Даваа–Баасан 08:30–20:00 · Бямба 09:00–16:00

АШУҮИС — Судалгааны мэдээлэл (CRIS)

Permanent URI for this communityhttps://library.mnums.edu.mn/handle/123456789/5001

Browse

Search Results

Now showing 1 - 10 of 33
  • Some of the metrics are blocked by your 
    Item type:Publication,
    SARS-CoV-2 вирусийн дельта дэгдэлтийн эсрэг хэрэгжүүлсэн нийгмийн эрүүл мэндийн зарим арга хэмжээ ба хүүхдийн өвчлөл
    (2025-12-05)
    Ж.Байгалмаа
    ;
    ;
    Д.Гантуяа
    Үндэслэл: Монгол Улсад 2021 оны 8-р сараас эхлэн SARS-CoV-2 вирусийн дельта хувилбар хүн амын дунд эрчимтэй тархаж байсан ба энэ нь бүх шатны боловсролын байгууллагын үйл ажиллагаа танхимаар нээгдэхтэй давхцаж байв. Зорилго: Дельта дэгдэлтийн эсрэг хэрэгжүүлсэн арга хэмжээ хүүхдийн өвчлөлд үзүүлсэн нөлөө, хүүхдийн дундах халдварын ерөнхий нөхцөл байдал, сургуулийн орчинд голомтолсон халдвар бүртгэгдсэн эсэхийг судлах. Арга, аргачлал: Бидний судалгаанд улсын хэмжээнд 2021 оны 1-р сарын 1-нээс 2022 оны 2-р сарын 28-ны хооронд коронавируст халдварын цахим програмд бүртгэгдсэн нийт болон 0-17 настай хүүхдийн коронавируст халдварын батлагдсан тохиолдлын тоо мэдээг ашигласан. Мөн ерөнхий боловсролын сургууль (ЕБС)-ийн орчинд голомтолсон халдварыг тандсан тоо мэдээг ашиглалаа. Дэгдэлтийн туршид хүүхдийн дундах коронавируст халдварын эзлэх хувийн 7 хоноги н хөдөлгөөнт дундаж, 10,000 хүн амд шинэ өвчлөлийн түвшинг тооцсон. Мөн 2021 оны 9-р сарын 1-нд ЕБС танхимаар эхлэх үеийн 0-17 настай хүүхдийн өвчлөл болон харьцангуй эрсдэл (Relative Risk)-ийг тооцон өмнөх хугацаа буюу SARS-CoV-2 Wuhan, Alfa, Omicron дэгдэлтийн өвчлөлтэй харьцуулсан. Коронавируст халдварын эсрэг вакцинд 12-17 насныхан хамрагдсан тул насны бүлгийг 0-4, 5-11, 12-17 нас гэж ангилан харьцуулав. Үр дүн: Улсын хэмжээний нийт коронавируст халдварын өвчлөлд 0-17 насны хүүхдийн халдварын эзлэх хувь SARS-CoV-2 вирусийн 4 өөр хувилбараар үүсгэгдсэн дэгдэлтийн туршид 0.73%-5.93% (min 0.73%; max 8.57%) байв. Харин 10,000 хүн амд тооцсон 14 хоногийн батлагдсан тохиолдлын түвшин дельта (107.57) болон омикрон (113.56) хувилбараар үүсгэгдсэн дэгдэлтийн үед өндөр байв. Өвчлөлийн түвшин 5-11 насанд хамгийн бага байсан ба энэ насны бүлгийг харьцуулах бүлэг болгож, дэгдэлт тус бүрээр бусад насны бүлгийг харьцуулахад зэрлэг омгийн вирусээр үүсгэгдсэн дэгдэлтийн үед 12-17 насныханд харьцангуй эрсдэл 47% буюу хамгийн бага (RR=0.47), харин дельта давалгааны үед хамгийн их буюу 78% (RR=0.78) байна. Дүгнэлт: Коронавируст халдварын цартахлын үед 0-17 насны хүүхдийн нийт өвчлөлд эзлэх хувь 0.73%-5.93% байсан нь бусад улсад хийгдсэн судалгаатай ойролцоо байна. Нийт өвчлөлийн түвшин 12-17 болон 0-4 насныханд өндөр байсан ба дельта хувилбараар үүсгэгдсэн дэгдэлтийн үед 0-4 насныханд өвчлөлийн түвшин хамгийн өндөр байв. Сургуулийн орчинд 6 буюу түүнээс дээш тохиолдол бүхий голомтолсон халдвар бүртгэгдээгүй. Цаашид сургуулийн орчинд томуу, томуу төст өвчний дэгдэлтийн үед хүүхдийн дундах халдварын нөхцөл байдал, гэр болон сургуулийн орчинд халдвар тархах хүчин зүйлсийг судалж, амьсгалын замаар дамжих халдварын тархалтаас урьдчилан сэргийлэх нотолгоо бүхий хариу арга хэмжээ хэрэгжүүлэх шаардлагатай.
