Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 10 of 37
  • Some of the metrics are blocked by your 
    Item type:Publication,
    Таргалалттай хүмүүсийн сийвэнгийн грелин, гтп-1 даавруудын түвшинг инсулин ба глюкозын хөдлөл зүйтэй харьцуулан судалсан нь
    (2020-04-13)
    Х.Анир
    ;
    ;
    Baoyinbat
    ;
    Wurihan
    ;
    Үндэслэл:. Таргалалтын үед инсулины шүүрлийн зохицуулга алдагдан глюкозын солилцоо хямарч, цусанд глюкоз ихсэх, гиперинсулинеми болох цаашлаад инсулин дөжрөл үүссэнээр чихрийн жижин үүсэх гол шалтгаан болдог. Ходоодны дотоод шүүрлийн эсүүдээс ялгарах 28-аминхүчлээс тогтсон грелины глюкозоор идэвхижсэн инсулины шүүрэл ялгаралтыг дарангуйлдаг инсулиностатик үйлдэл, нарын гэдэсний дотоод шүүрлийн Л-эсээс ялгарах глюкагон төст пептид-1 (ГТП-1) дааварын инсулины шүүрэл ялгаралтыг идэвхжүүлдэг инсулинотропик үйлдлүүдийг олон судалгаагаар нотолсон. Таргалалттай хүнд өлөн үеийн ба глюкозын ачаалалтай сорил (ГАС) хийсний дараах үеийн цусанд дахь глюкозын ба инсулин дааврын шүүрлийн түвшинг инсулиностатик ба инсулинотропик даавруудын хөдлөл зүйтэй харьцуулсан судалгаа хийгдээгүй байгаа нь энэхүү судалгааны ажлыг хийх үндэслэл болж байна. Арга зүй: Бид судалгаандаа Монгол Япон Сургалтын эмнэлэгийн амбулаторийн тасагт хандан шинжилгээнд хамрагдсан хүмүүсээс санамсаргүй түүврийн аргаар таргалалттай 14, эрүүл 14 гэсэн 2 бүлэг (n=28) хүмүүсийг сонгон авч өлөн үеийн ба ГАС дараах 15, 30, 60, 120 минутанд захын цусанд глюкозыг глюкометрээр хэмжин, ийлдсийн ГТП-1, грелин, инсулины түвшинг фермент холбоот урвал (ELISA)-аар тодорхойлж, HOMA-IR, HOMA-B индексийг тооцооллоо. Үр дүн: Хяналтын бүлэгтэй харьцуулахад таргалалттай хүмүүст глюкозын ачаалалтай сорил хийснээс хойш цусан дахь глюкозын хэмжээ 15-30 минутанд (p<0.05), глюкозоор идэвхжсэн инсулины шүүрэл ялгаралт 0-120 дахь минутанд тус тус статистикийн үнэн магадлалтай ихэссэн (p<0.05). Таргалалттай хүмүүст HOMA-IR индекс 5.31±0.89, HOMA-B индекс 259.82±54.5 тодорхойлогдсон нь Хяналтын бүлэгтэй харьцуулахад статистикийн үнэн магадлалтай өндөр байв (p<0.05).Өлөн үеийн болон ГАС хийснээс хойшхи 120 дахь минутанд сийвэнгийн идэвхтэй грелины түвшин түвшин таргалалттай хүмүүст хяналтын бүлэгтэй харьцуулахад статистикийн үнэн магадлалтай (p<0.05) бага тодорхойлогдсон. Харин сийвэнгийн ГТП-1 даавар таргалалттай хүмүүст багассан байв. Дүгнэлт: Таргалалттай хүмүүсийн цусан дахь идэвхтэй грелины хэмжээ багасах нь гипергликеми гиперинсулинеми болох, улмаар инсулины дөжрөл үүсч чихрийн шижингээр өвчлөх гол шалтгаан байж болох юм.
