Даваа–Баасан 08:30–20:00 · Бямба 09:00–16:00
Now showing 1 - 7 of 7
  • Some of the metrics are blocked by your 
    Item type:Publication,
    Зүрхний ховдлын үйл ажиллагааны шинж тэмдэггүй алдагдлыг чихрийн шижинтэй үйлчлүүлэгчдэд илрүүлсэн нь
    (2025-01-01)
    Ө.Цолмон
    ;
    ;
    Б.Бурмаа
    ;
    Ц.Сумъяа
    ;
    Үндэслэл: Чихрийн шижин 2 хэв шинж зүрхний дутагдал үүсэх эрсдэлийг 2-4 дахин ихэсгэдэг. Иймд чихрийн шижинтэй үйлчлүүлэгчдэд ховдлын үйл ажиллагааны шинж тэмдэггүй үйл ажиллагааны алдагдлыг натри хөөгч пептидийн сорилын тусламжтай эрт илрүүлэх нь нь зүрхний дутагдлын өвчлөл ба эндэгдлийг бууруулах хамгийн оновчтой арга юм. Зорилго: Зүрхний дутагдлын эмнэлзүйн шинж тэмдэггүй, чихрийн шижинтэй үйлчлүүлэгчдэд натри хөөгч пептидийн сорилын тусламжтай зүрхний үйл ажиллагааны алдагдлыг илрүүлж, түүнд нөлөөлөх хүчин зүйлсийг тодорхойлоход оршино. Арга, аргачлал: Энэхүү тохиолдол хяналтын судалгаанд 35-64 насны, зүрхний дутагдлын эмнэлзүйн шинж тэмдэггүй, чихрийн шижинтэй ба чихрийн шижингүй хүмүүсийг хамруулсан. Зүрх судасны эрсдэлт хүчин зүйлсийг асуулгын ба үзлэгийн аргаар аргаар илрүүлсэн. Зүрхний ховдлын үйл ажиллагааны алдагдлыг натри хөөгч пептидийн сорилоор үнэлсэн. Натри хөөгч пептидийн хэмжээг Р1А1100 маркийн анализаторыг ашиглаж тодорхойлсон. Натри хөөгч пептидийн хэмжээ >300 пг/мл байвал хэвийн түвшнээс их буюу сорилыг эерэг гэж үзсэн. Натри хөөгч пептидийн сорил эерэг гарсан тохиолдолд зүрхний ховдлын үйл ажиллагаа алдагдсан гэж үнэлсэн. Үр дүн: Судалгаанд 35-64 насны нийт 536 хүн хамрагдсанаас чихрийн шижинтэй 150, чихрийн шижингүй 386, эмэгтэй 52.4% (281), дундаж нас 52.8±7.8 жил байв. Зүрхний ховдлын үйл ажиллагааны алдагдал чихрийн шижинтэй бүлгийн 7.3%-д, чихрийн шижингүй бүлгийн 5.2%д тус тус илэрсэн. Чихрийн шижинтэй бүлэгт зүрхний ховдлын үйл ажиллагааны алдагдал нас ахих тутам ихсэж байсан ба эмэгтэйчүүдэд арай илүү илэрч байсан боловч статистикийн ач холбогдол ялгаа илрээгүй (8.3% ^8 6.4%, р>0.05). Чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал үүсгэх эрсдэлийг өвчний үргэлжилсэн хугацаа (5.30, 95%С1 1.36-20.66), хяналтгүй артерийн гипертензи (3.80, 95%С1 1,07-13.44), ахимаг нас (5.40, 95%С1 1.29-22.88) статистикийн үнэн магадлалтай ихэсгэж байсан. Дүгнэлт: Чихрийн шижингүй бүлэгтэй харьцуулахад чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал 1.4 дахин их илэрсэн, гэхдээ статистикийн ая холбогдол бүхий ялгаа ажиглагдаагүй. Чихрийн шижинтэй үйлчлүүлэгчдэд зүрхний ховдлын үйл ажиллагааны алдагдал үүсгэх эрсдэлийг ахимаг (55-64) нас 5.4 дахин, өвчний удаан (>10 жил) үргэлжилсэн хугацаа 5.3 дахин, хяналтгүй артерийн гипертензи 3.8 дахин тус тус ихэсгэж байсан.
