Г.Дарамбазар
Loading...
Товч нэр
Г.Дарамбазар
Бүтэн нэр
Гантулга Дарамбазар
Латин нэр
Gantulga Darambazar
Албан тушаал
Багш
Харьяалал
ORCID
Scopus Author ID
10 results
Now showing 1 - 10 of 10
- Some of the metrics are blocked by yourconsent settings
Item type:Publication, Оюутнуудын хооллолтын зан үйл ба түүнд нөлөөлж буй хүчин зүйлсийн судалгаа(2025-01-01) ;Б.Золзаяа ;Д.Алтанчимэг; ; - Some of the metrics are blocked by yourconsent settings
Item type:Publication, Хиймэл оюун ухаанд суурилан зайнаас физиологийн зарим үзүүлэлтүүдийг хэмжсэн дүн(2026-02-03) ;Б.Оюунбаатар; А.ДолгорсүрэнҮндэслэл: ДЭМБ-ын мэдээллээр дэлхий даяар 1.28 тэрбум хүн артерийн даралт ихсэх өвчнөөр өвчилсөн бөгөөд тэдгээрийн ихэнх нь хөгжиж буй орнуудад амьдарч байна. Монгол Улсад артерийн даралт ихсэх өвчний тархалт өндөр хэвээр байгаа бөгөөд STEPS-2019 судалгаагаар залуу насны бүлэгт ч уг өвчин түгээмэл байгааг тогтоосон. Уламжлалт артерийн даралт хэмжих аргууд нь тусгай нөхцөл шаардах, хэмжилтийн алдаа гарах эрсдэлтэй байдаг. Сүүлийн жилүүдэд хиймэл оюун ухаанд суурилсан гар утасны аппликейшн ашиглан артерийн даралт болон амин үзүүлэлтүүдийг хэмжих боломж нэмэгдэж байгаа ч тэдгээрийн хэмжилтийн нарийвчлалыг ANSI/AAMI/ISO 81060-2:2022 стандартад нийцүүлэн үнэлсэн судалгаа Монгол Улсад хангалтгүй байгаа нь энэхүү судалгааг хийх үндэслэл боллоо. Зорилго: Хиймэл оюун ухаанд суурилсан FaceHeart аппликейшнийг ашиглан артерийн даралт, зүрхний цохилтын тоо, захын цусан дахь хүчилтөрөгчийн хэмжээг тодорхойлж гарсан үр дүнг уламжлалт багажийн шинжилгээний хариутай харьцуулах. Арга, аргачлал: Бид судалгаанд оролцохыг зөвшөөрсөн 120 хүнийг хамруулсан бөгөөд багажийн болон хиймэл оюун ухаанд суурилсан аппликейшны хэмжилтийг тус бүр 3 удаа хийж нийт 360 хэмжилтийн утгыг цуглуулан Пирсоны корреляцийн коэффициент, Paired t-Test, Bland-Altman, Intraclass Correlation CoefÏcient тооцооллыг хийсэн. Үр дүн: Багажийн болон хиймэл оюун ухаанд суурилсан ухаалаг гар утасны хэмжилтийн дундаж зөрүү систолын даралт -2.05 мм.муб (p<0.001), диастолын даралт -2.36 мм.муб (p<0.001), зүрхний цохилтын тоо -0.30 мин/удаа (p=0.088), захын цусан дахь хүчилтөрөгч 0.32% (p<0.05) байна. Пирсоны корреляцийн коэффициент систолын даралт r=0.772 (p<0.001), диастолын даралт r=0.892 (p<0.001), зүрхний цохилтын тоо r=0.978 (p<0.001), захын цусан дахь хүчилтөрөгч r=0.391 (p<0.001) байна. Дүгнэлт: Хиймэл оюун ухаанд суурилсан аппликейшны хэмжилт нь артерийн даралт, зүрхний цохилтын тоо, захын цусан дахь хүчилтөрөгчийн хэмжээг тодорхойлох боломжтой боловч эмнэлзүйн практикт ашиглахад хангалттай нарийвчлалтай биш байгаа нь тодорхойлогдлоо. - Some of the metrics are blocked by yourconsent settings