  • Some of the metrics are blocked by your 
    Item type:Publication,
    Өглөөний цай алгасах нь биеийн жинд нөлөөлж буйг судалсан судалгааны үр дүнгээс
    (2023-04-24)
    Ч.Энхтуул
    ;
    Г.Намуун
    ;
    ;
    Т.Эрдэнэтуяа
    ;
    Я.Оюунбилэг
    Үндэслэл: Дэлхий даяар илүүдэл жин болон таргалалтын тархалтын хурдацтай өсөлт нь эрүүл мэндийн хамгийн чухал асуудлуудын нэг болоод байна. Дэлхийн хүн амын дунд таргалалт эрс нэмэгдэж байгаа нь нийгмийн эрүүл мэндийн томоохон асуудлын нэг болсоор байгаа бөгөөд зүрх судас, бодисын солилцооны эмгэгийн улмаас нас барах эрсдэлийг нэмэгдүүлж байна. Энэхүү судалгаагаар оюутнуудын хооллолтын дэглэм нь төвийн таргалалт, биеийн жинтэй хамааралтай байгаа эсэхийг судлахыг зорилго болгосон. Арга аргачлал: Санамсаргүй түүврийн аргаар АШУҮИС-н Сувилахуйн сургуулийн оюутнуудын дунд нэг агшингийн судалгаа хийсэн. Оюутнуудаас хооллолтын дэглэмийг тусгайлсан асуумжаар авсны дараа антропометрийн хэмжилтийг стандарт зааврын дагуу хийж, Tanita body composition monitor багажийн тусламжтайгаар биологийн нас, биеийн жингийн индекс (БЖИ) булчингийн эзлэх хувь, өөхний эзлэх хувь, бодисын үндсэн солилцоо (ккал)-г тооцоолсон. Статистик боловсруулалтыг SPSS25 программ ашиглан хийсэн. Үр дүн: Судалгаанд нийт 321 оюутнуудыг хамруулсан. Оролцогчдын БЖИ, төвийн таргалалт өглөөний цай уудаг хүмүүст, өглөөний цай уудаггүй болон заримдаа уудаг оролцогчдыг бодвол бага байна. Харин насны хувьд, өглөөний цай алгасдаг оролцогчдод бага байна (p<0.05). Оюутнуудын нас ахих тусам төвийн таргалалт нэмэгдэж байгаа нь ажиглагдлаа (r=0.133; p<0.05). Мөн оройн хоолны цаг БЖИ-тэй урвуу хамааралтай байна (r=-0.117; p<0.05). Дүгнэлт: Судалгаанд оролцсон оюутнууд нь өглөөний цай алгасах, оройтож хоол идэх зэрэг хооллолтын хэвийн бус хэв маягаас БЖИ, төвийн таргалалт нэмэгдэх магадлалтай байна.
  • Some of the metrics are blocked by your 
    Item type:Publication,
    Ковид-19 өвчний улмаас хэвтэн эмчлүүлсэн хүмүүсийн биеийн жингийн индекс ба эмнэлзүйн үзүүлэлтүүдийн хамаарлыг судалсан дүн
    Үндэслэл: Таргалалт нь коронавирус, томуу, метапневмовирус, риновирус зэрэг бүх төрлийн амьсгалын замын вирусын халдвартай холбоотой үүсэх уушгины хүндрэл ба эмнэлэгт хэвтэх тохиолдолыг нэмэгдүүлж байгаа нь маш олон судалгаанд харуулж байна. Зорилго: Биеийн жингийн илүүдэл ба таргалалттай хүмүүст тохиолдох Ковид19-ийн эмнэлзүйн илрэлийг судлах. Арга, аргачлал: Энэхүү судалгааг нэг агшингийн судалгааны загвараар, АШУҮИС-ийн Төв эмнэлгийн Ковид-19 тусгаарлан хэвтэн эмчлүүлэх эмнэлэгт 2021 оны 4-р сараас 2021 оны 8-р сар хүртэл хугацаанд хэвтэн эмчлүүлсэн хүмүүсийн мэдээлэлд дүн шинжилгээ хийсэн. Үр дүн: