Даваа–Баасан 08:30–20:00 · Бямба 09:00–16:00
Now showing 1 - 8 of 8
  • Some of the metrics are blocked by your 
    Item type:Publication,
    Бага тархи гүүрний өнцгийн түгээмэл хавдруудын соронзон резонанст томографийн шинжүүдийг судалсан нь
    (2021-11-01)
    Б.Оюунтогос
    ;
    ; ;
    Д.Мөнхбаатар
    Үндэслэл: Бага тархи-гүүрний өнцөгт (БТГӨ) тохиолдох хавдрын 95-98 Сонсголын дотор суваг хувийг шваннома болон менингиома хавдрууд эзэлдэг бөгөөд эмнэлзүйд Дохионы эрчим илрэх шинжүүд төстэй, зарим тохиолдолд ердийн Соронзон Резонанс Бичил цус Томографи (СРТ) шинжилгээгээр ялган оношлоход хүндрэлтэй байдаг. СРТ-ийн шинэлэг горим болох Susceptibility weighted imaging (SWI)ыг хавдрын оношилгоонд чухалчилж өргөн ашиглаж байна. Зорилго: СРТ-ийн уламжлалт горимууд болон дэвшилтэт горимыг ашиглан БТГӨ-т түгээмэл тохиолдох хавдруудын шинжүүдийг тодорхойлж, ялган оношлох боломжийг судлах юм. Материал, арга зүй: ЛюксМед эмнэлэгт СРТ-ийн шинжилгээгээр бага тархи-гүүрний өнцөгт (БТГӨ)-т шваннома болон менингиома хавдар оношлогдож эмгэг судлалын шинжилгээгээр онош батлагдсан 34 үйлчлүүлэгчийн 36 хавдрыг түүвэрлэн авч ретроспектив аргаар судлан, хасах шалгуураар 6 хавдрыг хасаж, 30 тохиолдолд дүн шинжилгээ хийсэн. Үүсгэврийн эзэлхүүн, талбай, гадаргуу, хатуу хальсны сүүл шинж, сонсголын дотор суваг руу нэвчсэн байдал, тогтоц, тодосгогч бодисын тодрол зэргийг үнэлсэн. Үр дүн: Нийт 30 тохиолдлын 24 (80%) нь эмэгтэй, 6 (20%) нь эрэгтэй, дундаж нас 51.7±13.9 байсан. СРТ - ийн SWI горимд хавдар дотор бага дохионы эрчимтэй буюу бичил цус 20 (67%) хавдарт илэрсэн ба үүнээс 19 шваннома, 1 менингиома байсан (p<0.0001). Тодосгогч бодисын дараах T1WI горимд сонсголын дотор суваг руу нэвчиж ургасан нийт 19 (63%) тохиолдолын 16 (84%) шваннома байсан ба статистик ач холбогдолтой байв (p=0.012). Тус байрлалд тохиолдох менингиома болон шванномаг ялган оношлоход хавдрын хэлбэр, хэмжээ, байрлал, бүрхүүл хальсны шинж, хавдрын эргэн тойрны хаван, IV ховдол дарагдал зэрэг шинжүүд нь статистик ач холбогдолгүй байв. Дүгнэлт: СРТ-ийн шинжилгээнд илрэх дүрслэлийн шинжээр нь БТГӨ-ийн түгээмэл хавдруудыг ялган оношлох, гистологийн оношийг таамаглах боломжтой, СРТийн SWI горимд бага дохионы эрчим бичил цус илрэх нь шваннома хавдрыг менингиомаас ялган оношлох СРТ түлхүүр шинж болж байна. Шваннома хавдрын үед сонсголын дотор суваг руу нэвчиж ургах, хавдар доторх уйланхайт агууламжтай байх, менингиома хавдрын үед хатуу хальсны сүүл шинж илрэх нь дээрх хавдруудыг ялган оношлох чухал шинжүүд юм.