Item type:Publication, Улаанбаатар, Дархан хотын сууцны доторх орчны PM2.5 тоосонцор уушгины үйл ажиллагаанд үзүүлэх нөлөөг судалсан дүн (2023-2024 оны өвлийн үр дүн)(2025-10-20) ;Э.Маралмаа; ; ; Д.ГантуяаҮндэслэл: Аэродинамик голч 2.5 микрометр ба түүнээс бага голчтэй тоосонцор (PM2.5) нь амьсгалын замаар дамжин уушгины цулцангийн гүнд нэвтэрч, исэлдэлтийн стресс, системийн болон судасны үрэвслийг өдөөх нөлөө бүхий онцлогтой юм. Монгол Улс нь агаарын бохирдлын түвшин их орнуудын тоонд ордог бөгөөд нийт хүн амын тал хувиас илүү хувь нь амьдардаг Улаанбаатар хотод өвлийн улиралд PM2.5-ын агууламж 200 мкг/м³-аас давж, ДЭМБ-ын зөвлөмжийн хэмжээнээс 8 дахин ихэсдэг байна. Улаанбаатар хотын 1,200 насанд хүрэгчдийг хамруулсан судалгаагаар агаарын бохирдол өндөр байдаг улиралд амьдралын чанар эрс муудсан ба өмнө нь амьсгалын замын үйл ажиллагааны алдагдалтай байсан хүмүүсийн илүүтэй илэрч байсан. Зорилго: Улаанбаатар, Дархан хотын насанд хүрэгчдийн сууцны доторх орчны PM2.5 тоосонцрын агууламжийг уушгины үйл ажиллагааны үзүүлэлтүүдтэй харьцуулан судлах. Арга аргачлал: Судалгааг аналитик судалгааны агшингийн загвараар зорилтот түүврийн аргаар Улаанбаатар, Дархан хотын насанд хүрэгчдийг хамруулан хийж гүйцэтгэсэн. Судалгааны мэдээлэл цуглуулахад судалгаанд оролцогчдийн сууцны доторх орчны агаарын чанарыг хэмжих PurpleAir багаж 1 сарын турш байршуулан хэмжилтийг хийж, үүний дараа спирометрийн шинжилгээгээр уушгины үйл ажиллагааг үнэлсэн ба SPSS-25.0 программыг ашиглан тооцоолол хийж үр дүнг тооцсон. Үр дүн: Нийт 236 оролцогчдын 114 (48.3%) Улаанбаатар, 122 (51.7%) Дархан хот, хүйсийн хувьд 111 эрэгтэй (47.0%), 125 эмэгтэй (53.0%) байсан оролцогчид байв. Сууцны доторх PM2.5-ийн дундаж агууламж 66.24 мкг/м³ байсан (СХ 44.87 мкг/м³) ба хамгийн бага нь 7.79 мкг/м³, хамгийн их нь 264.55 мкг/м³ байв. Орон сууцны төрлөөр ангилан үзэхэд гэрт PM2.5-ийн дундаж агууламж 82.34 мкг/м³ байсан нь байшинд (67.34 мкг/м³) болон орон сууцанд (32.24 мкг/м³) тодорхойлогдсон агууламжаас харьцангуй их байсан. Хамаарлын шинжилгээгээр Генслерийн индекс (FEV1/FVC харьцаа), амьсгал гаргалтын дээд хурд (PEF) ба эзэлхүүний дундаж хурд (FEF25–75)-ыг илтгэх үзүүлэлтүүд PM2.5-ийн агууламжтай урвуу хамаарал бүхий тогтоогдсон нь статистикийн хувьд ач холбогдол бүхий байв. Оролцогчдын 9.4%-д уушгины хүчилсэн амьдралын багтаамж (FVC), 15.3%-д эхний 1 секунд дэх хүчлэн гаргах агаарын эзлэхүүн (FEV1), харин 3.8% нь FEV1/FVC харьцаа буурсан байв. Дүгнэлт: Сууцны доторх орчны PM2.5 агууламж нь гэр сууцанд өндөр илэрсэн бөгөөд уушгины үзүүлэлтүүдээс амьсгал гаргалтын бууралтыг илтгэх үзүүлэлтүүд нь сөрөг хамаарал бүхий статистикийн хувьд ач холбогдолтой байв. - Some of the metrics are blocked by yourconsent settings
Item type:Publication, Уушгины хавдрын эсийн нүүн шилжилтэд флаваноны нөлөөг судалсан дүн(2025-10-20) ;Ч.Жадамба; ; ; А.