Судалгаанд хамрагдагсдын дундаж нас 42.1±14.7 жил ба 54.5% нь эрэгтэй 45.5% эмэгтэй байв. Эмнэлзүйн ангилалын хувьд 24.7% нь хөнгөн, 54.5% нь дунд зэргийн, 20.8% нь хүнд байна. Судалгаанд хамрагдагсдын БЖИ-ийн дундаж жин 25.5±4.9 буюу 51.7% нь хэвийн жинтэй, 31.6% ба 16.5% нь илүүдэл жин ба таргалалттай байсан. Ковид-19-ийн эмнэлзүйн ангилалыг БЖИтэй харьцуулан үзвэл таргалалттай хүмүүсийн 28.6%, хэвийн жинтэй хүмүүсийн 14.3% нь ковидын халдварын хүнд зэргээр эмчлүүлсэн (p=0.032). Ковидын хүндийн зэргээс хамаарч БЖИ статистик ач холбогдол бүхий ялгаатай байв. Хөнгөн зэрэгт БЖИ 24.1±5.0 байхад хүндэвтэр зэрэгт 25.4±4.8, хүнд зэрэгт 27.7±5.1 байсан. БЖИ-ийн ангиллын хувьд зарим амин үзүүлэлтүүд (SpO2, RR, SBP) болон лабораторийн үр дүн (WBC, PLT, Лимф, ийлдэс ферритин) хэвийн жинтэй хүмүүсээс таргалалттай хүмүүст илүү өөрчлөлттэй байгаа нь статистикийн хувьд ач холбогдолтой (P <0.01) байв. Дүгнэлт: Ковид-19 халдварын улмаас хэвтэн эмчлүүлэгсдийн эмнэлзүйн үзүүлэлтүүд нь биеийн жингийн индексээс хамааралтай ба таргалалттай хүмүүс илүү хүндээр өвчилж байна.
  • Some of the metrics are blocked by your 
    Item type:Publication,
    Хүүхдийн таргалалтын байдал
    (2022-04-28)
    Г.Отгон
    ;
    ; ;
    Г.Ачсайхан
    ;
    Үндэслэл: Хүүхдийн таргалалт эрс нэмэгдэж, дэлхий даяар нийгмийн эрүүл мэндийн асуудал болоод байна. Харин манай улсад сургуулийн насны хүүхдийн дундах таргалалтын талаарх тоо баримт шинэ тоо баримт хэрэгтэй байна. Энэхүү судалгаагаар Улаанбаатар хотын сургуулийн насны хүүхдүүдийн дундах таргалалтын тархалыг үнэлэв. Арга, аргачлал: Санамсаргүй түүврийн аргаар Улаанбаатар хотын зарим сургуулийн хүүхдийн дунд агшингийн судалгаа хийсэн. Антропометрийн хэмжилтийг стандарт процедурын дагуу хийсэн. Биеийн жингийн индексийг (BMI) жинг килограммаар нь өндрийн квадрат метрт (кг/м2) хуваасан байдлаар 75-аас дээш хувьтайг илүүдэл жин ба тарган гэж тооцоолсон. Хүүхдийн нь нас, хүйсээр BMI-ийг гэж тодорхойлсон. Bodimetrix-2020-д илүүдэл өөх тосыг тодорхойлсон. Статик шинжилгээг SPSS-17 программ дээр хийсэн. Үр дүн: Судалгаанд нийт 489 хүүхэд хамрагдсан. Оролцогчдын дундаж нас 13±2.0, охид 55.9%, хөвгүүд 44,1% байв. Сургуулийн хүүхдийн дунд таргалалтын нийт тархалт БЖИ-ээр 7.4%, өөх илүүдэлтэй таргалалт-24.39%, хавсарсан таргалалт -17.6% байна. Тарган хүүхдийн биеийн үзүүлэлтүүд 11-12 насанд харьцангуй их байна (p=0.05). Таргалалттай хүүхдийн биеийн жин, цээж, хэвлийн тойрог, арьсны өөх, өөхний хэмжээ зэрэг антропометрийн үзүлэлтүүд нь таргалалтгүй хүүхдийнхээс үнэн магадтай их байв. Дүгнэлт: Сургуулийн хүүхдүүдийн дунд хүүхдийн таргалалтын тархалт 49.3%, “далд” таргалалт - 134.3% байна.
