Даваа–Баасан 08:30–20:00 · Бямба 09:00–16:00
library@mnums.edu.mn
/

Э.Энх-Үрэл

Loading...
Thumbnail Image
Товч нэр
Э.Энх-Үрэл
Бүтэн нэр
Энхжаргал Энх-Үрэл
Латин нэр
Enkhjargal Enkh-Urel
Албан тушаал
Багш
Харьяалал
ORCID

Settings

Now showing 1 - 4 of 4
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Өсвөр үеийнхний сэтгэл хөдлөл, зан үйлийн машин сургалтын загваруудыг харьцуулсан дүн
    (2025-01-01)
    Г.Батнаст
    ;
    Т.Ахыт
    ;
    Ц.Жавзмаа
    ;
    У.Нямдаваа
    ;
    В.Баярмаа
    Үндэслэл: Дэлхийн хэмжээнд 10-19 насныхны 13% сэтгэцийн эмгэгтэй байна. 2020 оны байдлаар 19 хүртэлх насны 1.289.587 хүүхэд байгаа нь 2015 оныхоос 0.9%-иар өссөн үзүүлэлттэй. 2013 оны өсвөр үеийнхний судалгаагаар эрүүл саруул 60.5%, сэтгэл хөдлөл, зан үйлийн асуудалтай 30.5%, эмгэгтэй 9% байна. Говь-Алтай аймагт (2018-2019 он) хийсэн судалгаагаар 58.6% эрүүл, 36.1% асуудалтай, 5.2% эмгэгтэй байна. Олон улсад өсвөр үеийнхний сэтгэцийн эрүүл мэндийг 8 ^ ^ асуулгаар үнэлэн, хиймэл оюуны аргаар таамагласан судалгааны ажлууд нилээд бий болж байна. Монгол улсын хувьд сэтгэцийн эрүүл мэндийн салбарт цугларсан их өгөгдөлд хиймэл оюун, машин сургалтын аргаар тооцоолсон судалгааны ажил хомс байгаа нь энэхүү судалгааны ажлыг гүйцэтгэх үндэслэл болж байна. Зорилго: Өсвөр насныхны сэтгэл хөдлөл, зан үйлийн машин сургалтын загваруудыг харьцуулах. Арга, аргачлал: Эрүүл Мэндийн Яамны Анагаах Ухааны Ёс Зүйн Хяналтын Хорооны 2022 оны 262 тоот тогтоолоор тус судалгааг хэрэгжүүлэх зөвшөөрөл авсан. СЭМҮТ-тэй хамтран Говь-Алтай аймгийн 6-12 дугаар ангийн 3764 сурагч, тэдний асран хамгаалагч, ангийн багшийн “Хүчтэй ба сул талын тухай-8^^” асуумжаар өгөгдөл цуглуулан, сурагч, асран хамгаалагч, ангийн багш тус бүрийн өгөгдлийн сан үүсгэсэн. Сурагчийн санг машин сургалтын С50, бейс, дүрэмд үндэслэсэн аргуудаар шинжлэн, загварууд үүсгэн, загварын гүйцэтгэлийг үнэлэх хэмжүүрээр үнэлэн, харьцууллаа. Үр дүн: Судалгаанд хамрагдсан сурагчдын сэтгэл хөдлөлийн толгой өвдөх, олон зүйлд санаа зовох, аз жаргалгүй байх зэрэг шинж тэмдгээс эмгэг үүсэх магадлал 0.57, амархан айх, шинэ нөхцөл байдалд сандрахад зааг буюу сэтгэл хөдлөл, зан үйлийн тулгамдсан асуудал үүсэх магадлал 0.55 байна.Зан үйлийн хувьд уур уцаартай, дуулгаваргүй, бусад хүүхдүүдтэй зодолддог, гэр, сургууль, бусад газраас хулгай хийдэг зэрэг үзүүлэлтээс тулгамдсан асуудал үүсэх магадлалтай (0.67) байна. Хэт идэвхтэй байдлын тайван бус, анхаарал сарних зэрэг хүчин зүйлээс хамааран сэтгэл хөдлөл, зан үйлийн тулгамдсан асуудал үүсэх магадлал 0.65, эмгэг нь байнга эргэлзэх, үйлдэл хийхээсээ өмнө аливааг тунгаахгүй, даалгавраа эцэс хүртэл нь хийхгүй зэрэг шинж тэмдгээс шалтгаалан үүсэх магадлалтай. Үе тэнгийнхний харилцааны хувьд ганц дотны найзтай, бусдад таалагдахгүй зэрэг үзүүлэлтээс эмгэг, ихэнхдээ ганцаараа тоглох, дарамтлуулах, томчуудтай байх амар зэрэг шинж тэмдгээс сэтгэл хөдлөл, зан үйлийн тулгамдсан асуудал үүсэх магадлалтай. Дүгнэлт: Хөндлөн баталгаажуулалт нь НоШ-Ои1 аргаас 10-12% илүү загварын гүйцэтгэлийн хэмжүүрүүдийн үр дүн үзүүлсэн нь өгөгдлийн хэмжээ ихсэхэд хөндлөн баталгаажуулалт илүү үр дүнтэй болохыг харуулж байна. С50 алгоритмаар тооцсон загварын гүйцэтгэлийн хэмжүүрүүд бейсийн загвараас маш бага 1% илүү байсан ч хэт олон салаатай мод үүсэж, тайлбарлахад хүндрэлтэй байсан. Статистик ач холбогдлын шалгуураар загваруудын хооронд ялгаа гараагүй тул тайлбарлахад хялбар, маш бага зөрүүтэй бейсийн загвараар үр дүнг илтгэсэн. Энэ нь өгөгдлийн сангийн мөр болон аттрибутын тоог ихэсгэхэд бейсийн арга сайн ажиллаж буйг харуулж байна. Өгөгдлийн тандалт Ангилал Гүйцэтгэлийн хэмжүүр Статистик туршилт