  • Some of the metrics are blocked by your 
    Item type:Publication,
    Тархины менингиом хавдрын зэргэлдээх тархины эдийн хаванг соронзон резонанст томографийн дүрслэлийн шинжүүд, хистологитой харьцуулан судалсан нь
    (2021-04-06) ;
    Д.Түвшинжаргал
    ;
    ; ;
    О.Энхээ
    Менингиом нь төв мэдрэлийн тогтолцооны тархины менингиотель эсээс үүсдэг глийн бус эсийн гаралтай, голлон тохиолддог анхдагч хоргүй хавдар юм. Менингиом нь бусад тархины анхагдагч хавдрууд, үсэрхийлсэн хавдруудын нэгэн адил хаван үүсгэдэг. Хавдрын зэргэлдээх тархины эдийн хаван бол нэмэлт эмнэлзүйн шинж өгөх, тархины дотоод даралтыг ихэсгэх, мэс засал хийлгэхэд хүндрэл үүсгэж, өвчтөний тавиланд муугаар нөлөөлдөг. 2017-2020 оны хооронд Улсын Гуравдугаар Төв эмнэлэгт тархины мэс засалд орж, Эмгэг Судлалын Үндэсний Төвд хистологийн шинжилгээгээр тархины менингиом оношилогдсон 42 тохиолдол дээр ретроспектив судалгааг хийсэн. Дүрслэлийн шинжүүд болох паренхимийн шахагдалт (p<0.0001, ХИДУ p=0.01), зах ирмэгийн байдал (p<0.0001, ХИДУ p=0.004), аалзавч давхрага арилах/ тархин дахь нэвчилт (p=0.02, ХИДУ p=0.02), тодосгогч бодисны дараах тодролын байдал (p=0.09, ХИДУ p=0.034) болон хистологи (p=0.008, ХИДУ p=0.26)-ыг хавантай харьцуулан судлахад статистик ач холбогдол бүхий ялгаа хамааралтай байсан.
  • Some of the metrics are blocked by your 
    Item type:Publication,
    Тархины буглааг үхжилт, уйланхайт хавдраас перфузийн соронзон резонанст томографийн аргаар ялган оношлох асуудалд
    (2021-11-01)
    А.Цэрэнсугир
    ;
    Э.Мөнхбаяр
    ;
    Б.Оюунтогос
    ;
    Г.Мөнгөнбагана
    ;
    Д.Мөнхбаатар
    Эмнэлзүйн болон дүрсийн шинжилгээгээр буглаа нь тархины хавдрын илрэлтэй ижил байж болно. Уламжлалт соронзон резонанст томографи (СРТ) шинжилгээний горимууд нь буглааг хавдраас ялгахад үр дүнгүй хэвээр байна. Иймээс бид тархины буглаа болон үхжилт, уйланхайт хавдруудыг Dynamic susceptibility contrast СРТ-ийн тархины цусны харьцангуй эзлэхүүн (rCBV), тархины цусны харьцангуй урсгал (rCBF), дамжин өнгөрөх дундаж хугацаа (rMTT) үзүүлэлтийг ашиглан ялган оношлохыг зорилоо. Перфузийн СРТ-д цагариг хэлбэрийн тодрол бүхий үүсгэвэртэй нийт 31 үйлчлүүлэгчийг судалгаанд хамруулсан. Үүсгэвэр тус бүрд rCBVmax/rCBVmean, rCBFmax/rCBFmean, rMTTmax/rMTTmean гэсэн перфузийн үзүүлэлтүүдийг хэмжин, эрүүл эдэд харьцуулан тоон утгыг авсан. Үл хамаарах 2 бүлгийн тоон хувьсагчийн ялгааг үл хамаарах 2 түүврийн Т тест ашиглан хооронд нь харьцуулсан болно. Тархины буглааны rCBVmax ба rCBVmean утга болон rCBFmax ба rCBFmean утга тархины уйланхайт, үхжилт хавдрын rCBVmax, rCBVmean ба rCBFmax, rCBFmean утгаас статистик ач холбогдол бүхий ялгаатайгаар бага байсан (P = 0.0001). Харин тархины буглааны rMTTmax, rMTTmean утга 2 бүлгийн хооронд статистик ач холбогдол бүхий ялгаагүй байсан. Тархины буглаа болон үхжилт, уйланхайт хавдруудыг перфузийн СРТ-ийн шинжилгээний аргыг ашиглан ялган оношлох боломжтой байна.
