionnaire comprising 24 items in total—3 demographic questions, 20 general satisfaction questions, and 1 open-ended question—with each item rated on a 5-point Likert scale. Data were processed using SPSS 23.0 software, employing descriptive statistics, two-sample t-tests, ANOVA, Pearson’s correlation, and factor analysis. Results: Of the study participants, 14.2% were male and 85.8% were female, with the cohort distributed across programs as follows: TAM 10.38%, TMS 17.30%, MDS 44.29%, PDS 13.15%, and DSS 14.88%. The overall satisfaction level was 4.59±0.66, falling within the “good” range. The highest rating was attributed to “Faculty members possess strong professional knowledge and skills” (DSS, 4.91±0.37), whereas the lowest rating was assigned to “Students’ knowledge and skills are evaluated objectively and fairly” (PDS, 4.16±0.75). The internal consistency coefÏcient of the questionnaire yielded α=0.909, indicating excellent reliability. Correlation analysis revealed strong positive associations among instructors’ respect for students’ viewpoints (Q4), instructors’ communication and demeanor (Q5), and professional ethics (Q6) (r=0.787; r=0.755; p<0.01). Factor analysis produced a KMO value of 0.865 and a Bartlett’s test result of p=0.000; accordingly, all 20 items were grouped into two factors—”Faculty Professional Competence” and “Learning Environment and Organization”—which collectively accounted for 58.74% of the total variance. Conclusions: 1. The findings indicate that the overall satisfaction of first-year basic medical education students who participated in the study was at a favorable level. 2. Faculty professional competence and the learning environment and organization were identified as factors influencing student satisfaction, explaining 58.74% of the total variance in the results. It was further established that adherence to professional ethics, respect for students’ perspectives, and equitable treatment are contingent upon the instructor’s knowledge and professional expertise.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1677
Эшлэл
Д.Анужин, Р.Номиунгэрэл, Д.Янсанжав, Г.Доржжагдаг, Г.Нандин, Х.Пүрэвсүрэн нар. АШУҮИС-ийн нэгдүгээр дамжааны суралцагчдын Анатомийн хичээлийн сургалтын сэтгэл ханамжийн судалгаа. Эрүүл мэндийн шинжлэх ухаан. 2026;22(5):6-11.