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Унтуулгын аппаратын аюулгүй ажиллагаа, түүний эвдрэл гэмтэлд нөлөөлөх хүчин зүйлсийг судалсан нь
    (2020-02-15)
    Э.Энх-Үрэл
    ;
    Т.Цэрэнлхам
    ;
    Ц.Дашдулам
    Судалгаанд хамрагдсан эмнэлгүүдээс харахад 2017 онд мэс засалд орсон хүний тоо 4867 байсан бол 2018 онд 6444 хүрснээр 13,93% -иар өссөнтэй холбогдон унтуулгын аппаратын хэрэглээ нэмэгдсэн. Иймээс хяналт тохируулга хийгээгүйгээс болж хагалгааны явцад аппарат гэмтэх эрсдэл гарч байна. Иймээс унтуулгын аппаратын аюулгүй ажиллагаа, түгээмэл тохиолдох эвдрэл гэмтэл түүнд нөлөөлөх хүчин зүйлс, гэмтлээс урьдчилан сэргийлэх арга замыг судлах зорилго тавин энэхүү судалгааг хийсэн. Судалгаа хийж үзэхэд 8 эмнэлэгт 51 аппарат ажиллан үүнээс УНТЭ-т 12 аппарат, Интермед, Гурван гал, УХТЭ эмнэлгүүд нь тус тус 3 аппарат ажиллаж байна. Судалгаанд хамрагдсан эмнэлгүүдээс харахад түгээмэл тохиолдох эвдрэл гэмтлийн 40-50%-г сенсорын гэмтлүүд эзэлж байна. Эдгээр эмнэлгүүдийн хувьд насжилтын байдал 15-35%, хугацаат сэлбэг хэрэгслийн заагдсан хугацаандаа солигдох давтамж бага буюу 45%тай байсан. Иймээс унтуулгын аппаратын эвдрэл гэмтлийг бууруулахын тулд түгээмэл эвдэрдэг эд ангиудын сэлбэг хэрэгслийн бэлэн байдлыг хангах, хугацаат сэлбэгийг цаг тухайд нь солих, инженер техникчийн орон тоог нэмэгдүүлэх, насжилт өндөртэй буюу 5-8 жил ажилласан аппаратыг актлах эсвэл аюулгүй байдлыг анхаарч анализатороор өдөр бүр шалгах, эмнэлгийн мэргэжилтэнгүүд аппараттай ажиллах аюулгүй ажиллагааны зааварыг чанд мөрдөж ажиллах шаардлагатай байна.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Comparison of classification models for adolescent's emotional and behavioral problems
    (Oxford University Press (OUP), 2026-08)
    Tilyeubai, Akhyt
    ;
    Tsend, Javzmaa
    ;
    Uugandavaa, Nyamdavaa
    ;
    Vaanchindorj, Bayarmaa
    ;
    Luvsantseren, Purevdolgor
    OBJECTIVES: Mental disorders are very common among children and adolescents around the world. In Mongolia, the international Strengths and Difficulties Questionnaire (SDQ) is used to detect mental disorders in adolescents. In this article, different types of classification methods were compared to determine adolescent emotional and behavioral problems using the SDQ. MATERIALS AND METHODS: Data were collected from teenagers, teachers, and parents in Govi-Altai Province, and the databases were created for each group. The teenager database was divided into 10 folds using cross-validation, and the models were developed using classification methods and evaluated using performance measures. The results were mainly analyzed using the Bayes model. RESULTS: The teenagers have emotional and behavioral problems due to emotional and peer interactions, but they were at risk of developing disorders due to hyperactivity and behavioral changes. CONCLUSION: Future work will examine the difficulties encountered in the creation of emotional and behavioral problems among the teenagers involved in the study using a progressive classification method.
