Loading...
Эрүүл мэндийн анхан шатны тусламж үйлчилгээний байгууллагын ажилтнуудын ажлаас гарах бодол түүнд нөлөөлж буй зарим хүчин зүйлсийг судалсан нь
Зохиогч
Он
2024 оны нэгдүгээр сарын 28
Төрөл
journal article
Journal
Эрүүл мэндийн шинжлэх ухаан
Volume
20
Issue
2
Start Page
130
End Page
135
ISSN
2959-6947
Хураангуй
Үндэслэл: Монгол улсад эрүүл мэндийн салбарт хүний нөөцийн хүрэлцээ хангалтгүй, мэргэжилтнүүдийн тогтворгүй байдал, шилжилт хөдөлгөөн нэмэгдэх хандлагатай байгаа нь тэдний ажлын ачаалал их, ажлын байрны стресс өндөр байх зэрэг нь тэдний ажлаасаа халшрах, бие болон сэтгэл зүйн хувьд туйлдах, ажлаа орхих шалтгаан болж байна. Зорилго: Эрүүл мэндийн анхан шатны байгууллагын ажилтнуудын ажлаас гарах бодол ба түүнд нөлөөлж буй зарим хүчин зүйлсийг судлах. Арга, аргачлал: Судалгаанд хот, хөдөөгийн ЭМАШТҮ-ний 32 байгууллагын 252 эрүүл мэндийн ажилтан хамрагдсанаас 71.8 хувь нь хөдөө, 28.2 хувь нь Улаанбаатар хотоос, оролцов. Бид судалгаандаа Паркер нарын 2003 онд боловсруулсан байгууллагын уур амьсгалыг үнэлдэг стандарт асуумжийг ашигласан. Мөн үйлчилгээний салбарт ажиллах хүсэл, сонирхол, ажлаасаа гарах тухай бодлыг үнэлдэг стандарт асуумж (Auerbach, 2014)-ийг ашиглан мэдээлэл цуглуулав. Үр дүн: Анхан шатны тусламж үйлчилгээ үзүүлж буй ажилтнуудын 79.7 хувь нь тэтгэвэрт гартлаа эрүүл мэндийн салбарт ажиллах бодолтой байгаа бол 38.5 хувь нь ойрын хугацаанд салбараа орхих бодолтой байна. Хөдөө ажиллаж байгаа эмч, эх баригч,бага эмч нарын ажлаас гарах бодол бусад мэргэжлүүдтэй харьцуулахад өндөр байна. Харин хотод сувилагч нарын ажлаас гарах бодол өндөр байгаа нь тус тус тодорхойлогдлоо. Дүгнэлт: Анхан шатны тусламж үйлчилгээ үзүүлж буй байгууллагын ажилтнуудын 79.7 хувь нь тэтгэвэрт гартлаа эрүүл мэндийн салбарт ажиллах бодолтой байна. Судалгаанд оролцогчдын 38.5 хувь нь ойрын хугацаанд салбараа орхих бодолтой байгаа бөгөөд хөдөө ажиллаж байгаа эмч нар, харин хотод сувилагч нарын ажлаас гарах бодол өндөр байгааг анхаарах шаардлагатай байна. Байгууллагын уур амьсгалын хувьд үүрэг тодорхойгүй байх, зөрчилдөөнтэй, хэт их үүрэг хүлээх, мэргэжлийн удирдлага сул байх, шударга байдал, дэмжлэг, инновац бага байх зэрэг хүчин зүйлс нь ажлаас гарах бодолтой илүү хамааралтай байгаа нь ажиглагдлаа.
Background: Centres providing primary health care services in Mongolia have insufÏcient human resources, instability of professional practitioners, increasing migration of workers and heavy workload, imbalance of work incentive, and high level of work stress for the specialists who are working in the primary health sectors in Mongolia. These issues have become the primary reasons as to why workers have been dissatisfied with their work and even want to change or leave their work field, due to all the high maintenance of stress coming from their work, physically and psychologically. Aim: To study association between organizational climate and intention to leave their work among health care workers in the primary health. Materials and Methods: In the survey, health workers from rural and urban healthcare institutions participated, total of 252 healthcare workers from 32 primary health cre centers took part in it, with 71.8% from the rural areas and 28.2% from the capital city, Ulaanbaatar. In our study, we used the standard questionaire Organizational Climate Measure that was done in 2003 by Parker. Data were collected using questionnaires from (Auerback, 2014) on workers wanting to work, having an interest in it, or even leaving their work field in social service. Results: Of the total number of participants, 92.5% were female, 7.5% male and the average age between them was 37.08. Of the participants 31.3% were doctors, 33.3% were nurses, 16.7% were feldsheres and midwives and 18.7% were other health care workers. 79.7% of primary healthcare workers intend to keep on working in their sectors until their retirement, while 38.5% have the mindset to quit their work field shortly. Comparing location and profession, the number of people choosing to quit their work in the rural area is statistically high. Doctors, midwives, and feldsheres working in rural areas have a high intention to quit their work compared to other professions. But in the capital city, the number of nurses intending to quit their work is high. Conclusion: 38.5 percent of respondents intend to leave the organization in the near future, and this depends on factors related to organizational climate such as job role, leadership, support, innovation, and justice
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1010
Эшлэл
Ц.Цэлмэг, Г.Золжаргалан, Ч.Аззаяа, Г.Надмидцэрэн, М.Эркебулан, М.Сугармаа. Эрүүл мэндийн анхан шатны тусламж үйлчилгээний байгууллагын ажилтнуудын ажлаас гарах бодол түүнд нөлөөлж буй зарим хүчин зүйлсийг судалсан нь. Эрүүл мэндийн шинжлэх ухаан. 2024;20(2):130-135.