  • Some of the metrics are blocked by your 
    Item type:Publication,
    Дархан-Уул аймгийн “Оюуны ирээдүй”, “Од” цогцолбор сургуулиудын 7-12-р ангийн сурагчдын таргалалтын байдал, түүнд нөлөөлөх эрсдэлт хүчин зүйлсийг судалсан дүн
    (2021-06-10)
    С.Чимэгсайхан
    ;
    Д.Оюунсүрэн
    ;
    П.Нямсүрэн
    Судалгааны ажлын зорилго нь Дархан-Уул аймгийн аймгийн “Оюуны ирээдүй”, “Од” цогцолбор сургуулиудын 7-12 дугаар ангийн сурагчдын дундах таргалалтын тархалт, түүнд нөлөөлж буй эрсдэлт хүчин зүйлсийг судлахад оршино. Судалгаанд Дархан-Уул аймгийн “Оюуны ирээдүй”, “Од” цогцолбор сургуулиудын 7-12 дугаар ангийн нийт 2468 сурагчийг хамруулж агшингийн судалгаа, асуумжийн аргаар таргалалтын түвшинг тодорхойллоо. 8-р ангийн хөвгүүд, 9-р ангийн охид илүүдэл жинтэй байсан. Сурагчдын таргалалтанд эхийн ужиг анамнез, тухайлбал, жирэмсэн үеийн даралт ихдэлт, цус багадалт, хүүхдийн талаас төрөх үеийн том жин, зохиомол хооллолт, нэг нас хүртлээ илүүдэл жинтэй байсан зэрэг хүчин зүйлс нөлөөлсөн байна. Судалгааны дүнгээр БЖИ-ээр илүүдэл жинтэй 723 сурагч буюу 29.2% нь илүүдэл жинтэй болох нь тогтоогдлоо. Тэдгээрийн 417 сурагч буюу 57.6% нь охид, 306 сурагч буюу 42.3% нь хөвгүүд эзэлж байна. Таргалалтад эхийн талаас нөлөөлсөн эрсдэлт хүчин зүйлсийг судлахад 143 сурагч буюу 21.7% нь ээж нь таргалалттай байсан, 119 сурагч буюу 18.1% нь ээж нь жирэмсэн байх үедээ артерийн даралт ихтэй байсан, 71 сурагч буюу 10.8% нь ээж нь цус багадалттай байсан нь харагдаж байна. Харин таргалалтад хүүхдийн талаас нөлөөлсөн эрсдэлт хүчин зүйлийг судлахад 90 сурагч буюу 13.6% нь төрөх үедээ 4 кг-аас дээш жинтэй төрсөн, 89 сурагч буюу 13.5% нь 1 нас хүртлээ илүүдэл жинтэй байсан, 83 сурагч буюу 12.6% нь эхний 3 сард угжаар хооллож байсан зэргээс үүдэн илүүдэл жинтэй болсон нь тогтоогдов. Мөн 56 сурагч буюу 8.5% нь гэр бүлийн гишүүдээс чихрийн шижингээр өвчилж байсан анамнезтэй байсан нь хүүхдийн илүүдэл жин үүсэхэд тодорхой хэмжээгээр нөлөөлсөн нь харагдаж байна.
