С.Сээсрэгдорж
Loading...
Товч нэр
С.Сээсрэгдорж
Бүтэн нэр
Сүрэнжид Сээсрэгдорж
Латин нэр
Surenjid Seesregdorj
Албан тушаал
Гэрээт багш
Боловсролын зэрэг
Доктор (Ph.D)
Харьяалал
ORCID
3 results
Now showing 1 - 3 of 3
- Some of the metrics are blocked by yourconsent settings
Item type:Publication, “Сориг бумши”, “Жүдши” хоёр сурвалжаас эмийн Хот мандал болон зарим тоон утгуудыг харьцуулсан шинжлэлээр “Сориг бумши” эхэнд бичигдсэн болохыг тогтоосон нь(2025-01-01) ;Далантай (Dalantai); ; ;Жин Юн Ли (Jin Yun Li)Үндэслэл: Уламжлалт анагаах ухааны сурвалжуудыг харьцуулан шинжлэх нь анагаах ухааны үүсэл, хөгжил, уламжлал, дамжилт, түүхэн онцлогийг бодитой харуулах боломжтойн зэрэгцээ тухайн ард түмний анагаах ухаанд оруулсан хувь нэмэр тэр үеийн шашин-соёл, сэтгэлгээний уялдаа холбоог илтгэдэг цогц үр дүн болдогт үндэслэн судалгааг хийлээ. Зорилго: “Сориг Бумши”, “Жүдши” хоёр сурвалжийн “Язгуур үндэс”-ийн анхдугаар бүлэг”-т бичигдсэн “Эмийн хот мандал”-ын талаар бичсэнийг харьцуулж гаргалгаа хийх. Арга, аргачлал: Судалгааг “Сориг Бумши”, “Жүдши” сурвалжуудын төвөд эхийг эх хэрэглэгдэхүүн болгож, Эх бичиг сурвалж судлалын Сэдвээр бүлэглэх арга (Ш ете апа 1уз^5), Агууламжийн судалгаа (соп1еп1 апа 1уз^5)-ны аргуудыг ашиглан хийлээ. Үр дүн: Хоёр сурвалжийн адил болон ялгаатай байдал нь Төвөдийн Бонбын ёсны ардын эмнэлэг үүсэж бүрэлдсэн уламжлал дээр үндэслэн Шаншүн оронд Бонбын ёсны “Сориг Бумши” эхлэн бичигдсэнийг их орчуулагч Бярузана Шаншүн хэлнээс орчуулж их Ютог Ёндонгомбо нар тэргүүлэн нэмж, хасаж засварлан, эмхэтгэн найруулж буддын мэдлэг ухааны онолд үндэслэсэн “Жүдши”-ийг бүтээсэн гэж үзэх нь нотолгоо бүхий байгааг дараах байдлаар тодруулан гаргалаа. Дүгнэлт: “Жүдши”-н эмийн хот мандлын зураглал нь үзвээс үзэсгэлэнт эмийн балгасыг төв болгоод дөрвөн зүгийн дөрвөн уулаар тодорхой дүрсэлж харуулсан нь өмнө бичигдсэн “Сориг Бумши”-ийн эмийн хот мандлыг хянан магадалж хасаж, нэмж засварлан цэгцэлж бичсэн болохыг илэрхийлж байна. Хоёр сурвалжид бичигдсэн тооны утга нь тухайн, тухайн үеийнхээ анагаах ухааны онолын сэтгэлгээний хоёр чиглэлийг илэрхийлж байгаагийн зэрэгцээ “Жүдши”-д анагаах ухааны өмнөх уламжлалыг өвлөн авахын зэрэгцээ бонгийн ёсны мэдлэг, ухааны уламжлалыг хасаж буддын мэдлэг ухааны онолд суурилж шалтгаан-үрийн шүтэн барилдлага ёсоор нэмэлт хийж өөриймшүүлсэн байна. - Some of the metrics are blocked by yourconsent settings
Item type:Publication, “Анагаах ухааны цог төгөлдөр дөрвөн үндэс”-ийн “Онолын үндэс”-ийн өвчний ангиллыг тайлбар бүтээлүүдтэй харьцуулан шинжсэн нь(2022-06-12); ;Ц.МөнхтуяаҮндэслэл: Уламжлалт өвчний ангиллыг дэлгэрүүлэн судлах нь уламжлалт өвчний оношийн мөн чанарыг тогтоож орчин үеийн анагаах ухааны оноштой дүйцүүлэх ач холбогдолтой хэмээн үзэж зарим сурвалж, тайлбаруудын хүрээнд харьцуулан судаллаа. Үр дүн: “Анагаах ухааны дөрвөн үндэс” сурвалжийн “Номлолын үндэс”-ийн өвчний ангилалд 1. Шүтээний ангиллыг гол болгосон хийгээд эрэгтэй, эмэгтэйн өвчний ангиллыг “Алтан хадмал” тайлбарт нэмэлт хийж бичжээ. “Анагаах ухааны дөрвөн үндэс” сурвалжийн “Номлолын үндэс”-т өвчнийг гэм, эрхэм, орон, язгуурыг баримтлан ангилаад шүтээний ангиллыг эрхэм болгож хорлогдохуун 25-тай холбон дан, хавсарсан, хурсан олон хувилбараар хэмжээлэшгүй олон гэж тодорхойлохдоо хий, шар, бадган гурван гэмийн хүрээнд хязгаарлаж авч үзээд мөн чанарыг баримтлан ерөнхийд нь халуун, хүйтэн 2-т