  • Loading...
    Thumbnail Image
    Some of the metrics are blocked by your 
    consent settings
    Item type:Publication,
    Гемодиализын эмчилгээний ус цэвэршүүлэх системийн ашиглалтын асуудал
    (2021-11-01)
    Ц.Дашдулам
    ;
    Б.Одгэрэл
    ;
    Э.Энх-Үрэл
    Үндэслэл: Монгол орон нь цаг уурын хувьд хуурай, эрс тэрс байдгаас шалтгаалан монголчуудын дунд бөөрний өвчлөл элбэг байдаг. 2014 онд Монгол Улсын Эрүүл Мэндийн Яамны хийсэн судалгаагаар таван хүн тутмын нэг нь бөөрний өвчлөлтэй гэж гарсан байна. Энэ тоо цаашид ч өсөх хандлагатай байна. Гемодиализын эмчилгээний ус цэвэршүүлэх системийн ашиглалтын асуудлын судалгааны хүрээнд бүтээгдэхүүн усны чанарт тавигдах хяналт, шалгалт түүнд тавигдах стандартыг судласан. Зорилго: Гемодиализын эмчилгээний ус цэвэршүүлэх системийн ашиглалтын явцад тулгарах түгээмэл асуудлыг тодорхойлон, түүнийг шийдвэрлэх болон урьдчилан сэргийлэх арга зам мөн бүтээгдэхүүн усны чанарт тавигдаж буй хяналт шалгалт, стандарт, цэвэрлэгээ, үйлчилгээний асуудлыг судлав. Арга, аргачлал: Гемодиализын эмчилгээний усны системийн ашиглалтын асуудлын судалгааг эмпирик ба онолын судалгааны аргаар хийж гүйцэтгэсэн. Үр дүн: УНТЭ-т 2007, 2008, 2010 онуудад үйлдвэрлэгдэж 2010 онд ашиглалтад орсон, УХТЭ-т 2014 онд үйлдвэрлэгдээд тус ондоо ашиглалтад орсон, ШНУГТЭ-т 2012 онд үйлдвэрлэгдэж 2013 онд ашиглалтад орсон, ЗХКТГ-д 2001 онд үйлдвэрлэгдэж 2008 онд ашиглалтад орсон, УБ мед эмнэлэгт 2000 онд үйлдвэрлэгдэж 2015 онд ашиглалтад орсон, ЭХЭМҮТ-д 2012 онд үйлдвэрлэгдэж 2014 онд ашиглалтад орсон гемодиализын эмчилгээний ус цэвэршүүлэх систем ашиглагдаж байна. Судалгаанд хамрагдсан эмнэлгүүдийн 71% нь өдөрт 15 цаг, 29% нь өдөрт 16 цаг гемодиализын аппаратыг ажиллаж байна. Дүгнэлт: Гемодиализын эмчилгээний ус цэвэршүүлэх системийн ашиглалтын явцад цахилгааны хэлбэлзэл, буруу ашиглалт, техник үзлэг үйлчилгээ болон ариутгал цэвэрлэгээг тогтмол хугацаанд хийгээгүйгээс шалтгаалсан насос шатах, хөвүүр гэмтэх, крант эвдрэх, автомат шатах, шүүлтүүр бөглөрөх, нарийн хоолой бөглөрөх, мэдрүүрийн тохиргоо алдагдах, даралтын хавхлага эвдрэх зэрэг асуудлууд гарч байна.