  • Some of the metrics are blocked by your 
    Item type:Publication,
    Эмнэлгийн ажилчдын дундах таргалалтын судалгаа
    (2021-03-21)
    Б.Ундраа
    ;
    ;
    Үндэслэл: Амьдралын таагүй нөхцөл байдал, эрс тэс уур амьсгал, биеийн хүчний хөдөлмөр, архи тамхины хэрэглээ ба хооллох дадалтай холбоотойгоор манай оронд халдварт бус өвчин (ХБӨ) ба таргалалтын тархалт хурдацтай нэмэгдэж байна. Зорилго: Эмнэлгийн ажилчдын дунд илүүдэл жин ба таргалалтыг тогтоож, хүн ам зүй, бие бялдарын зарим үзүүлэлтүүдтэй харьцуулан судлахад бидний судалгааны зорилго оршино. Арга, аргачлал: Бид аналитик судалгааны нэг агшингийн загвараар урьдчилан сэргийлэх үзлэгт хамрагдсан Улсын Нэгдүгээр төв эмнэлгийн (УНТЭ) 400 ажилчдаас санамсаргүй түүврийн аргаар 118 ажилчдыг сонгож судалгаанд хамруулав. Асуумж авч, бодит үзлэгээр биеийн өндөр, жин, бүсэлхий өгзөгний тойрог (БӨТ), артерийн даралт (АД), зүрхний цохилтыг (ЗЦ) хэмжиж, биеийн бүрдэл хэмжигч аппаратаар (ББХ) өөх, булчин, ус, уураг, эрдсийг тус тус тодорхойлов. Үр дүн: Судалгаанд хамрагдсан эмнэлгийн ажилчдын 85.6% (101) нь эмэгтэй 14.4% (12) нь эрэгтэй байв. Тэдний дунд эмч 16.1% (19), сувилагч 45.8% (58), асрагч ба үйлчлэгч 19.5% (23), бусад ажилчид 18.6% (22) байлаа. Эмнэлгийн ажилчдын дундаж нас 35±10 (2155нас), биеийн жингийн дундаж 25.5±5.1кг/м2 тус тус байв. Эмнэлгийн ажилчдын дунд илүүдэл жин (26.3%) ба таргалалтын (20.3%) тархалт 46.6%-тай илэрлээ. Эрэгтэй ажилчдын дунд илүүдэл жин ба таргалалт 52.9% (9) ба 17.6% (3), эмэгтэйд 21.8% (22) ба 20.8% (21) байна. Эмч нарын 62.7% (12), сувилагчдын 46.3% (25), үйлчлэгч асрагчдын 52.2% (12), бусад ажилчдын 33.2% (6) нь илүүдэл жин ба таргалалттай байна. Дүгнэлт: Эмнэлгийн ажилчдын 2 хүн тутмын 1 (46.6%) нь илүүдэл жин ба таргалалттай байна. Эрэгтэй ажилчдын дунд илүүдэл жин ба таргалтын тархалт эмэгтэйчүүдтэй харьцуулахад өндөр байна. Судалгаанд оролцогчдын 64.1% нь төвийн таргалалттай, 56.7% нь БӨТ хэвийн хэмжээнээс ихэссэн, БӨ ба БЖ эрэгтэй эмэгтэйд (p<0.001) тус тус ялгаатай байлаа. Нийт өөх ба баруун гарын булчингийн үзүүлэлтүүд нь эрэгтэй (p<0.167) эмэгтэйд (p<0.164) ялгаагүй,бусад биеийн бүрдлийн үзүүлэлтүүд (p<0.001) 2 бүлэгт тус тус ялгаатай байв.
  • Some of the metrics are blocked by your 
    Item type:Publication,
    Шүдний тоо ба гарын атгах хүч, таргалалтыг илрүүлэх үзүүлэлтүүдийн хоорондын хамаарлыг судалсан нь
    (2021-03-21) ; ; ;
    С.Болормаа
    ;
    Ж.Цолмон
    Шүдгүйдлийн улмаас таргалалт үүсэх, биеийн булчингийн хэмжээ багасах зэрэг өөрчлөлт үүсч болохыг судлаачид тогтоосон. Манай орны хувьд шүдгүйдэл, таргалалтын тархалт өндөр байгаа нь энэхүү судалгааг хийх үндэслэл болно. Зорилго: шүдний тоо ба таргалалт, бодисын солилцооны зарим үзүүлэлтүүдийн хоорондын хамаарлыг судлах. Арга, аргачлал: Судалгааг нэг агшингийн судалгааны загвараар хийж гүйцэтгэсэн. Судалгаанд нийт 450 хүнийг хамруулсан. Шүдгүйдлийг нүүр амны гажиг заслын эмч, бие махбодийн хэмжилтийг дотоод шүүрлийн эмч нар хийж гүйцэтгэсэн. Үр дүн: Судалгаанд хамрагдсан хүмүүсийн 41% (n=188) нь эрэгтэй, дундаж нас 42.9±14.4 байв. Шүдгүйдлийн тоо нь бүсэлхийн тойргийн хэмжээ (эрэгтэйд r=0.219 эмэгтэйд r=0.279)-тэй эерэг, харин гарын атгах хүчний хэмжээ (эрэгтэйд r=-0.276 эмэгтэйд r=-0.255)-тэй урвуу хамааралтай байна. Дүгнэлт: Шүдний тоо цөөн байх нь биеийн жин нэмэгдэхэд хүргэж болзошгүй нэг хүчин зүйл болж байна.