  • Some of the metrics are blocked by your 
    Item type:Publication,
    КОВИД-19 өвчний нэн хүнд үе шатанд ECMO эмчилгээ хийсэн зарим дүн
    (2024-01-21)
    Н.Одонтуяа
    ;
    Э.Баярмаа
    ;
    П.Ганцэнгэл
    ;
    Г.Тулга
    ;
    Үндэслэл: Манай улсад Шинэ Коронавирусийн халдварт өвчний үед бэлэн байдлыг хангах зорилгоор анх 2020 оны 8 дугаар сард уушги, зүрх орлуулагч ECMO аппаратыг Улсын Нэгдүгээр Төв Эмнэлэгт ашиглахад бэлэн болгож байсан бол одоогийн байдлаар улсын хэмжээнд нийт 4 аппарат ажиллаж байна. Манай оронд дээрх эмчилгээ уг цар тахлын үед анх удаа ХӨСҮТ-д 2021 оны 02 сард УНТЭ-ийн ECMO эмчилгээний баг хамтран амжилттай хийсэн. Манай орны эмнэлгийн тусламж үйлчилгээнд КОВИД-19 өвчний нэн хүнд үед ECMO эмчилгээг нэвтрүүлсэн ч, түүний хүндрэл, нас баралтыг судалсан дорвитой ажил хийгдээгүй байгаа нь бидний судалгааны үндэслэл болсон юм. Зорилго: Ковид-19 өвчний нэн хүнд үе шатанд ECMO эмчилгээний үр дүнг судлах, нас баралтанд нөлөөлж буй зарим хүчин зүйлийг тодорхойлох. Арга, аргачлал: Бид судалгааг нэг агшингийн загвараар, 2021 оны 02 сараас 2023 оны 10 сарын хооронд Улсын нэгдүгээр төв эмнэлэг (УНТЭ), Цэргийн төв эмнэлэг (ЦТЭ), Халдварт өвчин судлалын үндэсний төвийн эрчимт эмчилгээний тасагт КОВИД-19-ийн нэн хүнд үе шат гэж оношлогдсон ECMO эмчилгээ хийгдсэн 25, ECMO эмчилгээ хийгдээгүй 61 тохиолдлын цахим өвчний түүх, эмнэлзүй лабораторийн шинжилгээ, оношилгооны мэдээллүүдийг хамруулсан. Үр дүн: Судалгаанд хамрагдагсдын дундаж нас 57±11.9 жил байсан бөгөөд (23-84), хүйсийн хувьд авч үзвэл 55.8% (48) нь эрэгтэй, 44.2% (38) нь эмэгтэй байв. Судалгаанд нийт хамрагдагсдын 11.2% (1) нь вакцины эхний тунд, 58.1% (50) нь бүрэн тунд, 7.0% (6) нь нэмэлт тунд, 3.5% (3) нь 4 дэх тунд хамрагдсан бол 30.2% (26) нь вакцинд хамрагдаагүй байв. Нийт тохиолдлын 12.8% (11) нь эмчлэгдсэн бол 87.2% (75) нь нас барсан байна. ECMO эмчилгээ хийгдээгүй тохиолдлын 4.9% (3) нь эмчлэгдсэн бол 95.1% (58) нь нас барсан байна. Харин ECMO эмчилгээ хийгдсэн тохиолдлын 32.0% (8) нь эмчлэгдэж, 68.0% (17) нь нас барсан байна. Харин олон хүчин зүйлийн шинжилгээнд ECMO эмчилгээ хийх нь (OR 0.296, 95% CI 0.156-0.558, p<0.001) нь нас барах эрсдлийн бууруулж байв. Дүгнэлт: Ковид-19 өвчний нэн хүнд үе шатанд ECMO эмчилгээ хийх нь нас баралтыг 29%-иар бууруулж байна. БЖИ өндөр, чихрийн шижинтэй, qSOFA оноо өндөр байх нь нас барах эрсдлийг нэмэгдүүлж байгаа нь тодорхойлогдож байна.
