Loading...
Айл өрхийн сууцны доторх орчны PM2.5 тоосонцрын агууламж, артерийн даралт ихсэлтийг хотуудад харьцуулан судалсан дүн
Зохиогч
М.Анужин
Д.Гантуяа
Г.Энхжаргал
Л.Мөнх-Эрдэнэ
Г.Ч.Грэй
Ж.Жанг
Он
2025 оны аравдугаар сарын 20
Төрөл
journal article
Journal
Эрүүл мэндийн шинжлэх ухаан
Volume
21
Issue
5
Start Page
5
End Page
10
ISSN
2959-6947
Хураангуй
Үндэслэл: ДЭМБ-ын судалгаагаар хатуу түлшнээс үүдэлтэй агаарын бохирдлын улмаас жил бүр 6.7 сая хүн нас барж байгаа бөгөөд дийлэнх нь амьсгалын замын эмгэг, зүрх судасны өвчний улмаас нас барж байна. Агаарын бохирдол нь манай орны хүн амын нас баралтад нөлөөлөх гол хүчин зүйлс болох артерийн даралт ихсэлт, чихрийн шижин зэрэг эрсдэлт хүчин зүйлсийн дараа 4-р байрыг эзэлж байна. Монгол улсад гадаад орчны агаарын бохирдлын талаар нэлээдгүй судалгаа хийгдсэн байдаг хэдий ч айл өрхийн доторх орчны агаарын бохирдлыг оршин суугчдын эрүүл мэндтэй холбон судалсан судалгааны ажил хомс байна. Зорилго: Улаанбаатар, Дархан хотын айл өрхүүдийн сууцны доторх орчны PM2.5 тоосонцрыг харьцуулж, артерийн даралт ихсэлтэд үзүүлж буй нөлөөг өвлийн улиралд судлах. Арга, аргачлал: Судалгааг 2023 оны 11, 12 дугаар сар, 2024 оны 1 саруудад Улаанбаатар, Дархан хотын нийт 240 айл өрхийн сууцны доторх орчны PM2.5 тоосонцрын агууламжийг Purple Air шууд хэмжилтийн багажийн тусламжтайгаар ойролцоогоор 1 сарын хугацаанд, 24 цагийн турш хэмжсэн. Доторх орчны агаарын бохирдлыг хэмжсэний дараа дээрх айл өрхүүдэд амьдарч буй 18-60 насны хүмүүсийг тодорхой шалгуурын дагуу судалгаанд хамруулсан. Артерийн даралтыг 3 удаа хэмжиж дундаж утгыг тооцсон. Статистик боловсруулалтыг STATA-19.0 программыг ашиглан гүйцэтгэв. Үр дүн: Судалгаанд нийт 241 өрх хамрагдсанаас, Улаанбаатар хотоос 116, Дархан хотоос 125 хүн тус тус хамрагдсан бөгөөд 46.5% нь эрэгтэйчүүд, 53.5% нь эмэгтэйчүүд байв. Сууцны төрлөөр харьцуулбал, 39.8% (n=96) айл өрх нь гэрт, 40.2% (n=97) нь галлагаа бүхий байшинд, 19.9% (n=48) нь орон сууцанд амьдардаг өрхүүд сонгогдсон. Нийт оролцогчдын 66.0% (n=159) нь артерийн даралт ихсэлттэй, 34.0% (n=79) нь хэвийн даралттай байснаас 40 наснаас дээш насны оролцогчид 69.9-88.5% нь даралт ихсэлтэй байгаа нь залуу хүмүүстэй харьцуулахад статистик ач холбогдол бүхий өндөр байна (p=0.0001). Биеийн жингийн индексээр харьцуулахад илүүдэл жинтэй хүмүүсийн 75.3% (n=72) нь, харин таргалалттай оролцогчдын 78.4% (n=58) нь даралт ихэсдэг байгаа ба хэвийн жинтэй оролцогчдоос статистик ач холбогдол бүхий ялгаатай байна (p=0.0001). Доторх орчны PM2.5-ийн 24 цагийн дундаж агууламжийг шууд хэмжилтийн Purple Air багажаар хэмжихэд гэр, байшинд сууцны доторх орчны PM2.5-ийн агууламж MNS 4585:2025 стандартад заасан хэмжээнээс (37.5 мкг/м3) их байсан. Дүгнэлт: Энэхүү судалгаагаар агаарын бохирдол, сууцны төрлөөс хамаарсан орчны хүчин зүйлс нь артерийн даралт ихсэлттэй хамааралтай болохыг илрүүллээ. Гэр болон галлагаатай байшинд амьдардаг өрхүүдийн доторх орчны PM2.5 тоосонцрын агууламж стандарт хэмжээнээс өндөр байгаа нь тэдгээр оршин суугчдын эрүүл мэндэд сөрөг нөлөө үзүүлж буйг харуулж байна. Түүнчлэн, 40 ба түүнээс дээш насны болон илүүдэл жинтэй оролцогчдын дунд артерийн даралт ихсэлтийн тархалт өндөр байгаа нь амьдралын хэв маяг, орчны нөхцөл байдалтай хамааралтай байж болзошгүйг илтгэж байна.
