Даваа–Баасан 08:30–20:00 · Бямба 09:00–16:00
Now showing 1 - 10 of 10
  • Some of the metrics are blocked by your 
    Item type:Publication,
  • Some of the metrics are blocked by your 
    Item type:Publication,
    Д аминдэмийн шүдний тулгуур эдийн эмчилгээнд нөлөөлөх байдлыг тодорхойлсон нь
    (2023-11-03)
    Б.Дэлгэрмаа
    ;
    Г.Саруулбуян
    ;
    Э.Насантогтох
    ;
    Б.Балжинням
    ;
    Үндэслэл: Шүдний тулгуур эд (ШТЭ) гэдэг нь шүдийг тулан тогтоож байдаг нэгдмэл үйл ажиллагаатай цогц эд юм. Тулгуур эдийн хүнд хэлбэрийн эмгэг нь шүд хөдөлгөөнд орж сулран, унахад хүргэдэг. ШТЭийн эмгэг үүсэхэд олон хүчин зүйлс нөлөөлдөг ба Д аминдэм болон ШТЭ хоорондоо хамааралтай байгааг судлаачид мэдээлсэн. Гэвч ШТЭийн байдалд Д аминдэмийн нөлөөллийг үнэлсэн Мета-анализ судалгаа цөөн байна. Зорилго: ШТЭ-ийн байдалд Д аминдэмийн нөлөөллийг Мета-анализ судалгааны загвараар тодорхойлох. Арга, аргачлал: Судалгааны аргачлалыг Кохране номын сан (Cochrane library)-ийн удирдамж, олон улсын судлаачдын хамтран хөгжүүлсэн “Preferred Reporting Items for Systematic Reviews and Meta-analysis” PRISMA-2020 загварын дагуу боловсруулан Мета-анализ судалгааны загвараар хийж гүйцэтгэсэн. Судалгааны мэдээлэл боловсруулалтад Endnote 20.2.1, Stata 16.0, RevMan 5.4 программыг ашигласан. Үр дүн: Нийт 32 судалгаанаас Д аминдэмтэй эмнэл зүйн холбоосын түвшинг (ЭХТ) холбосон (n=5), буйлнаас цус гарах байдлыг (БЦГБ) хамааруулсан (n=2) буюу нийт 7 судалгааг Мета-анализын арга ашиглан үнэлэв. Хяналтын бүлэгтэй харьцуулахад Д аминдэм хэрэглэсэн бүлэгт ЭХТ болон БЦГБ үзүүлэлтүүд тус бүр буурсан байв. ЭХТ үзүүлэлт нь (Z=3.38, p<0.00001), стандартчилагдсан дундаж ялгаа -2.86 (95%CI) байлаа. Харин БЦГБ үзүүлэлтийн стандартчилагдсан дундаж ялгаа -7.70 (95%CI) байсан бол ерөнхий нөлөө нь (Z=1.89, р<0.00001) буюу статистикийн өндөр ач холбогдолтой үр дүнтэй байв. Дүгнэлт: Д аминдэм нь түүшин яс болон буйлны эмгэг үзүүлэлтүүдийг бууруулж байна.