  • Some of the metrics are blocked by your 
    Item type:Publication,
    Коронавируст халдвар (COVID-19) батлагдсан эмчлүүлэгчдэд зүрхний хэм алдагдлыг илрүүлж, нөлөөлөх зарим эрсдэлт хүчин зүйлсийг судалсан үр дүн
    (2023-02-16) ;
    Ц.Сумъяа
    ;
    Ө.Цолмон
    Үндэслэл: Коронавируст халдварт өвчин нь амьсгалын замын хүнд Коронавируст халдвар хэлбэрийн цочмог хам шинж үүсгэгч SARS-CoV-2 вирусээр үүсгэгддэг Зүрхний цахилгаан бөгөөд уг вирус анхдагчаар уушгины эдийг үрэвсүүлж улмаар бичлэг амьсгалын дутагдалд хүргэхээс гадна зүрх судасны тогтолцоонд Хавсарсан өвчин нөлөөлж цусны бүлэн үүсэх, хэм алдагдал зэрэг хүндрэлийг үүсгэж Лабораторийн байна. Зорилго: Коронавируст халдвар батлагдсан эмчлүүлэгчдэд шинжилгээ зүрхний хэм алдагдлыг илрүүлэх, хэм алдагдал үүсэхэд нөлөөлөх зарим хүчин зүйлсийг судлах. Арга, аргачлал: Бид судалгаагаа эмнэлэгт суурилсан нэг агшингийн судалгааны загвараар хийж гүйцэтгэсэн. Судалгаанд АШУҮИС-ийн Монгол-Японы эмнэлгийн Улаан бүсийн тасагт 2021.11.01-нээс 2022.03.01-ийг хүртэлх хугацаанд хэвтэн эмчлүүлэгчдээс судалгаанд хамруулах шалгуур хангасан 85 эмчлүүлэгчийг хамруулсан. Эмчлүүлэгчдээс асуумж авч, амин үзүүлэлтүүдийг хэмжин, лабораторийн шинжилгээ (цусны дэлгэрэнгүй шинжилгээ, С-урвалж уураг, цус бүлэгнэлтийн шинжилгээ, тропонин, электролит гэх мэт), зүрхний цахилгаан бичлэг (ЗЦБ)-ийг тус тус 1 удаа хийсэн. Үр дүн: Судалгаанд хамрагсадын дундаж нас нь 50±15.1 жил, хүйсийн хувьд эмэгтэй44, эрэгтэй41 эмчлүүлэгч байв. Зүрхний хэм алдагдал 27.1% (23)-д, дамжуулалтын алдагдал 12.9% (11)-д илэрсэн, хэм алдагдлын төрлүүдээр авч үзвэл: 15.3% (13) нь синусийн брадикарди, 4.7% (4) нь синусийн тахикарди, 2.4% (2) нь тосгуурын жирвэгнээ, 2.4% (2) нь тосгуурын экстрасистол, 1.2% (1) нь ховдлын экстрасистол, 1.2% (1)-д ховдлын тогтворгүй тахикарди тус тус тохиолдсон. Хэм алдагдалтай эмчлүүлэгчдийн лабораторийн шинжилгээний үзүүлэлтүүдээс: цусны цагаан эсийн тоо, Д-димер, ЛДГ-лактатдегидрогенеза, АЛАТ (аланинаминотрансфераз), нийт холестерол, сийвэнгийн калийн хэмжээ хэм алдагдалгүй эмчлүүлэгчээс статистик үнэн магадлалтай их байв. Биеийн байдал хүндрэхэд ЗЦБ дэх өөрчлөлт (хэм алдагдал, дамжуулалтын алдагдал) нэмэгдэж байлаа (p=0.029). Биеийн байдал хүндрэхэд насжилт нэмэгдэх (p=0.005), зүрх судасны хавсарсан өвчинтэй байх (p=0.03), бусад архаг эмгэгтэй байх (p=0.001) нь нөлөөлж байна. Дүгнэлт: Коронавируст халдвартай эмчлүүлэгчдэд зүрх судасны эмгэгүүдээс: синусийн гаралтай брадикарди, тахикарди, тосгуурын хэм алдагдлууд зонхилон илэрч байв. Зүрхний хэм алдагдал болон дамжуулалтын алдагдал үүсэхэд хэвтэх үеийн биеийн байдал хүнд байх, хавсарсан архаг өвчин эмгэгтэй байх нь ковидын халдвартай хавсран нөлөөлж байна гэж үзэж байна. Харин насжилт өндөр байх, зүрх судасны хавсарсан өвчин, бусад архаг эмгэг нь эмчлүүлэгчийн биеийн байдал хүндрэх эрсдэлт хүчин зүйлс болж байна.