Background: According to the World Health Organization (WHO), 6.7 million people die annually due to air pollution caused by solid fuel use, with the majority of deaths resulting from respiratory diseases and cardiovascular conditions. In Mongolia, air pollution ranks as the fourth leading risk factor contributing to mortality, following hypertension, diabetes, and other major health risks. Although there have been numerous studies on outdoor air pollution in Mongolia, research linking indoor air pollution at the household level with the health status of residents remains limited. Aim: To compare indoor PM2.5 concentrations in households of Ulaanbaatar and Darkhan and examine their association with hypertension during the winter season. Materials and Methods: The study was conducted during November and December 2023, and January 2024, involving 240 households in Ulaanbaatar and Darkhan. Indoor PM2.5 concentrations were measured using Purple Air real-time sensors continuously for 24 hours over approximately one month. After measuring indoor air pollution, individuals aged 18–60 years living in the selected households were recruited based on specific inclusion criteria. Blood pressure was measured three times and the average value was recorded. Information on respiratory illnesses was collected through structured questionnaires. Statistical analysis was performed using STATA version 19.0. Results: A total of 241 households participated in the study, with 116 from Ulaanbaatar and 125 from Darkhan. Of the participants, 46.5% were male and 53.5% were female. In terms of housing type, 96 households (39.8%) lived in gers, 97 (40.2%) lived in stove-heated houses, and 48 (19.9%) lived in apartments. Among all participants, 66.0% (n=159) had hypertension and 34.0% (n=79) had normal blood pressure. Among participants aged over 40, 69.9–88.5% had hypertension, which is statistically significantly higher compared to younger individuals (p=0.0001). By body mass index, 75.3% (n=72) of overweight individuals and 78.4% (n=58) of obese participants had hypertension, showing a statistically significant difference compared to participants with normal weight (p=0.0001). The 24-hour average concentration of indoor PM2.5 was measured using the Purple Air device, and the levels in gers and stove-heated houses exceeded the limit set by the MNS 4585:2025 standard (37.5 µg/m³). Conclusion: This study identified a relationship between environmental factors, such as air pollution and housing type, and the prevalence of hypertension. The indoor PM2.5 concentration in gers and stove-heated houses was above the standard limit, indicating a negative impact on the health of those residents. Furthermore, the high prevalence of hypertension among participants over the age of 40 and those who are overweight suggests a possible link to lifestyle and environmental conditions.
Нэмэлт мэдээлэл
Бүрэн эх: https://journal.mnums.edu.mn/index.php/emsu/article/view/1251
Эшлэл
М.Анужин, С.Мягмарчулуун, Х.Сэр-Од, М.Еркебулан, Ш.Шатар, Д.Гантуяа нар. Айл өрхийн сууцны доторх орчны PM2.5 тоосонцрын агууламж, артерийн даралт ихсэлтийг хотуудад харьцуулан судалсан дүн. Эрүүл мэндийн шинжлэх ухаан. 2025;21(5):5-10.