  • Some of the metrics are blocked by your 
    Item type:Publication,
    Шүдний гаралтай уйланхайг сувгийн дуран ашиглан сувгийн ретроград арга ба мэс заслын эмчилгээ хавсран эмчилсэн эмнэл зүйн тохиолдолууд
    (2024-05-13)
    Г.Саранчимэг
    ;
    П.Мөнх-Эрдэнэ
    ;
    Ө.Нансалмаа
    ;
    З.Хишигдарь
    ;
    Э.Оршихбаяр
    Сурвалжийн оройн үрэвслүүдийн дотор сурвалжийн оройн уйланхай нь түгээмэл тохиолддог шүдний гаралтай уйланхайн нэг хэлбэр бөгөөд оношлогдсон тохиолдлын 6-55%-ийг эзэлдэг.1,2 Сурвалжийн оройн уйланхайн эмчилгээ нь уйланхайн дотоод даралтыг бууруулах, сурвалжийн оройг тайрч уйланхайг бүрэн авах (цистоэктоми) хоёр үе шаттай хийгддэг. Уйланхайн дотоод даралтыг бууруулснаар уйланхай жижгэрч, зэргэлдээ анатомийн бүтэц гэмтэх нөхцөл төдий хэмжээгээр багасаж, уйланхайн хальс зузаарч хоёрдох мэс заслын үр дүн сайжирдаг.3 Эмнэл зүйн тохиолдол: Үйлчлүүлэгч А, 17 настай, эмэгтэй эмнэлэгт дээд үүдэн шүдний буйл нь хавддаг, үйлчлүүлэгч Б, 33 настай, эмэгтэй тагнай талд хавддаг гэсэн гэсэн зовуурьтай тус тус ирсэн. Оношилгоо болон эмчилгээний зорилгоор хоёр тохиолдолд хэсгийн конус цацрагт компьютер томографийн шинжилгээ хийсэн. Эмчилгээ: Хоёр эмнэл зүйн тохиолдолд сувгийн эмчилгээнд гидроксид кальцийг 6 сарын турш хэрэглэж эмчилгээний төлөвлөгөөний дагуу хэсгийн мэдээ алдуулалтын дор шүдний сурвалжийн оройг мэс заслаар тайрч, сувгийн микроскоп болон ультрасоникийн хошууг ашиглан шүдний сурвалжийн оройг гидроксид кальцийн алюминосиликат суурьтай цементэн биоматериалаар ломбодсон. Үр дүн: Сувгийн эмчилгээнд гидроксид кальцийг хэрэглэхэд хоёр эмнэл зүйн тохиолдолд эерэг үр дүн гарч уйланхайн хэмжээ 20-23% багасаж, ойролцоох түүшин ясны нөхөн төлжилт ажиглагдсан. Дүгнэлт: Кальцийн гидроксидийг эмчилгээний эхний шатанд хэрэглэн уйланхайн хэмжээг бууруулж, дотоод даралтыг багасгаснаар мэс заслын бус болон мэс заслын эмчилгээний үр дүнг дээшлүүлж байна.
  • Some of the metrics are blocked by your 
    Item type:Publication,
    Өнгөрийн гаралтай буйлны үрэвслийн эмчилгээнд пробиотик агуулсан ам зайлах уусмал хэрэглэсэн үр дүн
    (2025-05-05)
    С.Хонгорзул
    ;
    Г.Намуундарь
    ;
    Ч.Нарантуул
    ;
    А.Саранчимэг
    ;
    Н.Болор
    Үндэслэл: Өнгөрийн гаралтай буйлны үрэвслийн эмчилгээнд механик өнгөрийн хяналтаас гадна химийн аргаар өнгөрийг хянах буюу тодорхой хугацаанд ам зайлах уусмал хэрэглүүлэх нь эмчилгээний үр дүн, тавиланд эерэг нөлөө үзүүлж байна. Өнөө үеийн судалгаануудад пробиотик нь амны хөндийн бичил орчны тэнцвэрийг хадгалж, эмгэг төрөгч нянгийн өсөлт, өнгөр үүсэлтийг бууруулж, буйлны үрэвслээс урьдчилан сэргийлэх ач холбогдолтой байгаа нь энэхүү судалгааг хийх үндэслэл болов. Зорилго: Өнгөрийн гаралтай буйлны үрэвслийн эмчилгээнд пробиотик агуулсан ам зайлах уусмалын нөлөөг судлах. Арга, аргачлал: Судалгааг