  • Some of the metrics are blocked by your 
    Item type:Publication,
    Чихрийн шижин хэв шинж 2-той насанд хүрэгчдийн тархины цагаан бодисын гиперинтенсив голомтын ачааллын харьцуулсан судалгаа
    (2026-05-22)
    А.Цэрэнсугир
    ;
    ; ;
    Д.Түвшинжаргал
    ;
    Үндэслэл: Чихрийн шижин хэв шинж 2 (ЧШХШ2) нь танин мэдэхүйн үйл ажиллагааны доройтол болон тархины бүтцийн өөрчлөлтөд нөлөөлдөг архаг бодисын солилцооны эмгэг юм. Соронзон резонанст томографийн (СРТ) шинжилгээгээр илрэх тархины цагаан бодисын гиперинтенсив голомт (ЦБГГ) нь тархины жижиг судасны эмгэгийг илтгэх дүрс оношилгооны чухал маркер болдог. Гэсэн хэдий ч манай улсын хүн амд ЧШХШ2-той өвчтөнүүдийн ЦБГГ-ын ачааллыг хиймэл оюунд суурилсан автомат тоон аргаар үнэлж, хяналтын бүлэгтэй харьцуулсан судалгаа хомс байгаа нь энэхүү судалгааг хийх үндэслэл боллоо. Зорилго: Чихрийн шижин хэв шинж 2-той насанд хүрэгчдийн тархины цагаан бодисын гиперинтенсив голомтын ачааллыг үнэлж, хяналтын бүлэгтэй харьцуулах. Арга, аргачлал: Энэхүү аналитик агшингийн, ретроспектив харьцуулсан судалгаанд АШУҮИС-ийн Монгол–Японы эмнэлэгт 2019-2025 онд тархины СРТ хийлгэсэн 40 ба түүнээс дээш насны оролцогчдыг хамруулсан. ЧШХШ2 бүлэгт онош батлагдсан, хяналтын бүлэгт чихрийн шижин болон предиабетгүй оролцогчдыг оруулсан. Томоохон бүтцийн эмгэгтэй, дүрсийн чанар хангалтгүй, автомат боловсруулалт амжилтгүй, эсвэл клиник мэдээлэл дутуу тохиолдлыг хассаны дараа анхан шатанд сонгосон 283 оролцогчоос 257-г эцсийн шинжилгээнд хамруулсан (ЧШХШ2: 71, хяналт: 186). СРТ-ийн 3D T1-weighted MPRAGE болон T2-FLAIR дүрсийг Neurophet AQUA программ (version 3.1)-аар боловсруулж, нийт, гүний, ховдол орчмын Фазекас оноог үнэлсэн. Нас, хүйсээр засварласан эрэмбэт логистик регрессийн шинжилгээг SPSS 25.0 программаар хийж, p<0.05-ийг статистик ач холбогдолтойд тооцсон. Үр дүн: Эцсийн шинжилгээнд 257 оролцогч (ЧШХШ2=71, хяналт=186) хамрагдсан. Бүлгүүдийн хооронд хүйсийн (p=0.046), насны ангиллын (p<0.001) тархалт ялгаатай байсан. ЧШХШ2 бүлэгт нийт ба гүний Фазекас оноо хяналтын бүлгээс өндөр байсан (нийт Фазекас aOR 10.81; 95% CI, 5.2022.49; гүний Фазекас aOR 8.21; 95% CI, 4.32-15.60; хоёуланд p<0.001). Нас ахих тусам нийт (aOR 1.07; 95% CI, 1.03-1.11; p=0.001) болон гүний (aOR 1.04; 95% CI, 1.00-1.08; p=0.037) Фазекас оноо нэмэгдэх хандлагатай байсан бөгөөд эмэгтэй хүйс нийт (aOR 1.95; 95% CI, 1.043.63; p=0.036) болон гүний (aOR 1.95; 95% CI, 1.08-3.51; p=0.026) Фазекасын өндөр ангилалтай холбоотой байв. Дүгнэлт: ЧШХШ2-той насанд хүрэгчдийн тархины ЦБГГ-ын ачааллыг хиймэл оюунд суурилсан автомат тоон СРТ боловсруулалтаар үнэлж, хяналтын бүлэгтэй харьцуулахад ЧШХШ2 нь тархины нийт болон гүний Фазекас оноо өндөр байхтай статистик ач холбогдол бүхий хамааралтай болох нь тогтоогдлоо. Энэхүү хамаарал нь нас, хүйсээр засварласны дараа ч хадгалагдсан. Судалгааны үр дүнгээс үзэхэд хиймэл оюунд суурилсан СРТ-ийн боловсруулалт нь ЧШХШ2-той холбоотой тархины ЦБГГ-ын ачааллыг объектив, тоон, стандартчилсан аргаар үнэлэхэд тохиромжтой арга зүй байж болохыг харуулж байна.