  • Some of the metrics are blocked by your 
    Item type:Publication,
    Төвөнхийн архаг үрэвсэл болон бодисын солилцооны хам шинж хоорондын хамаарал
    (2021-03-21) ; ;
    Т.Баясгалан
    ;
    Б.Сосорбарам
    Үндэслэл: Англи улсад төвөнхийн архаг үрэвсэл 100.000 хүн амд 6,6% тохиолдол байна. ОХУ-д хийсэн судалгаагаар бүх чих, хамар, хоолойн өвчлөлийн 8,4-10% эзэлж, төвөнхийн гаралтай бүх өвчлөлийн 5.5-7.7%г төвөнхийн архаг үрэвсэл эзэлж байна гэсэн судалгаа байна. Манай орны хувьд бодисын солилцооны хам шинж ба бөөрний архаг үрэвслийн харилцаа хамаарлын судалгаа байдаг ч чих, хамар, хоолойн архаг өвчнүүд хоорондын хамаарлын судалгаа хийгдээгүй байна. Зорилго: Төвөнхийн архаг үрэвслээр өвчилсөн насанд хүрэгчдийн бодисын солилцооны хам шинжийг илрүүлж хоорондын хамаарлыг судлах. Арга аргачлал: Судалгааг 2020 оны 06-р сараас 2021 оны 03-р сар хүртэл ЭМЖЖ чих хамар хоолойн төрөлжсөн нарийн мэргэжлийн эмнэлгийн амбулаториор үйлчлүүлсэн 15-85 насны иргэдээс эмнэлэгт суурилсан агшингийн загвараар, судалгаанд хамруулах болон хасах шалгуурыг хангасан 141 хүнийг хамруулан судлав. Үр дүн: Төвөнхийн архаг үрэвсэл (J37.0) оноштой нийт 141 хүн байсан бөгөөд энэ нь нийт амбулаторын үзлэгийн 3.9%-ийг эзэлж байлаа. Судалгаанд хамрагдагсадыг хүйсийн байдлаар авч үзвэл эрэгтэй 69 (48.9%) эмэгтэй 72 (51.0%) байсан бөгөөд дундаж нас ±46 байлаа. Аль ч хүйсэнд БСХШийн үзүүлэлтүүдийн тоо төвөнхийн архаг үрэвслийн тархалтанд нөлөөж байна. Дүгнэлт. 1. Төвөнхийн архаг үрэвсэл хүмүүсийн хүйст ойролцоо, насны хувьд 40-60 насанд 56% буюу хамгийн их тохиолдож байна. Судалгаанд хамрагсдад бодисын солилцооны хам шинж 53.3%тай байна. 2. Бодисын солилцооны хам шинжийн үзүүлэлтүүд аль ч хүйсэнд төвөнхийн архаг үрэвслийн тархалтад нөлөөлж байна.