давхар нууцлалтай, санамсаргүй түүвэрлэлт, хяналтат, эмнэл зүйн туршилт судалгааны загвар ашиглан 2025 оны 1 сараас 3 сарын хооронд АШУҮИС-ын Нүүр Ам Судлалын Төв Эмнэлгийн Шүдний Тулгуур Эд, Сувгийн Эмчилгээний Тасагт түшиглэн хийж гүйцэтгэсэн. Судалгаанд шалгуур хангасан 45 хүнийг хамруулсан бөгөөд санамсаргүй түүврийн аргаар 1:1:1 харьцаатай 3 бүлэгт хуваасан. Судалгааны эхний өдөр болон 14 хоногийн дараа сэтгүүрдэхэд буйлнаас цус гарах байдал, өнгөрийн үзүүлэлтийг хэмжсэн. Судалгаанд хамрагсдад чулуу болон өнгөрийн цэвэрлэгээ, амны эрүүл ахуйн зөвлөгөө өгсөн. 1-р бүлэгт пробиотик агуулсан (Бионекс Про, Пробакарт ХХК), 2-р бүлэгт хлоргексидины 0.12% (Хлоргексидин 0.1%, Тавин Ус Фарм), хяналтын бүлэгт ам зайлах уусмал хэрэглүүлээгүй. Үр дүн: Судалгаанд нийт 20-25 насны 45 хүн хамрагдсан (31.1% эрэгтэй). Эхний ирэлтээр өнгөрийн үзүүлэлт, сэтгүүрдэхэд буйлнаас цус гарах байдлын дундаж утга бүлэг хооронд статистик ач холбогдолгүй (p=0.174, p=0.887) байв. 14 хоногийн дараа өнгөрийн үзүүлэлт болон сэтгүүрдэхэд буйлнаас цус гарах байдлын дундаж утга бүлэг хооронд статистик ач холбогдол бүхий ялгаатай байв (p<0.001, p<0.001). 1 болон 2 бүлгийг харьцуулахад 14 хоногийн дараа өнгөрийн үзүүлэлтийн дундаж утгын ялгавар 8.04 буюу статистик ач холбогдолгүй (p=0.39); сэтгүүрдэхэд буйлнаас цус гарах байдлын дундаж утгын ялгавар 2.11 буюу статистик ач холбогдолгүй байна (p=0.89). 1-р бүлгийг хяналтын бүлэгтэй харьцуулахад өнгөрийн үзүүлэлтийн дундаж утгын ялгавар -22.52 буюу статистик ач холбогдолтой (p<0.004), сэтгүүрдэхэд буйлнаас цус гарах байдлын дундаж утгын ялгавар -25.14 буюу статистик ач холбогдолтой (p<0.001) байна. Дүгнэлт: Пробиотик агуулсан ам зайлах уусмал нь FMBS болон FMPS үзүүлэлтүүдийг бууруулж, өнгөрийн гаралтай буйлны үрэвслийн эмчилгээнд хэрэглэхэд үр дүнтэй байна.
  • Some of the metrics are blocked by your 
    Item type:Publication,
    Бодисын солилцооны хам шинжийн зарим үзүүлэлтийг шүдний тулгуур эдийн үрэвсэлтэй холбон судалсан нь
    (2024-04-13) ;
    О.Ганбаяр
    ;
    Н.Болор
    ;
    Г.Хулан
    ;
    З.Хишигдарь
    Үндэслэл: Бодисын солилцооны хам шинж (БСХШ)-ийн үед сийвэн болон буйлны шингэн дэх үрэвслийн медиатор болох адипокин ба глюкозийн түвшин нэмэгдэх, исэлдлийн стрессийн нөлөөгөөр шүдний тулгуур эдийн үрэвсэл (ШТЭҮ)-ийг хүндрүүлдэг нь олон улсын судалгаануудын үр дүнгээр батлагдсаар байна. Зорилго: Бодисын солилцооны хамшинжийн зарим үзүүлэлтийг шүдний тулгуур эдийн үрэвсэлтэй холбон судлах. Арга, аргачлал: Тус агшингийн судалгааг 2023.12 сараас 2024.02 сарын хооронд АШУҮИС-ийн Нүүр Ам Судлалын Төв Эмнэлгийн Шүдний тулгуур эд, сувгийн эмчилгээний тасагт үйлчлүүлсэн 30-55 насны нийт 53 хүнийг хамруулав. Шүдний тулгуур эдийн байдлыг үнэлэхдээ хэмжүүрт сэтгүүр ашиглан шүд тус бүрийн 6 талын эмнэл зүйн холбоосын түвшинд (ЭХТ, мм) үндэслэн 3 бүлэг (эрүүл, I-II зэргийн ШТЭҮ, III-IV зэргийн ШТЭҮ) болгон хуваав. БСХШ-ийг үнэлэхдээ бүсэлхийн тойрог (см), биеийн жингийн индекс (БЖИ, кг/м2), систол болон диастолын даралт (мм м.