  • Some of the metrics are blocked by your 
    Item type:Publication,
    Натри хөөгч пептидийн сорилыг зүрхний архаг дутагдлыг эрт илрүүлэхэд хэрэглэсэн нь
    (2022-12-26)
    Ө.Цолмон
    ;
    ;
    Б.Бурмаа
    ;
    Ц.Сумъяа
    ;
    Н.Бат-Эрдэнэ
    Үндэслэл: Зүрхний архаг дутагдал (ЗАД) нь зонхилон тохиолдох эмгэгийн халдварт бус архаг өвчин бөгөөд нас баралтын тэргүүлэх шалтгааны нэг юм. Манай орны насанд хүрсэн хүн амын 4.9% нь зүрхний архаг дутагдалтай байсан бөгөөд энэхүү эмгэгийн тархалт нь нас ахих тутам ихсэж, 60-аас дээш насны хүн амын 14%-ийг эзэлж байв.1 Зорилго: Зүрх судасны эрсдэлт хүчин зүйлтэй хүмүүст шинж тэмдэггүй зүрхний архаг дутагдлыг натри хөөгч пептидийн сорилын тусламжтай эрт илрүүлж, натри хөөгч пептидийн хэмжээ ихсэхэд нөлөөлдөг хүчин зүйлсийг тодорхойлох. Арга, аргачлал: Энэхүү агшингийн судалгаанд 35-64 насны, зүрхний дутагдлын эмнэлзүйн шинж тэмдэггүй, зүрх судасны эрсдэлт хүчин зүйлтэй хүмүүс хамрагдсан. Зүрх судасны эрсдэлт хүчин зүйлсийг эмнэлзүйн аргаар илрүүлсэн. Натри хөөгч пептидийн хэмжээг БНХАУ-ын FIA1100 маркийн иммуны анилизаторыг ашиглаж тодорхойлсон. Натри хөөгч пептидийн хэмжээ ≥125 пг/мл байвал хэвийн түвшнээс их буюу сорилыг эерэг гэж үзсэн. Үр дүн: Судалгаанд зүрх судасны эрсдэлт хүчин зүйл бүхий нийт 768 хүн хамрагдсанаас 336 (42.5%) нь эрэгтэй, 432 (57.5%) нь эмэгтэй байсан бөгөөд тэдгээрийн дундаж нас 51.2±8.4 жил байв. Судалгаанд оролцогчдын 12.9%-д натри хөөгч пептидийн сорил эерэг гарсан. Эерэг сорилтой хүмүүсийн натри хөөгч пептидийн дундаж түвшин 299.6±19.4 пг /мл байсан. Натри хөөгч пептидийн эерэг сорилтой эрэгтэйчүүдийн эзлэх хувь эмэгтэйчүүдийнхээс арай бага байсан боловч статистикийн ач холбогдол ялгаа илрээгүй (11.9% vs 13.7%, p>0.05). Артерийн гипертензитэй хүмүүсийг хэвийн артерийн даралттай хүмүүстэй харьцуулж, логистик регрессийн шинжилгээгээр үнэлэхэд зүрхний архаг дутагдал үүсэх эрсдэл 3.5 дахин их байсан. Дүгнэлт: Бид зүрх судасны эрсдэлтэй 35-64 насны хүмүүсийн 12.9%-д нь зүрхний архаг дутагдлыг эрт үе шатанд илрүүлсэн. Зүрхний архаг дутагдлын эрт илрүүлгийн үндсэн арга болох натри хөөгч пептидийн сорилын үр дүн эерэг гарахад ахимаг нас ба артерийн гипертензи статистикийн үнэн магадлалтай нөлөөлж (p<0.05) байв.
