Loading...
Улаанбаатар хотын ерөнхий боловсролын сургуулиудын анги танхимын агаарын чанарын үнэлгээ
Зохиогч
Г.Жаргалсайхан
Г.Одмаа
Б.Батчимэг
Н.Баяржаргал
Э.Эрдэнэчимэг
Он
2023 оны тавдугаар сарын 18
Төрөл
journal article
Journal
Эрүүл мэндийн шинжлэх ухаан
Volume
19
Issue
3
Start Page
132
End Page
137
ISSN
2959-6947
Хураангуй
Үндэслэл: Агаарын бохирдол нь дэлхий дахинаа тулгамдаж байгаа асуудал бөгөөд хөгжиж буй орнуудын хүн ам, ялангуяа жирэмсэн эмэгтэйчүүд, хүүхдүүд, өндөр настнуудад илүүтэй нөлөөлж байдаг. Тухайлбал: Нарийн ширхэгт тоосонцор (PM2.5) нь чихрийн шижингийн II хэлбэрийн эмгэгийг үүсгэдэг бөгөөд хүүхдийн танин мэдэхүйн хөгжилд саад учруулж, сэтгэцэд нөлөөлдөг. Түүнчлэн дэлхий хэмжээнд нялхсын эндэгдлийн 20 хувь нь агаарын бохирдлоос үүдэлтэй гэж үзэж байна. Зорилго: Ерөнхий боловсролын сургуулийн анги танхимын дотоод орчны агаарын чанарыг үнэлж, бохирдуулагч эх үүсвэрийг судлах.Арга, аргачлал: Судалгааг 2022 онд агшингийн судалгааны загвараар гүйцэтгэсэн. Судалгаанд зорилтот түүврийн аргаар Улаанбаатар хотын 10 Ерөнхий боловсролын сургуулийн 69 анги танхимыг хамруулсан. Үр дүн: Нийт анги танхимын 59 нь ерөнхий зохиомол агааржуулалттай боловч 44 ажилладаг, 15 нь ажиллагаагүй байв. Хэмжилт хийсэн анги танхимд агаарын хэмийн дундаж агууламж 22.6°С байна. Нийт 10 сургуулиас 9 (11.%) анги танхимд агаарын хэм ЗДХ буюу 18°С-д хүрээгүй бол 51 (64%) анги танхимд агаарын хэм ЗДХ буюу 22°С-ээс хэтэрсэн байна. Судалгаанд хамрагдсан нийт анги танхимын дотоод орчинд РМ2.5 тоосонцрын 8 цагийн дундаж агууламж 113.4 мкг/м3 (хамгийн бага утга 10.8 мкг/м3, хамгийн их утга 431.4 мкг/ м3) байв. Анги танхимын дотоод орчны агаар дахь РМ2.5 тоосонцрын агууламжийг улирлаар харьцуулж үзэхэд хавар (2022 оны 4-5-р сар/) дундаж агууламж 62.3±30.8 мкг/м3 хэмжигдсэн бол өвлийн улиралд (2022 оны 11-12 сар) 113.4±88.7 мкг/м3 тодорхойлогдсон нь статистикийн хувьд ач холбогдол бүхий ялгаатай (p=0.0057) байв. Дүгнэлт: Хэмжилт хийсэн нийт анги танхимын 54 (91.5%) ангид агаар солилцооны давтамж “Сургалт-Хүмүүжлийн Байгууллагад Мөрдөх Эрүүл Ахуй. Халдвар Хамгааллын Үлгэрчилсэн Дүрэм”-д заасан хэмжээнд хүрэхгүй байна. Анги танхимын дотоод орчны PM 2.5 тоосонцрын дундаж хэмжээ хаврын улиралд хүлцэх хэмжээнээс 1.2 дахин, өвлийн улиралд 2.3 дахин их байна. Өвлийн улиралд анги танхимын нарийн ширхэгт тоосонцрын бохирдол нэмэгдэж байгаа нь тодорхойлогдлоо.
Background: Air pollution is a global crisis that specifically affects the population of developing countries including pregnant women, children and the elderly. For instance, fine particulate matter (PM2.5) is associated with type II diabetes, cognitive development of children and even affects mental health. In addition, it is estimated that at least 20 percent of newborn deaths worldwide are caused by air pollution. Aim: An assessment of indoor air quality and air pollutant sources in the classrooms of secondary high schools. Materials and Methods: We conducted this study in 2022 through the cross-sectional study design. We selected 69 classrooms of 10 secondary high schools in Ulaanbaatar city. Results: Total of 59 classrooms had mechanical ventilation, of which 44 ventilators were operated, while 15 were non-operated. The average air temperature in the classrooms was 22.6°C. The air temperature did not reach 18°C in 9 (11%) classrooms, while in 51 (64%) classrooms it exceeded 22°C. The 8-hour average indoor concentration of PM2.5 particles in the classrooms was 113.4 μg/m3 (minimum value 10.8 μg/m3, maximum value 431.4 μg/m3). In terms of season, the average concentration of indoor PM2.5 particles was 62.3±30.8 μg/m3 in April to May while in winter (November to December) it was 113.6±88.7 μg/m3 in 2022, which shows a statistically significant difference (p=0.0057). Conclusion: In 54 (91.5%) classrooms, the frequency of air exchange was not met specified in “Illustrated Code of Hygiene and Infection Protection for Education and Training Institutions”. The average indoor PM2.5 concentration is about 1.2 times higher than the recommended level in spring and 2.3 times higher in winter, respectively. Fine particle pollution is particularly increasing in winter time.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/854
Эшлэл
Ж.Миеэгомбо, Г.Жаргалсайхан, М.Нансалмаа, Б.Буянтүшиг, Г.Одмаа, Б.Батчимэг нар. Улаанбаатар хотын ерөнхий боловсролын сургуулиудын анги танхимын агаарын чанарын үнэлгээ. Эрүүл мэндийн шинжлэх ухаан. 2023;19(3):132-137.