у.б.), захын цусан дах триглицерид (ТГ, ммоль/л), их нягттай липопротейд (ИНЛП, ммоль/л), өлөн үеийн глюкоз (ӨҮГ, ммоль/л), С-урвалжит уургийн (мг/л) түвшинг тодорхойлсон. Үр дүн: Судалгаанд хамрагдсадын дундаж нас 39.2±5.21; 18.87% (n=10) нь эрэгтэй байв. БСХШ судалгаанд хамрагдсадын 20.75%-д (n=11) илрэв. Эрүүл бүлэг (n=21), I-II зэргийн ШТЭҮ-тэй бүлэг (n=17), III-IV зэргийн ШТЭҮ-тэй бүлэг (n=15) хооронд систол болон диастолын даралт (p<0.01), БЖИ (p<0.001), бүсэлхийн тойрог (p<0.001), ТГ (p=0.006), ӨҮГ (p=0.012)-ийн дундаж үзүүлэлт статистик үнэн магадлал бүхий ялгаатай байв. Корреляцийн шинжилгээгээр систол болон диастолын даралт (r=0.51, p<0.001), БЖИ (r=0.62, p<0.001), бүсэлхийн тойрог (r=0.72, p<0.001), ТГ (r=0.31, p=0.024), өлөн үеийн глюкоз (r=0.38, p=0.005) нь ШТЭҮ-ийн зэрэгтэй шууд хамааралтай байв. Регрессийн шинжилгээгээр бүсэлхийн тойрог (OR=0.09, p=0.025), ӨҮГ (OR=0.06, p=0.002), ТГ (OR=0.13, p=0.004) лавламж хэмжээнээс ихсэх нь ШТЭҮ хүндрэхэд нөлөөлж байгаа нь ажиглагдлаа. Дүгнэлт: Бодисын солилцооны хамшинжийн
  • Some of the metrics are blocked by your 
    Item type:Publication,
    Сонсголын бэрхшээлтэй иргэдэд нүүр амны тусламж үйлчилгээ авах үеийн харилцааны хэлбэр, гарч буй асуудлын судалгаа
    (2024-04-13) ; ;
    Л.Энэрэл
    ;
    Ц.Зултуяа
    ;
    Б.Дагиймаа
    Үндэслэл: Монгол Улсын Хөгжлийн бэрхшээлтэй хүний эрхийн тухай хуулийн 20 дугаар зүйлийн 20.2 дахь хэсэгт эрүүл мэндийн байгууллага хөгжлийн бэрхшээлтэй хүнд эрүүл мэндийн тусламж, үйлчилгээ үзүүлэхдээ тэдний онцлог хэрэгцээ, шаардлагыг хангасан хүртээмжтэй орчин, техник, тоног төхөөрөмжөөр тоноглогдсон байна гэж заажээ. Сонсголын бэрхшээлтэй хүнд эрүүл мэндийн тусламж үйлчилгээ авахад хэрэгцээ, шаардлагыг хангаж ажилладаг чиглэлээр манай оронд хийгдсэн судалгаа, түүнд тулгуурлан хийгдсэн төсөл, арга хэмжээ хангалтгүй байдаг нь манай судалгааны үндэслэл боллоо. Зорилго: Сонсголын бэрхшээлтэй иргэдэд нүүр амны тусламж үйлчилгээтэй холбоотой тулгардаг бэрхшээл, сэтгэл ханамжийг судлах. Материал, арга зүй: Судалгааг сонсголын бэрхшээлтэй иргэдэд зориулсан “Мандах Наран цуглаан”-д явдаг нийт сонсголын бэрхшээлтэй 32 иргэдийг сайн дураар хамруулж, 4 бүлэг бүхий хаалттай болон нээлттэй асуумжийн төрлийг ашигласан. Асуумжийг бичвэр болон дохионы хэл хэлбэрээр хослуулан авч үр дүнгийн боловсруулалтыг STATA программ ашиглан хи квадрат, логистик регресс шинжилгээгээр тодорхойлж р утга <0.05 үед статистик үнэн магадлалтай гэж үзсэн. Үр дүн: Судалгаанд 19-60 насны (дундаж нас 42±14) оролцогчид хамрагдсанаас 40.6% (n=13) нь эрэгтэй байв. Судалгаанд оролцогчид