  • Some of the metrics are blocked by your 
    Item type:Publication,
    Зүрхний шигдээсийн дараах зүүн ховдлын үйл ажиллагааны алдагдлыг илрүүлсэн судалгааны дүн
    (2021-04-06)
    Ө.Ганчимэг
    ;
    Ө.Цолмон
    ;
    ;
    Манай орны хүн амын өвчлөлийн гуравдугаар шалтгаан болсон зүрх судасны тогтолцооны өвчний түвшин сүүлийн 10 жилийн дунджаас 2 дахин өссөн ба нас баралтын тэргүүлэх шалтгаан (32.1%) болсон хэвээр байна.1 Зорилго: Зүрхний шигдээстэй өвчтөнд шинж тэмдэггүй зүүн ховдлын үйл ажиллагааны алдагдлыг натри хөөгч пептидийн сорилын тусламжтай илрүүлж, нөлөөлж буй хүчин зүйлсийг тодорхойлоход оршиж байв. Судалгаанд зүрхний дутагдлын эмнэл зүйн шинж тэмдэггүй, зүрхний цочмог шигдээстэй 71 үйлчлүүлэгчдийг хамруулав. Зүүн ховдлын үйл ажиллагааны алдагдлыг натри хөөгч пептидийн сорилын тусламжтай илрүүлсэн бөгөөд натри хөөгч пептидийн хэмжээ >450 пг/мл тохиолдолд зүүн ховдлын үйл ажиллагааны алдагдал байна гэж үнэлэв. Эмнэлэгт эмчлүүлэх хугацаанд зүрхний цочмог шигдээстэй үйлчлүүлэгчийн 67.6%-д зүүн ховдлын үйл ажиллагааны алдагдал илэрсэн ба үүнээс 64.8% нь эмнэлэгт ирэх үед, 2.8% нь эмчлүүлэх явцад тохиолдсон байна. Зүүн ховдлын үйл ажиллагааны нийт алдагдлын 64%-д цацалтын фракц хадгалагдсан, 28%-д дундаж цацалтын фракцтай, 8%-д цацалтын фракц буурсан хэлбэр тус тус тохиолдож байв. Зүрхний шигдээсийн эхлэлээс эмнэлэгт ирэх хүртэлх хугацаа нь зүүн ховдлын үйл ажиллагааны алдагдал үүсэхэд статистикийн үнэн магадлалтай (p<0.001) нөлөөлж байгааг судалгааны үр дүн харуулсан. Эмнэлэгт хэвтэх үеийн сийвэнгийн натри хөөгч пептидийн хэмжээ нь сийвэнгийн тропонины түвшинтэй (r-0.315, p=0.012) эерэг хамааралтай байв. Харин эмнэлгээс гарах үеийн сийвэнгийн натри хөөгч пептидийн хэмжээ нь зүүн ховдлын цацалтын фракцтай сөрөг (r-0.491, p=0.000), зүрхний диастолын үйл ажиллагааны үзүүлэлт болох E/e’-тэй (r0.370, p=0.003) эерэг хамааралтай байсан. Дүгнэлт: Зүрхний шигдээс эхлэхээс эмнэлэгт ирэх хүртэлх хугацааг богиносгосноор зүүн ховдлын үйл ажиллагааны алдагдлыг бууруулах боломжтой байна.
  • Some of the metrics are blocked by your 
    Item type:Publication,
    Зүрхний цочмог шигдээсийн үеийн сийвэнгийн NT-proBNP түвшинд нөлөөлөгч хүчин зүйлсийг судалсан нь
    (2021-11-01)
    Ө.Ганчимэг
    ;
    ; ;
    Ө.Цолмон
    Манай оронд зүрхний ишемийн өвчин-зүрхний шигдээс нь хүн амын нас баралтын тэргүүлэх шалтгаан болсон хэвээр байна. Натри хөөгч пептид (NT-pro BNP) нь зүрхний дутагдлын эмнэлзүйн зааварт тусгагдсан оношилгооны биомаркер юм. Зорилго: Бид зүрхний цочмог шигдээсийн үеийн натри хөөгч пептидийн түвшин ба түүнд нөлөөлөх хүчин зүйлсийг тодорхойлохоор зорив. Арга, аргачлал: Тус судалгаанд зүрхний цочмог шигдээс бүхий, зүрхний дутагдлын эмнэл зүйн шинж тэмдэггүй 120 эмчлүүлэгчийг хамруулав. Үр дүн: Судалгаанд оролцочдын цусны сийвэн дэх NT-pro BNP-ийн голч хэмжээ нь 838 (IQR 280-2860) пг/мл байна. Натри хөөгч пептидийн голчийн дээд, доод квартилд тулгуурлан 4 бүлэг болгон харьцуулахад бүлэг хооронд зүүн ховдлын ерөнхий суналт, сийвэнгийн