ГүрбадамҮндэслэл: Сүүлийн жилүүдэд байгалийн гаралтай зарим нэгдлүүд нь хавдраас урьдчилан сэргийлэх, хавдрын эхэн шатны эмчилгээнд ач холбогдол бүхий үр дүнтэй болохыг эрдэмтэд тогтоосон ба ургамал, хүнсний ногоо, үр, жимсний хальс, цэцэг зэрэгт агуулагдах полифенолт нэгдэл болох флаванонууд нь хавдрын эсрэг, хэт исэлдэлт, үрэвсэл болон бактерийн эсрэг био идэвхтэйг тодорхойлсон байна. Хавдар нь дэлхий дахинд эдийн засгийн болон нийгмийн эрүүл мэндийн тулгамдсан асуудал болоод байна. Дэлхийн статистик мэдээллээс үзэхэд дөрвөн хүн тутмын нэг (22.8%) нь халдварт бус өвчний улмаас, зургаан хүн тутмын нэг (16.8%) нь хавдрын улмаас нас барж байгааг дурьдсан байна. Зорилго: Нарийн навчит цахилдгаас ялгасан флаваноны уушгины хавдрын эсийн нүүн шилжилтэд үзүүлэх нөлөөг судлах. Арга, аргачлал: Судалгааг АШУҮИС-ийн Био-Анагаахын Хүрээлэнг түшиглэн, флаванон (5,2’,3’-тригидрокси-6,7 метилендиоксифлаванон)-ы хавдрын эсийн нүүн шилжилтэнд үзүүлэх нөлөөг in vitro орчинд, эсгүй зурвас үүсгэх аргаар судлав. Судалгаанд уушгины хавдрын эс (A549)-ийг сэргээн, тогтворжуулан туршилтыг хийж гүйцэтгэв. Үр дүн: Бид A549 хавдрын эсийг флаваноны ялгаатай концентраци (1.25 мкг/мл, 2.5 мкг/мл)-иар 24 цагийн турш үйлчлэн, эсгүй зурвас үүсгэх аргаар шинжлэв. Эсгүй зурвасыг 0.9 мм-ийн өргөнтэй үүсгэсэн бөгөөд А549 эс 24 цагийн дараа эсгүй зурваст тархан ургаж эсгүй зурвасын өргөн 0.25 мм байв. Флаваноны 2.5 мкг/мл концентрациар эсэд үйлчлэхэд эсийн нүүн шилжилтийг бүрэн саатуулсан байв. Дүгнэлт: Нарийн навчит цахилдгаас ялгасан флаванон нь уушгины хавдрын эсийн нүүн шилжилтийг тун болон хугацаа хамааралтайгаар саатуулж байна. - Some of the metrics are blocked by yourconsent settings
Item type:Publication, Флаваноны хавдрын эсийн амьдрах чадварт үзүүлэх нөлөөг судалсан дүн(2025-05-05) ;Ч.Жадамба; ; ; А.ГүрбадамҮндэслэл: Сүүлийн жилүүдэд байгалийн гаралтай зарим нэгдлүүд нь хавдраас урьдчилан сэргийлэх, хавдрын эхэн шатны эмчилгээнд ач холбогдол бүхий үр дүнтэй болохыг эрдэмтэд тогтоосон ба ургамал, хүнсний ногоо, үр, жимсний хальс, цэцэг зэрэгт агуулагдах полифенолт нэгдэл болох флаванонууд нь хавдрын эсрэг, хэт исэлдэлт, үрэвсэл болон бактерийн эсрэг био идэвхтэйг тодорхойлсон байна. Хавдар нь дэлхий дахинд эдийн засгийн болон нийгмийн эрүүл мэндийн тулгамдсан асуудал болоод байна. Дэлхийн статистик мэдээлэлд үзэхэд дөрвөн хүн тутмын нэг (22.8%) нь халдварт бус өвчний улмаас, зургаан хүн тутмын нэг (16.8%) нь хавдрын улмаас нас барж байгааг дурьдсан байна. Зорилго: Нарийн навчит цахилдгаас ялгасан флаваноны хавдрын эсийн амьдрах чадварт үзүүлэх нөлөөг судлах. Арга, аргачлал: Судалгааг АШУҮИС-ийн Био-Анагаахын Хүрээлэнг түшиглэн, флаванон (5,2’,3’-тригидрокси-6,7 метилендиоксифлаванон)-ы хавдрын эсийн амьдрах чадварт үзүүлэх нөлөөг in vitro нөхцөлд, MTT шинжилгээний аргаар судлав. Судалгаанд бүдүүн шулуун гэдэсний хавдрын эс (МС38), элэгний хавдрын эс (HepG2), уушгины хавдрын эс (A549)-үүдийг сэргээн өсгөвөрлөж, тогтворжуулан туршилтыг хийж гүйцэтгэв. Үр дүн: Бид MC38, HepG2, A549 хавдрын эсүүдийг флаваноны ялгаатай концентраци (2.5 мкМ, 5 мкМ, 10 мкМ)-иар 24-48 цагийн турш үйлчлэн, эсийн амьдрах чадварыг үнэлэв. Флаванон нь A549 эсийн амьдрах чадварыг 2.5 мкМ-10%, 5 мкМ-25%, 10 мкМ-38%-иар тус тус дарангуйлж байв. Харин HepG2 эсэд флавононы 5-10 мкМ концентрациар үйлчлэхэд элэгний хавдрын эсийн амьдрах чадварыг 28-58%-иар бууруулж байна. Түүнчлэн MC38 эсийн өсгөвөрт тун хамааралтайгаар эсийн амьдрах чадварыг саатуулсан хэдий ч 30-200 мкМ өндөр концентрацид статистик ач холбогдол бүхий нөлөөтэй байв (p<0.01). Дүгнэлт: Нарийн навчит цахилдгаас ялгасан флаванон нь хавдрын эсийн амьдрах чадварыг тун болон хугацаа хамааралтайгаар дарангуйлж байна. - Some of the metrics are blocked by yourconsent settings