эмч, эмнэлгийн мэргэжилтэнтэй харилцахдаа 64.52% (n=20) нь бичгээр, 25.81% (n=8) нь дохио зангаагаар, 25.81% (n=8) нь дохионы хэлгүй хүнтэй хамт ирдэг, 16.13% (n=5) нь дохионы хэлтэй хүнтэй хамт ирдэг, 12.9% (n=4) нь зургаар, 12.9% (n=4) нь бусад хэлбэрээр болон 3.23% (n=1) нь ярианы хэлбэрээр гэсэн байна. Эмчид зовууриа бүрэн илэрхийлж чаддаггүй 80.64% (n=25) гэсэн ба эрүүл мэндийн үйлчилгээтэй холбоотой ерөнхий сэтгэл ханамжийг үнэлэхэд 22.58% (n=7) нь маш муу, 16.13% (n=5) нь муу, 48.39% (n=15) нь дунд байв. Ерөнхий сэтгэл ханамж сайн байх үзүүлэлтийг эмчийн харилцаа хандлага 22.66 дахин (CI:3.13-163.62, p<0.001), эмчийн хэлсэн зүйлийг ойлгодог байх нь 7.42 дахин (CI:1.22-45.0, p=0.02), үйлчлүүлэгчийн хэлсэн зүйлийг эмч ойлгодог байх нь 9.91 дахин (CI:1.74-56.03, p=0.006) тус тус нэмэгдүүлж байв. Дүгнэлт: Сонсголын бэрхшээлтэй иргэд нь нүүр амны тусламж үйлчилгээ авахдаа эмнэлгийн мэргэжилтнүүдтэй төрөл бүрийн аргаар харилцаж байгаа хэдий ч хүндрэлтэй, ерөнхий сэтгэл ханамж муу байгаа тул дохио болон бичгийн харилцааг хүртээмжтэйгээр хялбарчлах шаардлагатай байна.
  • Some of the metrics are blocked by your 
    Item type:Publication,
    Шүдний тулгуур эдийн үрэвсэлтэй хүмүүст судасны уян чанарт нөлөөлөх зарим хүчин зүйлийг тодорхойлсон дүн
    (2022-06-12) ; ; ;
    Б.Баярчимэг
    ;
    Б.Хонгорзул
    Үндэслэл: Шүдний тулгуур эдийн үрэвсэл (ШТЭҮ) нь 2013 оны судалгаагаар Монгол улсын хүн амын дунд 71.1%-ийн тархалттай байсан бөгөөд үрэвслийн медиаторууд, ШТЭҮ үүсгэж буй бактериуд, өөх тосны нэгдлүүд нь судасны ханыг гэмтээдэг болохыг invivo болон invitro судалгаагаар тодорхойлсон байдаг. Зорилго: Шүдний тулгуур эдийн үрэвсэлтэй хүмүүсийн гүрээний артерийн судасны уян чанарт нөлөөлөх зарим хүчин зүйлийг тодорхойлон судлах. Арга, аргачлал: Судалгааг эмнэлэгт суурилсан аналитик, тохиолдол-хяналтын судалгааны загвараар хийж гүйцэтгэлээ. Тохиолдлын бүлэгт 40-60 насны ШТЭҮтэй, хяналтын бүлэгт насаар ижилсүүлэн ШТЭҮ-гүй, харьцангуй эрүүл 15 хүнийг тус тус хамруулав. Шүдний тулгуур эдийн байдлыг эмнэлзүйн холбоосын түвшин, амны хөндийн дэлгэмэл рентген зураг, захын цусан дахь өөх тосны агууламжийг биохимийн анализатороор, гүрээний судасны ханын дотор-дунд давхаргын зузаан (Д-ДДЗ)-ыг хэт авиан оношилгооны аппарат шугаман үүсгэн бүртгэгчээр хэмжив. Үр дүн: Гүрээний судасны Д-ДДЗ-ы дундаж хэмжээ ШТЭҮ-тэй хүмүүст 0.84±0.01 мм, ШТЭҮ-гүй хүмүүст 0.72±0.02 мм, захын цусан дахь нийт холестерол (НХ), триглицерид (ТГ), бага нягттай липопротейн (БНЛП)ий дундаж агууламж статистик ач холбогдол бүхий ялгаатай их байна (p=0.037). Дүгнэлт: ШТЭҮ-тэй хүмүүсийн захын цусан дах НХ, ТГ, БНЛП-ий дундаж агууламж, гүрээний судасны Д-ДДЗ эрүүл хүмүүстэй харьцуулахад өндөр (p<0.03) байгаа бөгөөд судасны уян чанар багасгах магадлал 2.09 дахин их (95% CI=1.22-3.59, p<0.007) байна.