тропонины хэмжээ нь статистик ач холбогдол бүхий ялгаатай байв. Мөн натри хөөгч пептидийн түвшинд нөлөөлөгч хүчин зүйлст чихрийн шижин өвчин хавсрах OR 4.017 (p=0.025), өвчний эхлэлээс эмнэлэг хүртэлх хугацаа богиносох OR 0.05 (p=0.02), өндөр GRACE эрсдлийн оноо OR 1.053 (p=0.038), зүүн ховдлын ерөнхий суналт сайжрах OR 0.693 (p=0.008) зэрэг багтаж байна. Дүнгэлт: Зүрхний шигдээсийн цочмог үед NT-proBNP түвшин ихсэх нь эрт үеийн зүүн ховдлын систолын үйл ажиллагааны алдагдалтай холбоотой байна. Зүүн ховдлын үйл ажиллагааг зүрхний хэт авиан шинжилгээнээс гадна сийвэнгийн NT-proBNP ихсэлтээр таамаглаж болох юм.
  • Some of the metrics are blocked by your 
    Item type:Publication,
    Өндөр эрсдэл бүхий хүмүүсийн дунд цацалтын фракци хадгалагдсан шинж тэмдэггүй зүрхний дутагдлыг илрүүлэх нь
    (2020-05-01)
    Ө.Цолмон
    ;
    ;
    Ө.Ганчимэг
    ;
    ;
    Зорилго: Энэхүү судалгааны зорилго нь зүрхний дутагдал үүсэх өндөр эрсдэлтэй хүмүүст цацалтын фракци хадгалагдсан шинж тэмдэггүй зүрхний дутагдлын тархалтыг үнэлж, NT-pro BNP ба зүрхний хэт авиан шинжилгээний үзүүлэлтүүдтэй харьцуулан судлахад оршино. Судалгааны хэрэглэгдэхүүн ба арга зүй: Судалгаанд зүрхний архаг дутагдлын шинж тэмдэггүй, зүрхний дутагдлын эрсдэл өндөртэй 3564 насны хүмүүсийг сонгон агшингийн загвараар хийв. Сийвэн дэх натри хөөгч пептид (NT-pro BNP)-ын хэмжээг FIA8000 аппаратыг ашиглан Европын Зүрхний Нийгэмлэгийн 2016 оны Зүрхний дутагдлын удирдамжид заасны дагуу NT-pro BNP>125 пг/мл-ээс их гарсан тохиолдолд сорилыг эерэг гэж үзэв. Цацалтын фракци хадгалагдсан зүрхний архаг дутагдал, диастолын үйл ажиллагааны алдагдлыг үнэлсэн. үр дүн: Судалгаанд зүрхний дутагдлын эрсдэлт хүчин зүйл бүхий 602 хүн хамрагдсан ба үүнээс 256 (42.5%) нь эрэгтэй, 346 (57.5%) нь эмэгтэй байсан. Судалгаанд оролцогсдын дундаж нас 51.71 ± 8.07 байлаа. Судалгаанд оролцогсдын 83 (13.8%)-д NT-pro BNP сорил эерэг тодорхойлогдов. Бидний судалгаанаас NT-pro BNP нь зүрхний архаг дутагдлын шинж тэмдэггүй хүмүүст нас, систол ба диастолын даралт, зүүн ховдлын масс, E/e’ харьцаатай шууд хамааралтай, харин бүсэлхийн тойрог, биеийн жингийн индекс, зүүн ховдлын цацалтын фракци болон E/A харьцаатай урвуу хамааралтай байсан. Натри хөөгч пептид (NT-pro BNP) нь нас, даралт ихсэлт болон чихрийн шижинтэй статистик ач холбогдолтой байлаа (p<0.05). Судалгаанд хамрагдагсдын 12.3%-д цацалтын фракци хадгалагдсан, шинж тэмдэггүй зүрхний дутагдал оношлогдсон. Цацалтын фракци хадгалагдсан шинж тэмдэггүй зүрхний дутагдлын эрт оношлогоонд натри хөөгч пептид (NTpro BNP)-ыг үнэлэхэд оношлогооны мэдрэг чанар 85.0%, өвөрмөц чанар 88.6%, (AUC) 0.92 (95% CI 0.86-0.98) тус тус байв. Дүгнэлт: NT-pro BNP хэмжээ (≥125 pg/ml) харьцангуй ихэссэн судалгаанд оролцогчдод зүрхний архаг дутагдлын онош батлагдах нь илүүтэй байна. Натри ялгаруулагч пептидэд суурилсан эрт илрүүлгийг зүрхний хэт авиан шинжилгээний хамт эрсдэлт бүлэгт хийх нь шинж тэмдэггүй зүүн ховдлын диастолын үйл ажиллагааны алдагдлын тархалтыг илрүүлэхэд ач холбогдолтой байна.