хурааж авч үздэг уламжлал дамжиж ирсэн байна. Уламжлалт анагаах ухааны өвчний ангилал нь хий, шар, бадган гурван гэмийн 1. Дангаар 2. Хавсарч 3. Хурж арвидах, барагдах нийт 101 хувилбарыг эх үндэс болгож цаашид “Алтан хадмал” тайлбарт “Шүтээн”-ий ангилал дахь “Эрхэм”-ийн ангиллыг хорлогдохуун 25-тай холбон тэдгээрийн тус бүрийн дангаар арвидах, барагдах, хямралдах болон хавсарч машид, дээдэд арвидаж, барагдахын үржвэрүүдээр дэлгэрүүлэн нийтдээ 682.870.50 өвчинд ангилсан болох нь тогтоогдож байна. Дүгнэлт: 1. “Анагаах Ухааны Дөрвөн Үндэс” сурвалжид өвчнийг хэмжээлэшгүй ангилсан хэдий ч хий, шар бадган гурван гэмийн хүрээнд хязгаарлан ерөнхийд нь халуун, хүйтэн 2-т ангилсан байна. 2. Өвчний ангиллыг 3 гэмийн дан, хавсарч, хурсаны арвидаж барагдах 101 хувилбар нь цаашид машид дэлгэрэн ангилагдаж байна. 3. Уламжлалт анагаах ухаанд өвчнийг гэм, эрхэм, орон, язгуурыг баримтлан ангилж байгаагаас шүтээний ангиллын эрхэмийн ангиллыг гол болгож гурван гэмийн хүрээнд тэдгээрийн арвидаж, барагдах, хямаралдахыг дан, хавсарсан, хурсантай ялгавартайгаар, хорлогдохуун 25-тай холбон үржиж дэлгэрүүлэн машид тодорхой тооцож гаргажээ. - Some of the metrics are blocked by yourconsent settings
Item type:Publication, Жоншны нэр болон ангилалыг сурвалж, тайлбарын хүрээнд судалж тодруулсан нь(2021-09-01) ;О.Отгончимэг ;С.ЖаргалсайханҮндэслэл: Уламжлалт анагаах ухааны сурвалж, тайлбаруудад жоншны нэршил нь олон янзын ёгт утгатай байгаа нь эндүүрэхэд хүргэхээр байдаг. Жоншны ангилалтай уялдуулан таних аргыг нарийвчлан тогтоосноор эмийн эрдэм, чадлыг бүрэн гаргах, эмчилгээний үр дүнг сайжруулах ач холбогдолтой юм. Иймээс сурвалж, тайлбаруудын хүрээнд жоншны нэршлийн ёгт далд утга, ангилалыг харьцуулан судлах зорилгын хүрээнд сурвалж, 5-н томоохон тайлбаруудыг эх хэрэглэгдэхүүн болгож “Эх бичиг, сурвалж судлалын харьцуулах арга”, “Анализсинтезийн арга” “Герменевитик арга” “Магадлан жагсаах арга”-аар судалгааг хийж гүйцэтгэлээ. Үр дүн: Эмийн чадал үйлдлийн талаас нэрийдсэн чулууны тунгалаг, чулууны шим, ясны тэжээл хэмээх ёгт нэршил нь эх хэрэглэгдэхүүн болгож байгаа бүтээлүүдэд ижил төстэй байна. Дээрх домогтой холбоотой “Шөнийн гэрэлт”, “Сарны хүү”, “Тэнгэрийн хөвүүний дусал”, “Сансрын махбодь”, “Чулууны өөх”, “Сансрын цагаан бодь сэтгэл” хэмээн нэрлэдэг. Чулуун жүдлэнгийн гол эм болох тул чулуун дажид, өөхөн дарьяаган гэж нэрлэсэн байна. Язгуурын ангилалд жоншийг тус бүр дотор нь дээд, эрхэм, дунд, адаг хэмээх дөрвөн ялгалд хуваасан байдаг. Жоншны таван язгуурын ангилал болон дөрвөн зэрэглэлийн ялгалтай нийт 20 дэд ангилал болж өргөжсөн байна. Түүнчлэн жоншны таван язгуур дөрвөн ялгал нь цаашид дан өнгөний ангилалд хуваагдан дэлгэрч 100 зүйл болж нарийвчлагдан ангилаж үзжээ. Мөн холилдсон 25 өнгө тус бүрийг таван язгуур, дөрвөн зэрэглэл ангилалтай харшалдуулан нийт 500 төрлийн жонш болох тухай уламжлалт сурвалж, тайлбаруудад нарийвчлан ангилж уламжлагдсан байна. Эдгэрийн ангилалын хоорондоо холилдсон хэмжээний их, багаас шалтгаалан тоолшгүй олон болно хэмээн сурвалж, тайлбаруудад тэмдэглэсэн байна. Дүгнэлт: 1. Жоншийг гадаад байдалтай холбож 18-н зүйлээр ангилсаны онцлог нь жоншны үүсэл гарлын домогтой болон түүний өргөн хүрээний үйлдэл үзүүлдэгтэй холбоотой байна. 2. Сурвалж, тайлбаруудад жоншыг тодорхой 500 төрөлд ангилаад өнгөний холилдсон байдлыг хэмжээнээс хамаарч илүү олон төрөлд ангилж болохыг тэмдэглэжээ.