  • Some of the metrics are blocked by your 
    Item type:Publication,
    АШУҮИС-ийн Монгол-Япон Эмнэлгийн Соронзон Резонанст томографийн тархины дүрсийн чанарын хэмжилзүйг автомат аргаар үнэлэх нь
    (2024-05-13)
    Б.Тэмүүжин
    ;
    Д.Мөнхбаатар
    ;
    ;
    П.Энхамгалан
    ;
    Г.Булгантогтох
    Үндэслэл: Тархины Соронзон резонанст томографи (СРТ) нь төв мэдрэлийн тогтолцооны эмгэгүүдийн үед түгээмэл хэрэглэгддэг хүчирхэг дүрслэлийн арга юм. Дүрсийн чанарыг шинжилгээний үед болон дараа нь шалгаж баталгаажуулах нь техникч болон радиологич эмч нарын үүрэг юм. Дүрсийн чанарт үйлчүүлэгчээс хамааралтай хөдөлгөөний артефакт мөн нөлөөлөх бусад төрлийн хүчин зүйлс байдаг. Бид судалгаандаа MRIQC программийн дүрсийн чанарын хэмжилзүй болон радиологич эмчийн дүгнэлтээр чанарыг үнэлэн дүрслэлд нөлөөлөх хүчин зүйлсийг судлахаар зорив. Зорилго: Тархины СРТ шинжилгээний дүрсийн чанарын хэмжилзүйг автомат аргаар үнэлэх. Арга, аргачлал: Энэхүү судалгаанд нь АШУҮИС-ийн Монгол-Японы эмнэлгийн Радиологийн тасагт үйлчлүүлсэн хүмүүсийг ретроспектив чиглэлийн дескриптив аргачлалаар 200 хүмүүсийг хамруулан судалсан. Тархины соронзон резонанст томографийн дүрсийн чанарыг хэмжилзүйн утгуудаар тодорхойлж шинжилгээний гүйцэтгэлтэй холбоотой зарим xхүчин зүйлсийн нөлөөг судлах тархины дүрслэлд үнэлгээ өгсөн. 3DT1 MPRAGE дүрслэлийг MRIQC-д хөдөлгөөний артефакт, тодролшуугианы харьцаа, гавлын дотоод эзэлхүүн, тархины бор ба цагаан бодисны эзэлхүүнийг тооцоолсон. Үр дүн: Судалгааны хугацаанд 525 тархины СРТ-аас шалгуурын дагуу 200 хүний дүрслэлийг хамруулж, үүнээс 31% эрэгтэй, 69% эмэгтэй байсан, дундаж нас 43.38±12.54 жил байв. Дүрсийн чанарыг радиологич эмч нараар үнэлүүлж шинжлүүлэгчдийн нас, хүйс, шинжилгээний тухай ерөнхий мэдлэг, үргэжилсэн хугацаа, явцын тав тух, битүү орчин гэх мэт хүчин зүйлстэй MRIQC хэмжилзүйн утгуудыг харьцуулж судалсан. СРТ-ийн дүрсийн шуугиан болон дүрсийн ялгарал насжилтаас хамаарсан статистик ач холбогдолгүй байсан бол тархи нугасны шингэн насжилтаас хамааран ихэсч r=0.54 p<0.05, тархины бор бодисны эзэлхүүн нь нас ахих тусам буурсан r= -0.306 p<0.05 хандлага ажиглагдсан. Шинжилгээний үеийн тав тух, явцын тухай ерөнхий мэдлэг сайтай байх нь дүрсийн шуугиан болон дүрсийн ялгаралд статистик ач холбогдол бүхий нөлөөлөлгүй байсан. Дүгнэлт: Нас ахих тусам гавал доторхи эзэлхүүнд тархинугасны шингэний эзэлхүүн ихэсч, тархины бор бодисны эзэлхүүн хандлага ажиглагдсан. Үйлчлүүлэгчийн шинжилгээний үеийн тав тух, шинжилгээний талаарх ерөнхий мэдлэг сайтай байх нь дүрсийн шуугиан болон дүрсийн ялгаралд статистик ач холбогдол бүхий нөлөөлөлгүй байсан.