  • Some of the metrics are blocked by your 
    Item type:Publication,
    Коронавируст халдвартай эмчлүүлэгчдийн хүндрэл, нас баралтад нөлөөлж буй зарим хүчин зүйлсийн судалгаа
    (2023-02-16)
    Н.Даваажав
    ;
    М.Мөнхцэцэг
    ;
    М.Цэрэннадмид
    ;
    Б.Оюунгэрэл
    ;
    Үндэслэл: КОВИД-19 өвчний эмнэлзүйн шинж, түүнд нөлөөлж буй Хавсарсан эмгэг хүчин зүйлсийн талаар судалсан эмнэлзүйн судалгаа хангалтгүй байна. КОВИД-19 Уушгины архаг бөглөрөлт өвчин, зүрх судасны өвчин, чихрийн шижин, Үхэл артерийн даралт ихсэх өвчин, таргалалт, хорт хавдар, бөөрний цочмог Эдгэрсэн дутагдал зэрэг нас баралтанд хүргэх гол шалтгаан болж буйг судлаачид SARS-CoV2 тэмдэглэсэн байна. Манай улсад КОВИД-19-ийн улмаас эмчүүлж буй өвчтнүүдийн SARS-CoV2-вирусийн хэвшинжийг тодорхойлох, эмнэлзүйн үе шат, онцлогийг судалж байгаа ч үхэлд хүргэсэн хүндрэл, нас баралтад нөлөөлж буй эрсдэлт хүчин зүйлийг судалсан судалгаа харьцангуй цөөн байгаа нь бидний судалгааны үндэслэл болсон юм. Зорилго: Манай орны нөхцөлд коронавируст халдвар (КОВИД-19)– аар эмчлүүлэгчдийн амь насанд аюултай хүндрэл, үхлийн шалтгаанд нөлөөлж буй зарим хүчин зүйлийг тодорхойлох. Арга, аргачлал: Судалгааг 2020 оны 4 дүгээр сарын 1-ээс 2021 оны 10 дугаар сарын 1-ний хооронд Улсын төв эмнэлнүүдэд КОВИД-19 өвчний улмаас эмчлүүлэн биеийн байдал сайжирч эмнэлгээс гарсан 161 тохиолдол, уг өвчний хүндрэлээр нас барсан 554 тохиолдлыг хамруулж, баримтын судалгааны загвараар хийж гүйцэтгэв. Үр дүн: Судалгаанд хамрагдагсдын хүйсийн хувьд 51.5% нь эмэгтэй 48.5% нь эрэгтэй байв. Тэдгээрийн дундаж нас нь 65.5 жил (18-100) байсан бөгөөд эмчлэгдэж эдгэрсэн бүлгийнхнийг нас барсан бүлгийнхтэй харьцуулахад 60-аас дээш настай хүмүүс эзэлж байсан нь статистик ач холбогдол бүхий ялгаатай байв [57 нас, 69 нас, p<0.001]. Эмчлүүлэгчдийн нас ахих (OR: 1.034, 95% CI: 1.018-1.051, p<0.001), амьсгаадах (OR: 5.209; 95% CI, 3.218-8.430, p<001), халуурах (OR: 0.489, 95% CI, 0.305–0.784, p<0.001), толгой өвдөх (OR: 0.334; 95% CI, 0.205-0.543, p<0.001), амт үнэр мэдрэхгүй болох ( OR: 0.142; 95% CI, 0.073-0.275, p<0.001), цэртэй ханиалгах (OR: 0.509; 95% CI, 0.283-0.917, p=0.025), хоолой өвдөх (OR: 0.956) % CI, 0.251–0.865, p=0.016) зэрэг эмнэлзүйн шинж нь эдгэсэн болон нас барсан бүлгүүдийн хооронд статистик ач холбогдол бүхий ялгаатай байв. Артерийн даралт ихдэх (OR: 5.065, 95% CI, 3.065-8.368, p<0.001) нь эдгэрсэн болон болон нас барсан бүлгийн ооронд статистик ач холбогдол бүхий ялгаатай байв. Дүгнэлт: Коронавируст халдвартай эмчлүүлэгчид 60-аас дээш настай, амьсгал давчдах, ханиалгах, цээжээр өвдөх эмнэлзүйн шинж тэмдэг илрэх мөн зүрх судасны өвчин, артерийн даралт ихсэх өвчин зэрэг нь КОВИД-19 өвчнөөр нас барах эрсдлийг нэмэгдүүлж байна.