Item type:Publication, Элэгний хавдрын эсийн нүүн шилжилтэд флаваноны нөлөөг судалсан дүн(2026-05-22) ;Ч.Жадамба; ; ; А.ГүрбадамҮндэслэл: Сүүлийн жилүүдэд байгалийн гаралтай зарим нэгдлүүд нь хавдраас урьдчилан сэргийлэх, хавдрын эхэн шатны эмчилгээнд ач холбогдол бүхий үр дүнтэй болохыг эрдэмтэд тогтоосон ба ургамал, хүнсний ногоо, үр, жимсний хальс зэрэгт агуулагдах полифенолт нэгдэл болох флаванонууд нь хавдрын эсрэг, хэт исэлдэлт, үрэвсэл болон бактерийн эсрэг био идэвхтэйг тодорхойлсон байна. Хавдар нь дэлхий дахинд эдийн засгийн болон нийгмийн эрүүл мэндийн тулгамдсан асуудал болоод байна. Дэлхийн Эрүүл Мэндийн Байгууллага (ДЭМБ)ын 2022 оны статистик мэдээллээс үзэхэд дөрвөн хүн тутмын нэг (22.8%) нь халдварт бус өвчний улмаас, зургаан хүн тутмын нэг (16.8%) нь хавдрын улмаас нас барж байгааг дурьдсан байна. Монгол улс дэлхийд элэгний хорт хавдрын өвчлөл, нийт хорт хавдрын нас баралтаараа тэргүүлж байна. Зорилго: Нарийн навчит цахилдгаас ялгасан флаваноны элэгний хавдрын эсийн нүүн шилжилтэд үзүүлэх нөлөөг судлах. Арга, аргачлал: Судалгааг АШУҮИС-ийн БиоАнагаахын Хүрээлэнг түшиглэн, флаванон (5,2’,3’-тригидрокси-6,7 метилендиоксифлаванон)-ы хавдрын эсийн нүүн шилжилтэнд үзүүлэх нөлөөг in vitro орчинд, эсгүй зурвас үүсгэх аргаар судлав. Судалгаанд элэгний хавдрын эс (HepG2)-ийг сэргээн, тогтворжуулан туршилтыг хийж гүйцэтгэв. Үр дүн: Бид элэгний хавдрын эсийг флаваноны 2.5 мкг/ мл концентрациар 24 цагийн турш үйлчлэн, эсгүй зурвас үүсгэх аргаар шинжлэв. Эсгүй зурвасыг 0.9 мм-ийн өргөнтэй үүсгэсэн бөгөөд HepG2 эс 24 цагийн дараа эсгүй зурваст тархан ургаж эсгүй зурвасын өргөн 0.65 мм байв. Флаваноны 2.5 мкг/мл концентрациар эсэд үйлчлэхэд эсийн нүүн шилжилтийг бүрэн саатуулсан байв. Дүгнэлт: Нарийн навчит цахилдгаас ялгасан флаванон нь хавдрын эсийн нүүн шилжилтийг саатуулж байна. - Some of the metrics are blocked by yourconsent settings
Item type:Publication, АШУҮИС-ийн Шүдний их эмч мэргэжлийн оюутнуудын үндсэн мэргэшлийн сонголтод нөлөөлөх хүчин зүйлсийг тодорхойлсон дүн(2026-09-15); ; Б.БатбаярҮндэслэл: Төгсөх дамжааны оюутны үндсэн мэргэшлийн чиглэл сонгох шийдвэр нь ирээдүйн мэргэжлийн замнал болон эрүүл мэндийн салбарын хүний нөөцийн төлөвлөлтөнд чухал ач холбогдолтой. Их Британийн анагаах ухааны сургууль төгсөгчдийн судалгаанд мэргэшлийн сонголт цаг хугацааны явцад өөрчлөгдөж болохыг тэмдэглэсэн байдаг1. Монгол Улсын нүүр ам судлалын салбарт төгсөх дамжааны оюутны мэргэшлийн сонголтын талаарх судалгаа хомс байна. Иймээс оюутнуудын сонирхож буй