  • Some of the metrics are blocked by your 
    Item type:Publication,
    Архины шалтгаант элэгний хатуурлын үе шатыг Соронзон Резонанст Томографийн b-утгат нэвчилтээр жинлэгдсэн дарааллаар судалсан нь
    (2021-11-01)
    Г.Хөвчин
    ;
    Ц.Эрдэмбилэг
    ;
    ;
    Д.Мөнхбаатар
    ;
    Үндэслэл: Элэгний хатуурал даамжран эргэшгүй сорвижилт өөрчлөлтийг үүсгэнэ. Өнөөдрийг хүртэл эрт үеийн оношилгооний төгс аргачлал хараахан шийдэгдээгүй хэвээр байна. Уг эмгэгийг эрт эхэн үе шатанд нь оновчтой зөв оношилж, үе шатыг тодорхойлж цаг алдалгүй эмчилгээ хийснээр элэгний хатуурал цаашилбал хавдрын үүсэл явцыг удаашруулахад маш чухал ач холбогдолтой юм. Зорилго, зорилт: 3.0T CPT-р архины шалтгаант элэгний хатуурлыг нэвчилтээр жинлэгдсэн дараалалд төрөл бүрийн b-утга ашиглан хатуурлыг үе шатыг тогтоох. Арга, аргачлал: Эмнэлзүй, шинжилгээгээр онош нь батлагдсан архины шалтгаант элэгний хатуурал бүхий 60 өвчтөнийг санамсаргүй түүвэрлэлтийн аргаар сонгож судалгаанд харуулав. Харьцуулах хяналтын хоёр бүлэгт 3.0T СРТ НЖД-аар шинжилгээ хийсний дараа 5 төрлийн b-утгыг (200 s/mm², 400 s/mm², 600 s/mm², 800 s/mm², 1000 s/ mm²) сонгон авч өөр өөр b-утга дахь элэгний ADC үзүүлэлтийг хэмжив. Үр дүн: Архины шалтгаант элэгний хатуурлын үед элэгний паренхимийн ADC үзүүлэлт нь харилцан адилгүй b-утгатай нөхцөлд Чайлд Пьюгийн ангилалын бүх бүлэгт хяналтын бүлэгтэй харьцуулахад бага утгатай байна. Ижил b утгатай нөхцөлд ADC үзүүлэлт нь архины шалтгаант элэгний хатуурлын үе шат хүндрэх тусам аажмаар багасдаг буюу урвуу хамааралтай байна. Харилцан адилгүй b утгатай нөхцөлд хяналтын бүлэг болон архины шалтгаант архинаас хамаараалтай элэгний хатуурал бүхий бүлэг хоорондын ADC үзүүлэлтийн зөрүү нь статистикийн хувьд ач холбогдолтой (p<0.05) байна. Дүгнэлт: CPT-ийн DWI горимын үед ADC үзүүлэлтийн бууралт нь архины шалтгаант элэгний хатуурлын хүндрэлтэй урвуу хамааралтай байна. b=600s/mm² үед DWI-аар архины шалтгаант элэгний хатууралтай өвчтөний элэгний хатуурлыг оношилох үеийн нарийвчлал нь бусад b утгатай нөхцлүүдийн нарийвчлалаас илүү өндөр бөгөөд энэ үед харьцангуй сайн чанартай DWI зураглалыг гаргаж байна. Иймд b утга нь 600 s/mm² байх нь элэгний DWI зураглалын хамгийн тохиромжтой b утга болохыг тодорхойлов.