  • Some of the metrics are blocked by your 
    Item type:Publication,
    Чихрийн шижин оношлогдсон хүмүүст натри хөөгч пептидийн сорилоор зүрхний дутагдлыг илрүүлэх нь
    (2022-12-26)
    Б.Биндэръяа
    ;
    Б.Бурмаа
    ;
    Ө.Цолмон
    ;
    ;
    Үндэслэл: Зүрхний дутагдлын голлох шалтгаан эрсдэлт хүчин зүйлсийн нэг нь чихрийн шижин (ЧШ) ба тархалт нь дэлхий дахинд жилээс жилд нэмэгдсээр байна. Сүүлийн жилүүдэд N-төгсгөлийн про-В төрлийн натриуретик пептид (NT-proBNP) дааврыг ашиглан ЧШ-тэй өвчтөнүүдэд зүрхний дутагдлыг илрүүлэх судалгаа нэлээдгүй хийгдсэн. Монгол Улсад ЧШ-ийн үед натри хөөгч пептид (NT-pro BNP)-д суурилан зүрх судасны эрсдэл,зүрхний дутагдлыг илрүүлэх судалгааны ажил хараахан хийгдээгүй байна. Зорилго: Чихрийн шижинтэй хүмүүст зүрх судасны эмгэгийн эрсдэл болон натри хөөгч пептидийн түвшинг тодорхойлж хамаарлыг судлах. Арга, аргачлал: Судалгаанд Улаанбаатар хотын 3 дүүргийн 70 хүнийг шалгуурын дагуу сонгон авч, зүрх судасны эрсдэлт хүчин зүйлсийг асуумжаар үнэлэн, антропометрийн хэмжилт хийж, өлөн үеийн цусны ийлдэст HbA1C, их нягтралтай липопротейн, нийт холестрол, зүрхний дутагдлын биомаркер (NT-proBNP) тодорхойлж, шээсний дэлгэрэнгүй шинжилгээ хийсэн. Зүрх судасны эрсдлийн түвшинг Шинэ-Зеландын ойрын 5 жилийн ЗСӨ-ний эрсдэлийн тооцоолуураар тооцоолсон. Үр дүн: Судалгаанд оролцсон 70 хүнд сийвэнгийн натри хөөгч пептидийг Getein 1100 иммунофлуоресцентийн тоон анализаторын аппаратаар тодорхойлоход 9 тохиолдолд буюу 12.8%-д сийвэнгийн натри хөөгч пептид 125 пг/мл-ээс өндөр буюу эерэг тодорхойлогдсон. Судалгаанд оролцогсдод ойрын 5 жилийн ЗСӨ-ний эрсдэлийг үнэлэхэд 15.7% (11) маш бага эрсдэлтэй, 22.8% (16) бага эрсдэлтэй, 24.2% (17) дунд эрсдэлтэй, 22.8% (16) өндөр эрсдэлтэй, 14.2% (10) маш өндөр эрсдэлтэй байв. ҮЗСӨ-ний дунд эрсдэлтэй хүмүүсийн 17.6%(n=3), өндөр эрсдэлтэй хүмүүсийн 12.5%(n=2), маш өндөр эрсдэлтэй хүмүүсийн 40% (n=4)-д натри хөөгч пептид эерэг буюу эрсдлийн түвшин өндөр хүмүүст натри хөөгч пептидийн ихсэлт харьцангуй элбэг тохиолдож байна (p<0.05). Дүгнэлт: Зүрх судасны эрсдэлийн түвшин өндөр ЧШ-тэй хүмүүст натри хөөгч пептидийн ихсэлт харьцангуй элбэг тохиолдож байгаа нь статистикийн үнэн магадлалтай байна.