  • Some of the metrics are blocked by your 
    Item type:Publication,
    Оюутнуудын тодорхойгүй нөхцөл байдлыг үл тэвчих чадварыг сурах идэвх оролцоотой харьцуулж судалсан нь
    (2022-11-01)
    Б.Энхзаяа
    ;
    Т.Энхсайхан
    ;
    Ц.Дэлгэрмаа
    ;
    Д.Долгорсүрэн
    ;
    Үндэслэл: Ковид-19 өвчний улмаас үүссэн хөл хорио нь оюутан, сурагчдын сурч боловсрох, нийгмийн харилцаанд ороход тодорхойгүй нөхцөл байдлууд үүсгэх, сурах идэвхи буурах зэргээр сөрөг нөлөө үзүүлж байна. Зорилго: Оюутнуудын тодорхойгүй нөхцөл байдлыг үл тэвчих чадвар ба сурах идэвх оролцоог судлах. Зорилт: Судалгаанд оролцогчдын тодорхойгүй нөхцөл байдлыг үл тэвчих чадвар ба сурах идэвх оролцооны түвшинг олон улсад ашиглагддаг асуумжуудаар үнэлж тодорхойлох. Арга, аргачлал: Их сургуулиудад суурилж агшингийн загвараар мэдээллээ Google forms платформийг ашиглан онлайнаар цуглуулсан. Тодорхойгүй нөхцөл байдлыг үл тэвчих чадварыг IUS-12, сурах идэвх оролцоог UWES-17 гэсэн стандарт асуумжуудыг ашиглав. Статистик боловсруулалтыг SPSS 24 программыг ашиглан хийсэн. Үр дүн: Судалгаанд 17-29 насны нийт 697 оюутан хамрагдсаны дундаж нас нь 21.03±1.85 жил байв. Судалгаанд хамрагдсан оюутнуудын тодорхойгүй нөхцөл байдлыг үл тэвчих чадвар сул буюу асуумжийн нийт онооны дундаж нь 38.65±8.48 байсан ба үнэлгээний дэд бүлгээр авч үзвэл оюутнууд өнгөрсөнд чиглэсэн тодорхойгүй нөхцөл байдлаас (15.87±4.03)-ээс илүүтэй ирээдүйд чиглэсэн тодорхойгүй нөхцөл байдалд (22.78±4.96) илүү тэвчээргүй хандаж байв. Түүнчлэн нийт оюутнуудын дийлэнх хувь нь сурах эрч хүч (дундаж 47.1%, сул 34.3%), сурах үйл явцдаа өөрийгөө зориулах чадвар (дундаж 62.7%, сул 26.3%), хичээлдээ уусан орох чадвар (дундаж 58.5%, сул 23.8%) зэрэг чадварууд дундаж ба сул түвшинд байсан. Дүгнэлт: Манай улсын оюутнууд нь тодорхойгүй нөхцөл байдлыг тэвчих чадвар сул бөгөөд сурах идэвх оролцоо нь хангалтгүй түвшинд байна.
  • Some of the metrics are blocked by your 
    Item type:Publication,
    Говь-Алтай аймгийн Нэгдсэн эмнэлэгт ажиллаж байгаа ээлжийн сувилагчдын дундах нойрны өөрчлөлт, түүнд нөлөөлөх хүчин зүйлс
    (2022-11-01)
    Д.Оюунцэцэг
    ;
    ; ;
    Н.Батпүрэв
    ;
    Үндэслэл: Дэлхий даяар өдөр бүр сая сая хүн нойргүйдлийн асуудлаас болж шаналдаг. Барууны орны насанд хүрэгчдийн 10-30%-д нойргүйдэл тохиолддог. Сингапурын судалгаагаар нойргүйдлийн тархалт 15,3%, Японы хүн амын 20-с дээш насны 3030 хүний 21,4%, Солонгосын хүн амын 15-с дээш насны 3719 хүний 17%-д нь 7 хоногийн 3 шөнө нойргүйдэл тохиолддог.1 Дэлхийн олон орны судлаачид хүний биеийн биологийн хэмнэл алдагдах, удаан хугацаагаар нойр хасах, дархлаа сулрах зэрэг нь ээлжийн ажлаас үүдэлтэй бөгөөд энэ нь хорт хавдар, зүрх судасны өвчин, нойрны хямрал, хоол боловсруулах замын өвчний эрсдэлийг нэмэгдүүлдэг болохыг тогтоожээ.2 Нойрны эмгэгүүдийн гол үр дагавар нь нойрны чанарыг бууруулж улмаар удаан хугацаагаар нойр дутмаг байснаас бусад өвчний суурь болдог. Иймд нойрны эмгэгүүд хүний эрүүл байх үндэс суурийг алдагдуулсаар байгаа