Loading...
Хугацаат цэргийн албан хаагчдын төрөлх өвөрмөц чанарыг бие бялдрын зарим үзүүлэлт, стрессийн түвшинтэй уялдуулан судалсан үр дүн
Зохиогч
Он
2024 оны тавдугаар сарын 13
Төрөл
journal article
Journal
Эрүүл мэндийн шинжлэх ухаан
Volume
20
Issue
6
Start Page
222
End Page
226
ISSN
2959-6947
Хураангуй
Үндэслэл: Уламжлалт анагаах ухааны хий шар, бадганы онол нь хүний бие, хэл, сэтгэлийг нэгдмэл байдлаар тайлбарладаг бөгөөд бие махбод эрүүл орших, өвчнөөс урьдчилан сэргийлэх, өвчлөх, өвчнийг оношлох, эмчлэх аргыг онол арга зүйн хүрээнд цогц байдлаар авч үзэх үндэслэл болдог1. Өөрөөр хэлбэл хувь хүний эрүүл мэндийн системийг тогтолцоогоор авч үзэх, хүн бүрд нийцүүлэн оношилгоо эмчилгээний цогц нэгдмэл байдлыг хангахаар ажиллаж байгаа юм3. Монгол улсын тогтвортой хөгжил-2030 бодлогод Монгол хүний дундаж наслалтыг уртасгах төрийн бодлогын хүрээнд ялангуяа Монгол эрэгтэйчүүдийн дундаж наслалтыг нэмэгдүүлэх үндэсний бодлогын хүрээнд бид харьцангуй эрүүл цэргийн насны эрэгтэйчүүдийн дунд хувь хүний төрөлх өвөрмөц чанарыг тодорхойлох нь цаашид нийгмийн хариуцлагын хүрээнд Монгол эрэгтэйчүүдийн дундаж наслалтыг нэмэгдүүлэхэд ач холбогдолтой зэрэг нь энэхүү судалгааг хийх үндэслэл боллоо. Зорилго: Хугацаат цэргийн албан хаагчдын төрөлх өвөрмөц чанарыг сэтгэл зүйн онцлогтой харьцуулан судлах. Арга, аргачлал: Бид энэхүү судалгааг АШУҮИС, Монгол анагаах ухааны олон улсын сургууль, Зэвсэгт хүчний дугаар ангийг түшиглэн нэг агшингийн болон эмнэлзүйн ажиглалтын загвараар хийж гүйцэтгэсэн. Судалгааны ажлын үр дүнгийн тоон мэдээллийг боловсруулахдаа Microsoft Excel, ЅРЅЅ26.0 (IBM software, Inc. USA) программуудыг ашиглан, дундаж утга, стандарт хазайлт, стандарт үзүүлэлтүүдийг тус тус тодорхойлон, хамаарлыг Пирсоны корреляцийн аргаар тооцоолов. Үр дүн: Судалгаанд нийт 107 хугацаат цэргийн албан хаагч (ХЦАХ) хамрагдаж хасах шалгуураар 20 ХЦАХ хасагдаж нийт 87 хүн оролцсон. Судалгаанд хамрагдагсдын дундаж нас нь 19±1.18 жил байлаа. ХЦАХ-ын 17 (19.5%) хий давамгай шар хавсарсан, 8 (9.2%) хий давамгай бадган хавсарсан, 5 (5.7%) бадган давамгай хий хавсарсан, 7 (8.0%) бадган давамгай шар хавсарсан, 27 (31.0%) шар давамгай хий хавсарсан, 22 (25.3%) шар давамгай бадган хавсарсан өвөрчлөлтэй тодорхойлогдсон ба 1 (1.1%) хүн хурмал өвөрчлөлтэй тодорхойлов. Хамрагсдын стрессийн түвшин бага зэргийн стресстэй (0)-2 (2.29%), дундаас доогуур (1)-13 (14.94%), дундаас дээгүүр (2)-16 (18.39%), өндөр (3)-54 (62.06%), маш өндөр (4)-2 (2.29%) байсан ба шар давамгай хий хавсарсан өвөрчлөлтэй ХЦАХ-ын стрессийн түвшин өндөр байна. Дүгнэлт: 1. Дэвшилтэт технологийг практикт нэвтрүүлэх суурь баримжаа үзүүлэлт болох хугацаат цэргийн алба хаагчдын төрлөх өвөрмөц чанар нь хий шар, шар хий давамгай илэрсэн (31%), сэтгэл зүйн онцлогийн үзүүлэлтэд шар хий хавсарсан өвөрчлөл дийлэнх хувийг эзэлж байна. (88.2%) 2. Хий шар хавсарсан өвөрчлөлтэй хамрагдагсдын хөлийн булчин, гарын атгалтын хүч тус тус урвуу хамааралтай, шар бадган хавсарсан махбодтой хамрагдагсад статистик үнэн магадтай байна. (P=0.00)