  • Some of the metrics are blocked by your 
    Item type:Publication,
    Артерийн гипертензийн үеийн зүрхний бүтцийн өөрчлөлтийг сийвэнгийн натри хөөгч пептидтэй харьцуулан судлах нь
    (2022-12-26)
    А.Наранчимэг
    ;
    ; ;
    Ө.Цолмон
    Үндэслэл: Монгол улсын зүрхний архаг дутагдлын оношилгоо, эмчилгээний зааварт сийвэнгийн натри хөөгч пептидийн түвшинг >125 пг/мл-ээс ихэссэн үед зүрхний хэт авиан шинжилгээг хийж зүрхний архаг дутагдлыг эрт илрүүлэхийг заасан. Сийвэнгийн натри хөөгч пептидийн өсөлт нь артерийн гипертензи, ЗСӨ, нас баралттай шууд хамааралтай бөгөөд зүрхний архаг дутагдлыг тодорхойлох гол оношлуур болж байгаа нь бидний судалгааны үндэслэл болж байна. Зорилго: Артерийн гипертензи оношлогдсон хүмүүст сийвэнгийн натри хөөгч пептидийг тодорхойлж, зүрхний хэт авиан шинжилгээний үзүүлэлтүүдтэй судлахад оршино. Арга, аргачлал: Судалгаанд Улаанбаатар хотын 3 дүүргийн 112 хүнийг хамруулах шалгуурын дагуу сонгон авч, зүрхний архаг дутагдал болон зүрх судасны эрсдэлт хүчин зүйлсийг үнэлэн, антропометрийн хэмжилт, өлөн үеийн цусны ийлдэст зүрхний дутагдлын биомаркер (NT-proBNP) болон зүрхний хэт авиан шинжилгээг тус тус хийсэн. Үр дүн: Судалгаанд оролцсон 112 хүнд түргэвчилсэн сорилыг Getein 11000 иммунофлуоресцентийн тоон анализаторын аппаратаар тодорхойлоход 19 тохиолдол буюу 16.9%-д сийвэнгийн натри хөөгч пептид 125 пг/мл-ээс их буюу эерэг илэрсэн. Судалгаанд хамрагдсан хүмүүст зүрхний хэт авиан шинжилгээгээр зүрхний зүүн ховдлын масс болон массын индексийг үнэлэхэд 22.0% (n=24) зүүн ховдлын ханын зузааралтай байсан бөгөөд үүнээс 5.3% (n=6) нь биомаркерийн хэмжээ ихэссэн, 24.8% (n=27) зүүн ховдлын ханын тэлэгдэлтэй байсан бөгөөд үүнээс биомаркерийн хэмжээ 4.5% (n=5)-д тус тус ихэссэн. Зүрхний зүүн ховдлын масс, массын индекс, зүүн ховдлын хөндийн систол болон диастолын төгсгөлийн үеийн хэмжээ, зүүн ховдлын хөндийн систол болон диастолын үеийн эзэлхүүн зэрэг үзүүлэлтүүдэд статистик ач холбогдол бүхий ялгаатай байсан. Дүгнэлт: Артерийн гипертензийн 2-р зэрэг оношлогдсон судалгаанд оролцогчдын 16.9%-д натри хөөгч пептидийн сорил эерэг илэрсэн. Судалгаанд оролцогсдын дунд зүрхний хэт авиан шинжилгээгээр зүүн ховдлын ханын тэлэгдэл ба ханын зузаарал, диастолын үйл ажиллагааны алдагдал илүү илэрч байв. Зүүн ховдлын тэлэгдэл, зүүн ховдлын масс (p>0.004) болон массын индекс (p>0.005) ихсэхэд натри хөөгч пептидийн түвшин нэмэгдэж байсан.