  • Some of the metrics are blocked by your 
    Item type:Publication,
    Шүдний сувгийн дахин эмчилгээний үед гуттаперч гуттасиалер ломбыг авах аргуудыг харьцуулан судалсан дүн
    (2019-11-18)
    Г.Болортуяа
    ;
    ; ;
    Б.Баярчимэг
    ;
    Шүдний сурвалжийн сувгийн эмчилгээг стандартын дагуу гүйцэд хийгээгүйгээс сурвалжийн оройн тойрон эдийн үрэвсэл болж хүндэрдэг. Энэ хүндрэлийг эмчлэхийн тулд шүдний сурвалжийн сувгийг ломбодсон байнгын ломбоны материалыг авах шаардлага тулгардаг. Эмнэлзүйн практикт сувгийн байнгын ломбыг авах химийн уусмал, механик багаж, техник хосолсон олон төрлийн аргууд хөгжиж нэвтэрсээр байна. Дахин эмчилгээг үр дүнтэй явуулах энгийн, зардал багатай, эмчийн ажилбар, цаг хугацааг хэмнэхэд зохих хувь нэмэр оруулах аргыг харьцуулан судлах шаардлагатай байгаа нь энэхүү судалгааг хийх үндэслэл боллоо. Бид судалгаандаа сувгийн байнгын ломбыг авах аргуудыг хугацаа болон сувагт үлдсэн үлдэгдэл материалын хэмжээгээр харьцуулан судлах зорилго тавьж, эмчилгээний шаардлагаар авагдсан 75 бүтэн бага араа шүдийг түүвэрлэж судлав. Шүд тус бүрийг босоо тэнхлэгийн дагуу 2 хэсэгт хувааж, дижитал микроскоп, AutoCad 2019 программ хангамжаар үлдэгдэл ломбоны материалын талбайн хэмжээг сурвалжийн цөгцний, дунд, оройн 1/3-т мм2-аар тооцон гаргалаа. Бидний судалгаанаас харахад сувагт үлдсэн ломбоны хэмжээ протейпер+гар багаж 9.42%, ультрасоник+гар багаж 9.00%, эндосолв+гар багаж 12.99%ийг эзэлж байна. Мөн эндосолв+гар багаж ашигласан арга хугацааны хувьд бусад аргуудтай харьцуулахад бага буюу 5.37 минут байгаа нь бүлгүүдийн хооронд үнэн магадлал бүхий ялгаатай (p<0.05) үр дүн ажиглагдлаа.