чиглэл болон сонголтод нөлөөлөх хүчин зүйсийг тодруулах нь сургалтын хөтөлбөр, мэргэжлийн чиг баримжаа олгох үйл ажиллагаанд хэрэгцээ шаардлагатай байгаа нь энэхүү судалгааг хийх үндэслэл боллоо. Зорилго: Шүдний их эмч мэргэжлийн оюутнуудын үндсэн мэргэшлийн сонголтод нөлөөлөх хүчин зүйлсийг тодорхойлох. Арга, аргачлал: Бид энэхүү судалгааг хийж гүйцэтгэхдээ аналитик судалгааны агшингийн загварыг ашиглан 2026 онд төгсөх дамжааны 136 оюутнаас 111 оюутанг хамруулав (81.6%). Svirko нарын (2013) аргачлалд суурилсан нээлттэй болон хаалттай асуулт бүхий асуумж ашиглав. Нас, хүйс, өмнөх мэргэжил, мэргэшлийн шийдвэрийн байдал, ирээдүйд сонирхож буй чиглэл (хамгийн ихдээ 2), мөн 9 хүчин зүйлийг 3 түвшинтэй Ликертийн үнэлгээгээр (Маш их=2, Бага зэрэг=1, Огт нөлөөлөөгүй=0) үнэлэв. Тайлбарлах статистик, Пирсоны хи-квадрат тест, Спирманы корреляцийг ашиглав. Статистик ач холбогдлын түвшинг p<0.05 байх үед ач холбогдолтой гэж үзэв. Үр дүн: Оролцогчдын 96 (86.5%) нь эмэгтэй, 15 (13.5%) нь эрэгтэй бөгөөд 74 (66.7%) нь 24-26 насны бүлэгт багтав. Нийт 60 (54.1%) нь мэргэшлийн чиглэлээ эцэслэн сонгоогүй, 2-3 сонирхолтой чиглэлтэй байсан бол 37 (33.3%) нь чиглэлээ эцэслэн сонгосон байв. Нүүр амны мэс засал болон нүүр амны гажиг заслыг тус бүр 48 (43.2%) оролцогч дурдсан бөгөөд дараа нь нүүр амны согог засал 25 (22.5%) орсон байна. Хувийн урам зориг, итгэл үнэмшил хамгийн өндөр дундаж үнэлгээтэй (1.58/2.0), гэр бүлийн гишүүдийн шийдвэр, уламжлал хамгийн бага үнэлгээтэй (0.48/2.0) байв. Багшийн заах арга зүй, ур чадвар болон багш нарын харилцаа, хандлагын үнэлгээ хооронд хүчтэй эерэг хамаарал ажиглагдсан (Спирман ρ=0.72). Дүгнэлт: Судалгаанд хамрагдсан оюутнуудын 54.1% нь үндсэн мэргэшлийн чиглэлээ хараахан эцэслэн сонгоогүй байв. Хувийн урам зориг, итгэл үнэмшил хамгийн өндөр, гэр бүлийн гишүүдийн шийдвэр, уламжлал хамгийн бага дундаж үнэлгээтэй байв. Багшийн заах арга зүй болон харилцаа хандлагын үнэлгээ хооронд хүчтэй эерэг хамаарал ажиглагдлаа. Эдгээр үр дүн нь мэргэжлийн чиг баримжаа олгох зөвлөгөө, сургалтын орчин, гардан дадлагын боломжийг цаашид судалж, сайжруулахад ашиглаж болох анхан шатны мэдээлэл юм. - Some of the metrics are blocked by yourconsent settings
Item type:Publication, 9-11 насны хүүхдүүдийн тархийг СРТ-ийн воксельд-суурьлагдсан волюметригээр тодорхойлсон үр дүн: хоншоор ясны дутуу хөгжилтэй болон мэдрэлийн эмчийн хяналтанд байдаг хүүхдүүдийг харьцуулсан нь(2026-04-28) ;Д.Түвшинжаргал ;Э.Пүрэвсүрэн ;Л.Отгонжаргал; - Some of the metrics are blocked by yourconsent settings