нь нийгэмд тулгамдаад байгаа олон асуудлын нэг болоод байна. Зорилго: Ээлжийн ажлаас үүдэлтэй нойрны хямрал, түүнд нөлөөлөх зарим хүчин зүйлсийг тодорхойлох. Арга, аргачлал: Бид судалгаагаа Говь-Алтай аймгийн нэгдсэн эмнэлгийн 11 тасгийн нийт 71 ээлжийн сувилагчдын дунд нойргүйдлийн зэргийн индекс (ISI), нойрмоглох байдал үнэлэх / ESS/, стресс, сэтгэл түгшилт, сэтгэл гутралын асуумж (DASS-21) авч, боловсруулалтыг SPSS-24 программыг ашиглан хийж, судалгааны өгөгдлийн тархалтыг Колмогоров Смирновын тестээр шалгаж, статистик ач холбогдлын хамаарлыг Спирманы корреляцийн коффициентээр тооцон гаргасан. Дүгнэлт: Сувилагчдын дунд нойргүйдлийн зэргийн индексийг тодорхойлж үзэхэд 32.4% нь эмнэл зүйн нойргүйдлийн өмнөх үед, 31% эмнэл зүйн нойргүйдэл дунд зэргийн хүндрэлтэй, 12,7% эмнэл зүйн нойргүйдэл хүнд зэргийн хүндрэлтэй байсан бөгөөд нойрмоглох байдлыг үнэлэхэд 42.3% хэвийн, 22.5% дунд зэрэг, 19.7% маш их, 15.5% нь бага зэрэг нойрмоглодог гэж тодорхойлогдсон. Ажлын цагийн үргэлжлэх хугацаа урт байх нь нойргүйдэлд эерэг, дунд зэрэг харин нойрмоглох байдалд эерэг хүчтэй хамааралтай байгаа нь тогтоогдсон.
  • Some of the metrics are blocked by your 
    Item type:Publication,
    КОВИД-19 халдварт өвчний үед вирүсийн эсрэг зарим эмийн эмчилгээний үр дүнгийн судалгаа
    (2022-06-12)
    А.Хулан
    ;
    Ц.Олонбаяр
    ;
    А.Сүнжидмаа
    ;
    Г.Ганзоригт
    ;
    Үндэслэл: 2020 оны 3 сард Шинэ коронавирүст халдварын (КОВИД-19) анхны тохиолдол илэрснээс хойш КОВИД-19 эсрэг эмчилгээний удирдамжид (2022.01.18 А/33) ремдесивир, фавипиравир, молнупиравир зэрэг эмийг дангаар буюу хавсран хэрэглэхээр орсон. Зорилго: СонгиноХайрхан Дүүргийн Нэгдсэн Эмнэлэгт Шинэ коронавирүст халдвар (КОВИД-19) оношоор хэвтэн эмчлүүлсэн эмчлүүлэгчдэд хэрэглэсэн SARS-COV-2 вирүсийн эсрэг зарим эмийн эмчилгээний үр дүнг судлахад оршино. Арга, аргачлал: 2021 оны 7-р сарын 1-нээс 10-р сарын 31 хүртэлх хугацаанд Сонгино-Хайрхан Дүүргийн Нэгдсэн Эмнэлэгт Шинэ коронавирүст халдвар (КОВИД-19) оношоор эмнэлэгт хэвтэн эмчлүүлж вирүсийн эсрэг зарим эмийг хэрэглэсэн эмчлүүлэгчдийн мэдээллийг өвчний түүхээс ремдесивир (100мг), фавипиравир (200мг), арбидол (200мг)+ремдесивир (100мг), фавипиравир (200мг)+ремдесивир (100мг) бүлэглэн ретроспектив аргаар судалсан. Үр дүн: Ремдесивир (100мг) хэрэглэсэн 148 тохиолдлын зовиур, амин үзүүлэлт, рентген шинжилгээ эмчилгээний тав дах хоногт сайжрал өгсөн байна. Харин фавипиравир (200мг) бүлгийн 145 тохиолдлын эмчилгээний үр дүнгийн мэдрэг шалгуур болох SpO2, амьсгалын тоонд гарсан засрал статистикийн үнэн магадлалтай байна (p=0.000). Арбидол (200мг)+ремдесивир (100мг) хэрэглэсэн бүлгийн эмнэлэгт хэвтсэн дундаж ор хоног 12.31±4.1, харин фавипиравир (200мг)+ремдесивир (100мг) бүлгийнх 9.91±2.4 болж дундаж ор хоног буурсан байсан (p<0.005). Дүгнэлт: Сонгино-Хайрхан Дүүргийн Нэгдсэн Эмнэлэгт Шинэ коронавирүст халдвар (КОВИД-19) оношоор хэвтэн эмчлүүлсэн эмчлүүлэгчдэд хэрэглэсэн SARS-COV-2 вирүсийн эсрэг зарим эмүүд үр дүнтэй байна.