  • Some of the metrics are blocked by your 
    Item type:Publication,
    Монгол орны хойд бүсийн хүн амын шүдний тулгуур эдийн байдал
    (2023-11-03)
    Г.Дэлгэрцэцэг
    ;
    Б. Батбаяр
    ;
    Э.Сумъяа
    ;
    М.Хүслэн
    ;
    Ш.Даваахүү
    Үндэслэл: Шүдний тулгуур эдийн өвчин (ШТЭӨ) нь шүд цоорох өвчний дараа орох өндөр тархалттай, олон шалтгаант өвчин бөгөөд шүдний тойрон эдийн эвдрэлийг үүсгэн улмаар шүдгүйдэлд хүргэдэг өвчин юм. Манай орны хувьд ШТЭӨ-ний тархалт төдийлөн буурахгүй нас ахих тусам нэмэгдэж, буйлны үрэвслээс шүдний тулгуур эдийн үрэвсэл болж хүндэрснээр эмчилгээний шаардлага ч гэсэн ихсэх хандлагатай байна. ШТЭӨ-ний хүндрэлээс сэргийлж, эрт илрүүлэхийн тулд тархалтыг 5 жил тутамд судлах шаардлагатай байдаг нь бидний судалгааны үндэслэл болж байна. Зорилго: Монгол орны Хойд бүсийн хүн амын шүдний тулгуур эдийн байдлыг үнэлэн, тархалтыг судлах. Арга, аргачлал: Бид судалгаагаа 2022.06.22–2022.07.10-ны хооронд Хойд бүсийн 5 аймгийн 13 сумын 1134 иргэнийг санамсаргүй түүврийн аргаар хамруулан, таниулсан зөвшөөрлийг авч амны хөндийн үзлэг оношилгоо хийсэн. Судалгааг Нэг-агшингийн загвараар ДЭМБ-ын аргачлалын дагуу (2013, 5th edition ) хийж гүйцэтгэсэн. Амны эрүүл ахуйн төлөв, шүдний тулгуур эдийн индекс (CPI), эмнэл зүйн холбоосын түвшин зэргийг тодорхойлон үр дүнг STATA программ ашиглан боловсруулав. Үр дүн: Судалгаанд хамрагдсан 15-65 насны хүмүүсийн 77.3% (877) нь эмэгтэй, 22.7% (257) нь эрэгтэй байсан бөгөөд дундаж наслалт нь 33.56±6.58 жил байв. Судалгаанд нийт хамрагдсан 1134 хүний 5.3% нь CPI-0, 10.1% нь CPI-1, 47.0% нь CPI-2, 28.2% нь CPI-3, 9.4% нь CPI-4 үзүүлэлттэй байсан бол 88.4% нь өнгөртэй, 80.4% нь чулуутай байв. Дүгнэлт: Монгол орны Хойд бүсийн хүн амын дунд ШТЭӨ-ний тархалт 94.7% байсан бөгөөд 35-44 насны бүлэгт зонхилон тохиолдож байв. Үүнээс буйлны үрэвслийн тархалт 42.7%, ШТЭҮ-ийн тархалт нь 52.0% байснаас ШТЭ-ийн хөнгөн зэргийн үрэвсэл нь 6.3%, дунд зэргийн үрэвсэл нь 23.1%, хүнд зэргийн үрэвсэл нь 22.6% байлаа.
  • Some of the metrics are blocked by your 
    Item type:Publication,
    Measurement of atherosclerosis markers in individuals with periodontitis
    PURPOSE: The inflammatory response due to inflammatory cytokines, bacterial pathogens, and the altered lipoprotein metabolism in patients with periodontitis indicates that infection with periodontal anaerobic bacteria may influence atherogenesis in vitro and in vivo. We aimed to explore the effect of periodontitis concerning clinical and ultrasound markers of early atherosclerosis. METHODS: In this case-control study, a total of 30 systemically healthy adults (15 with periodontitis and 15 without periodontitis) over 40 years of age were studied. Periodontitis was determined by measuring the clinical attachment level (CAL) and radiographic bone loss (RBL). Conventional cardiovascular risk factors, including body mass index, serum levels of total cholesterol (TCH), triglycerides (TG), and high-density and low-density lipoprotein (HDL and LDL, respectively) cholesterol were evaluated. Carotid artery intima-media thickness (IMT) was measured using ultrasonography. RESULTS: The mean values of the CAL and carotid IMT were 5.02±0.9 mm and 0.084±0.01 cm vs. 1.6±0.61 mm and 0.072±0.02 cm in the periodontitis and healthy groups, respectively, reflecting statistically significant differences (P=0.001 and P=0.037, respectively). There were statistically significant differences in the serum levels of TCH, TG, and LDL between the 2 groups (P=0.017). The CAL and RBL were positively associated with carotid IMT and serum cholesterol levels, except for HDL, whereas tooth loss was not associated with any markers (P<0.05). Compared to the healthy group, participants with periodontitis exhibited 2.09 times higher odds (95% confidence interval, 1.22-3.59) of having subclinical atherosclerosis. CONCLUSIONS: The presence of periodontitis increased the risk of atherosclerosis.
    Scopus© Citations 4