Loading...
Эрүүл мэндийн ажилтнуудын эрүүл мэндийг хамгаалахад хэрэгжүүлж буй арга хэмжээ, тулгарч буй бэрхшээлийг судалсан дүн
Зохиогч
Он
2023 оны арван нэгдүгээр сарын 3
Төрөл
journal article
Journal
Эрүүл мэндийн шинжлэх ухаан
Volume
19
Issue
5
Start Page
167
End Page
172
ISSN
2959-6947
Хураангуй
Үндэслэл: Эрүүл мэндийн ажилтныг тогтвор суурьшилтай ажиллуулах, ажлын байр нь баталгаатай байх, урамшуулах, дэмжих үүрэг улс орнуудын Засгийн газрын өмнө тулгарч байна. Иймд өргөн уудам нутаг дэвсгэртэй, зарим аймаг сум аймгийн төвөөс хүртэл алслагдсан, хүний нөөц харьцангуй бага, эрүүл мэндийн салбарын 5 ажилтан тутмын 4 нь эмэгтэй байдаг манай орны хувьд хүн амд эрүүл мэндийн тусламж, үйлчилгээг жигд хүртээмжтэй, чанартай хүргэхийн тулд эрүүл мэндийн салбарын хүний нөөцийн өвөрмөц бодлогыг хэрэгжүүлэх, ялангуяа нийгмийн хамгааллын асуудалд онцгой анхаарах шаардлагатай байна. Монгол Улсад 2022 оны 5 сарын байдлаар Эрүүл мэндийн салбарын 4,952 байгууллагад 58,696 эрүүл мэндийн ажилтан ажиллаж байгаагийн 12,970 нь эмч, 13,473 нь сувилагч байна. Эдгээрийн 80.1 хувийг эмэгтэйчүүд эзэлж байна. МУЗГ-ын тогтоолоор 2019 оны 5 дугаар сард Эрүүл мэндийн ажилтнуудын нийгмийн хамгааллын үндэсний хөтөлбөрийг батлан хэрэгжүүлсэн. Зорилго: Эрүүл мэндийн ажилтнуудын эрүүл мэнд, түүнийг хамгаалж буй байдал, тулгарч буй бэрхшээлийг судлах. Арга, аргачлал: Эрүүл мэндийн ажилтнуудын эрүүл мэнд, түүнийг хамгаалж буй байдал, тулгарч буй бэрхшээлийг судлахдаа хот, хөдөөгийн эрүүл мэндийн байгууллагын 655 эрүүл мэндийн ажилтныг хамруулж,өөрийн эрүүл мэндийг үнэлэх стандарт асуумж, 47 байгууллагын удирдлага болон мэргэжилтнүүдтэй ганцаарчилсан ярилцлага, 5-13 хүний бүрэлдэхүүнтэй 30 удаагийн фокус бүлгийн ярилцлагаар ажилтны эрүүл мэндийг хамгаалж буй байдал, тулгарч буй бэрхшээлийг судаллаа. Үр дүн: Нийт ажилтнуудын 54.3 хувь нь өөрийн эрүүл мэндийг дунд болон муу гэж үнэлсэн, 32.7 хувь (214) нь сүүлийн нэг жилийн хугацаанд эрүүл мэндийн шалтгаанаар чөлөө авч байсан байна. Байгууллагууд өөрийн дотоод нөөц боломждоо тулгуурлан ажилтнуудаа урьдчилсан сэргийлэх үзлэг, шинжилгээнд хамруулах нь нийтлэг байгаа ч лавлагаа шатлалын эмнэлэгт зохион байгуулалттай үзлэг, оношлогоо, нарийвчилсан шинжилгээнд хамруулах, байгууллагын нөөцдөө тулгуурлан эмчилгээнд ялгаатай хамруулж байна. Хот, хөдөөгийн анхан шатны байгууллага, БОЭТ, төрөлжсөн тусгай мэргэжлийн төвүүдэд ажилтны эрүүл мэндтэй холбоотой олон бэрхшээл байна. Дүгнэлт: Эрүүл мэндийн ажилтнуудын 2 хүн тутмын 1 нь өөрийн эрүүл мэндийг дунд болон муу гэж үнэлсэн. ЭМАнуудыг урьдчилан сэргийлэх үзлэг, дархлаажуулалтад хамруулах, эмчилгээнд дэмжлэг үзүүлэх, эрүүл мэндийг дэмжих хөтөлбөрүүдийг хэрэгжүүлж байгаа нь байгууллага бүрт харилцан адилгүй чанартай, нэгдсэн зохион байгуулалтгүй, эрүүл мэндийн ажилчдад зориулсан эмнэлэггүйгээс ажилтнууд эрүүл мэндийг хамгаалж буй байдлыг хангалтгүй байгаа нь тодорхойлогдлоо.
Background: The governments of nations bear the obligation of ensuring health workers are afforded secure employment, job security, as well as encouragement and support. Hence, within our nation, characterized by expansive geographical coverage, certain provinces are geographically distant from their administrative centers, exhibiting a relative scarcity of human resources. Additionally, it is noteworthy that 80% of the workforce in the health sector comprises women. Consequently, in order to ensure equitable accessibility and provision of high-quality healthcare services to the populace, it becomes imperative to address the human resource challenges within the health sector. It is imperative to allocate particular focus towards the effective execution of distinct policies, particularly within the realm of social security. Aim: The objective of this research is to examine the well-being of healthcare professionals, the measures in place to safeguard their health, and the challenges encountered in this regard. Materials and Methods: The study encompassed a total of 655 healthcare professionals from both urban and rural health facilities. These participants were administered a standardized questionnaire to evaluate their overall health status. Additionally, the research team conducted individual interviews with the management and specialists from 47 organizations. Furthermore, a group consisting of 5-13 individuals was also involved in the study. The investigation of health issues was conducted by means of 30 focus group interviews. Results: The findings indicate that a significant proportion of the workforce, specifically 54.3 percent, reported their health status as average or bad. Furthermore, a total of 32.7 percent, equivalent to 214 individuals, took absence from work due to health-related issues within the last year. Organizations depend on their own resources to administer routine preventative checkups and testing to their employees, a practice that is widely prevalent. Numerous health-related issues are prevalent among staff in both urban and rural primary organizations, as well as in specialized facilities such as the BET. Conclusions: half of the health workers surveyed reported their health status as moderate or poor.The quality of health promotion programs for health workers, encompassing preventative screenings, vaccines, treatment assistance, and health promotion initiatives, varies between organizations due to the absence of a consistent structure and the absence of a dedicated healthcare facility for health professionals.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/948
Эшлэл
Г.Надмидцэрэн, Г.Золжаргалан, Ч.Аззаяа, Х.Нансалмаа, А.Ган-Эрдэнэ, М.Сугармаа. Эрүүл мэндийн ажилтнуудын эрүүл мэндийг хамгаалахад хэрэгжүүлж буй арга хэмжээ, тулгарч буй бэрхшээлийг судалсан дүн. Эрүүл мэндийн шинжлэх ухаан. 2023;19(5):167-172.