  • Some of the metrics are blocked by your 
    Item type:Publication,
    Коронавируст халдварын (COVID-19) үед тохиолдох мэдрэлийн эмнэлзүйн илрэлийг эмнэлэгт хэвтэн эмчлүүлэгчдийн дунд судалсан нь
    (2022-04-28)
    Ц.Дэлгэрмаа
    ;
    Т.Ганцэцэг
    ;
    ;
    Г.Цагаанхүү
    Covid-19 халдварын үеийн мэдрэлийн эмнэлзүйн илрэлийн талаар мэдээлэл үргэлжлэн гарсаар байгаа нь судлаачдын анхаарлыг татаж байна. Зорилго: SARS-CoV-2 халдвараар эмнэлэгт хэвтэн эмчлүүлэгчдэд тохиолдох мэдрэлийн эмнэлзүйн илрэлийн хэлбэр, түүний давтамжийг судлахад оршино. Арга, аргачлал: Судалгаанд 2021 оны 6-р сарын 27-ноос 2021 оны 7-р сарын 27-ны хугацаанд COVID-19 халдварын улмаас эмнэлэгт хэвтэн эмчлүүлсэн 18-аас дээш насны 113 үйлчлүүлэгчдийг проспектив аргаар даган судалж, мэдрэлийн эмнэлзүйн илрэлийн шинж төрхийг эмнэлэгт хэвтэх үед илэрсэн, эмнэлэгт хэвтсэнээс хойш 24 цагийн дараа илэрсэн хоёр бүлгээр хүн амзүй, хавсарсан эмгэг, өвчний хүндийн зэрэг, лабораторийн шинжилгээний үзүүлэлтээр харьцуулан авч үзэв. Үр дүн: Судалгаанд хамрагдсан COVID-19 халдвартай 113 үйлчлүүлэгч эмнэлэгт хэвтсэний дотор 86 (76.1%) тохиолдолд мэдрэлийн шинжтэмдэг хэд хэдэн хэлбэрээр илрэв. Мэдрэлийн талаас илэрсэн хамгийн түгээмэл шинжүүдийн давтамжийг авч үзвэл толгой өвдөх (56.3%), амтлахуйн алдагдал (29.2%), үнэрлэхүйн алдагдал (20,4%), булчингийн өвдөлт (13.3%), толгой эргэх хөдлөл (6.2%), невралги (4.4%), тэнцвэргүйдэл (3.5%) зэрэг нь дангаар буюу хавсарсан шинж төрхөөр илэрч байв. Мэдрэлийн шинжүүд эмнэлэгт хэвтсэнээс хойш 24 цагийн дараа илэрсэн бүлэгт (хэвтэх үеийн илрэлтэй харьцуулахад) өвчний явц илүү хүнд байв (88.6% vs 59.5%, p=0.025). Халуурах, амьсгал давчдах, ханиалгах, хамар битүүрэх, гүйлгэх, суулгах зэрэг шинжтэмдгүүд нь дор хаяж нэг мэдрэлийн хүрээний эмгэг үүсэх эрсдэлийг дагуулж, харин хавсарсан эмгэг нь нэг мэдрэлийн эмгэгийн эрсдэлд хүргэхгүй байв (p>0.05). Дүгнэлт: COVID-19 халдварын үед мэдрэлийн илрэл харьцангуй өндөр давтамжаар хавсран тохиолдох төдийгүй вирусийн халдварыг оношлохоос өмнө эсвэл хүндрэл хэлбэрээр явагдаж байгаагийн дотор толгой өвдөлт, амтлахуй, үнэрлэхүйн алдагдал, булчингийн өвдөлт давамгайлан илэрч байна. Мэдрэлийн шинжүүд COVID-19 халдварын эмнэлзүйн явцад илэрсэн тохиолдолд өвчний явц илүү хүнд байна.
