Loading...
Ийлдсэн дэх шээсний хүчлийн агууламжинд нөлөөлөх зарим хүчин зүйлийг бодисын солилцооны хам шинжтэй эрэгтэй хүмүүст тодорхойлсон дүн
Зохиогч
Г.Мөнхтуул
З.Болорцэцэг
М.Лутзул
Н.Сугар
Б.Номундарь
Н.Эрдэнэбаяр
Ц.Лхагвасүрэн
Он
2023 оны хоёрдугаар сарын 16
Төрөл
journal article
Journal
Эрүүл мэндийн шинжлэх ухаан
Volume
19
Issue
1
Start Page
45
End Page
49
ISSN
2959-6947
Хураангуй
Үндэслэл: Ийлдсийн шээсний хүчил (ИШХ)-ийн агууламж нь бодисын солилцоо, зүрх судасны эмгэгүүдийн үед ихсэж байдаг. Судалгаанууд ИШХ нь бодисын солилцооны хам шинж (БСХШ)-ийг эрт оношлох үзүүлэлт болдог талаар дурдсан ба гиперурикемитэй хүмүүст БСХШ үүсэх магадлал 1.6 дахин их гэжээ. Монгол 15-69 насныхны 48.8% нь илүүдэл жин, таргалалттайг судалгаагаар тогтоосон бөгөөд энэ нь цаашид БСХШ, ЗСӨ, чихрийн шижин, тулай ихсэх хандлагатайг илэрхийлж байна. Тиймээс ИШХ-ийн агууламжийг тодорхойлон БСХШ болон бусад халдварт бус өвчнөөс урьдчилан сэргийлж болох талаар судлах шаардлагатай байна. Зорилго: ИШХ-н агууламжийг БСХШтэй, БСХШ-гүй хүмүүст тодорхойлон, нөлөөлөх хүчин зүйлийг судлах. Арга, аргачлал: Бид судалгаандаа Улаанбаатар хот дахь 30-60 насны 119 эрэгтэйг хамруулав. ИШХ ≥7 мг/дл бол гиперурикеми, БСХШ-г IDF, AHA/NHLBI байгууллагын зөвлөмжийн дагуу тодорхойллоо. Үр дүн: Судалгаанд хамрагдагсдын 39.5% (n=47) нь БСХШ-тэй, 16.8% (n=20) нь гиперурикемитэй байлаа. БСХШ-тэй бүлгийн 21.3% (n=10)-д гиперурикеми илэрсэн. ИШХ-ийг төвийн таргалалтаар ангилж үзэхэд БСХШ-тэй төвийн таргалалттай бүлэгт ИШХ дундаж 6.2±1.3 мг/дл харин хэвийн бүлэгт 4.9±1.8 мг/дл байлаа. БСХШ-гүй бүлэгт төвийн таргалалттай бүлэгт ИШХ 5.8±1.1 мг/дл, хэвийн бүлэгт 4.7±0.8 мг/дл байв (p<0.0001). Хамаарлын хувьд, ИШХ-тэй биеийн жин (r=0.43), хэвлийн тойрог (r=0.47), триглицерид (r=0.44) нь статистик ач холбогдол бүхий хамааралтай байсан бөгөөд БСХШ-гүй болон БСХШ-тэй бүлгээр авч үзвэл уг хамаарал нь биеийн жин (r=0.48, r=0.24), хэвлийн тойрог (r=0.5, r=0.36), триглицерид (r=0.46, r=0.29) буюу БСХШ-гүй бүлэгт үзүүлэлтүүд болон ИШХ-ийн хамаарал илүү хүчтэй байв. Гиперурикемийн эрсдлийг хэвлийн таргалалт 3.27 дахин, триглицеридеми 3.29 дахин ихэсгэж байлаа. Дүгнэлт: БСХШ-тэй хүмүүсийн 21.3%-д нь гиперурикеми илэрсэн бөгөөд хэвлийн өөхөн хуримтлал нэмэгдэх, өөх тосны солилцооны хямрал нь исэлдэлтийн стрессийг нэмэгдүүлж, ИШХ ихсэхэд нөлөөлж байж болох юм.
Background: Serum uric acid (SUA) levels are elevated in many disorders such as metabolic and cardiovascular disorders. Recent studies have documented that SUA levels are an early predictor of metabolic syndrome (MS), and individuals with hyperuricemia are 1.6 folds more likely to develop MS. Therefore, identifying SUA in people with MS can prevent other noncommunicable diseases and their related complications. Aim: determine SUA level in people with and without MS and to investigate factors influencing them Materials and Methods: 119 men aged 30-60 in Ulaanbaatar city were included. Hyperuricemia is defined as ≥7 mg/dl. Metabolic syndrome was defined using IDF and AHA/NHLBI criteria. Results: The prevalence of MS was 39.5% (n=47) and hyperuricemia was 16.8% (n=20). 21.3% (n=10) of men with MS had hyperuricemia. The mean SUA levels in the group without and with MS were 4.9±1.8 mg/dL and 6.2±1.3 mg/dL, respectively. For men without and with central obesity, SUA level was 4.7±0.8 mg/dL and 5.8±1.1 mg/dL (p<0.0001), respectively. The parameters significantly correlated with SUA were body weight (r=0.43), abdominal circumference (r=0.47), and triglycerides (r=0.44). Considering the group without MS vs with MS, there was a stronger relationship between parameters and SUA in the group without MS: body weight (r=0.48 vs r=0.24), abdominal circumference (r=0.5 vs r=0.36), and triglycerides (r=0.46 vs r=0.29). On the other hand, in the group with MS, SUA was correlated with abdominal circumference (r=0.36) and triglycerides (r=0.29). The risk of hyperuricemia increased with central obesity 3.27 times and triglycerides 3.29 times. Conclusion: 21.3% of participants with MS and 13.8% of participants without MS had hyperuricemia. Increased accumulation of abdominal fat and dyslipidemia can result in increased oxidative stress and SUA levels.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/782
Эшлэл
Г.Мөнхтуул, З.Болорцэцэг, М.Лутзул, Н.Сугар, Д.Нямдорж, Б.Номундарь нар. Ийлдсэн дэх шээсний хүчлийн агууламжинд нөлөөлөх зарим хүчин зүйлийг бодисын солилцооны хам шинжтэй эрэгтэй хүмүүст тодорхойлсон дүн. Эрүүл мэндийн шинжлэх ухаан. 2023;19(1):45-49.