  • Some of the metrics are blocked by your 
    Item type:Publication,
    Бухимдлын шалтгаант шээс задгайрлыг мэс заслын бус аргаар эмчилсэн үр дүн
    (2021-03-13)
    Н.Ууганцэцэг
    ;
    Д.Мөнхцэцэг
    ;
    Ж.Энхцэцэг
    Үндэслэл: ДЭМБ-ын мэдээлснээр эмэгтэйчүүдийн 95 хүртэлх хувьд нь дор хаяж нэг удаа шээс задгайрлын шинж тэмдэг илэрдэг гэжээ.1 ОХУ-д нийт эмэгтэйчүүдийн 15% нь шээс задгайрах эмгэгээр эмчид ханддаг байна.2 Европын урологийн нийгэмлэгийн удирдамжид шээс задгайрах эмгэгийн эхний сонголтод аарцгийн ёроолын булчинг нөхөн сэргээх дасгал хийхийг зөвлөх болсон.3 Улаанбаатар хотын 2080 насны 236.000 гаруй эмэгтэйчүүдийн дунд хийсэн судалгаагаар 32.2% тархалттай байна.4 АНУ-ын эрдэмтэн Арнольд Кегель 1948 онд аарцгийн ёроолын булчингуудыг хөгжүүлэх талаар санал дэвшүүлсэн.5-6 Бо болон Шербур нар аарцгийн ёроолын булчингийн дасгал хийлгээд үр дүнг судлахад 30%-д нь үр дүнгүй байсан тул үтрээн дотуурх цахилгаан эмчилгээ хийхийг зөвлөж байжээ.7 Зорилго: Бухимдлын шалтгаант шээс задгайрлын мэс заслын бус эмчилгээний үр дүнг судлах Хэрэглэгдэхүүн ба арга зүй: Аналитик судалгааны загвараар когорт судалгаа хийж гүйцэтгэв. Бухимдлын шалтгаант шээс задгайралтай 70 эмэгтэйг судалгаандаа хамруулж судаллаа. Үр дүн: Судалгаанд хамрагдсан нийт эмэгтэйчүүдийн 45-49 насанд бухимдлын шалтгаант шээс задгайрал илүү тохиолдож, 87,2% нь таргалалттай байна. Нөхөн үржихүйн идэвхитэй насны эмэгтэйчүүдэд бухимдлын шалтгаант шээс задгайрах эмгэгийн хөнгөн зэрэг илүү тохиолдож байгаа бол ахимаг насанд хүнд зэрэг илүү тохиолдож байна. Үтрээний булчингийн хүчийг тодорхойлох Оксфорд оноо бага байх нь шээс задгайрах эмгэгийн хүндрэлийн зэргийг нэмэгдүүлж байна. Дүгнэлт: Цахилгаан эмчилгээний дараа Оксфорд оноогоор үнэлэхэд 1 оноотой 8.6% (n=3), 2 оноотой 25.7%(n=9), 3 оноотой 48.6% (n=17), 4 оноотой 17.1%(n=6) байв. Кегель дасгалын дараа 1 оноотой 37.1%(n=13), 2 оноотой 31.4%(n=11), 3 оноотой 28.6%(n=10), 4 оноотой 2.9%(n=1) байв. Дээрх 2 бүлгийг харьцуулахад цахилгаан эмчилгээ нь илүү үр дүнтэй байв.(p<0.008).
  • Some of the metrics are blocked by your 
    Item type:Publication,
    Association of Anthropometric Parameters and Severity of SARS-COV-2 Infection among Hospitalized Patients in a Tertiary care Center in Western Maharashtra – an Analytical Cross-Sectional Study
    (Mongolian National University of Medical Sciences, 2023-06-30)
    Shewte, Mamta Kishor
    ;
    Dhok, Rajeshree Sushil
    ;
    Pachange, Priyanka Narayanrao
    ;
    Suryawanshi`, Prachi Manohar
    ;
    Sayed, Naila Nazir
    Background: On March 11, 2020, the World Health Organization (WHO) confirmed COVID-19 as a pandemic. COVID-19 has infected more than 5.5 million people worldwide, resulting in more than 3,47,000 fatalities. Obese individuals may be more susceptible to infection with SARSCoV-2. This study was conducted to assess the association between anthropometric parameters and the severity of SARS-CoV-2 infection. Methodology: This analytical cross-sectional study was undertaken on COVID-19-positive patients admitted to COVID-dedicated wards at a tertiary care center in Pune. The data was collected using a convenient sampling method from 185 COVID-19-positive patients. Result: Among those Positive for SARS-COV-2, 128 (69.19%) patients had mild COVID-19, and 57 (30.81%) patients were having severe COVID-19 disease. 36 patients (28.13%) with mild COVID-19 disease were average weight, 48 patients (37.50%) were overweight, and 42 patients (32.81%) were obese. Three (5.26%) of the 57 patients with severe COVID-19 disease were overweight, and 54 (94.74%) were obese. 19 (10.2%) patients had previously been diagnosed with hypertension, and 22 (11.8%) patients had both hypertension and diabetes. Conclusion: Obesity in patients with COVID-19 was associated with severe diseases, particularly pneumonia. Patients having underlying medical illnesses like hypertension and diabetes were found to be at higher risk of severe COVID-19.