Background: The theory of RLUNG, MKHRIS, and BADGAN in traditional medicine explains the human body, speech, and soul in a unified manner, and is the basis for a comprehensive consideration of the healthy existence of the body, disease prevention, disease diagnosis, and treatment within the framework of theory and methodology.1 In other words, we are working to consider the individual’s healthy body as a whole unit and further to ensure the comprehensive integration of diagnosis and treatment for each person.3 In the Sustainable Development Goal of Mongolia-2030, within the framework of the government policy to increase the average life expectancy of Mongolian people, especially within the national policy of increasing the average life expectancy of Mongolian men, we assume it is important to determine the personality traits of individuals among relatively healthy military age men in the future as part of social responsibility to increase the average life expectancy of Mongolian men. Aim: To determine the inherent personality traits of the individual based on electronic data and compare them with psychological characteristics. Materials and Methods: We conducted this study using a single-moment and clinical observation model based on MNUMS, International School of Mongolian Medicine, and Armed Forces Department No. Results: A total of 107 servicemen participated in the study, 20 of them were excluded based on the exclusion criteria, and a total of 87 people were included. The average age of the respondents was 19 ± 1.18. Among them, 17 (19.5%) had rlung-dominant mkhris combined, 8 (9.2%) were identified as rlung-dominant badgan combined, 5 (5.7%) identified as a badgan-dominant rlung combined, 7 (8.0%) identified as a badgan-dominant mkhris combined, 27 (31.0%) identified as mkhris-dominant rlung combined, 22 (25.3%) identified as mkhris-dominant badgan combined, and 1 (1.1%) person was identified as all three combined personality traits, respectively. The stress levels of the participants were mildly stressful (0)-2 (2.29%), below average (1)-13 (14.94%), above average (2)-16 (18.39%), high (3)-54 (62.06%), was very high (4)-2 (2.29%) and the servicemen identified as mkhris-dominant rlung combined had high levels of stress. Conclusions: 1. The genetic characteristics of conscripts, which are the fundamental indicators of the introduction of advanced technology into practice, were found to be predominantly rlung-mkhris dominant and mkhris-rlung dominant (31%), and the majority of psychological characteristic indicators were combined mkhris-rlung (88.2%). 2. The leg muscles and hand strength of subjects with combined rlung-mkhris are inversely related, and it is statistically significant for subjects with mkhris-bad kan combined characteristics. (P=0.00)
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1117
Эшлэл
Б.Лодойсамбуу, Э.Дэлгэрэхзаяа, Б.Батбаатар, Х.Цэрэнвандан, Д.Цэнд-Аюуш, С.Цэндсүрэн нар. Хугацаат цэргийн албан хаагчдын төрөлх өвөрмөц чанарыг бие бялдрын зарим үзүүлэлт, стрессийн түвшинтэй уялдуулан судалсан үр дүн. Эрүүл мэндийн шинжлэх ухаан. 2024;20(6):222-226.