Loading...
Хүүхдийн мөчдийн түлэгдэлтийн дараах сорвинд арьс орлуулагчийг хэрэглэсэн үр дүн
Зохиогч
Он
2024 оны нэгдүгээр сарын 21
Төрөл
journal article
Journal
Эрүүл мэндийн шинжлэх ухаан
Volume
20
Issue
1
Start Page
127
End Page
131
ISSN
2959-6947
Хураангуй
Үндэслэл: Цочмог түлэгдэлтийн тусламж үйлчилгээ сайжирснаар нас баралтыг бууруулж, биеийн нийт гадаргуугийн 90-95%-ийг хамарсан түлэгдэлтийн гэмтлээс амьд үлдэх боломжтой болсон. Эдгээр их хэмжээний түлэгдэлттэй өвчтөнүүдэд их хэмжээний сорви, агшилт, үений хөдөлгөөн хязгаарлагдах, загатнах, өвдөх зэрэг шинж тэмдгүүд илэрч, гадаад төрхөндөө сэтгэл хангалуун бус байдаг бөгөөд олон жилийн турш физиологийн хэвийн үйл ажиллагаагаа алддаг. ГССҮТийн 2015-2021 оны байдлаар нийт түлэгдэлтийн 69.4% нь 0-18 насны хүүхдийн түлэгдэлт эзэлж байгаа бөгөөд 1-4 насны хүүхдийн түлэгдэлт 68.4% байгаа болохыг тэмдэглэсэн байна. Түлэгдэлтийн дараа үүсдэг мөчдийн хамгийн түгээмэл сорви нь гипертрофик сорви нийт тохиолдлын 70%-д тохиолддог болохыг судлаачид тогтоожээ. Иймд манай оронд хүүхдийн мөчдийн түлэгдэлтэнд арьс орлуулагчийг хэрэглэсэн мэс засал эмчилгээний үр дүнг судлан тогтоох нь энэхүү судалгааг хийх үндэслэл боллоо. Зорилго: Мөчдийн түлэгдэлтийн дараах сорвинд арьс орлуулагч-арьсны эдийн суулгацыг нимгэн давхраат арьстай хамт нөхөх мэс засал эмчилгээний үр дүнг тодорхойлох. Арга, аргачлал: Бид эмнэлзүйн туршилт судалгааны загвараар түлэгдэлтийн дараах сорвийг чөлөөлж арьс нөхөх мэс засал эмчилгээ хийлгэж буй 96 хүүхдэд мэс заслын өмнө болон дараах 7, 14, 30, 60 дахь хоногт сорвийг үнэлэх POSAS-ын арга, фото зураг аван хэмжилт хийж үр дүнг тооцов. Үр дүн: Мэс засал эмчилгээ хийсэн донор талбайн хамгийн их талбайд Аллодерм арьс орлуулагч-арьсны эдийн суулгац нимгэн давхраат арьс нөхөх мэс засал (Alloderm Thin STSG) хийсэн байгаа нь тодорхойлогдлоо (P<0.0001), донор талбайн шархны эдгэрлийн хугацаа Аллодерм арьс орлуулагч-арьсны эдийн суулгац (Alloderm Thin STSG) нөхсөн бүлэгт хамгийн бага байгаа нь тодорхойлогдлоо (P<0.0001). Реципиент талбайн шархны эдгэрэл хагас бүрэн давхраат арьс нөхсөн (Thick STSG) бүлэгт хамгийн бага хугацаанд эдгэрсэн байгаа нь ажиглагдлаа (P<0.0001). Ажиглагч болон үйлчлүүлэгчийн сорвины үнэлгээ (POSAS)-гээр 14 дэхь хоногт эмчилгээний үр дүн илэрхий сайжирсан хэдий ч статистик ач холбогдол бүхий ялгаа ажиглагдсангүй. Дүгнэлт: Ажиглагч болон үйлчлүүлэгчийн сорвины үнэлгээ (POSAS)-гээр мөчдийн түлэгдэлтийн дараах сорвинд Аллодерм арьс орлуулагч-арьсны эдийн суулгац нимгэн давхраат арьс нөхөх мэс заслын үр дүнг судлахад илэрхий сайжирсан хэдий ч уламжлалт аргатай харьцуулахад статистик ач холбогдол бүхий ялгаа ажиглагдсангүй. Аллодермийг түлэгдэлтийн дараах сорвинд хэрэглэж эмчилгээний үр дүнг судлахад их хэмжээний сорвины талбайд хэрэглэх боломжтой бөгөөд донор талбайн шархны эдгэрэлтийг түргэсгэж гоо сайхны болон үйл ажиллагааны үр дүнг сайжруулж байна. Хүүхэд Түлэгдэлтийн дараах сорви Аллодерм Арьс нөхөх мэс засал POSAS арга
Background: Improvements in acute burn care have reduced mortality and improved survival in burns involving 90–95% of total body surface area. Patients with these large burns have extensive scarring, contractures, limited joint mobility, pruritus, and pain, are dissatisfied with their appearance, and lose normal physiological function for many years. As of 2015-2021, 69.4% of all burns are children aged 0-18, and 68.4% of burns are children aged 1-4. Researchers found that hypertrophic scars, the most common post-burn limb scars, account for 70% of all cases. Therefore, in our country, the study of the results of surgical treatment using skin substitutes for children’s limb burns is the basis for conducting this study. Aim: To determine the results of surgical treatment of skin substitute-skin tissue implantation with thin stratified skin in post-burn scars of limbs. Materials and Methods: We used the POSAS method to evaluate the scars before and on the 7th, 14th, 30th, and 60th days before and after the surgery, and calculated the results by taking photographs and measuring the results of 96 children undergoing skin repair surgery to release post-burn scars in a clinical trial research model. Results: It was determined that Alloderm Thin STSG was performed on the largest area of the donor area treated with surgery (P<0.0001), and the wound healing time of Alloderm Skin Substitute-Skin It was determined that it was the lowest in the tissue implant (Alloderm Thin STSG) patch group (P<0.0001). Recipient site wound healing was observed to have the shortest healing time in the semi-complete stratified skin graft (Thick STSG) group (P<0.0001). Observer and client scar assessment (POSAS) showed significant improvement in treatment outcome at day 14, but no statistically significant difference was observed. Conclusion: In a study of Alloderm dermal substitute-dermal tissue graft thin-layer skin grafting for post-extremity burn scars by Observer and Client Scar Assessment (POSAS), there was no statistically significant difference compared to traditional methods. Alloderm can be used in post-burn scar treatment studies for large scar areas, improving cosmetic and functional outcomes by accelerating donor site wound healing.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/980
Эшлэл
Э.Саранчимэг, А.Эрдэнэбилэг, Б.Золбаяр, С.Баатаржав, Я.Энхтөр, Л.Наранбат. Хүүхдийн мөчдийн түлэгдэлтийн дараах сорвинд арьс орлуулагчийг хэрэглэсэн үр дүн. Эрүүл мэндийн шинжлэх ухаан. 2024;20(1):127-131.