  • Some of the metrics are blocked by your 
    Item type:Publication,
    Коронавируст халдвар (КОВИД-19)-ын вакцины талаар иргэдийн авч буй мэдээллийн эх сурвалжийг судалсан нь
    (2021-06-10)
    Б.Баярмаа
    ;
    А.Ган-Эрдэнэ
    ;
    ; ;
    Коронавируст халдвар (КОВИД-19)-ын вакцины талаар иргэдийн мэдээлэл авч буй эх сурвалжийг тодорхойлох зорилгоор 2021 оны 2-3 дугаар сард Монгол Улсын хэмжээнд хот, хөдөөгийн 18-аас дээш насны нийт 1040 хүн амыг агшингийн судалгааны загвар ашиглан онлайнд суурилсан маягтаар, санамсаргүй түүврийн аргаар судалгаанд хамруулав. Судалгаанд оролцогчид олон нийтийн телевиз, цахим орчин тэр дундаа фэйсбүүк (facebook), цахим мэдээллийн сайтуудаас коронавируст халдвар (КОВИД-19) вакцины талаарх мэдээлэл авсан байна. Богино видео хэлбэрээр бэлтгэсэн мэдээлэл иргэдэд хамгийн хүртээмжтэй байна. Судалгаанд оролцогчдын (53.7%) Коронавируст халдвар (КОВИД-19) вакцинд хамрагдана гэж байгаа бол (39.7%) нь эргэлзэж, (6.6%) нь хамрагдахгүй гэжээ. Мэдээллийн албан ёсны эх сурвалж, мэргэжлийн судалгааны сэтгүүлүүдээс мэдээлэл авдаг иргэдийн хувьд вакцинд хамрагдах хандлага илүү байна. Манай Улсад 2020 оны 6, 7 дугаар сард хийгдсэн судалгаагаар иргэдийн (42.4%) нь цаашид шинэ вакцины талаарх мэдээлэл хэрэгцээтэй гэж үзэж байсан бол бидний судалгаагаар мэдээллийн хэрэгцээ илүү өндөр үзүүлэлттэй буюу (72.3%) байна. Давхардсан тоогоор иргэдийн (65.4%) нь вакцины чанар, (62%) нь аюулгүй байдлын тухай тодорхой мэдээлэл авахыг хүсч байгаа нь вакцинжуулалт эхэлсэнтэй холбоотой байх магадлалтай.
  • Some of the metrics are blocked by your 
    Item type:Publication,
    SARS-CoV-2 вирусын түгээмэл илэрч буй мутациуд
    (2021-09-01)
    Ө.Хулан
    ;
    М.Халиун
    ;
    М.Батхишиг
    ;
    Э.Билгүүн
    ;
    Т.Балжинням
    Амьсгалын замын цочмог хамшинжийг үүсгэгч коронавирусээр (SARS-CoV-2) үүсгэгдсэн КОВИД-19 өвчний (COVID-19) халдварын цар тахал нь Хятадын Хубей мужийн Ухань хотод 2019 оны 12 сард анх дэгдсэн. SARS-CoV-2 нь Betacoronavirus-ийн бүлэгт хамаарагддаг бөгөөд генийн болон фенотипийн бүтцээрээ SARSCoV-79.5% гомологи, MERS-CoV-50% гомологи буюу ижил байна. 2019 оны сүүлээс КОВИД-19 өвчний халдварын тархалт дэлхий даяар хяналтгүй тархсан ба энэ нь вирусын шинэ мутаци үүсэх цаашлаад илүү хор хөнөөлтэй болон эмчилгээнд тэсвэртэй вирусын омог үүсэх нөхцөлийг бүрдүүлж байна. Вирусын омог тогтвортойгоор мутацид орсноор дэлхий даяар вирусын шинэ мутацийн омог тархаж эхэлсэн байна. SARS-CoV-2-ийн шинэ хувилбар нь бусад вирусын хувилбарыг бодвол хурдан, хялбар тархаж байгаа нь уг өвчний халдварын тохиолдлыг ихсэхэд хүргэж байна. SARS-CoV-2 олон тооны хувилбарууд дэлхийн дахинд тархсаар байна. 2020 оны намар Англи улсад B.1.1.7 гэх шинэ мутаци бүхий том хувилбар гарч ирэв. Энэ шинэ хувилбар нь дэлхийн маш олон оронд илэрсэн. Өмнөд Африкт B.1.351 гэж нэрлэгдэх өөр нэг хувилбар гарсан бөгөөд энэ нь B.1.1.7 хамааралгүйгээр үүссэн байна. Энэ хувилбар нь зарим B.1.1.7 агуулсан мутацид оролцдог. Бразилд гарсан Р.1 хувилбар нь 17 төрлийн мутаци агуулдаг түүнчлэн сэртэнт уураг нь рецептор холбогдох 3 домэйнийг агуулдаг. Шинэ мутаци ба шинэ хувилбар нь өвөрмөц оношилгооны шинжилгээгээр илрүүлэхээс зайлсхийх чадвар нь хүмүүст халдвар илүү хурдан тархах, хүнд өвчин үүсгэх зэрэг үр дагавартай байна.