Item type:Publication, Engineering cell membrane-camouflaged COF-based nanosatellite for enhanced tumor-targeted photothermal chemoimmunotherapy(2025-03) ;Lin, Dan ;Lv, Wenxin ;Qian, Min ;Jiang, GuangweiLin, XiaojunDendritic cells (DCs) activation is crucial for regulating the antitumor immune response. However, the tumor's immunosuppressive environment significantly impedes antigen presentation and DCs maturation, thereby limiting the effectiveness of cancer immunotherapy. To address this challenge, we developed tumor cell membrane-coated covalent organic framework (COF) nanoparticles, loaded with mannose-modified gold nanoparticles and doxorubicin (Dox). This created a cell membrane-camouflaged COF-based nanosatellite designed to enhance tumor-targeted chemoimmunotherapy. The nanosatellite exhibits distinct photothermal properties and releases Dox in a pH-sensitive manner, targeting tumor cells to induce immunogenic cell death (ICD) and expose a wealth of antigens. Crucially, the COF structure is selectively degraded to release mannose-modified gold nanoparticles in the acidic environment. These nanoparticles capture antigens from the ICD and efficiently transport them to lymph nodes rich in DCs, facilitated by mannose receptor mediation. As a result, antigens are effectively presented to DCs, activating the immune response, significantly hindering tumor growth and lung metastasis in mice, and extending survival. This study pioneered innovative nano-preparations aimed at enhancing tumor immunotherapy.Scopus© Citations 41 - Some of the metrics are blocked by yourconsent settings
Item type:Publication, Reform of the Health Informatics Curriculum in Mongolia: Needs and Development Perspectives(2025-09-16); ; ; ; Baasandorj ChilkhaasurenThis To reform the Bachelor of Health Informatics curriculum in Mongolia, a comparative analysis was conducted with similar international programs, and the revised curriculum was developed based on satisfaction surveys from both graduates and employers. A satisfaction survey was conducted in which 49 graduates evaluated the curriculum using a 19-question questionnaire, and 14 employers assessed the graduates' competencies through an 8-question questionnaire, forming the basis for two distinct datasets. Factor analysis (PCA and EFA with Varimax rotation) was performed on the resulting dataset. The analysis identified five latent factors from the graduates' evaluations—Quality of Instruction, Practical Training and Skills, Learning Environment and Resources, Curriculum Structure, and Professional Development Opportunities–and one factor from the employers' assessments: Job Requirements and Skills Evaluation. Based on these findings, the revised curriculum was developed through a comparative analysis with programs from the University of Sydney, Oregon Tech, and Montana Tech. The updated curriculum consists of 120 credit hours and complies with Order A/147 of the Minister of Education and Science, as well as the IT Curriculum Guide 2017. A notable feature of the revised program is its emphasis on specialization in health data processing, information systems architecture, and computer networking. This research contributes to enhancing the quality of Health Informatics education and aligning the academic training with the needs of graduates and labor market demands.
